Sólarlagsvísur

Senn er komið sólarlag,

sést á norðurtindum,

líður á þennan dýrðardag,

drottinn stýri vindum.

Senn er komið sólarlag,

sést á norðurheiðum,

líður á þennan dýrðardag,

drottinn stýri leiðum.

___________________

Senn er komið sólarlag,

sendi oss drottinn friðinn,

og oss gefi annan dag

eftir þennan liðinn.

Senn er komið sólarlag,

sést á norðurfjöllum,

líður á þennan dýrðardag,

drottinn hjálpi oss öllum.

Senn er komið sólarlag,

sést á norðurheiði,

líður á þennan dýrðardag,

drottinn veginn greiði.

Senn er komið sólarlag,

sést á norðurtindi,

líður á þennan dýrðardag

drottinn gefi oss yndi.

Senn er komið sólarlag

sést á norðurhnjúkum,

líður á þennan dýrðardag,

drottinn hjálpi oss sjúkum.

Senn er komið sólarlag,

sést á norðursteinum,

líður á þennan dýrðardag,

drottinn hjálpi sveinum.

Senn er komið sólarlag,

sorgar hverfi tjóður.

Annist guð vorn allan hag

elskulegur og góður.