Enn eitt kvæðiskorn að kveða

Viðlag: Hér er gott að dansa,

hér er stofan ný,

hún er öll tjölduð

og þakin með blý.

1. Hér hefi' eg fundið eitt herlegt sprund;

með heiðri prýdd á alla lund,

gæf og hýr er gullhlaðs grund,

með geðsemd gjörir að anza

Hér er gott að dansa.

Fátækur ei forðist sprund,

þótt fari um bý.

Hún er öll tjölduð

  og þakin með blý.

2. Vöxtur hennar víst og skart,

vænt er fljóð og þar með bjart;

hún ber sín klæðin brigðu snart,

á gleði þarf ekki' að stanza

Hér er gott að dansa.

Athöfn hennar og önnur art

auðnan gjörvöll fylgi því.

Hún er öll tjölduð

  og þakin með blý.

3. Heiðurs vífið hreppi sóma,

hér með allan veraldar blóma,

gefi þér Kristur gæfu fróma

og geymi þín frá vansa -

Hér er gott að dansa.

- undir Kristó, elsku blóma,

sem ætíð gjörir af syndum frí.

Hún er öll tjölduð

  og þakin með blý.