Fyrstu skrefin
Fyrstu skrefin
Sphero rótbótarnir bjóða upp á endalausar leiðir til að forrita, verkefnin má auðveldlega samþætta með ýmsum námsgreinum og skapandi starfi. Hægt er að fá ýmsa aukahluti með róbótunum m.a. hlíf sem gerir notendum kleift að nota róbótann úti, ramp til að keyra yfir og vagn sem hægt er að festa legó kubba við.
Framleiðendur Sphero bjóða upp á tvö smáforrit Sphero Edu og Sphero Play til að stjórna róbótunum en einnig er hægt að nota Swift Playgrounds smáforritið frá Apple til að stjórna Sphero BOLT, Sphero SPRK+ og Sphero Mini
Sphero róbótarnir eru til í nokkrum útgáfum, þeir virka þó allir á svipaðan hátt en hafa mismunandi valmöguleika. Sphero Bolt er nýjast róbótinn í línunni og hefur hann það m.a. fram yfir hina að vera með forritanlegan ljósaskjá.
Sphero róbótarnir eru hlaðnir með USB kapli í hleðslustöð (nema Sphero Mini sem er tengdur beint). Þegar hlaða þarf róbótana eru þeir settir í hleðslustöðina með þyngri hliðina niður. Hleðslustöðin blikkar með bláu ljósi þegar hleðsla er hafin. Full hleðsla tekur um þrjá klukkutíma, þegar róbótinn er fullhlaðinn verður bláa ljósið stöðugt og róbótinn er tilbúinn í slaginn og endist í um það bil 60 mínútur í fullri notkun.
Róbótarnir henta vel fyrir grunnskólabörn og sérstaklega vel fyrir mið- og unglingastig.
Undirbúningur
Sækja smáforrtin
Forritin heita Sphero Edu og Sphero Play, einnig er gott að sækja Swift Playgrounds smáforritið ef Ipad spjaldtölvur eru notaðar.
Passa að hafa kveikt á Bluetooth tengimöguleikanum í spjaldtölvunni
Kveikja á róbótanum
Tengja róbótann við spjaldtölvuna
Róbótar og forritun
Áður en að nemendur prófa að forrita er sniðugt að spjalla um rótbóta og hvernig þeir verða sífellt algengari í daglegu lífi fólks, t.d. eru þeir notaðir til að setja saman bíla og ryksuga heimili. Á vefnum má finna mörg áhugaverð myndbönd um rótbóta sem vekja upp spurningar og hægt er að horfa á með nemendum.
Myndband um hótel í Japan sem rekið er að mestu leyti af rótbótum
Myndböndin eru á ensku.
Blokkarforritun með Sphero Edu
Myndband um Sphero Edu smáforritið frá framleiðendum Sphero.
Áður en forritað er með nemendum er mikilvægt að kynna sér Sphero Edu smáforritið, t.d. með því að horfa á myndbandið hér fyrir ofan og prófa sig áfram.
Umræðupunktar fyrir fyrsta tímann í forritun með Sphero
Hvernig er Sphero í laginu?
Hvernig hreyfist Sphero?
Í hvaða áttir getur hann farið?
Fyrstu skrefin
Í hvert sinn sem Sphero er notaður þar að stilla hann, sem felur í sér að ganga úr skugga um að hann fari í rétta átt. Nemendur stilla Sphero með því að fara í AIM í valmyndinni efst í hægra horninu, Sphero er rétt stilltur þegar litla bláa ljósið er beint fyrir framan notandann
Vinna með blokkarforritun
Prófa að láta Sphero fara:
Áfram
Aftur á bak
Beygja til vinstri
Beygja til hægri
Forrita ljósin
Forrita hljóð
Forrita fjarlægðarskynjarann
Þegar Sphero er stilltur er best að standa beint fyrir aftan hann, smella á AIM sem er í valmyndinni efst á skjánum til hægri. Stilla blá ljósið þannig að það sé beint fyrir framan notandann.
Umræðupunktar eftir fyrsta tímann í forritun
Hvaða forrit bjuggu nemendur til?
Hvað hefði verið hægt að gera ef tíminn hefði verið lengri?
Gætum við búið til forrit fyrir Sphero sem hjálpar okkur í daglega lífinu?