Þorravísur Herdísar

1. Þú ert að heilsa Þorri minn,

þýður og hýr á brána.

Við það hjá mér vakna finn

vors - og sumarþrána.

2. Oft varst þú með yglda brá,

illa jafnan séður.

Hverju er að þakka þá

þetta blessað veður?

3. Þú hefur gleymt þín gödduð spor

greiptu líf í dróma.

Þig hefur dreymt þú værir vor

vafið sólarljóma.

4. Hættu köldum hríðarglaum,

hættu slysum valda.

En láttu þig þennan dýrðardraum

dreyma um aldir alda.