Talnasúpa

Talnasúpan er bæði þjálfun í forritun og samlagningu. Hægt er að setja talnasúpuna upp sem keppni en þetta getur einnig verið leikur. Í þessum leik eru tölur skrifaðar á litla miða eða notaðir frauðstafir, einnig mætti nota spilastokk. Kennarinn dreifir miðunum á um ákveðið svæði. Gott að afmarka það vel.

Markmið nemenda er að forrrita Sphero þannig að hann keyri um stofuna og stoppi ofan á miðunum. Þegar nemendur hafa náð að stoppa Sphero ofan á ákveðnum miða mega þau sækja hann og geyma. Þegar búið er að ná öllum miðum eru tölurnar lagðar saman og sá sem er með hæstu útkomuna vinnur. Einnig mætti keppast um að safna ákveðnum tölum, t.d. sléttum tölum eða oddatölum, kennitölum, afmælisdögum, fæðingarárum o.s.frv.

Markmið

Að nemendur:

Þjálfist í forritun
Þjálfist í að vinna með öðrum að þrautalausnum
Þjálfisti í rúmfræði með áherslu á gráðumælingar og útreikninga
Þjálfist í samlagningu

Umræðupunktar

Ræða hvað felst í hugtakinu samvinnu.
Ræða samlagningu og minna á leiðir til að vera fljót að leggja saman margar tölur ( dreifiregla o.s.frv.)

Undirbúningur

Spjaldtölvur fullhlaðnar
Sphero robotinn sé fullhlaðinn
Skipta nemendum upp í hópa
Miða með mismunandi stórum tölum/frauðstafi, einnig mætti nota spilastokk

Áskorun

Nemendur byrja á því að stilla Sphero með því að fara í AIM í valmyndinni efst í hægra horninu, Sphero er rétt stilltur þegar litla bláa ljósið er beint fyrir framan notandann.

Nemendur byrja á ákveðnum stöðum í stofunni
Nemendur forrita Sphero til að stoppa ofan á ákveðnum tölustöfum/spilum
Þegar Sphero hefur stoppað á spili má nemandinn sækja það og geyma það hjá sér
Þegar búið er að ná öllum tölunum/spilunum reikna nemendur hversu mörg stig þeir fengu
- Hægt er að vinna með plús eða margföldun
- Hægt er að setja alls kyns reglur eins og t.d. að nemendur megi margfalda tvö spil saman og leggja saman hin o.s.frv.

Hugmyndir og ábendingar

Þetta verkefni er auðvelt að sníða að aldri nemenda. Það er að tölurnar sem nemendur eiga að safna og leggja svo saman geta verið misháar eftir aldri.

Það væri einnig hægt að hafa margföldun eða hvað sem er í útreikningunum.

Ef spil eru notuð má líka snúa þeim á hvolf, hver nemandi reynir að safna eins mörgum spilum og hægt er. Í lokinn leggja allir saman hvað þeir fengu.

Það er skemmtilegt að nota einingakunna, rampa eða aðrar fyrirstöður til að gera leikinn erfiðari, t.d. væri hægt að hafa hæðsta spilið á erfiðum stað.

Leikinn má útfæra á marga vegu, Sphero gæti t.d. sótt myndir og nemendur gætu búið til sögu úr þeim myndum sem þeir náðu, hægt væri að safna t.d. ákveðnum lit eða bókstöfum og búa til orð.

Google Sites

Report abuse