Áfram

Fyrirsögn:

Lagboði:

Höfundur:

Kvæðagrein:

Kvæði undir sama bragarhætti:

Heimild/kvæðið á prenti:

1. Já, láttu gamminn geisa fram 

í gegnum lífsins öldur;

þótt upp þær stundum hefji hramm,

ei hræðstu þeirra gnöldur.

Sjá, hvílík brotnar bárumergð

á byrðing einum traustum,

ef skipið aðeins fer í ferð

en fúnar ekki' í naustum.

2. Og mundu, þótt í votri vör

þú vöknir fyrir sandi,

að bylgjur þær, sem brjóta knör,

þær bera þó að landi,

og stormur þurkar segl í svip,

þótt setji um stund í bleyti,

og — altaf má fá annað skip

og annað föruneyti.