Formin

Dash hentar vel til að vinna með hugtök tengd stærðfræði, í þessu verkefni vinna nemendur með formin. Gott er að hafa til hliðsjónar myndir af formunum og heiti þeirra og/eða kubba.

Verkefnið getur hentað bæði byrjendum sem og lengra komnum. Byrjendur geta forritað einfaldari form á borð við ferning, ferhyrning og þríhyrning á meðan að lengra komnir geta spreytt sig á sexhyrning, hjarta og hring.

Markmið

Að nemendur:

þjálfist í forritun
taki þátt í að þróa skipulega fjölbreyttar lausnaleiðir, m.a. með notkun upplýsingatækni
öðlist hæfni í að þekkja og nota hugtök eins og þríhyrningur, hring og ferhyrning ( ferning, rétthyrning, tígull)
þjálfist í samvinnu

Undirbúningur

Spjaldtölvur fullhlaðnar
Dash og Dot séu fullhlaðnir
Skipta nemendum upp í hópa
Skoða formin í tví- og þrívíðuformi og teikna þau á blað
Upprifjun á því hvernig við búum til skipanir og röðum þeim saman
Kenna hvernig hægt er að nota lykkjur (loops) til að stytta forritin (sjá dæmi hér fyrir neðan)
Nemendur byrja að vinna

Umræðupunktar

Áður en vinnan hefst er gott að taka tíma í að ræða formin og rifja upp hvernig þau líta út.

Áskorun I

Nemendur hafa til hliðsjónar mynd af ferningi
Nemendur forrita Dash til að keyra í ferning
Hægt er að raða saman skipunum fyrir allar hliðarnar eða nota lykkjur (undir control) eins og sést á myndinni til vinstri
Það getur verið sniðugt að hafa einhvern hlut á gólfinu og búa til ferning í kringum hann, einnig mætti nota límaband á gólfið og fara eftir því

Áskorun II

Nemendur hafa til hliðsjónar mynd af þríhyrningi
Nemendur forrita Dash til að keyra í þríhyrning
Hægt er að raða saman skipunum fyrir allar hliðarnar eða nota lykkjur (undir control) eins og sést á myndinni til vinstri
Það getur verið sniðugt að hafa einhvern hlut á gólfinu og búa til þríhyrning í kringum hann, einnig mætti nota límaband á gólfið og fara eftir því

Áskorun III

Nemendur hafa til hliðsjónar mynd af hjarta
Nemendur forrita Dash til að keyra í hjarta
Það getur verið sniðugt að líma límaband á gólfið og forrita Dash til að fylgja því
Á myndinni til vinstri má finna tillögu að lausn en þær geta verið alla vega.

Hugmyndir og ábendingar

Það er alltaf sniðugt að byrja kennslustundina á forritunarleik þar sem nemendur forrita hver annan, þá eru tveir eða fleiri nemendur saman, annar framkvæmir forritið en hinn forritar. Markmiðið getur t.d. verið að komast frá einum stað á annan. Forritið má búa til með því að skrifa skipanir á blað, t.d. með því að nota örvar, liti eða myndir. Einnig er hægt að setja skipanirnar fram munnlega.
Festa tússpenna á róbótana og láta þá teikna formin á maskínupappír
Gera formin með límbandi og nemendur eiga svo að forrita róbótana og fara í slóð límbandsins
Búa til formin úr kapplakubbum og nemendur eiga að keyra í kringum kapplakubbana og mega ekki keyra á þá.
Gera misstór form: stór, stærri, stærstur, lítill, minni, minnstur

Google Sites

Report abuse