Sat ég undir fiskihlaða

Sat ég undir fiskihlaða

föður míns og móður,

átti ég að gæta

bús og barna

svíns og sauða.

Menn komu að mér

ráku staf í hnakka mér,

gjörðu mér svo mikinn skaða

löggðu eld í bóndans hlaða;

hlaðinn tók að brenna,

ég fór að renna

allt upp undir lönd,

allt upp undir biskups lönd.

Biskup átti valið bú,

gaf mér bæði uxa og kú,

uxinn tók að vaxa

en kýrin að mjólka.

Sankti María gaf mér sauð

síðan lá hún steindauð,

önnur gaf mér Freyja,

sú kunni ekki að deyja.