Sphero golf

Golf

Golf er skemmtilegur leikur sem hentar vel fyrir Sphero róbótana, það er einfalt að búa til velli sem jafnframt geta verið mjög fjölbreyttir.

Hægt er að búa til golfvöll með því einfaldlega að líma málningarlímband á gólfið, einnig er hægt að búa til veigameiri velli úr pappír og alls kyns efniviði.

Neðst á þessari síðu eru frábær dæmi um Sphero golfvelli af Youtube sem er um að gera að skoða.

Markmið

Að nemendur:

• Þjálfist í forritun
• Þjálfist í að vinna með öðrum að þrautalausnum þar sem byggt er á hugmyndum nemenda
• Þjálfisti í rúmfræði með áherslu á gráðumælingar og útreikninga
• Fræðist um golfvelli hvað þarf að hafa í huga þegar það er verið að búa til golfvöll
• Fræðist um tómstundastarf sem allir geta stundað

Undirbúningur

• Spjaldtölvur fullhlaðnar
• Sphero robotinn sé fullhlaðinn
• Skipta nemendum í hópa
• Fjölbreyttur pappír
• Efni og liti
• Límband
• Stigaspjöld
• Myndasýningu frá golfvöllum ef ekki hægt að fara í vettvangsferð

Umræðupunktar

• Hvaða reglur gilda í golfi?
• Hverjir stunda golf?
• Afhverju eru gólfvellir aldrei inni í miðjum bænum?
• Afhverju eru svona oft tjarnir og sandgryfjur á gólfvöllum?
• Afhverju má ekki hafa hátt á gólfvöllum?

Áskorun I

Nemendur byrja á því að stilla Sphero með því að fara í AIM í valmyndinni efst í hægra horninu, Sphero er rétt stilltur þegar litla bláa ljósið er beint fyrir framan notandann

• Kennari býr til nokkrar golfbrautir með því að líma límband á gólfið
• E.t.v. má setja upp einhverjar þrautir í hverri braut, t.d. er hægt að kaupa ramp fyrir Sphero eða nota kubba, pappír eða annað til að búa til fyrirstöður, sjá myndböndin neðst á síðunni
• Nemendur forrita Sphero til að komast í gegnum brautirnar

Áskorun II

Nemendur byrja á því að stilla Sphero með því að fara í AIM í valmyndinni efst í hægra horninu, Sphero er rétt stilltur þegar litla bláa ljósið er beint fyrir framan notandann

• Nemendur skoða hvernig golfvellir eru uppbyggðir
• Nemendur fá frjálsar hendur og nóg af efniviði og hver hópur hannar eina holu
• Nemendur prófa að spila sína holu og skipta svo við annan hóp og prófa þeirra
• Gaman er að leyfa golfvellinum að standa og bjóða nemendum að prófa í frímínútum

Hugmyndir og ábendingar

Í þessu verkefni er tilvalið að ræða aðeins um tómstundir við nemendur og hvað þær geta verið ólíkar. Á Íslandi er mikil áhersla á boltaíþróttir. Boltaíþróttir höfða ekki til allra og sumir nemendur eru feimnir að ræða ef þeir eru í tómstundum sem eru ekki vinsælar. Ef til vill er hægt að fara í vettvangsferð á golfvöll og skoða uppbygginguna.

Nemendur geta búið til golfvöll á stórt blað, sett inn gildrur eins og t.d. vatn, sandgryfjur, tré og fleira. Síðan forrita þeir Sphero þar sem hann þarf að fara frá einni holu til annarar. Hægt væri að búa til stigablað eins og í golfi. Allir byrja með ákveðin stig í forgjöf og hver braut gefur ákveðið mörg stig. Ef nemendum tekst að forrita Sphero þannig að hann komist beint í næstu holu í fyrstu tilraun fá þau ákveðið mörg stig. Ef það mistekst þá fá þau mínusstig. Einnig væri hægt að gefa ákveðinn tíma á hverri holu.

Gaman væri ef nemendur byggju til nokkra golfvelli þannig að á hverjum velli væri ein hola. Ef búnir væru til 5 vellir þá væru nemendur að fara í 5 holur.

E.t.v. mætti bjóða nemendum upp á Sphero golf í frímínútum og leyfa brautunum að vera sérstaklega þeim sem búnar eru til með límbandi.

Nokkrar skemmtilegar hugmyndir af Youtube