Kvæði af herra Birni og Ingigerði

1. Herra Björn og Ingigerður

töluðu þau sér gaman;

en í hæga loftinu

lágu þau bæði saman.

– Sá er enginn glaður eftir annan þreyr.

2. „Hvörninn skaltu, Ingigerður,

una við þitt líf

ef eg fer í önnur lönd

að fastna mér víf?“

– Sá er enginn glaður eftir annan þreyr.

3. „Annað hvort mun eg

lifa eða dey

þó þú farir í önnur lönd

og fastnir þér mey.“

– Sá er enginn glaður eftir annan þreyr.

4. Af því spurði hún Ingigerður

herra Björn þá:

„Hvör er nú sú voldugleg

að þinn stár hugurinn á?“

– Sá er enginn glaður eftir annan þreyr.

5. „Engilborg heitir sú,

kóngsins barn,

hana vilda eg vefja

á mínum arm.·

– Sá er enginn glaður eftir annan þreyr.

6. Að því spurði hún Ingigerður

herra Björn sinn:

„Nær á eg að bera

mín gulli búin skinn“?

– Sá er enginn glaður eftir annan þreyr.

7. „Á morgun skaltu bera

þín gulli búin skinn,

ganga so glaðlega

fyrir brúðirnar inn.

– Sá er enginn glaður eftir annan þreyr.

8. Ganga so glaðlega

fyrir brúðirnar inn,

nefnast frúin Margrét

systir mín.“

– Sá er enginn glaður eftir annan þreyr.

9. Troðið var þar organ

og slegið symfón

þá hún ríka Engilborg

ríður sig í tún.

– Sá er enginn glaður eftir annan þreyr.

10. Silkið og pellið

var á bekkinn breitt

þá hún ríka Engilborg

var til sætis leidd.

– Sá er enginn glaður eftir annan þreyr.

11. Að því spurði hún Engilborg

herra Björn sinn:

„Hvör skenkir mjöðinn

og það skíra vín?“

– Sá er enginn glaður eftir annan þreyr.

12. „Það er hún frúin Margrét

systir mín,

hún skenkir mjöðinn

og það skíra vín.“

– Sá er enginn glaður eftir annan þreyr.

13. „Sé hún það frúin Margrét

systir þín

því falla henni so

tárin á kinn?

– Sá er enginn glaður eftir annan þreyr.

14. „Því falla henni

tárin á kinn,

hún þreyr eftir

festarmanninn sinn.“

– Sá er enginn glaður eftir annan þreyr.

15. „Þreyi hún eftir

festarmanninn sinn

giftu hana Knúti kóngi

kæra bróður mín.“

– Sá er enginn glaður eftir annan þreyr.

16. „Ég get ekki sannar

sagt þér í frá,

Knút bróður þinn

vill hún ekki sjá.“

– Sá er enginn glaður eftir annan þreyr.

17. Síðan aftnar,

rökkur fellur á,

herra Björn vill sig

til sængurinnar gá.

– Sá er enginn glaður eftir annan þreyr.

18. Hún dró af þeim

gulli búinn skó,

óx henni harmur

um hjartað nóg.

– Sá er enginn glaður eftir annan þreyr.

19. Hún breiddi yfir þau

það hvíta lín:

„Sofi þið með yndi,

hreppið aldrei pín.“

– Sá er enginn glaður eftir annan þreyr.

20. Seinast breiddi

hún pellið á:

„Sofið þið með yndi,

hreppið aldrei þrá.“

– Sá er enginn glaður eftir annan þreyr.

21. Að því spurði hún Engilborg

herra Björn þá:

„Hver er nú so voldugleg

að pellið breiðir á?“

– Sá er enginn glaður eftir annan þreyr.

22. „Það er hún frúin Margrét

systir mín,

hún breiðir pellið

og það er hvíta lín.“

– Sá er enginn glaður eftir annan þreyr.

23. „Sé hún það frúin Margrét

systir þín

því falla henni

tárin á kinn?“

– Sá er enginn glaður eftir annan þreyr.

24. „So falla henni

tárin á kinn

sem hún hafi eitthvört sinn verið

unnustan þín.“

– Sá er enginn glaður eftir annan þreyr.

25. „Eg get ekki dulið þig

fyrir vísdómnum þín.

Það er hún frúin Ingigerður

festarmærin mín.“

– Sá er enginn glaður eftir annan þreyr.

26. Hún gekk sig til svefnstofu,

heyrði að hún kvað:

„Hvort gjörir ríka frúin

sefur eða vakir?“

– Sá er enginn glaður eftir annan þreyr.

27. Svaraði sú

hin ríka frú:

„Sofið hef eg til þessa

en vaki eg nú.“

– Sá er enginn glaður eftir annan þreyr.

28. Upp stóð hún Engilborg

af herra Bjarnar armi:

„Leggstu niður, Ingigerður,

linaðu þínum harmi.

– Sá er enginn glaður eftir annan þreyr.

29. Allt það rauðagull

sem eg flutta með mér

það skal eg, frúin Ingigerður,

láta gefa þér.

– Sá er enginn glaður eftir annan þreyr.

30. Það skal eg, Ingigerður,

láta gefa þér

og yndið hans

herra Bjarnar með.

– Sá er enginn glaður eftir annan þreyr.

31. En so var hún Engilborg

úr höllinni út,

ekki náði hann herra Björn

í hennar skikkjuskaut.

– Sá er enginn glaður eftir annan þreyr.

32. Þetta talar hún Engilborg,

hún rið sig undan tjaldi:

„Hvört barn lifir hér

í vors herra valdi.

– Sá er enginn glaður eftir annan þreyr.

33. „Sjö hef eg mönnunum

verið gift

en allar hafa mig eljurnar

yndinu svipt.“

– Sá er enginn glaður eftir annan þreyr.

34. hún reið sig úr hliði:

„Hvört barn lifir hér

í vors herra friði.“

– Sá er enginn glaður eftir annan þreyr.

35. Þetta talar hún Engilborg,

hún reið sig úr hliði:

„Hvört barn lifir hér

í vors herra friði.“

– Sá er enginn glaður eftir annan þreyr.