BERTOLD BRECHT

LANGILE BATEN GALDERAK LIBURU BATEN AURREAN

Zazpi Atedun Tebas hura, nork eraiki zuen?

Liburuetan Errege izenik baizik ez da ageri.

Erregeek garraiatu ote zituzten harritzat haundiok?

Eta hainbatetan porrokatua izan zen Babilonia,

nork jaso zuen beste hainbestetan? Lima distirant hura

eraiki zuten langilleak, ze etxetan bizi ote ziren?

Txinako Harresia bukatu zen iluntzean:

nora jo zuten harginek? Erroma bikain hura

garaitza arkuz beterik. Nork altxatu zituen?

Nortzuk menperatu zituzten Zesarrek?

Hain ospetsua zen Bizanziok, jauregiz besterik

ez ote zuen bertako jendearentzat? Alegiazko Atlantidan berebat,

itsasoak irentsi zuen gauean, biztanleak ito zorian

oihuka ari zitzaizkien beren esklaboei leguntza eske.

Alejandro gazteak India bereganatu zuen.

Berak bakarrik ote?

Zesarrek galoak menderatu.

Ez ote zuen berarekin sukaldari bat bederen?

Felipe Espainiakoak negar egin zuen bere Armada

urperatu zenean. Ez ote zuen beste inork negarrik egin?

Federiko Bigarrenak Zazpi Urteko Gerra irabazi.

Nork bestek zuen irabazi?

Garaitza bat orrialde bakoitzean.

Nortzuk atondu zituzten garaitza banketeak?

Hamar urtez behin gizon haundi bat.

Nork ordaintzen zituen haren gastuak?

Zenbat historia, hainbat galdera. Historiak bezainbat galdera.

Zenbat historia! Zenbat galdera!

MARTXA BATEN LEHEN NOTAK

Eguzkiak urtzen du goian

gailurretako euria

uharka da jausten ibarrera

geldigaitza den oldarra.

Gure baita datza eguzkia

iluna eta izotza

urratu dezakeen argia

urtuko duen bihotza.

Bihotza bezain bero zabalik

besoak eta eskuak

gorririk ikus dezagun egia

argiz beterik burua.

Bakoitzak urraturik berea

denon artean geurea

etengabe gabiltza zabaltzen

gizatasunari bidea.

Inon ez inor menpekorokan

nor bere buruaren jabe

herri guztioak bat eginikan

ez gabiltza gerorik gabe.

Batek goserikan diraueino

ez gara gu asetuko

beste bat loturik deino

ez gara libre izango.

LILURARIK EZ (Liluraren kontra)

Ez dago itzultzerik

Lilularik ez!

eguna atean dago

ez da izango beste goizerik.

haize hotza dakar

Tronpatzerik ez! ez da aski izango

bizitza ez da huskeria,

edan ase arte beretik denbora ez da luzea,

galtzear zaudelarik.

Kontsolatzerik ez!

galtzea, litzake galtzea dena.

ustelak lurpera

bizitza da haundiena