Patientia er sögð urt

 Patentia er sögð urt er afmorskvæði varðveitt í tónlistarhandritinu Melódíu. Kvæðið tengist sönghefð sem var ríkjandi í tíð Maximilians 1. (f. 1459. d. 1519) keisara Þýskalands. Talið er að kvæði á borð við Patientia er sögð, eigi uppruna sinn í eldri hefð þýsks ástarskáldskapar sem kallast minnesang.

Fyrirsögn:

Patientia er sögð urt

Lagboði:

Lag er varðveitt í tónlistarhandritinu Melódíu (Rask 98), nr. 66. Sjá einnig Bjarna Þorsteinsson 1906–1909, bls. 240. Höfundur handrits hefur ruglast í númeraröðinni og skráir tvö lög við nr. 67. Lagið er upprunalega eftir þýska tónskáldið Ludwig Senfl sem tengdist hirð Maximilians 1. keisara þýska ríkisins frá 1486. 

Höfundur:

Kvæðið er „frjáls útlegging" úr þýsku kvæði. Eitthvað hafa heimildirnar um uppruna kvæðisins skolast til. Ásgeir Bjarnason er nefndur höfundur kvæðis í einni íslenskri ritheimild en það getur varla verið þar sem hann er fæddur árið 1703 og  tónlistarhandritið Melódía er  skráð  árið 1660.

Kvæðagrein:

Afmorskvæði
Kvæði undir sama bragarhætti:

Óvíst

Útgáfur:

Bjarni Þorsteinsson 1906–1909, bls. 240.