Smalastúlkan

Fyrirsögn:

Smalastúlkan

Lagboði:

Eldgamla Ísafold

Höfundur:

Jón Thoroddsen (f. 1818. d. 1868).

Kvæðagrein:
Kvæði undir sama bragarhætti:

Heimild/kvæðið á prenti:

1. Yngismey eina sá

ég þar sem falla blá

gil úr háhlíð;

léttfætt um leiti‘ og börð,

lautir og fjallaskörð

smalar og hóar hjörð

hringalind fríð.

2. Kvíarnar koma á

konur að mjalta þá,

seppi‘ á vegg sest;

kvíar og kannar mær

kindur en vantar tvær;

að fara‘ að elta þær

er þrautin verst.

3. Segðu það brúnablá,

brúður! Hvað skal sá fá,

féð þitt sem fann?

Alsveittur er hann hér,

ærnar hann færir þér;

verðug það virðist mér,

þú vel kyssir hann.