Nú eru byrjuð blessuð jól

1. Nú eru byrjuð blessuð jól,

nú breiðir geisla skæra

um grátheim lífs og líknarsól

oss líf og náð að færa;

nú föllnu kyni fagna ber,

því fædd á jörðu gleðin er;

nú þraut of þung er engin;

nú heyrist boðað himni frá:

Guð hefir þóknun mönnum á,

hans ást er aftur fengin!

2.  Í heiminn kom sem ungbarn eitt

hinn æðsti guð af hæðum,

að sekum fengi frelsi veitt

og fulla nægð af gæðum.

Sú hugsun þungbær honum var,

og hjartað sárt hið besta skar,

að guðsmynd göfug týndist;

af kærleik heitum himni frá

kom hann því jörðu sjálfur á,

að fyrir fallna píndist.

(Sálmurinn er í heildina 7. erindi)