WILLIAM BUTLER YEATS

IRLANDAR ABIADOREAK BERE HERIOTZA IGARRI DU

euskaratzailea: Joseba Sarrionandia

Izkiriaturik aurkitu ditudan ene poemak, Pamiela, 1985

Badakit ene patua aurkituko dudala

Han goian, hodeien artean;

Ez diet erasotzen ditudanei gorroto,

Ez ditut defendatzen ditudanak maite;

Kiltartan Cross da ene herrialdea

Kiltartan aldeko pobreak dira ene herkideak,

Ene heriotzaren abisuak ez die haiei deus kenduko,

Ez die lehen baino zorion gehiago emango.

Ez ninduen burruka honetara bultzatu

ez legeak ez eginbideak,

Ez gizon publikoek, ez populuaren zaratak,

Atsegin joera bakarti batek ekarri ninduen

Hodei arteko iskanbila honetara;

Balantzan imini nuen guzia, bere garrantzia kalkulatu,

Etortzear zeuden urteak arnasa hutsala ziren,

Arnasa hutsala ziren joandako urteak.

Bizitza honekiko balantzan, heriotza hau.

POEMA HAU KANTAN, YOUTUBEN: