5.1.3. ariketa. Hizkuntza-baliabideak bilatuko ditugu landutako testuetan

Zer, neska-mutilok! Testua idazten hasteko zain? Orain bai, ezta? Orain idazleen antzera ibiltzeko garaia heldu da, lagunok! Aurreko ariketan ideiak biltzen ibili zarete, eta, egingo duzuen honetan, hizkuntza-baliabideak aukeratzea egokituko zaizue. Gogoratuko duzuenez, 4. moduluan azalpen-testurako aditz egokiak, lexiko zehatza eta ideiak lotzeko testu-antolatzaileak aztertu zenituzten, eta, orain, lan horri etekina ateratzeko garaia heldu da; proiektuan zehar landutako testu batzuk berreskuratu, eta ariketa batzuk egingo dituzue ikasitakoa baliatzeko: A. Lehenengo, deskribapenean nahiz behaketa kontatzeko narrazioan erabili beharreko aditzak aukeratuko dituzue.

B. Gero, zeta-harrak aipatzeko erabili daitezkeen ordezko hitzen zerrenda osatuko duzue.

C. Azkenean, azalpenak ulergarriagoak izan daitezen erabiltzen diren esapideak ekarriko dituzue gogora.

Hasi gaitezen lanean, lagunok!