Peizen de simpelste en rapste broodjes...
400 gr blomme
2 dl melk, nie te koed
42 gr vesche hist
20 gr buttere
5 gr zoet
Oe mak je da kloar?
Miengt de blomme, melk, hist, butter en zoet
Een olf eure kneen met de masjiene.
Tonne de deeh e bitje roend maakn, in e schale legn me e nantoek ip en loatn riezn in den oovn van 50 groadn gedeurende e nolf eure.
Deeh ut diene noven aaln, heeil vorzichtjes utroln en der e woste van maakn. Die woste moej ton in geliekehe stikn snien.
Van die stiksjes mak je bolletjes en zien dat de noad aloender zit.
Weere in dienen ooven, e kartje an 50 groadn.
Achter da kart de broodjes utaaln en den oven ip 230 groadn zetten.
Bistewiele kuj de broodjes insmêren me woater en e bitje blomme.
Je ku de broodjes ook e sneetje geevn aboovn, stief schoône, je goa da sien...
Os den oovn warm genoeh et moejze 10 minuutn toe e kart in den ooven zetten voa te bakn.
Bie da deeg kujje ook 3 tintjes geperste look doen.