Stígum við stórum

Stígum við stórum

stundum til grunda,

belg ber ég eftir mér

til barnanna funda.

Hér læt ég skurka

fyrir skáldadyrum.

Vaknaðu Gýgur!

Ei vill Gígur vakna.

Er orðið framorðið?

Sól á milli augna þinna,

sofa máttu lengur

einn dúrinn drengur.

Önnur útgáfa lengri með fornu þululagi:

Stígum við stórum

stundum til grunda,

belg ber ég eftir mér

barnanna fullan.

Hér læt ég skurka

fyrir skáldadyrum.

Vakna þú Gýgur!

Eigi vill gýgur vakna

Hver er komin úti?

Björn á brotnu skipi

Hvað vill hann Björn?

Biðja um nálar.

Hvað vill hann með nálar?

Sauma að segli.

Hvað er að segli?

Slitið af veðri.

Hvað gerðir þú við nálarnar

sem ég fékk þér í fyrragær?

Ég fékk Hala bróður þær.

Hvað gerðir Hali bróðir við þær?

Hann fleygði hann út á miðjar götur

og sagði þau skyldu brenna

á baki þeirrar sem ættu.

Hvað ertu að gera núna?

Ég er að syngja á tölur mínar

eins og hvert annað gott barn í kvöld

því heilagt er á morgun.

Enn önnur útgáfa þar sem dreginn er seimur:

Hér læt ég skurka

fyrir skáldadyrum.

Hver er kominn úti?

Björn á brotnu skipi.

Hvað vill hann Björn minn?

Biðja um nálar.

Hvað vill hann með nálar gera?

Sauma að segli.

Hvað gerðiru að nálunum

sem ég fékk þér í fyrradag?

Ég fékk Hala bróðir.

Hvað gerðir Hali bróðir af?

Hann kastaði þær út á miðjar götur

0g sagði skyldu brenna

á baki þeim sem ætti.