Azalpen egokia egiteko

Behean duzuen koadroan ahozko azalpen txukunerako gomendioak jarri ditugu, baina maltzur samar jokatu dugu eta egin behar ez direnak ere sartu ditugu besteekin nahasian; aztertu zerrenda eta bete orriko azken taula irizpide hauen arabera:

- Ezkerreko zutabean, ahozko azalpen batean egokiak diren jarrerak

- Eskuineko zutabean, desegokiak liratekeenak

Zer non jarri taldekideen artean erabakiko duzue, baina irakaslearekin komentatuko duzue banaketa egin baino lehen. Dena ulertu baduzue, hasi ariketa egiten.

Hasiera-hasieran esango dugu nor garen.
Zuzenean hasiko gara zeta-harren deskribapena egiten.
Azalpena amaitu bezain pronto alde egingo dugu ezer esan gabe.
Eskuak keinuak egiteko eta argazkiak seinalatzeko erabiliko ditugu.
Zer lan egingo dugun esango dugu azalpena hasi baino lehen.
Astiro eta ozen hitz egingo dugu.
Informazioa kontatu beharrean, irakurri egingo dugu.
Buruz ikasiko ditugu esan beharreko hitz guztiak.
Amaieran esango dugu nor garen gu.
Irakasleari edo kamerari begiratuko diegu.
Burua altxatu eta entzuleei begiratuko diegu.
Arin-arin hitz egingo dugu, eta gure kolkorako.
Eskuak patriketan sartuta izango ditugu.
Amaieran, galderak egiteko aukera emango diegu entzuleei.
Amaitu ostean, entzuleei eskerrak eman, eta agur esango diegu.

Ahozko azalpenean nolako jarrera izan behar dugun ikusi ondoren, testu idatzia moldatzeari ekingo diogu. Egin klik eta jo hurrengo orrira.