Ljósið kemur langt og mjótt

Ljósið kemur langt og mjótt er afar þekkt þjóðvísa sem yfirleitt var sungin í tvísöng áður fyrr. Grýluvísan Hún er suðr'í hólunum var líka sungin með þessu tvísöngslagi

Fyrirsögn:

Ljósið kemur langt og mjótt; Kvæðalag í tvísöng

Lagboði:

Íslenskt tvísöngslag og fleiri íslensk þjóðlög. Sjá Bjarna Þorsteinsson 1906–1909, bls. 533. Lagið lærði Bjarni í Mýrasýslu. Lagið var einnig sungið við Halla kerling fetar fljótt og Grýluvísuna Hún er suðr'í hólunum. Fleiri lagboðar voru einnig notaðir við þessar vísur.

Höfundur:

Ókunnur; þjóðvísur; norðlenskur húsgangur

Kvæðagrein:

Tvísöngvar; Íslensk þjóðkvæði
Kvæði undir sama bragarhætti:

Hún er suðr'í hólunum - Upphaf: „Hún er suðr'í hólunum/ hefir gráa skýlu." Höfundur ókunnur. Sjá grýlukvæðin

Útgáfur:

1. Ljósið kemur langt og mjótt,
langt og mjótt, langt og mjótt.
Ljósið kemur langt og mjótt,
logar á fífustöngum.

2. Halla kerling fetar fljótt,
fetar fljótt, fetar fljótt.
Halla kerling fetar fljótt
framan eftir göngum.

3. Við skulum ekki hafa hátt,

hafa hátt, hafa hátt.

Við skulum ekki hafa hátt

hér er margt að ugga.

4. Eg hef heyrt í alla nátt,

alla nátt, alla nátt.

Eg hef heyrt í alla nátt

andardrátt á glugga.

Heimildir:

Bjarni Þorsteinsson. (1906–1909). Íslenzk þjóðlög. Kaupmannahöfn: S.L. Møller.