ЧАС ПАБУДОВЫ: 

1928-1930 гады

АРХІТЭКТАРЫ: 

невядома

АРХІТЭКТУРНЫ СТЫЛЬ: 

мадэрн

ЦІКАВЫЯ ФАКТЫ:

Верагодна, яўрэі ў Ражанцы з'явіліся ў ХVII стагоддзі. З пісьмовых крыніц вядома, што ў 1847 годзе тут стала пражывала больш за дзве сотні іўдзеяў. У канцы ХІХ стагоддзя іх колькасць амаль дасягнула 550 чалавек, што складала каля 70% насельніцтва мястэчка.

Сярод вядомых яўрэяў, якія маюць дачыненне да Ражанкі, варта адзначыць знакамітага амерыканскага танцора, харэографа і пастаноўшчыка мюзіклаў Джэрома Робінса, бацька якога Гершэль Рабіновіч паходзіў з Ражанкі.

У пачатку ХХ стагоддзя ў Ражанцы меліся два драўляных бейт-мідрашы і сінагога. У выніку вялікага пажару ў 1927 годзе абодва бейт-мідрашы згарэлі. У 1928 годзе пры фінансавай дапамозе землякоў, якія эмігравалі у Злучаныя Штаты, масцовая абшчына пачала будаўніцтва мураванага бейт-мідраша. У 1930 годзе адбылося ўрачыстае адкрыццё новага будынку.

У Другую ўсясветную вайну яўрэйскае насельніцтва Ражанкі было скіравана нацыстамі ў Шчучынскае гета, і амаль цалкам знішчана ў маі 1942 года.

У пасляваенны час ў будынку сінагогі размяшчаліся ўстановы культуры (клуб, Дом культуры). Пасля ўзвядзення новага будынку Дома культуры аб'ект некаторы час не выкарыстоўваўся.

У 1998 годзе будынак рашэннем райвыканкама быў перададзены на патрэбы мясцовай праваслаўнай супольнасці. Пасля грунтоўнай перабудовы ў верасні 2004 года ён быў асвечаны як царква ў гонар Раства Хрыстова.   

ГЕАГРАФІЧНЫЯ КААРДЫНАТЫ:

гуглмапс

СПАСЫЛКІ Ў СЕЦІВЕ:

старонка на рэсурсе Radzima.org

старонка на партале Глобус Беларусі

старонка на партале The Bezalel Narkiss Index of Jewish Art