Borðsálmur

1. Hjer er átveizla stór,

Hjer er ólgandi bjór

Drukkinn ákaft í skrautlegum sal.

Hjer er hangikjöt heitt,

Hjer er hnakkaspil feitt,

Hjer er hákall og magála val.

2. Það er miðsvetrar blót,

Það á mjög gamla rót,

Og er meira enn unglinga brek.

Og vjer höldum það enn

Eins og heiðninnar menn

Til að herða vorn manndóm og þrek.

3. Vjer að seiðmanna sið

Unum sumbl og bjór við,

Og vjer súpum í botn hverja skál.

Eptir hanigkjöts át

Skal þó hafa þess gát

Vel að hugsa' um vor framfara mál.

4. Nú vjer heitum á Þór,

Sem var hraustur og stór,

Og sem hrímþursum grandaði bezt,

Svo hann, fremstur í þraut,

Ryðji fjelags vors braut,

Og það framförum nái sem mest.