5.1. jarduera. Testu idatzia prestatzen

IRAKASLEAK AZALDU BEHARREKO LAN-PROZEDURA

Zuen azalpen-testua idazten hasi baino lehen, argibide bat edo beste jaso behar duzuelakoan gaude. Irakurri arretaz beheko prozedura:

3. moduluan osatutako eskemei jarraitu beharko diezue; beraz, zerbait idatziko duzue eskemotan aipatutako puntu guztietan. Gogoratu: IDEIA BAT, PARAGRAFO BAT.
Informazioa zentzu logikoan emango duzue: orden kronologikoa, azalpena eta adibideak, …
Izenburuak erabiliko dituzue testuaren egitura argitzeko.
Irudiak prestatu beharko dituzue zuen lana dotoreagoa eta, aldi berean, ulergarriagoa izan dadin.

Irudikatu zuen azalpen-testua soineko bat balitz bezala. Soinekoa egiteko, oihal zati batzuk moztu behar dira: bizkarraldea eta aurrekoa, maukak …; gero, oihal zatiak prest daudenean, josi egin behar dira, ezta? Horretarako, haria eta jostorratza erabili behar dira.Pentsatu pixka batean eta erantzun:- Zein dira zuen azalpen-testurako “oihal zatiak”?- Zer hari mota erabiliko duzue “oihal zati horiek” josteko?Bai, horixe! Zuen “oihal zatiak” orain arte egindako ariketak izango dira, eta “josteko haria” laugarren moduluan landu dituzuen hizkuntza baliabideak (aditzak, lexikoa, testu antolatzaileak,…)Jostun-lana egiteko, honako pauso hauei jarraituko diezue:

Lehenengo, web-orri bat aztertuko duzue itxurari eta idazteko estiloari erreparatzeko.
Ondoren, 3. moduluan prestatu zenuten eskema erabiliko duzue testurako ideiak biltzeko.
Amaitzeko, arreta handiz erreparatuko diezue erabiliko dituzuen hizkuntza-baliabideei, testua aberasteko eta ulergarriago bihurtzeko ezinbestekoak baitira.
Idatzi eta gero, lana berrikusiko duzue ikaskideen eta irakaslearen laguntzaz.

Lanari buruzko argibideak ulertu badituzue, segi aurrera!