Ang Tula't Kaniyang Hiwaga

Sa dugtong ng mga letra, mga salita’y nagkapitkapit

Hiwagang bumububuklat sa bawat sambit

Sumasalamin sa mga dunong na kay rikit

Sining sa sanlibong henerasyon ay bitbit

Mga tugmang walang katapusan

Mapaglarong mga taludturan

Talinghagang may taglay na katingkaran

Sadyang iniukit sa papel na walang laman

Tila isang tungtungan ang mga tula

Nang matanaw ang tanglaw ng pag-asa

Tila isang laya sa mga ibong nakahawla

Mga bagwis ay bali, kamangamgan ay ‘di makalaya

Mga tala ma’y umandap, at mga dahon ay tumuklap

Patuloy na maipipinta ng mga sulat ang ating hiraya

Binibigkis ang karungan ng ating mga tula

Karungan na ang pugad ay ating pusong gipalpal mg hiwaga

THE CLARIONETTE