Pilturinn og stúlkan

1. Vinnumaður og vinnukona

töluðu sér til gamans:

„Hvurninn ætlarðu að fæða mig

þegar við tökum saman?"

2. „Ég skal taka mér staf í hönd

og ganga upp með á,

veiða margan smásilung

að fæða þig á."

3. „Hvurninn ætlarðu að fæða mig

ef fiskurinn vill ekki bíta?"

„Ég skal þá til bónda,

rífa korn og slíta."

4. „Hvurninn ætlarðu að fæða mig

ef bóndi á ekki korn?"

„Ég skal þá á smalaþúfu

blása hátt í horn

5. „Hvurninn ætlarðu að fæða mig

ef lúður vill ekki láta?"

„Ég skal þá á stræti

smíða skip og báta."

6. „Hvurninn ætlarðu að fæða mig

ef nagli vill ekki ganga?"

„Farðu þá til Óðins

og aflaðu þér þar fanga."