Eitt vikivakakvæði

Viðlag: Frið og blessan fái þér

framan en eg kann greina.

Sértu firtur fári allra meina.

1. Sé þín aldrei sæmdin lægð,

sætleiks dygð og sóma nægð.

Um aldir haldist yðar frægð

og auðnu lánið hreina.

Sértu firtur fári allra meina.

2. Vináttan guðs og virða með

verði yður um æfi léð,

við hrekkjum öllum heimsins séð.

Hindran fáið ei neina.

Sértu firtur fári allra meina.

3. Hvar þú sveimar um sjó eður láð,

sjá þú til hið bezta ráð,

að biðja guð um blíða náð,

svo bresti' ei hjástoð neina.

Sértu firtur fári allra meina.

4. Við óvinum gæt þú öllum þín;

auka þeir jafnan sára pín.

Illskan þeirra aldrei dvín,

en elsku hafa ei hreina.

Sértu firtur fári allra meina.

5. Lítist þér einhver vera þinn vin,

vittu hvort það er meir en dyn;

haus á háttum haf það skyn,

hvort trygð hann haldi hreina.

Sértu firtur fári allra meina.

6. Vinur minn góður, við honum þú

varaðu einnin börn og hjú.

Hugsaðu um hvort heldur trú

og hjartans prýði hreina.

Sértu firtur fári allra meina.

7. Voldugur guð yður veiti lið,

svo vélum heimsins sjáir við,

setji' hann yður í sælufrið,

svo kennið eingra meina.

Sértu firtur fári allra meina.

8. Frá hrygðum öllum haldi þig

hæstur guð og sjálfan mig.

Á vondu öllu vinnur svig

verndan hans hin hreina.

Sértu firtur fári allra meina.