Nú er jóla komið kvöld

Nú er jóla komið kvöld er óþekkt jólakvæði frá Snæfellsnesi. Jakobína Þorvarðardóttir (f. 1885. d. 1978) frá Arnarstapa á Snæfellsnesi kunni fyrstu tvö erindin. Er þetta danskvæði mögulega eftir Ottó Albert Árnason (1908-1977) frá Ólafsvík? Eða Friðfinn Runólfsson (1881-1970)?

Fyrirsögn:

Lagboði:

Íslenskt þjóðlag. Sjá: https://ismus.is/tjodfraedi/hljodrit/1001393

Höfundur:

Ókunnur

Kvæðagrein:

Jólin; Jóladansar

Kvæði undir sama bragarhætti:

Heimild/kvæðið á prenti:

1. Nú er jóla komið kvöld,

kveikt á blysum verður.

Nú eru upp reist næturtjöld,

nú er margt á ferðum.

– Fagurt er rökkrið við ramman vættarsöng,

við syngjum dátt og dönsum

því nóttin er svo löng.

2. Nú er opið Álfafell

álfar stórir, smáir,

Hlaupa út og renna um svell

rauðir, hvítir, bláir.

– Bú okkar flytjum

og blysin skína í kvöld

og rammur vættasöngur

því nóttin er svo löng.

Syngjum dátt og dönsum,

því nóttin er svo löng.

Ath. Viðlagið „Bú okkar flytjum" í 2. erindi hefur Friðfinnur Runólfsson (f. 1881. d. 1970) notað í sínum skáldskap. Þar er viðlagið ögn öðruvísi:

Bú okkar flytjum
við blysaskin í nótt
meðan sólin sefur
í sævardjúpi rótt.

Sjá:

https://www.borgarfjordureystri.is/is/frodleikur/songtextar/alfasongvar

https://timarit.is/page/3897850?iabr=on#page/n17/mode/2up/search/N%C3%A6turtj%C3%B6ld