Embedded Files
Primeiro Trimestre
Primeiro Trimestre
Primeiro trimestre
Resumo dos contidos do trimestre
Notación musical (En este artigo da wikipedia podes profundizar e aprender máis sobre notación musical)
Pulso: A base do ritmo, o que move a música. O medimos en golpes por minuto dende que inventamos o metrónomo.
Compás: Agrupación de pulsos. Escríbese com unha fracción.
No numerador indicamos o número de veces que se repite o pulso.
No denominador indicamos a nota á que corresponde o pulso.
4/4 é o compás máis común. Un compás cuaternario. Cada compás repite 4 veces a negra (1/4).
3/4 é un compás ternario. Cada compás repite 3 veces a negra.
3/8 é un compás tamén ternario. A diferencia co anterior é que repite, cada compás, tres veces a corchea (1/8).
Compás de amalgama: Formado por dous compases diferentes.
5/4 > 3/4+2/4 Escoita un compás de 5/4. Take five.
7/4 > 4/4+3/4 Escoita un compás de 7/4. Money
Silencios e figuras:
Visita este enlace en wikipedia e observa a forma e duración dos silencios e das notas musicais.
Tempo: É a velocidade do pulso o medimos en golpes por minuto (tempos por minuto)
Antigamente utilizabamos palabras de orixe italiano:
Adagio (moi lento - 55-66 tempos por minuto (bpm) aprox.)
Andante (menos lento - 76 - 108)
Allegro (Máis rápido - 120 -160)
Presto (Moi rápido - 180 - 200)
A dinámica musical: A intensidade das notas:
As notas pódense tocar con diferente volume, cando se toca "piano" tócase baixo e cando se toca "forte" tócase con máis volume.
A orixe do nome do piano deriva do nome orixinal en italiano: pianoforte.
A intensidade da interpretación indícase na partitura.
Estas son as máis utilizadas, indícanse en forma de siglas baixo o pentagrama.
pp - pianíssimo. Execútase con intensidade moi baixa.
p - piano. Execútase con intensidade baixa.
mp - mezzo piano. Execútase con intensidade moderada.
mf - mezzo forte. Execútase con intensidade moderadamente forte.
f - forte. Execútase con intensidade forte.
ff - fortissimo. Execútase con intensidade moi forte.
A partitura de ritmo:
Na partitura de ritmo non se indican a tonalidade das notas (do, re, mi ...) Indícanse os instrumentos que se tocan. Normalmente cada instrumento equivale a unha liña.
Debaixo temos un exemplo do típico ritmo con caixa a contratempo co charles a corcheas.
A batería e as súas partes:
1 Pratos, normalmente hai dous tipos: o prato de ritmo (Ride) e o Crash
2 Timbal baixo ou tom de chan. O timbal máis grave.
3 Timbais ou toms 1 e 2 (un máis grave co outro)
4 Bombo: O tambor máis grande tócase normalmente co pé dereito.
5 Caixa: Un tambor máis pequeno que leva uns fíos chamados bordóns na parte inferior.
6 Charles ou Hi hat. Cun pedal que normalmente se toca co pé esquerdo podemos abrir ou pechar os dous pratos que o compoñen tendo dous sons característicos. A maior parte do tempo tócase pechado (excepto nalgúns estilos musicais).
Editor de partituras open source.
Manual de Musescore en español
Lembra que para inserir silencios tes que estar en modo edición (N), seleccionar a duración do silencio, facer clic na icona do silencio e inserir co rato o silencio na partitura.
As claves: Representación das alturas.
As claves na notación musical son un signo cuxa función é indicar a altura da música escrita.
A máis utilizada cando aprendemos música é a clave de sol.
1 Clave de Sol. A nota sol está na segunda liña.
2 Clave de Do en terceira. (Alto)
3 Clave de DO en cuarta . (Tenor)
4 Clave de Fa en cuarta. (Baixo)
Existen outras claves de Do, Sol e Fa, estas son as máis utilizadas.
Exemplos das notas en clave de Sol, Fa (4ª), Do (4ª) e Do (3ª).
Fonte (Wikipedia)
As alteracións.
As alteracións cambian o ton da nota.
O sostido # cambia o ton da nota facéndoa 1/2 ton máis agudo.
O bemol b cambia o ton da nota facéndoa 1/2 ton máis grave.
Un do# soa igual a un reb.
Escríbense antes da nota (afectando a todo o compás) ou na clave (desa forma afecta a todas as notas que escribamos).
Música co ordenador:
A música electrónica comeza a desenvolverse a partir da xeneralización dos sintetizadores na década dos 70 do século XX.
Nos anos 80 aparece a necesidade de crear un estándar para comunicar os diferentes instrumentos electrónicos dixitais e analóxicos.
En 1983 un grupo de representantes da industria de fabricantes de instrumentos crean o estándar
MIDI que aínda usamos hoxe.
MIDI: Siglas de Musical Instrument Digital Interface.
Permite conectar ordenadores, teclados musicais, sintetizadores, caixas de ritmo e en definitiva case calquera máquina usada na creación de música.
A versión orixinal tiña tres conectores: IN - OUT - THRU.
OUT > Pola saída out saen as notas e outros comandos para o outro dispositivo. Por cada saída out, pódense enviar ata 16 canles distintos. Permite interpretar 16 instrumentos distintos.
IN < Pola entrada IN entran as notas e outros comandos para o outro dispositivo. Por cada entrada in, pódense recibir ata 16 canles distintos.
THRU > É unha copia exacta da información que o dispositivo recibe polo IN, desta forma un ordenador pode controlar máis dun instrumento.
Midi por USB. Actualmente o estándar MIDI utiliza portos USB para a intercomunicación de dispositivos.
Aprende más sobre MIDI. Visita este enlace se tes curiosidade e queres aprender máis.
Práctica:
Conecta o teclado MIDI ó ordenador portátil. Visita esta páxina para usar instrumentos virtuais:
Online sequencer
E proba a facer melodías e experimentar con sons dos instrumentos virtuais. Estas a usar MIDI por usb!!!
Harmonía:
A harmonía: Ocúpase do estudo dos acordes.
Acorde: Un acorde é unha combinación de tres ou máis notas tocadas ó mesmo tempo. Pódense tocar con un ou varios instrumentos. Tres frautas poderían facer un acorde de do maior.
Do maior: do + mi + sol
Do menor: do + mib + sol
Do maior con sétima menor: do + mi + sol + sib
Todas as cancións están formadas por unha combinación de acordes que forma a estrutura das mesmas. Pode haber varias cancións cos mesmos acordes.
Segundo trimestre
A miña lista de éxitos da música europea entre 1500 e 1900
A miña lista de éxitos da música europea entre 1500 e 1900
Escoita e busca por Internet e aprende e descubre cales son os temas máis recoñecidos deste período ( busca os temas que che gusten máis).
Nun documento de texto fai a túa lista de "superhits" europeos. Organiza a música segundo a clasificación que aparece no artigo da wikipedia: historia de la música.
Podes ver e escoitar este vídeo para facerte unha idea xeral da historia da música europea.
Indica no teu listado a obra que te gusta e o seu autor, indica a data de nacemento e morte do compositor.
Enlaza a a obra a un vídeo de youtube (como fixemos na clase) e o nome do autor ó artigo da wikipedia. Indica o período da historia da música o que pertence.
Para crear enlaces
Para crear enlaces
Primeiro selecciona e copia co botón dereito (ctrl+c) a dirección de wikipedia.
Exemplo: https://es.wikipedia.org/wiki/Wolfgang_Amadeus_Mozart
Ou a dirección do vídeo de youtube: https://www.youtube.com/watch?v=-zpKQFyp79Y
Tamén podes facer click no botón compartir que hai debaixo do vídeo e compiar a dirección que nos da,
como por exemplo: https://youtu.be/-zpKQFyp79Y.
Despois, para crear en LibreOffice ligazóns, seleccionamos co rato o texto que queremos enlazar e facemos click en Insertar > hiperenlace (ctrl+alt+k) e pegamos (ctrl+v) a dirección copiada en URL. Pulsamos en aceptar e se queredes probar se funciona solo hai que facer click no texto pulsando a tecla control ó mesmo tempo.
Un exemplo de como debería ser o traballo:
Un exemplo de como debería ser o traballo:
A primeira obra na que pensei é as catro estacións, mirando en wikipeida, descubrín que foron compostas sobre o ano 1721, no artigo da historia da música descubro que pertence o período chamado Barroco tardío, dentro do período Barroco que a súa vez forma parte do que chamamos música clásica, e 'voilà' xa teño o meu primeiro 'hit':
"As catro estacións" de Antonio Vivaldi (1678-1741)
Como vedes, tamén fixen un enlace ó período da música ó que pertence e ó artigo da wikipedia das catro estacións, no é obrigatorio pero queda máis chulo ;) Ademais no artigo da wikipedia aparece tamén a música.
Buscade polo menos dez super-éxitos en orde cronolóxico (do máis antigo ó máis novo) e indicando o seu período da historia da música.
Outra cousa que me gusta da música clásica é que está libre de dereitos de autor e que podo enlazar, copiar, etc de forma libre. Déixovos aquí un enlace a Wikimedia Commons do outono, a parte que máis me gusta desta obra:
Enlace ó arquivo: Otono, as catro estacións de Antonio Vivaldi.
Pódelo descargar co botón dereito do rato, pásao ;)
Instrucións de presentación (Pendente)
A música de Santi:
A música de Santi:
Mira o videotitorial de Santi, toma nota e completa os teus apuntamentos. Non deixes de anotar a clasificación da música clásica (os diferentes períodos) e os nomes correctos das obras e autores.
O temazo
O temazo
Facemos con reaper un tema mesturando sons en bucle.
O material de traballo está na aula virtual e na nube.
Escoita e vota as tres mellores cancións.
Instruccións: Indica o teu nome e apelidos, non podes votar a túa canción, tes que votar tres temas diferentes en orde de preferencia. Soamente podes votar unha vez.
2º A - Escoita os temas - Vota polas tres cancións que máis che gustaron. 2ºA
-------------------------------------------------------------------------------------------------------------------------------
2º B - Escoita os temas - Vota polas tres cancións que máis che gustaron. 2º B
O son do Ar e a Danza do oso
O son do Ar e a Danza do oso
Aprendemos a escribir e a leer unha partitura con Musescore.
Aprendemos a tocar unha canción.
O material de traballo está na aula virtual e na nube.
Page updated
Google Sites
Report abuse