फसवणुकीच्या उद्देशाने चंदगड तहसील नोंदणी कार्यालयात  खोटे, बनावट दत्तकपत्र बनवण्यात आले. 

दत्तकपत्र खोटे का आहे?

खालील लिंकवर दत्तकपत्र जोडले आहे. त्यावर क्लिक करून ते पाहता येऊ शकते.

The Adoption Deed was recorded in the Sub-Register Chandgad Office on April 27, 2017, and the Registry Doc Number is 442/2018.   

प्रांत / विभागीय अधिकाऱ्यांनी आपल्या जजमेन्ट मधून अनेक मुद्दे चुकीच्या पध्दतीने जस्टिफाय केले आहेत. उदाहरणार्थ पाहा कसे ते:

• त्यांनी दत्तकपत्रामध्ये “28 वर्षांच्या प्रौढ व्यक्तीला - १० वर्षांचे अज्ञानी बालक दाखवणे" जस्टिफाय केले! 

• “80 वर्षांची वृद्ध विसरणग्रस्त आजारी व्यक्ती" मृत्यूपूर्वी काही महिने दत्तक घेऊ शकते, हे जस्टिफाय केले! 

• त्या "अज्ञानी बालकाचे लग्न होणे" जस्टिफाय केले! 

• "कोल्हापूर संस्थानाच्या कालबाह्य निरस्त निबंधानुसार" बनवलेले दत्तकपत्र जस्टिफाय केले! 

• शिवाय "सुप्रीम कोर्टच्या एका निकालाचा विपर्यास" करून दत्तकपत्र जस्टिफाय केले! 

• "दहा दिवसापूर्वी भावाचा मृत्यू झालेला असतानाही - घरी सुतक असतानाही”, सांग्रसंगीत विधीवत समारंभपूर्वक हिंदू प्रथेनुसार दत्तक विधी केला जाऊ शकतो, हे जस्टिफाय केले! 

• आमचे जाधव कुटुंब कोणत्यातरी "आदिवासी जनजातिशी (Tribe)” संबंधित असल्याचे खोटे दर्शवले! 

• आमचे "अनेकानेक मुद्दे आणि पुरावे" कोणतेही लॉजिकल आणि लिगल कारण न देता त्यांनी नाकारले”! 

• हे असं कसलं दत्तक आहे, जे दत्तक घेणाऱ्यालाच आपण दत्तक घेतले आहे, हे माहीत नाही! घरच्या लोकांना माहीत नाही! गावच्या लोकांना माहीत नाही!

खरेतर ज्या दत्तकपत्रच्या  आधारे आमच्या वडिलोपार्जित एकत्र संयुक्त कुंटुबाच्या  (Hindu Undivided Family- HUF) जमिनीत जे फेरफार केले गेले आहेत, ते दत्तकपत्रच बेकायदेशीर आणि खोटे आहे. आणि ते सिद्ध करायला वेगळ्या पुराव्यांचीही गरज नाही, हे खालील गोष्टीवरून सिद्ध होते. २७ एप्रिल २०१७ ला आमच्या ८० वर्षे वृद्ध आजारी काकाला हॉस्पिटलमध्ये डॉक्टरकडे न्यायची बतावणी करून चंदगड नोंदणी कार्यालयात नेण्यात आले आणि त्यांच्या वृधत्वाचा, विस्मरणाचा फायदा घेऊन सदरचे बेकायदेशीर दत्तक पत्र बनवले गेले. हे असं कसलं दत्तक आहे, जे दत्तक घेणाऱ्यालाच आपण दत्तक घेतले आहे हे माहीत नाही!

दत्तक घेणे हा प्रत्येक निपुत्रिक व्यक्तिचा कायदेशीर अधिकार आहे, तो कोणीही नाकारू शकत नाही. पण येथे दत्तक विधान गुपचुप करण्यामागे त्या व्यक्तिची फरसवणूक करणेत आली आहे हे उघड आहे. दत्तक घेणारी व्यक्ती दत्तक गुपचूप लपवून का घेईल, आणि ही गोष्ट स्वतःच्या मृत्यूपर्यंत लपवून का ठेवेल? त्या बिचाऱ्याला फसवलं गेलं. त्याच्या निपुत्रिकपणाची निष्ठुर थट्टा केली गेली. 

त्या दत्तक पत्रातच ते बेकायदेशीर आहे, याचे अनेक दाखले आहेत, उदा. दत्तक पत्र ब्रिटिशकालीन १९२० सालच्या करवीर /कोल्हापूर संस्थानाच्या "कोण दत्तक जाऊ शकेल?" आणि "दत्तक कोण घेऊ शकेल?" या निबंधाचा हवाला देऊन बनवणे, २८ वर्षे वयाच्या प्रौढ व्यक्तीला "अज्ञानी बालक" दाखवणे, त्यानंतर काही महिन्यातच त्या अज्ञानी बालकाचे लग्न होणे, दहा दिवसापूर्वी त्याच घरी भावाचा मृत्यू झालेला असतानाही दत्तक सोहळा सांग्रसंगीत साजरा केलेला दाखवणे, खोटे साक्षिदार उभे करणे, खोटी माहिती नोंदवणे, अशा त्रुटी असूनही निकाल देताना याची दखल घेतली गेली नाही, हे खेदजनक आहे किंवा हे जाणीवपूर्वक दुर्लक्षित केले गेले आहे.

1. २७ एप्रिल २०१७ ला आमच्या ८० वर्षे वृद्ध आजारी काकाला हॉस्पिटलमध्ये डॉक्टरकडे न्यायची बतावणी करून चंदगड नोंदणी कार्यालयात नेण्यात आले आणि त्यांच्या वृधत्वाचा, विस्मरणाचा फायदा घेऊन हे बेकायदेशीर दत्तक पत्र बनवले गेले. १९२० सालच्या ब्रिटिश कालीन कायद्यानुसार बनवले गेले.

2. दत्तकपत्रात कै. गोविंद जाधव यांनी स्वतःच्या राहत्या घरी दिनांक १५ मे २०१५ रोजी हिंदू शास्त्र रिवाजानुसार होम-हवन विधी करून दत्तक घेतले आहे असे दाखवले आहे. १० दिवसापूर्वी, म्हणजे ५ मे २०१५ ला स्वतःचा सख्खा चुलत भाऊ कै. गोपाळ जाधव यांचा त्याच घरी मृत्यू झालेला असतानाही, घरांत सुतक असतांना दत्तक विधी केला जाऊ शकतो हे का मान्य गेले केले, हे अधिकाऱ्यांनी स्पष्ट केलेले नाही.

3. 1 ऑगस्ट 2018 रोजी कै.गोविंद जाधव यांचा मुर्त्यू झाल्यानंतर त्यांच्या तथाकथित दत्तक मुलाने अग्नी देणे किंव्हा इतर विधी करणे आवश्यक असते. पण प्रत्यक्ष तेथे हजर असतानाही त्या दत्तक मुलाने अग्नी का दिला नाही? गावातील आणि बाहेरील शेकडो लोक त्यावेळी तेथे हजर होते.

4. हिंदू अज्ञानत्वं अधिनियम १९५६, कलम ३ नुसार वयाची १८ वषे पूर्ण झालेली व्यक्ती अज्ञान समजली जात नाही व न्यायालयाने पालक नेमला असल्यास २१ वर्षे ठरविले आहे. मग कोणत्या कलमांनुसार २८ वर्षांच्या प्रौढ व्यक्तिला "अज्ञान बालक" दाखवणे विभागीय अधिकाऱ्यांनी कायदेशीर ठरवले हे स्पष्ट केलेले नाही.

5. १९२० सालच्या ब्रिटिश कालीन कोल्हापुर संस्थानाच्या निबंधाना १०० वर्षांनंतरही न्यायिक दृष्टीने ग्राह्य ठरवले 

6. कै. गोविंद नागोजी जाधव यांच्या सख्या बहिणींना आणि सख्या पुतण्यांना साक्षीदार म्हणून का बोलावण्यात आले नाही, हे स्पष्ट केलेले नाही.

7. खरेतर करवीर (आताचे कोल्हापूर) संस्थानाचे नियम चंदगड तालुक्यात लागू होत नाहीत, कारण तो कुरुंदवाड संस्थानाचा भाग होता. चंदगड तालुका आणि आमचे गांव, करवीर संस्थानाचा भाग नसला, तरी त्याला कोल्हापूर संस्थानचे नियम लागू कसे होतात, हे स्पष्ट केलेले नाही.

8. १७ जुलै २०१५ ला सेंट्रल अडॉप्शन रिसोर्स अथॉरिटी (सीएआरए) ने अडॉप्शन प्रोसेस मध्ये बदल केले आणि ते १६ जानेवारी २०१७ ला अंमलात आणले गेले आणि ते अनिवार्य ठरवले गेले. त्यानुसार ज्यांचे वय ५५ वर्षांपर्यंत आहे ते १८ वर्षांपर्यंतचे मूल दत्तक घेऊ शकतात, ह्या वयानंतर दत्तक घेण्यास आणि दत्तक जाण्यास परवानगी नाही.

कोर्ट डॉक मध्ये बाकीचे मुद्दे विस्ताराने मांडले आहेत.

Maharashtra Farmers Against Corruption

चंदगड तहसील नोंदणी कार्यालय, चंदगड, कोल्हापूर, महाराष्ट्र - ४१६५०९.

Chandgad Tehsil Registry Office, Chandgad, Kolhapur, Maharashtra - 416509.