1 - 5 јуни, 2020

Драги мои ученици,

Оваа седмица завршуваме со академскиот дел од нашата учебна година, а бидејќи КРАЈОТ ГО КРАСИ ДЕЛОТО, токму во текот на оваа седмица треба да го дадеме НАЈДОБРОТО од себе.

1. Бидетете навреме присутни на нашата Гугл средба во вторник во 12 часот.

2. Започнете да ја откривате поезијата преку презентацијата објавена под овој текст.

3. Внимателно прочитајте ја песничката „Авионче“.

4. Напишете ја вашата писмена задача.

5. Пратете ми ја завршената задача на мојот меил НЕ подоцна од петок - 5 јуни, 13 часот.

Ве сака,

проф. Деспина

26 мај, 2020

Драги ученици и почитувани родители,

Една од моите омилени изреки коишто потекнуваат од англосаксонското говорно подрачје е изреката - There is no time like SHOWTIME! Но, за да постои шоу од било каков вид, најпрвин мора да постои - текст.

Оваа седмица:

• чекор 1: запознајте ги карактеристиките на драмскиот текст преку приложената презентација.
• чекор 2: прочитајте ги трите приложени текста.
• чекор 3: напишете ја приложената писмена задача и
• чекор 4: испратете ми ја сработената задача според веќе востановената пракса.

Уживајте откривајќи ја детската драма преку гледање и слушање на содржините објавени на оваа врска.

Искрено ваша,

Деспина

22 мај, 2020 - забавна викенд активност

За време на подолгиот викенд, забавувај се дома и гледај:

• натпревари - детски монолог
• театарска претства за деца - Петар Пан

11 мај, 2020

Драги ученици и почитувани родители,

ви посакувам убав ден.

Бидете задолжително присутни на нашата кратка Гугл средба, а со цел појасно да ви го доближам учењето за престојната работна седмица.

Доколку од оправдани причини не можете да присуствувате на средбата:

• чекор 1: прочитајте ја скратената верзија на бајката „Малата сирена“ на оваа врска,
• чекор 2: напишете ја задачата 2 (подолу),
• чекор 3: од речениците добиени во задачата 2, составете краток пасус и напишете го на хартијата за пишување (задача 3 - подолу).

За умните главчиња кои сакаат да сработат нешто повеќе, ја овозможувам задачата 4 (подолу).

Начинот на којшто се испраќаат сработените задачи од учениците, посочен е овде. Задачите треба да се испратат до петок - 15 мај, 13:00 часот.

Доколку немате печатач покрај вас, прочитајте ги моите предлози - овде.

Врската кон дигиталните библиотеки и други интересни содржини, поставена е овде.

Врската кон евидентниот лист за читање и други корисни наставни листови се наоѓа - овде.

Срдечно,

Деспина Мукоска

21 април, 2020

Драги ученици и почитувани родители, добре дојдовте повторно на нашата заедничка страница.

• Аудио - насоките и задачите за оваа работна седмица се наоѓаат под овој текст.
• Начинот на којшто се испраќаат сработените задачи од учениците, посочен е овде.
• Доколку немате печатач покрај вас, прочитајте ги моите предлози - овде.
• Врската кон дигиталните библиотеки и други интересни содржини, поставена е овде.
• Врската кон евидентниот лист за читање и други корисни наставни листови се наоѓа - овде.

Срдечно,

Деспина Мукоска

Корисни информации и врски:

• Дигитална библиотека на тркала - „Чекор по чекор“
• Дигитална библиотека - едиција „Дружината Мела“
• Македонски народни инструменти - квиз
• Бонтон за деца
• Детски драми

Испраќање сработени задачи

Сработените задачи од учениците се испраќаат на despina.mukoska@nova.edu.mk

Доколку тековно зададената задача вклучува повеќе од еден наставен лист, Ве молам НЕ ги испраќајте наставните листови наизменично и по случаен (random) редослед. Почекајте вашето дете да ја сработи задачата целосно и дури потоа испратете ја како единствен документ. На овој начин ќе му дадете значење и тежина на она што го работи вашето дете, a јас ќе имам соодветен преглед и можност за темелно и посветено оценување на задачите. Задачите се предвидени за умерена, но организирана и континуирана работа на ученикот.

Испратените задачи треба да бидат јасно фотографирани или скенирани.

Задачите се испраќаат до крајот на работната седмица.

Често поставувани прашања:

1. Како да постапам доколку немам печатач и не можам да ги преземам наставните листови од страницата?

одговор: Дозволете му на Вашето дете да го прецрта наставниот лист приложен од наша страна. Доколку листот вклучува елементи што се предизвик за дете на оваа возраст, Ве молам направете тоа Вие за Вашето дете.