Jón Trausti

Jón Trausti (f. 12. febrúar 1873. d. 18. nóvember 1918) var íslenskur rithöfundur og skáld. Hann hét réttu nafni Guðmundur Magnússon. Jón Trausti fæddist á Rifi á Melrakkastéttu og ólst upp á fátæku heimili. Hann var sendur í fóstur að Skinnalóni eftir að faðir hans lést árið 1877. Hann stundaði prentnám bæði hérlendis og erlendis. Hann fluttist til Akureyrar með konu sinni Guðrúnu Sigurðardóttur árið 1898, sú dvöl var fremur sturr, en þau fluttu síðar til Reykjavíkur árið 1899. 

Jón Trausti gaf út nokkrar ljóðabækur sem fengu misgóða athygli. Fyrsta ljóðabókin hans, Heima og erlendis, fékk til að mynda ekki góðan dóm. Ljóðabók hans númer tvö, Íslandsvísur, þótti mun betri en í henni gaf Jón Trausti meðal annars út ljóðið sem hefst svo: „Ég vil elska mitt land." Bjarni Þorsteinsson þjóðlagasafnari samdi síðan lag við kvæðið. 

Jón Trausti lést árið 1918. Dánarorsök var spænska veikin.

Kvæði eftir Jón Trausta:

1. Heyrðu yfir höfin gjalla - Upphaf: „Heyrðu yfir höfin gjalla."

2. Íslands minni - Upphaf: „Sem spámannleg bending, sem óskeikult orð." Sjá ættjarðarkvæði

3. Íslandsvísur - Upphaf: „Ég vil elska mitt land." Sjá ættjarðarkvæði

4. Þá hugsjónir fæðast - Upphaf: „Þá hugsjónir fæðast fer hitamagn um önd."