Kvæði af herra Jóni og Loga

1. Bóndinn kemur af þingum heim,

– vel vel bún –

dóttir hans stendur upp í bý

og spyr að um Jón.

– Bindum hjálm af gulli

og ekki kemur hann herra Jón.

2. „Hvað er nú títt og hvað er nú mennt?"

– vel vel bún –

„Hann herra Logi hefur þig fest

en ekki hann Jón."

– Bindum hjálm af gulli

og ekki kemur hann herra Jón.

2. „Sé það satt Logi hafi mig fest

– vel vel bún –

sú mun verða blíðan best

ég finni hann Jón."

– Bindum hjálm af gulli

og ekki kemur hann herra Jón.

3. „Einnar bónar bið ég þig, herra,

– vel vel bún –

láttu mitt brullaup í Skáney vera

því þar kemur Jón."

– Bindum hjálm af gulli

og ekki kemur hann herra Jón.

4. Frú var sett á hvítan hest,

– vel vel bún –

allra kvenna reið hún mest

á móts viður Jón.

– Bindum hjálm af gulli

og ekki kemur hann herra Jón.

5. Þegar hún kemur í borgarhlið

– vel vel bún –

Logi og sveinar stóðu þar við

en ekki hann Jón.

– Bindum hjálm af gulli

og ekki kemur hann herra Jón.

6. Frú var sett á bekki,

– vel vel bún –

Logi og sveinar skenktu

en eigi hann Jón.

– Bindum hjálm af gulli

og ekki kemur hann herra Jón.

7. Frú var leidd í brúðarhús,

– vel vel bún –

Loga sveinar báru inn ljós

en ekki hann Jón.

– Bindum hjálm af gulli

og ekki kemur hann herra Jón.

8. Frú var sett á sængurstokk,

– vel vel bún –

frúr og meyjar drógu af henni sokk

en ekki hann Jón.

– Bindum hjálm af gulli

og ekki kemur hann herra Jón.

9. Logi gekk fyrir kónginn inn:

– vel vel bún –

 „Annar sefur hjá brúði mín

og það er hann Jón."

– Bindum hjálm af gulli

og ekki kemur hann herra Jón.

10. Kónginum varð svo skjótt til svara:

– vel vel bún –

„Þið skuluð reyna vopnin saman,

Logi og Jón.

– Bindum hjálm af gulli

og ekki kemur hann herra Jón.

11. Árla morguns þá dagur er ljós

– vel vel bún –

Logi í sín klæði fer skjótt

á móts við Jón.

– Bindum hjálm af gulli

og ekki kemur hann herra Jón.

12. Börðust þeir svo daga þrjá,

– vel vel bún –

„Guð láti minn herra sigurinn fá

og það er hann Jón.

– Bindum hjálm af gulli

og ekki kemur hann herra Jón.

13. Frúin sat og felldi tár

– vel vel bún –

meðan það þeir börðust í ár

hann Logi og Jón.

– Bindum hjálm af gulli

og ekki kemur hann herra Jón.

14. Logi sprangar á dyrnar fast,

– vel vel bún –

Loga háls í sundur brast,

því olli Jón.

– Bindum hjálm af gulli

og ekki kemur hann herra Jón.