Form

Form

Sphero hentar vel til að vinna með hugtök tengd stærðfræði, í þessu verkefni vinna nemendur með formin. Gott er að hafa til hliðsjónar myndir af formunum, heiti þeirra og/eða kubba.

Undirbúningur

• Spjaldtölvur fullhlaðnar
• Sphero robotinn sé fullhlaðinn
• Ræða hvað felst í hugtakinu samvinnu
• Skipta nemendum upp í hópa
• Upprifjun á því hvernig við búum til skipanir og röðum þeim saman
• Skoða formin í tví- og þrívíðuformi og teikna þau á blað

Umræðupunktar

Áður en vinnan hefst er gott að taka tíma í að ræða formin og rifja upp hvernig þau líta út.

Áskorun II

Nemendur byrja á því að stilla Sphero með því að fara í AIM í valmyndinni efst í hægra horninu, Sphero er rétt stilltur þegar litla bláa ljósið er beint fyrir framan notandann

• Nemendur hafa til hliðsjónar mynd af hjarta
• Nemendur forrita Sphero til að búa til hjarta
• Þegar nemendur hafa leyst þrautina, er hægt að betrum bæta forritið t.d. með því að bæta inn ljósum og hljóðum
• Ef skólinn á Sphero Bolt er sniðugt að forrita ljósaborðið til að sýna hjarta

Hugmyndir og ábendingar

• Það er alltaf sniðugt að byrja kennslustundina á forritunarleik þar sem nemendur forrita hver annan, þá eru tveir eða fleiri nemendur saman, annar framkvæmir forritið en hinn forritar. Markmiðið getur t.d. verið að komast frá einum stað á annan. Forritið má búa til með því að skrifa skipanir á blað, t.d. með því að nota örvar, liti eða myndir. Einnig er hægt að setja skipanirnar fram munnlega.
• Nota vagninn sem hægt er að kaupa sem aukahlut á Sphero, festa tússpenna á vagninn og láta hann teikna formin á maskínupappír
• Nota hlífarnar sem hægt er að kaupa sem aukahlut á Sphero, setja málningu á hlífina og mála formin á maskínupappír
• Gera formin með límbandi og nemendur eiga svo að forrita róbótana og fara í slóð límbandsins
• Búa til formin úr kapplakubbum og nemendur eiga að keyra í kringum kapplakubbana og mega ekki keyra á þá.
• Gera misstór form og vinna með hugtök eins og stór, stærri, stærstur, lítill, minni, minnstur