Drengurinn minn minn

I. Úr þjóðlagasafni Bjarna Þorsteinssonar (bls. 599). Heimildarmenn: Guðlaugur Jóhannesson (1837–1886) og Guðný Jónasdóttir (1837–1883), bæði úr Eyjafirði.

Drengurinn minn, minn,

mjer lízt á hag þinn,

kondu á kvöldin

klaklaust í tjöldin;

þig kátan þar finn,

þreyttu' ekki hestinn;

annað kvöld mun sveit sinn

segja þig velkominn.

II. Útg. Bjargar Björnsdóttur (1913–1993) frá Lóni í Kelduhverfi:

Drengurinn minn,

mér líst á hag þinn.

Komdu á kvöldin

klaklaust í tjöldin

þig kátan þar finn,

þreyttu' ekki hestinn;

annað kvöld mun sveit sinn

segja þig velkominn.

III. Úr vikivakaritgjörð Ólafs Davíðssonar (bls. 383):

Þorleifur minn, minn,

mér lízt á hag þinn.

Komdu á kvöldin

kátur í fjörðinn.

Þig glaðan þar finn;

þreyttu' ekki klárinn.

Annað kvöld sveit svinn

segir þig minn, minn.

Þorleifur:

Orða jötuns úng Gerður

innan pínir hug minn.

Þundar leikur vífs vindur

varmur upp á frúr arm.

Heitur Gýgjarhúss brjótur,

hana leingi bezt man,

fljóði sjaldan frá líður

fálubyr í neitt mál.

Þolir föður Þórs valur

þeygi nema hjá mey;

geingur sjaldan Gauts blakkur

glaður burt úr þeim stað;

undir Þundar sár svanur

sízt heima kyr víst.

Tíma styttir Týs lómur

tíðum hjá gullshlíð.