Systra kvæði

ÍFk númer:

ÍFk 46

VÓ númer:

VÓ 19

TSB númer:

Varðveisla á Ísl:

Fyrirsögn á íslensku:

Systra kvæði

Agnesar kvæði

Fyrirsagnir á öðrum málum:

Lagboði:

Tvö íslensk þjóðlög

Höfundur:

Ókunnur

Kvæðagrein:

Sagnadansar; Vikivakar

Kvæði undir sama bragarhætti: 

1. Harmabótarkvæði

Útgáfur: 

Efni kvæðis:

Uppruni og aldur kvæðisins:

Meðhöndlun kvæðisins í tímans rás:

Athugasemd:

1. Enginn maður það vissi

– á meðan það var –

utan mín yngsta systir

– og það fór þar

þó hlaut eg minn harm að bera í leyndum stað.

2. Systir sagði móður það,

– á meðan það var –

vissum við af því allar þrjár.

– og það fór þar

þó hlaut eg minn harm að bera í leyndum stað.

3. Móðir talaði nokkur orð,

– á meðan það var –

það fluttist fram á kóngsins borð.

– og það fór þar

þó hlaut eg minn harm að bera í leyndum stað.

4. Kóngurinn sendi mann til mín,

– á meðan það var –

beiddi mig að ganga í höll til sín.

– og það fór þar

þó hlaut eg minn harm að bera í leyndum stað.

5. „Þú munt verða að segja mest

– á meðan það var –

hvörjum unnir manni best."

– og það fór þar

þó hlaut eg minn harm að bera í leyndum stað.

6. „Vilkin var sá mannsari ríkur,

– á meðan það var –

enginn fæðist annar slíkur."

– og það fór þar

þó hlaut eg minn harm að bera í leyndum stað.

7. „Heyrðu það, litla Agnes mín,

– á meðan það var –

hvað fekk hann þér fyrir viljann sinn?"

– og það fór þar

þó hlaut eg minn harm að bera í leyndum stað.

8. „Sá er hringur af brenndu gulli,

– á meðan það var –

eg borgaði um síðir hann að fullu."

– og það fór þar

þó hlaut eg minn harm að bera í leyndum stað.

9. „Kallið á Vilkin hann komi til mín,

– á meðan það var –

spillt skal hann sjálfri eigu sín."

– og það fór þar

þó hlaut eg minn harm að bera í leyndum stað.

10. Hægra fæti í höllina sté:

– á meðan það var –

„Sitjið heill, kóngur, hvað viljið mér?"

– og það fór þar

þó hlaut eg minn harm að bera í leyndum stað.

11. „Heyrðu það, Vilkin, mannsari ríkur,

– á meðan það var –

Agnes unga er þinn líki."

– og það fór þar

þó hlaut eg minn harm að bera í leyndum stað.

12. Agnes faldar höfuð með lín,

– á meðan það var –

Vilkin blandar mjöð og vín.

– og það fór þar

þó hlaut eg minn harm að bera í leyndum stað.

13. Tólf áttu þau börnin,

– á meðan það var –

fleiri áttu þau kastalana,

– og það fór þar

þó hlaut eg minn harm að bera í leyndum stað.