Kalt er litlu lummunum

1. Kalt er litlu lummunum

líkna vill þeim enginn

pabba er hlýtt á höndunum,

hann skal verma drenginn.

2. Farðu að sofa fyrir mig,

fyrst þú mátt og getur;

ég skal breiða ofan á þig

ofurlítið betur.

3. Og ekki þarna inn

þó það væri gaman,

stóri rússi, strákurinn

stangar mig í framan.

4. Bítur upp á bænum enn

býsna stór með hornin sín,

hrúturinn sem hræðir menn,

hann er á litinn eins og svín.

5. Blágrá mín er besta ær,

ber hún af öllum kindunum.

Ég sá hana efst í gær,

upp á fjallatindunum.