Þorrablótskvæði 1910

1. Hallar vetri, hækkar sól.

– Stígur dans vættafans –

Löngu eru liðin jól,

það líður æfi manns.

– Verðir standa annes við og óbyggðir,

verðir standa annes við og óbyggðir lands.

2. Þorri heilsar horskri þjóð

– Stígur dans vættafans –

Sjaldan eru ljúf hans ljóð

né léttstíg gangan hans.

– Verðir standa annes við og óbyggðir,

verðir standa annes við og óbyggðir lands.

3. Fögnum þorra þó í kvöld.

– Stígur dans vættafans –

Hann hefir mátt og mikil völd

og margt er liðið hans.

– Verðir standa annes við og óbyggðir,

verðir standa annes við og óbyggðir lands.

4. Nú eru hrunin hofin öll.

– Stígur dans vættafans –

En mörg eru holt og hraun og fjöll,

það hylst allt sjónum manns.

– Verðir standa annes við og óbyggðir,

verðir standa annes við og óbyggðir lands.

5. Óðinn framdi afrek mörg.

– Stígur dans vættafans –

En nú á hann hvorki hof né hörg

né hylli nokkurs manns.

– Verðir standa annes við og óbyggðir,

verðir standa annes við og óbyggðir lands.

6. Álfar byggja holt og hól.

– Stígur dans vættafans –

Á grænum, rauðum, gulum kjól

þeir ganga í brúðardans.

– Verðir standa annes við og óbyggðir,

verðir standa annes við og óbyggðir lands.

7. Dvergar stórum steinum í.

– Stígur dans vættafans –

Gera þeir að gulli blý

og gimstein kornin sands.

– Verðir standa annes við og óbyggðir,

verðir standa annes við og óbyggðir lands.

8. Hamratröllin hrikastór

– Stígur dans vættafans –

flýðu undan Ása-Þór

og einkum Mjölni hans.

– Verðir standa annes við og óbyggðir,

verðir standa annes við og óbyggðir lands.

9. Vertu ei þeysinn, Þorri minn,

– Stígur dans vættafans –

rjúfðu hvíta kuflinn þinn

með krafti sólgeislans.

– Verðir standa annes við og óbyggðir,

verðir standa annes við og óbyggðir lands.

10. Færðu hylli og heilbrigði.

– Stígur dans vættafans –

Blíðviðri og bjargræði,

þá bindum vér þér krans.

– Verðir standa annes við og óbyggðir,

verðir standa annes við og óbyggðir lands.