Drengurinn drjólinn

Drengurinn drjólinn,

hvar varstu um jólin?

Ég var suður á Helgafelli

að sníða mér kjólinn.

Hvað fékkstu þar í kaup?

Þrjár álnir vaðmáls.

Hvað gerðiru við þær?

Ég sneið úr því stakk og hempu

og stangaða brók.

Konu minni pils og treyju,

húfu handa hundinum,

möttul handa músinni,

kjálkaskjól handa kettinum.

Ein gekk af alin

og hana fékk smalinn.

Hann hljóp í dalinn

og þá varð hann galinn.

Útg. Önnu Helgadóttur á Bjargi í Bakkagerði, Borgarfirði eystra

Drengurinn drjólinn,

hvar varstu um jólin?

Ég var uppi á Helgafelli

að sníða þar kjólinn

hvað fékkstu að launum?

Þrjár álnir vaðmáls

hvað gerðirðu við það

ég sneið mér úr því stutthempu

og stangaðar buxur.

Möttul handa músinni,

kjálkaskjól handa kettinum.

Konu minni hempu og pils

og þá gekk af valinn

hana fékk smalinn.

Datt hann ofan í dalinn

og þá var hann galinn.

Aumingja smalinn.