Sphero er lítill og nettur forritanlegur róbóti með marga möguleika, með Sphero er hægt að leysa spennandi verkefni sem efla stærðfræði-, verk- og rökhugsun samhliða því að byggja upp hæfileika eins og sjálfstraust og samskipta- og forystuhæfni.

Það er hægt að nota legókubba til að byggja í kringum vélmennið sem eykur möguleikana á skapandi vinnu mikið. Hægt er að fá hulstur utan um Sphero sem ver hann fyrir óhreinindum og hnjaski og gefur möguleika á að hægt sé að fara með hann út eða jafnvel mála með honum.