Kapangyarihang Taglay ng El Niño

Ni Jose Abuyuan

Nitong mga nakaraang araw, nagbabala ang PAG-ASA o  Philippine Atmospheric, Geophysical and Astronomical Services Association sa lahat tungkol sa malaking pagbabalik ng matinding uri ng init na ito na tinatawag na "El Niño" na halos taon-taong nararanasan sa bansa man umusbong ang pandaigdigang pandemya. Ang panahon ay nagdudulot sa atin ng iba't ibang uri ng pagbabago ng klima mula sa matinding pag ulan sa matinding init mula sa araw, na nagiging sanhi ng lahat ng tao na magkasakit. Ang mahika ng apoy na ito ay nakakaapekto sa respiratory gayundin sa pangkalahatang kalusugan ng tao lalo na sa Pilipinas na nakaranas ng pagtaas ng populasyon at maling aktibidades na nakikibahagi sa ganitong uri ng matinding kondisyon sa klima.

Nakaranas ng kakulangan sa tubig maging sa kuryente ang ilang bahagi ng Luzon sa mga taon bago ang pandemya bunga ng pag aatubili ng pamahalaan na lumikha ng mga bagong mapagkukunan ng sariwang tubig. Dahil sa makabuluhang kaguluhan, ilang rehiyon ng Metro Manila ang walang natatanggap na tubig sa loob ng isang linggo o mas mahaba pa. Ang mga distributors ng tubig tulad ng Manila Water at Maynilad ay nagtatayo ng mga bagong pasilidad gayundin ang pagme-mentina at pag-a-update sa pasilidad na mayroon na sila, ngunit hindi pa rin ito naging sapat upang magbigyang solusyon ang usapan sa El Niño. Kailangang hikayatin ang epektibong pamamahala ng tubig sa malapit na hinaharap, kabilang ang paggamit ng nagamit na tubig at marami pang iba. Hindi maaaring magpatuloy ang normal na operasyon para sa pagkonsumo ng tubig dahil sa kaganapan sa ating kondisyon sa klima. Ang paggamit din ng mga solar panel ay mainam na kagamitan upang magamit ang init bilang isang paraan ng pagpapagana ng kuryente mula sa mga kagamitan sa bahay.   

Sa pamamagitan ng ganitong uri ng solusyon, magagawa o posibleng maibsan nito ang mga epekto ng nagniningas na mahika ng El Niño mula sa ating kalusugan gayundin sa ating komunidad. Sa pamamagitan ng pagkakaroon ng mga kasanayan sa pagbabawas ng panganib at pagbibigay ng maraming pag-unawa laban sa El Niño ay nakatutulong sa atin na umunlad ayon sa inaakala nating mangyari. Sa halip na magdusa mula sa El Niño, ang pinakamalaking aksyon na magagawa natin ay gamitin ang pagkakataong ito para makabuo ng isa pang enerhiya para maging produktibo ito at maibsan ang mahika na sisira ng ating kapaligiran pati na rin ang ating kalusugan. Taon-taon na lamang umuusbong ang ganitong uri ng suliranin sa ating bansa, ano kaya ang mahikang pangmatagalan na maitutulong ng pamahalaan upang malutas ang suliraning ito? Ikaw, ano naman ang mahikang magagawa mo?