Björk

Fyrirsögn:

Björk

Lagboði:

Höfundur:

Kvæðagrein:
Kvæði undir sama bragarhætti:

Fífillinn - Upphaf: „Herskildi fór ég um blómanna byggð". Eftir Helga Hálfdanarson (f. 1826. d. 1894). Óvíst með lag. Lag varðveitt á Ísmús.
Þórarinn Öfjörð A - Upphaf: „Drynur und fjallsrótum, dimm eru ský”. Eftir Bjarna Thorarensen (f. 1786. d. 1841). Kvæðið hefur einnig fyrirsögnina Kötlukvísl. Sjá erfiljóð

Heimild/kvæðið á prenti:

1. Björkin mín væna í vatninu blá

Á vormorgni fögrum þig speglast eg sá

Þá dögglitir fuglar á glitrandi grein

Gólu mót sól, er í austrinu skein, -

Þá blíða mig dagdrauma dreymdi.

2. Um sumarnótt væra, þá silfraði skóg

svífandi máni í lágnættis ró,

á náttgalahljóminn eg hlustaði rótt,

og hjarta mitt kyrrðist um þögula nótt,

hrygð minni hjá þér eg gleymdi.

3. Á hausti þú léðir mér hæli og skjól,

í hreti þá kólguský byrgðu fyr sól,

og laufblöð í storminum fuku um fold,

en faldurinn græni var hniginn að mold;

þá dauft var í dalina auða.

4. Nú skelfurðu, vetrar af hreggbyljum hrist,

og hver mun nú líta við barlausum kvist?

Það fölnar í dag, sem var fagurt í gær,

en frosnum á baðmi mitt vonarlauf grær,

þig ljúfasta lít eg í dauða.