Eleksyon para sa mga susunod lider-estudyante, isinagawa sa THS

Isinulat ni Jenica Adlawan

Nagsagawa ng taunang eleksyon para sa mga susunod na magiging lider-estudyante sa Mataas na Paaralan ng Tibagan noong Setyembre 16, 2023 na kung saan bukas ang bawat posisyon para sa mga mag-aaral mula ikapito hanggang ikasampung baitang.

Matapos ma-screen ang mga pinasang application form ng mga nais kumandidato, ang mga napili ay hinati sa dalawang partidong sila ang nagbigay pangalan; P.F.I.Z.E.R. (Perceptive, Fair, and Independent, Students Zealously Empower and Encourage Revisions for Student Welfare) at M.O.D.E.R.N.A (Model Officers Dedicated and Eager in Reinstating Necessary Adjustments).

Tumagal ng isang linggo ang panahon ng halalan kasama na rito ang preparasyon ng bawat partido upang maghanda sa pangangampanya na kung saan iba-iba ang kanilang ginawang pamamaraan para mahikayat ang bawat estudyante upang sila ang iboto.

Araw ng Miyerkules, ika-21 ng Setyembre 2022 nang inanunsyo ang mga nagwagi sa bawat posisyon.Nagwagi sina Butch Bautista sa posisyong Presidente, Angelo Perez bilang Bise Presidente, Louisse Ballesteros bilang Kalihim, Jenica Adlawan bilang Ingat-Yaman, Reign Nicole Garcia bilang Auditor, Jhanneah Delos Santos bilang Peace Officer, at Juliane Tormento bilang Public Information Officer.

Hindi rin nagpahuli sina Lord Ashley Caballero na nanalo sa posisyong Grade 10 Representative, Hannah Trilles sa Grade 9 Representative, Reyannah De Guzman sa Grade 8 Representative, at Christ Russell Perez sa posisyong Grade 7 Representative.

"When I was declared the President-elect, I felt relieved because I was the President last school year, and if I lost, it would just be sad and kinda disappointing on my part— at least that's what I felt. Anyway, at the same time, sadness and worriedness were visible in my expression because many what if’s started popping out from nowhere. Nonetheless, I wanted to make everyone proud, which is why I promised myself to become the president Tibagan High School deserves." ani ni Bautista sa pagkapanalo bilang Presidente.

Inaasahan ng mga mag-aaral ang maganda at tapat na paglilingkod ng mga lider-estudyanteng na nahalal upang mas maging maayos ang lagay ng Mataas na Paaralan ng Tibagan.

Agad namang nagkaroon ng mga proyekto ang lider-estudyante para sa mga estudyante. Isa sa matagumpay na kanilang naisakatuparan ay ang Word of the Day Project. Sila'y nag-popost sa kanilang page tuwing Lunes, Miyerkules at Biyernes ng mga salitang ingles at magkokomento ang mga estudyante ng kanilang sariling pangungusap gamit ang salitang ito.