Oordenkings
(20240305-20240730)

𝟐𝟎𝟐𝟒-𝟎𝟕-𝟑𝟎 – 𝐃𝐢𝐞 𝐧𝐮𝐰𝐞 𝐯𝐞𝐫𝐛𝐨𝐧𝐝: 𝐣𝐨𝐮 𝐠𝐫𝐚𝐭𝐢𝐬 𝐢𝐧𝐬𝐥𝐮𝐢𝐭𝐢𝐧𝐠 𝐢𝐧 𝐆𝐨𝐝 𝐬𝐞 𝐭𝐞𝐬𝐭𝐚𝐦𝐞𝐧𝐭. (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Wanneer daar in die vroeë jare van God se betrokkenheid met die mens ’n verbond gesluit is, was daar altyd ’n paar dinge betrokke. Eerstens was daar die ooreenkoms wat gemaak is – iets waar beide partye iets na die sogenaamde tafel moes bring. Tweedens, was daar bloed betrokke: ’n offer is gemaak of ’n dier is in die helfte deurgesny om die gewigtigheid van die saak te beklemtoon – indien jy jou woord sou verbreek, onderneem jy dat die ander persoon aan jou kan doen wat aan die dier gedoen is. Die bloed is ook op die partye gesprinkel (die volk en die altaar) om te dui dat jou eie bloed, jou lewe, aan hierdie verbond gebind is. Derdens, was daar altyd ’n maaltyd wat die verrigtinge afgesluit het – ’n vorm van gemeenskap wat ons tot vandag toe kan waardeer.

So kan ons maar gaan kyk na elke keer wanneer God ’n verbond met sy volk gesluit het of waar die volk weer die verbond hernu of herdenk het. In die verbond het mense erfgename geword van die oorspronklike verbond wat God met Abraham gesluit het – mits beide partye hulle deel van die verbond nakom (vgl. Eks. 19, 24, Jer. 31, ens.).

Toe Jesus gekom het, het Hy ’n nuwe verbond gebring, die een waarna God self verwys in Jeremia 31 – en almal kan deel word daarvan. Daarom het ons die Ou Testament en die Nuwe Testament. Die Ou Testament, is nie iets wat ons maar kan weggooi soos mense vandag maak met testamente nie, want juis daarin sien ons God se ewige getrouheid aan die verbond. Maar volgens die Ou Testament, sou slegs Israel en die mense wat deel geword het van hulle volk, erfgename kon wees. Die Nuwe Testament maak ons almal erfgename.

Maar hierdie nuwe verbond is anders – eenders, maar anders. Eerstens, maak God alleen hierdie ooreenkoms. Hy belowe om ons te laat deel in die ryk erfenis van die hemele en Hy skenk aan ons die ewige lewe. Tweedens, word Jesus Christus self die Lam, die offerdier en is sy bloed die enigste bloed wat vloei – dit word gestort op die aarde en so word alles en almal daarby ingesluit, lewenslank vir ewig. Derdens, was die maaltyd die aand voor die tyd gehou, maar Jesus vertel sy dissipels dat hulle voortaan ook so saam sal eet, juis om sy offer en beloftes te onthou. Maar die maaltyd hou nie daar op nie – God beloof dat Hy, soos in Psalm 23 en vele ander plekke reeds aangedui het, vir ons ’n ewige feesmaal voorberei.

Ek weet. Dit klink té goed om waar te wees. Beteken dit regtig dat ons niks hóéf te doen nie? Die Israeliete het met elke verbond sluiting of -hernuwing die woorde “𝐴𝑙𝑙𝑒𝑠 𝑤𝑎𝑡 𝑑𝑖𝑒 𝐻𝑒𝑟𝑒 𝑔𝑒𝑠𝑒̂ ℎ𝑒𝑡, 𝑠𝑎𝑙 𝑜𝑛𝑠 𝑑𝑜𝑒𝑛 𝑒𝑛 𝑔𝑒ℎ𝑜𝑜𝑟𝑠𝑎𝑎𝑚.” (Eks 19:8, 24:3) gebruik om hulle deel van die ooreenkoms uit te druk. Beteken die nuwe verbond regtig dat ons dit nie hoef te sê nie? Eerlikwaar, ja. Jy hoef nie. Maar as jy regtigwaar besef die groot liefde en genade van die Vader in die nuwe verbond, soos uiteengesit regdeur die Nuwe Testament, hoe kan jy dan anders as om in dankbaarheid en lof in jou siel te erken dat jy ook alles sal doen en gehoorsaam wat God aan jou sê en dat Jesus Christus waarlik God en jou Here is? Jy sal dit doen, want God is met jou en jy sal besef dat Hy alleen die een is wat in Jesus Christus, deur die werk van Sy Gees, daardie vreugdevolle diens in jou vestig.

Besef jy die oneindige liefde van die nuwe verbond? Besef jy hoe ryk jy is as erfgenaam van God? Gaan lees gerus wees Efesiërs 1:3-14 en loof God saam met Paulus vir hierdie heerlike erfenis!

···ᶜᴶˢ··· ©

𝟐𝟎𝟐𝟒-𝟎𝟕-𝟐𝟗 – 𝐃𝐢𝐞 𝐥𝐞𝐰𝐞 𝐢𝐬 𝐨𝐧𝐫𝐞𝐠𝐯𝐞𝐫𝐝𝐢𝐠. (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

In my ma se Bybel was Psalm 37 baie duidelik gemerk met onderstreping en kleure wat teks uitlig en my pa het gevra dat ek die psalm sal gebruik as teks vir haar roudiens.

Ek onthou ook ’n hele klompie jare terug het ek gepreek oor Psalm 37. Die tema van die preek was “Die voorspoedige lewe van ’n skelm” en was gemik op veral ons jongmense wat deesdae soveel verskillende invloede op hul lewens het. Die media maak dat dit soms lyk of slegte mense wegkom met alles en dat alles wat hul (sleg) doen geen nadelige gevolge het nie. Die afleiding wat baie mense maak, is dat jy maar so nou en dan verkeerde dinge kan doen – solank jy darem net weer vergifnis by God soek. Maar eintlik weet ons mos dat dinge nie so werk nie...

Wanneer ons na die lewe kyk van oneerlike mense, selfs ook slegte, bose mense, dan wil dit op die oog af lyk dat hulle wegkom met alles. Ons probeer aan geloof vashou en glo dat God wel eendag rekenskap van hulle sal eis, maar, om eerlik te wees: dis onregverdig! Ja, die lewe is onregverdig. Dit is ’n feit wat elkeen van ons vrede mee moet maak. Die fout wat ons egter dikwels maak, is om te dink dat God onregverdig is en dat Hy soms “anderkant toe kyk” wanneer slegte mense slegte dinge doen en wanneer slegte dinge met goeie mense gebeur. Dit is nie so nie.

In Psalm 37 vertel Dawid ons dat die lewe nog altyd onregverdig was, maar dat God wel regverdig is. Tydens my ma se roudiens, kon ons ook voel dat God onregverdig was dat Hy haar nie in hierdie lewe gehou het na 40 dapper dae in die hospitaal nie. Ons kon ook voel dat Hy onregverdig was dat eredienste as gevolg van COVID slegs 50 mense kon toelaat. Ons kon voel dat God onregverdig was, omdat baie ander slegte, goddelose mense nog lewe... Maar Dawid deel vroeg in die psalm ’n geheim met ons – ’n geheim wat my ma ontdek het in haar lewe:

“𝑉𝑒𝑟𝑡𝑟𝑜𝑢 𝑙𝑖𝑒𝑤𝑒𝑟 𝑜𝑝 𝑑𝑖𝑒 𝐻𝑒𝑟𝑒 𝑒𝑛 𝑑𝑜𝑒𝑛 𝑤𝑎𝑡 𝑔𝑜𝑒𝑑 𝑖𝑠, 𝑤𝑜𝑜𝑛 𝑒𝑛 𝑤𝑒𝑟𝑘 𝑟𝑢𝑠𝑡𝑖𝑔 𝑣𝑜𝑜𝑟𝑡.

𝑉𝑖𝑛𝑑 𝑗𝑜𝑢 𝑣𝑟𝑒𝑢𝑔𝑑𝑒 𝑖𝑛 𝑑𝑖𝑒 𝐻𝑒𝑟𝑒, 𝑒𝑛 𝐻𝑦 𝑠𝑎𝑙 𝑗𝑜𝑢 𝑔𝑒𝑒 𝑤𝑎𝑡 𝑗𝑜𝑢 ℎ𝑎𝑟𝑡 𝑏𝑒𝑔𝑒𝑒𝑟.

𝐿𝑎𝑎𝑡 𝑗𝑜𝑢 𝑙𝑒𝑤𝑒 𝑎𝑎𝑛 𝑑𝑖𝑒 𝐻𝑒𝑟𝑒 𝑜𝑜𝑟 𝑒𝑛 𝑣𝑒𝑟𝑡𝑟𝑜𝑢 𝑜𝑝 𝐻𝑜𝑚; 𝐻𝑦 𝑠𝑎𝑙 𝑠𝑜𝑟𝑔.” – Psalm 37:3-5 (AFR83)

Sien, jy kan kies om te dink dat God nou onregverdig is en jouself paai met die gedagte dat Hy wel eendag sal afreken met die slegte mense. Of jy kan kies om te leef onder die heerskappy van die Koning van die heelal deur al jou vertroue in Hom te plaas, vreugde te vind in die lewe wat Hy jou gee en vrede te vind dat jy leef vir ‘n ewige beloning.

Woon en werk dus rustig voort, “vind jou vreugde in die Here, dan sal Hy jou gee wat jou hart begeer” (vers 4, 2020-vertaling). En wat sal jou hart begeer as jy in die teenwoordigheid van die Koning leef? Vrede. Vrede vir jouself en vir ander. Vrede dat God se geregtigheid wel altyd sal geskied en vrede dat jy dit nie hoef te sien gebeur in jou tyd op aarde nie. Vrede dat God se wil reg is en alles (goed en sleg) ten goede sal laat meewerk vir dié wat Hom liefhet (Romeine 8:28-30).

Net twee bladsye vêrder in my ma se Bybel was daar in geel merkpen uitgelig, Psalm 40:9: “𝑂𝑚 𝑢 𝑤𝑖𝑙 𝑡𝑒 𝑑𝑜𝑒𝑛, 𝑚𝑦 𝐺𝑜𝑑, 𝑖𝑠 𝑚𝑦 𝑏𝑒𝑔𝑒𝑒𝑟𝑡𝑒, 𝑢 𝑤𝑜𝑜𝑟𝑑 𝑖𝑠 𝑚𝑦 ℎ𝑒𝑙𝑒 𝑙𝑒𝑤𝑒.”

Mag jy God ontmoet in Sy Woord en in die stilte en mag Jesus met jou wees en jou lei in God se wil deur die Heilige Gees.

···ᶜᴶˢ··· ©

𝟐𝟎𝟐𝟒-𝟎𝟕-𝟐𝟕 – 𝐖𝐚𝐚𝐫 𝐬𝐭𝐚𝐚𝐧 𝐣𝐲? (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Daar is elke dag vir ons allerhande uitdagings en beproewings en hoe ons dit hanteer, bepaal uiteindelik hoe ons aan die ander kant sal uitkom. Wanneer iets onverwags ons tref, tree ons emosies dadelik in. Afhangende vat wat met ons gebeur, kan dit emosies wees van vreugde, liefde en vrede, krag, of selfs hartseer, woede of vrees. Nie een van hierdie emosies is negatiewe emosies nie, want elkeen help ons om te bepaal waar ons staan in ’n situasie en hoe ons moet reageer. Ja, selfs in woede, vrees of hartseer hoef ons nie negatief op te tree nie, maar kan ons, deur God se krag en leiding (van die Heilige Gees) só optree dat omstandighede ons nie onderkry nie.

In Psalm 14 skryf Dawid oor die volke wat God se mense ’n bespotting maak en die mense wat nie op die Here vertrou nie:

“𝑉𝑖𝑟 𝑑𝑖𝑒 •𝑚𝑢𝑠𝑖𝑒𝑘𝑙𝑒𝑖𝑒𝑟. 𝑉𝑎𝑛 𝐷𝑎𝑤𝑖𝑑.

𝐷𝑤𝑎𝑠𝑒 𝑠𝑒̂ 𝑖𝑛 ℎ𝑢𝑙𝑙𝑒 ℎ𝑎𝑟𝑡𝑒:

𝐷𝑎𝑎𝑟 𝑖𝑠 𝑔𝑒𝑒𝑛 𝐺𝑜𝑑 𝑛𝑖𝑒.

𝐻𝑢𝑙𝑙𝑒 𝑡𝑟𝑒𝑒 𝑔𝑟𝑢𝑤𝑒𝑙𝑖𝑘 𝑒𝑛 𝑎𝑓𝑠𝑡𝑜𝑜𝑡𝑙𝑖𝑘 𝑜𝑝.

𝐷𝑎𝑎𝑟 𝑖𝑠 𝑛𝑖𝑒 𝑒𝑒𝑛 𝑤𝑎𝑡 𝑔𝑜𝑒𝑑 𝑑𝑜𝑒𝑛 𝑛𝑖𝑒.

𝐷𝑖𝑒 𝐻𝑒𝑟𝑒 𝑘𝑦𝑘 𝑣𝑎𝑛𝑢𝑖𝑡 𝑑𝑖𝑒 ℎ𝑒𝑚𝑒𝑙

𝑛𝑎 𝑑𝑖𝑒 𝑚𝑒𝑛𝑠𝑒 𝑜𝑚 𝑡𝑒 𝑠𝑖𝑒𝑛 𝑜𝑓 𝑑𝑎𝑎𝑟 𝑖𝑒𝑚𝑎𝑛𝑑 𝑖𝑠 𝑤𝑎𝑡 𝑣𝑒𝑟𝑠𝑡𝑎𝑛𝑑𝑖𝑔 𝑖𝑠,

𝑖𝑒𝑚𝑎𝑛𝑑 𝑤𝑎𝑡 𝐺𝑜𝑑 𝑠𝑜𝑒𝑘.

𝐴𝑙𝑚𝑎𝑙 ℎ𝑒𝑡 𝑎𝑓𝑔𝑒𝑑𝑤𝑎𝑎𝑙, 𝑠𝑎𝑎𝑚 ℎ𝑒𝑡 ℎ𝑢𝑙𝑙𝑒 𝑜𝑛𝑡𝑎𝑎𝑟𝑑;

𝑑𝑎𝑎𝑟 𝑖𝑠 𝑛𝑖𝑒 𝑒𝑒𝑛 𝑤𝑎𝑡 𝑔𝑜𝑒𝑑 𝑑𝑜𝑒𝑛 𝑛𝑖𝑒, 𝑠𝑒𝑙𝑓𝑠 𝑛𝑖𝑒 𝑒𝑒𝑛 𝑛𝑖𝑒.

𝐼𝑠 𝑎𝑙𝑚𝑎𝑙 𝑤𝑎𝑡 𝑜𝑛𝑟𝑒𝑔 𝑝𝑙𝑒𝑒𝑔 𝑑𝑎𝑛 𝑠𝑜𝑛𝑑𝑒𝑟 𝑖𝑛𝑠𝑖𝑔,

ℎ𝑢𝑙𝑙𝑒 𝑤𝑎𝑡 𝑚𝑦 𝑣𝑜𝑙𝑘 𝑒𝑒𝑡 𝑠𝑜𝑜𝑠 '𝑛 𝑚𝑒𝑛𝑠 𝑏𝑟𝑜𝑜𝑑 𝑒𝑒𝑡?

𝐻𝑢𝑙𝑙𝑒 𝑟𝑜𝑒𝑝 𝑑𝑖𝑒 𝐻𝑒𝑟𝑒 𝑛𝑖𝑒 𝑎𝑎𝑛 𝑛𝑖𝑒.

𝐷𝑎𝑛 𝑜𝑜𝑟𝑤𝑒𝑙𝑑𝑖𝑔 𝑠𝑘𝑟𝑖𝑘 ℎ𝑢𝑙𝑙𝑒, 𝑤𝑎𝑛𝑡 𝐺𝑜𝑑 𝑖𝑠 𝑚𝑒𝑡 𝑑𝑖𝑒 𝑟𝑒𝑔𝑣𝑒𝑟𝑑𝑖𝑔𝑒 𝑔𝑒𝑠𝑙𝑎𝑔.

𝐽𝑢𝑙𝑙𝑒 𝑤𝑖𝑙 𝑑𝑖𝑒 𝑝𝑙𝑎𝑛𝑛𝑒 𝑣𝑎𝑛 𝑑𝑖𝑒 𝑚𝑎𝑔𝑡𝑒𝑙𝑜𝑠𝑒 𝑏𝑒𝑠𝑝𝑜𝑡𝑙𝑖𝑘 𝑚𝑎𝑎𝑘,

𝑚𝑎𝑎𝑟 𝑑𝑖𝑒 𝐻𝑒𝑟𝑒 𝑖𝑠 𝑠𝑦 𝑠𝑘𝑢𝑖𝑙𝑝𝑙𝑒𝑘.

𝑀𝑎𝑔 𝑑𝑎𝑎𝑟 𝑢𝑖𝑡 𝑆𝑖𝑜𝑛 𝑟𝑒𝑑𝑑𝑖𝑛𝑔 𝑘𝑜𝑚 𝑣𝑖𝑟 𝐼𝑠𝑟𝑎𝑒𝑙!

𝑊𝑎𝑛𝑛𝑒𝑒𝑟 𝑑𝑖𝑒 𝐻𝑒𝑟𝑒 𝑑𝑖𝑒 𝑙𝑜𝑡 𝑣𝑎𝑛 𝑠𝑦 𝑣𝑜𝑙𝑘 𝑜𝑚𝑘𝑒𝑒𝑟, 𝑚𝑜𝑒𝑡 𝐽𝑎𝑘𝑜𝑏 𝑗𝑢𝑖𝑔,

𝑚𝑜𝑒𝑡 𝐼𝑠𝑟𝑎𝑒𝑙 𝑏𝑙𝑦 𝑤𝑒𝑒𝑠.”

– Psalm 14 (AFR20)

Toe Jesus gekom het, het Hy die heerskappy van die koninkryk van die hemele binne ons bereik gebring. Wanneer jy leef onder die heerskappy van die Koning van die heelal, dan besef jy dat jy uit jou eie uit nie ’n goeie mens is nie en dat jy nie werklik goed kan doen sonder God nie. Maar as jy die Here aanroep wanneer die onaangename emosies skielik oorneem, dan plaas jy jouself in die “regverdige geslag”, soos Dawid dit noem. Dan oorweldig skrik jou nie en dan soek jy geregtigheid – nie wraak of vergelding nie, geregtigheid: God se geregtigheid. Ja, dan kies jy om op te tree vanuit die krag van die Here se heerskappy oor jou lewe. En wat is God se geregtigheid? ’n Lewe gevul met goeie vrugte:  “𝑙𝑖𝑒𝑓𝑑𝑒, 𝑏𝑙𝑦𝑑𝑠𝑘𝑎𝑝, 𝑣𝑟𝑒𝑑𝑒, 𝑔𝑒𝑑𝑢𝑙𝑑, 𝑣𝑟𝑖𝑒𝑛𝑑𝑒𝑙𝑖𝑘ℎ𝑒𝑖𝑑, 𝑔𝑜𝑒𝑑ℎ𝑒𝑖𝑑, 𝑔𝑒𝑡𝑟𝑜𝑢ℎ𝑒𝑖𝑑, 𝑠𝑎𝑔𝑚𝑜𝑒𝑑𝑖𝑔ℎ𝑒𝑖𝑑, 𝑠𝑒𝑙𝑓𝑏𝑒ℎ𝑒𝑒𝑟𝑠𝑖𝑛𝑔.” (Galasiërs 5:22-23)

So, waar staan jy? Onthou: die Here is ons skuilplek. Dáár staan ons en vandaar leef ons.

···ᶜᴶˢ··· ©

𝟐𝟎𝟐𝟒-𝟎𝟕-𝟐𝟑 – 𝐉𝐲 𝐡𝐨𝐞𝐟 𝐧𝐢𝐞 𝐛𝐚𝐧𝐠 𝐭𝐞 𝐰𝐞𝐞𝐬 𝐧𝐢𝐞. (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Wanneer ons klein is, raak ons maklik bang vir allerhande dinge.  Gelukkig word ons weer vinnig gerusgestel deur ons ouers en ons weet dat as hulle daar is om ons te beskerm, is alles weer goed.  Maar wanneer ons ouer word, is ons nie meer bang vir enigiets nie...  Nee, nou praat ek sommer twak.  Natuurlik is ons nogsteeds bang vir baie dinge, maar ons sê dit nie en ons wys dit nie.  Wat erger is, as ons kinders het, en hulle is bang, dan is ons ook bang.  Ons maak allerhande vreemde scenarios in ons gedagtes op, ons verbeel ons allerhande soort onheil en ongeluk en gaan haal dikwels sommer 4 bobbejane agter ’n bult wat nie eers bestaan nie.  Ons lê soms wakker met daardie “wat as” vrae. 

Dit is tog normaal dat ons die “wat as” vrae vra oor ons geliefdes.  Dit is die mense wat God ons gegee het om naby aan ons te wees en dit is die mense waarvoor ons baie lief is.  Maar, alhoewel daar ter eniger tyd enigiets kan gebeur, moet ons nie dat hierdie vrees ons oorweldig nie.  Ons moet dinge in die regte perspektief benader en dit daar hou.

Die realiteit is dat sommige gebeurtenisse in jou en jou kinders en jou geliefdes se lewens sal plaasvind waarvan jy nie hou nie of wat jy nie wil hanteer nie – miskien selfs ’n tragedie.  Slegte voorvalle is deel van die menslike ervaring.  Maar ’n mens en veral ’n ouer wat hierdie werklikheid aanvaar en van die Here afhanklik is, sal beter voorbereid wees in geval van ’n werklike ongeluk of tragedie.  Kyk, niemand wíl voorberei op ’n ramp nie, maar dit is verstandig om dit wel te doen.

Salomo skryf in Spreuke ’n hele paar goeie wyshede wat ons leer hoe om moeilike situasies te hanteer, maar hy gee ook heelwat goeie raad oor hoe om voorbereid te wees.  In Spreuke 3:25-26 (AFR20) vind ons sulke raad.  Hy sê:

“𝐽𝑦 ℎ𝑜𝑒𝑓 𝑛𝑖𝑒 𝑏𝑎𝑛𝑔 𝑡𝑒 𝑤𝑒𝑒𝑠 𝑣𝑖𝑟 '𝑛 𝑜𝑛𝑣𝑒𝑟𝑤𝑎𝑔𝑡𝑒 𝑣𝑒𝑟𝑠𝑘𝑟𝑖𝑘𝑘𝑖𝑛𝑔,

𝑜𝑓 𝑣𝑖𝑟 𝑑𝑖𝑒 𝑡𝑒𝑒𝑛𝑠𝑝𝑜𝑒𝑑 𝑣𝑎𝑛 𝑔𝑜𝑑𝑑𝑒𝑙𝑜𝑠𝑒𝑠 𝑤𝑎𝑛𝑛𝑒𝑒𝑟 𝑑𝑖𝑡 𝑘𝑜𝑚 𝑛𝑖𝑒.

𝑊𝑎𝑛𝑡 𝑑𝑖𝑒 𝐻𝑒𝑟𝑒 𝑠𝑎𝑙 𝑎𝑎𝑛 𝑗𝑜𝑢 𝑠𝑦 𝑤𝑒𝑒𝑠,

𝑒𝑛 𝐻𝑦 𝑠𝑎𝑙 𝑘𝑒𝑒𝑟 𝑑𝑎𝑡 𝑗𝑜𝑢 𝑣𝑜𝑒𝑡 𝑖𝑛 '𝑛 𝑠𝑡𝑟𝑖𝑘 𝑡𝑟𝑎𝑝.” – Spreuke 3:25-26 (AFR20)

As ons mooi terugdink oor ons lewens, dink daaraan en kyk mooi hoe ons soewereine God die sogenaamde “rampe” wat jy beleef het deurgewerk het en hoe dit jou verhouding met Hom in werklikheid verdiep het.  Dieselfde proses sal by jou kinders en jou geliefdes gebeur as hulle die Here vertrou terwyl hulle beproewinge ondervind.

𝑮𝒆𝒆𝒏 𝒈𝒆𝒃𝒆𝒖𝒓𝒕𝒆𝒏𝒊𝒔𝒔𝒆 𝒗𝒆𝒓𝒓𝒂𝒔 𝑮𝒐𝒅 𝒏𝒊𝒆.  𝑽𝒆𝒓𝒕𝒓𝒐𝒖 𝒐𝒑 𝑯𝒐𝒎 𝒐𝒎 𝒅𝒊𝒕 𝒕𝒆 𝒃𝒆𝒔𝒕𝒖𝒖𝒓 𝒆𝒏 𝒕𝒆 𝒃𝒆𝒉𝒆𝒆𝒓.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

•         Vir watter ramp vrees ek?

•         Is my persoonlikheid geneig om bekommerd te wees oor rampe en slegte gebeure?

•         Hoe kan ek my vrees ’n bietjie verminder in terme van bekommernisse?

𝕲𝖊𝖇𝖊𝖉:

Here, U sê vir ons in U woord soveel kere dat ons nie bang hoef te wees nie – ons hoef nié te vrees nie – en tog laat ons ons menslikheid, die duiwel en omstandighede so dikwels toe om ons gemoed swaar van kommer en vrees te maak.  Dankie Here, dat U altyd aan my sy is en dat U sal keer dat my voet in ’n strik trap.  Dankie dat U dit ook doen vir my geliefdes.  Ek weet dat ongeluk en slegte gebeure nie onvermydelik is nie, maar ek vertrou op U dat, as dit wel kom, U ook daar aan my sy sal wees en dat U my daardeur sal dra – soos U nog altyd het.  Skenk aan my U vrede deur my vertroue in U.  Amen

···ᶜᴶˢ··· ©

𝟐𝟎𝟐𝟒-𝟎𝟕-𝟏𝟗 – 𝐃𝐢𝐞 𝐆𝐨𝐞𝐢𝐞 𝐇𝐞𝐫𝐝𝐞𝐫. (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

'𝑛 𝑃𝑆𝐴𝐿𝑀 𝑣𝑎𝑛 𝐷𝑎𝑤𝑖𝑑.

𝐷𝑖𝑒 𝐻𝑒𝑟𝑒 𝑖𝑠 𝑚𝑦 ℎ𝑒𝑟𝑑𝑒𝑟; 𝑛𝑖𝑘𝑠 𝑠𝑎𝑙 𝑚𝑦 𝑜𝑛𝑡𝑏𝑟𝑒𝑒𝑘 𝑛𝑖𝑒.

𝐻𝑦 𝑙𝑎𝑎𝑡 𝑚𝑦 𝑛𝑒𝑒𝑟𝑙𝑒̂ 𝑖𝑛 𝑔𝑟𝑜𝑒𝑛 𝑤𝑒𝑖𝑣𝑒𝑙𝑑𝑒; 𝑛𝑎 𝑤𝑎𝑡𝑒𝑟𝑠 𝑤𝑎𝑎𝑟 𝑟𝑢𝑠 𝑖𝑠, 𝑙𝑒𝑖 𝐻𝑦 𝑚𝑦 ℎ𝑒𝑒𝑛.

𝐻𝑦 𝑣𝑒𝑟𝑘𝑤𝑖𝑘 𝑚𝑦 𝑠𝑖𝑒𝑙; 𝐻𝑦 𝑙𝑒𝑖 𝑚𝑦 𝑖𝑛 𝑑𝑖𝑒 𝑠𝑝𝑜𝑟𝑒 𝑣𝑎𝑛 𝑔𝑒𝑟𝑒𝑔𝑡𝑖𝑔ℎ𝑒𝑖𝑑, 𝑜𝑚 𝑠𝑦 𝑁𝑎𝑎𝑚 𝑜𝑛𝑡𝑤𝑖𝑙.

𝐴𝑙 𝑔𝑎𝑎𝑛 𝑒𝑘 𝑜𝑜𝑘 𝑖𝑛 '𝑛 𝑑𝑎𝑙 𝑣𝑎𝑛 𝑑𝑜𝑜𝑑𝑠𝑘𝑎𝑑𝑢𝑤𝑒𝑒, 𝑒𝑘 𝑠𝑎𝑙 𝑔𝑒𝑒𝑛 𝑜𝑛ℎ𝑒𝑖𝑙 𝑣𝑟𝑒𝑒𝑠 𝑛𝑖𝑒; 𝑤𝑎𝑛𝑡 𝑈 𝑖𝑠 𝑚𝑒𝑡 𝑚𝑦: 𝑢 𝑠𝑡𝑜𝑘 𝑒𝑛 𝑢 𝑠𝑡𝑎𝑓 𝑑𝑖𝑒́ 𝑣𝑒𝑟𝑡𝑟𝑜𝑜𝑠 𝑚𝑦.

𝑈 𝑏𝑒𝑟𝑒𝑖 𝑑𝑖𝑒 𝑡𝑎𝑓𝑒𝑙 𝑣𝑜𝑜𝑟 𝑚𝑦 𝑎𝑎𝑛𝑔𝑒𝑠𝑖𝑔 𝑡𝑒𝑒𝑛𝑜𝑜𝑟 𝑚𝑦 𝑡𝑒𝑒̈𝑠𝑡𝑎𝑛𝑑𝑒𝑟𝑠; 𝑈 𝑚𝑎𝑎𝑘 𝑚𝑦 ℎ𝑜𝑜𝑓 𝑣𝑒𝑡 𝑚𝑒𝑡 𝑜𝑙𝑖𝑒; 𝑚𝑦 𝑏𝑒𝑘𝑒𝑟 𝑙𝑜𝑜𝑝 𝑜𝑜𝑟.

𝑁𝑒𝑡 𝑔𝑜𝑒𝑑ℎ𝑒𝑖𝑑 𝑒𝑛 𝑔𝑢𝑛𝑠 𝑠𝑎𝑙 𝑚𝑦 𝑣𝑜𝑙𝑔 𝑎𝑙 𝑑𝑖𝑒 𝑑𝑎𝑒 𝑣𝑎𝑛 𝑚𝑦 𝑙𝑒𝑤𝑒; 𝑒𝑛 𝑒𝑘 𝑠𝑎𝑙 𝑖𝑛 𝑑𝑖𝑒 ℎ𝑢𝑖𝑠 𝑣𝑎𝑛 𝑑𝑖𝑒 𝐻𝑒𝑟𝑒 𝑏𝑙𝑦 𝑖𝑛 𝑙𝑒𝑛𝑔𝑡𝑒 𝑣𝑎𝑛 𝑑𝑎𝑒.

– Psalm 23 (AFR53)

Psalm 23 is seker die bekendste psalm van almal – indien nie die bekendste deel van die Bybel nie. Selfs mense wat glad nie in God glo nie ken soms die woorde of gedeeltes daarvan. Baie begrafnisse en roudienste maak gebruik van Psalm 23, omdat dit vir ons soveel troos en hoop gee.

Min mense deesdae weet nog hoe om woorde te gebruik om die hartsnare van mense te laat vibreer. Vandag se sogenaamde digters en liedjieskrywers gooi sommer net woorde bymekaar en noem dit kuns. En dan sing die mense maar saam...

Soos ek al baie genoem het: as ons wil weet hoe die hart van die gewone, gelowige mens lyk in woorde, kan ons maar gerus na die Psalms kyk. In Psalm 23, vertel Dawid ons van die mens se daaglikse stryd teen die bose. Hy vertel ons van die hoop en die troos wat daar is in God. Hy vertel ons hoe ons ons vrese moet oorkom en waar ons skuiling kan vind. Dawid vertel ons in eenvoudige taal wie God is en wie ons is.

Ek kan nie soveel betekenis in so min woorde pas soos Dawid nie en as ek Psalm 23 in vandag se taal en omstandighede kon skryf, sou dit dalk soos volg klink:

𝐽𝑒𝑠𝑢𝑠 𝐶ℎ𝑟𝑖𝑠𝑡𝑢𝑠 ℎ𝑒𝑡 𝑔𝑒𝑠𝑒̂ 𝑑𝑎𝑡 𝐻𝑦 𝑑𝑖𝑒 𝐺𝑜𝑒𝑖𝑒 𝐻𝑒𝑟𝑑𝑒𝑟 𝑖𝑠 𝑒𝑛 𝐻𝑦 ℎ𝑒𝑡 𝑑𝑖𝑡 𝑏𝑒𝑑𝑜𝑒𝑙. 𝐷𝑎𝑎𝑟𝑜𝑚 ℎ𝑒𝑡 𝐻𝑦 𝑜𝑛𝑠 𝑙𝑒𝑒𝑟 𝑏𝑖𝑑 𝑑𝑎𝑡 𝑑𝑖𝑒 𝑉𝑎𝑑𝑒𝑟 𝑜𝑛𝑠 𝑜𝑛𝑠 𝑑𝑎𝑎𝑔𝑙𝑖𝑘𝑠𝑒 𝑏𝑟𝑜𝑜𝑑 𝑠𝑎𝑙 𝑔𝑒𝑒 𝑒𝑛, 𝑤𝑒𝑒𝑡 𝑗𝑦 𝑤𝑎𝑡, 𝐻𝑦 𝑑𝑜𝑒𝑛 𝑑𝑖𝑡. 𝐻𝑦 𝑠𝑜𝑟𝑔 𝑒𝑙𝑘𝑒 𝑑𝑎𝑔. 𝑂𝑛𝑠 ℎ𝑒𝑡 𝑑𝑎𝑙𝑘 𝑛𝑖𝑒 𝑎𝑙𝑙𝑒𝑠 𝑤𝑎𝑡 𝑜𝑛𝑠 𝑤𝑖𝑙 ℎ𝑒̂ 𝑛𝑖𝑒, 𝑚𝑎𝑎𝑟 𝑜𝑛𝑠 𝑤𝑒𝑒𝑡 𝑡𝑜𝑔 𝑖𝑛 𝑜𝑛𝑠 ℎ𝑎𝑟𝑡𝑒 𝑑𝑎𝑡 𝐻𝑦 𝑣𝑖𝑟 𝑜𝑛𝑠 𝑠𝑜𝑟𝑔 𝑒𝑛 𝑎𝑙𝑡𝑦𝑑 𝑠𝑎𝑙 𝑠𝑜𝑟𝑔.

𝐼𝑛 𝑜𝑛𝑠 𝑑𝑎𝑎𝑔𝑙𝑖𝑘𝑠𝑒 𝑙𝑒𝑤𝑒 – 𝑑𝑎𝑎𝑟 𝑤𝑎𝑎𝑟 𝑜𝑛𝑠 𝑤𝑒𝑟𝑘 – 𝑠𝑒𝑙𝑓𝑠 𝑑𝑎𝑎𝑟 𝑖𝑠 𝐺𝑜𝑑 𝑒𝑛 𝑑𝑎𝑎𝑟 𝑔𝑒𝑒 𝐻𝑦 𝑚𝑦 𝑣𝑟𝑒𝑑𝑒. 𝐷𝑖𝑒 𝐵𝑟𝑜𝑛 𝑣𝑎𝑛 𝑙𝑒𝑤𝑒, 𝑑𝑖𝑒 𝐿𝑒𝑤𝑒𝑛𝑑𝑒 𝑊𝑎𝑡𝑒𝑟 – 𝑖𝑛 𝐻𝑜𝑚 𝑖𝑠 𝑑𝑎𝑎𝑟 𝑟𝑢𝑠 𝑒𝑛 𝑆𝑦 𝐻𝑒𝑖𝑙𝑖𝑔𝑒 𝐺𝑒𝑒𝑠 𝑙𝑒𝑖 𝑚𝑦 𝑎𝑙𝑡𝑦𝑑 𝑤𝑒𝑒𝑟 𝑛𝑎 𝐻𝑜𝑚.

𝑂𝑚𝑑𝑎𝑡 𝐽𝑒𝑠𝑢𝑠 𝑏𝑦 𝑜𝑛𝑠 𝑖𝑠 𝑠𝑜𝑜𝑠 𝐻𝑦 𝑏𝑒𝑙𝑜𝑜𝑓 ℎ𝑒𝑡, 𝑘𝑟𝑦 𝑚𝑦 𝑠𝑖𝑒𝑙 𝑛𝑢𝑤𝑒 𝑘𝑟𝑎𝑔 𝑤𝑎𝑛𝑛𝑒𝑒𝑟 𝑒𝑘 𝑛𝑎𝑏𝑦 𝐻𝑜𝑚 𝑏𝑙𝑦 𝑒𝑛 𝑡𝑒𝑟 𝑤𝑖𝑙𝑙𝑒 𝑣𝑎𝑛 𝑠𝑦 𝑁𝑎𝑎𝑚 – 𝑑𝑖𝑒 𝑁𝑎𝑎𝑚 𝑏𝑜 𝑎𝑙𝑙𝑒 𝑛𝑎𝑚𝑒 – ’𝑛 𝑙𝑒𝑤𝑒 𝑙𝑒𝑒𝑓 𝑤𝑎𝑡 𝑟𝑒𝑔 𝑖𝑠 𝑖𝑛 𝑠𝑦 𝑜𝑒̈.

𝑆𝑜𝑜𝑠 ’𝑛 ℎ𝑒𝑟𝑑𝑒𝑟 𝑑𝑖𝑒 𝑎𝑎𝑛𝑣𝑎𝑙𝑙𝑒 𝑣𝑎𝑛 𝑤𝑟𝑒𝑑𝑒 𝑒𝑛 𝑏𝑜𝑠𝑒 𝑑𝑖𝑒𝑟𝑒 𝑚𝑒𝑡 ’𝑛 𝑠𝑡𝑜𝑘 𝑒𝑛 𝑠𝑡𝑎𝑓 𝑎𝑓𝑤𝑒𝑒𝑟, 𝑠𝑜 𝑣𝑒𝑔 𝑑𝑖𝑒 𝐻𝑒𝑟𝑒 𝑣𝑖𝑟 𝑚𝑦 𝑒𝑙𝑘𝑒 𝑑𝑎𝑔 𝑒𝑛 𝑑𝑎𝑎𝑟𝑜𝑚 𝑏𝑖𝑑 𝑒𝑘 𝑜𝑜𝑘 “𝑙𝑎𝑎𝑡 𝑘𝑜𝑚 𝑚𝑦 𝑛𝑖𝑒 𝑖𝑛 𝑑𝑖𝑒 𝑣𝑒𝑟𝑠𝑜𝑒𝑘𝑖𝑛𝑔 𝑛𝑖𝑒 𝑒𝑛 𝑣𝑒𝑟𝑙𝑜𝑠 𝑚𝑦 𝑣𝑎𝑛 𝑑𝑖𝑒 𝑏𝑜𝑠𝑒.” “𝐺𝑜𝑑 𝑖𝑠 𝑣𝑖𝑟 𝑚𝑦, 𝑤𝑖𝑒 𝑘𝑎𝑛 𝑑𝑎𝑛 𝑡𝑒𝑒𝑛 𝑚𝑦 𝑤𝑒𝑒𝑠?” (𝑅𝑜𝑚. 8:31-39) 𝐸𝑘 𝑠𝑎𝑙 𝑛𝑖𝑘𝑠 𝑣𝑟𝑒𝑒𝑠 𝑛𝑖𝑒 – 𝑛𝑖𝑒 𝑒𝑒𝑟𝑠 𝑑𝑖𝑒 𝑑𝑜𝑜𝑑 𝑛𝑖𝑒, 𝑤𝑎𝑛𝑡 𝑑𝑖𝑒 𝑑𝑜𝑜𝑑 ℎ𝑒𝑡 𝑔𝑒𝑒𝑛 𝑚𝑎𝑔 𝑜𝑜𝑟 𝑑𝑖𝑒 𝑙𝑒𝑤𝑒𝑛𝑑𝑒 𝐻𝑒𝑟𝑒 𝑜𝑓 𝑑𝑖𝑒 𝑒𝑤𝑖𝑔𝑒 𝑙𝑒𝑤𝑒 𝑤𝑎𝑡 𝐻𝑦 𝑚𝑦 𝑠𝑘𝑒𝑛𝑘 𝑛𝑖𝑒.

𝐴𝑙 𝑤𝑖𝑙 𝑏𝑎𝑖𝑒 𝑚𝑒𝑛𝑠𝑒 𝑒𝑛 𝑑𝑖𝑒 𝑑𝑢𝑖𝑤𝑒𝑙 𝑚𝑦 𝑜𝑛𝑑𝑒𝑟𝑔𝑎𝑛𝑔 𝑠𝑖𝑒𝑛, 𝑠𝑒𝑒̈𝑛 𝐺𝑜𝑑 𝑚𝑦 𝑜𝑜𝑟𝑣𝑙𝑜𝑒𝑑𝑖𝑔 𝑒𝑛 𝑠𝑎𝑙𝑓 𝐻𝑦 𝑚𝑦 𝑜𝑚 𝑑𝑖𝑒 𝑙𝑒𝑤𝑒 𝑡𝑒 𝑙𝑒𝑒𝑓 𝑣𝑖𝑟 𝐻𝑜𝑚. 𝐸𝑘 𝑣𝑒𝑟𝑑𝑖𝑒𝑛 𝑑𝑖𝑡 𝑛𝑖𝑒, 𝑚𝑎𝑎𝑟 𝑑𝑖𝑡 𝑖𝑠 𝑤𝑖𝑒 𝐻𝑦 𝑖𝑠 – 𝑙𝑖𝑒𝑓𝑑𝑒!

𝐽𝑒𝑠𝑢𝑠 ℎ𝑒𝑡 𝑑𝑖𝑒 𝑘𝑜𝑛𝑖𝑛𝑘𝑟𝑦𝑘 𝑣𝑎𝑛 𝑑𝑖𝑒 ℎ𝑒𝑚𝑒𝑙𝑒 𝑛𝑎𝑏𝑦 𝑔𝑒𝑏𝑟𝑖𝑛𝑔 𝑒𝑛 𝑒𝑘 𝑠𝑎𝑙 𝑡𝑒𝑟𝑤𝑦𝑙 𝑒𝑘 𝑜𝑝 𝑎𝑎𝑟𝑑𝑒 𝑖𝑠 𝑒𝑛 𝑜𝑜𝑘 𝑑𝑎𝑎𝑟𝑛𝑎 – 𝑡𝑜𝑡 𝑖𝑛 𝑒𝑤𝑖𝑔ℎ𝑒𝑖𝑑 – 𝑏𝑙𝑦 𝑏𝑦 𝑑𝑖𝑒 𝐻𝑒𝑟𝑒. 𝐸𝑘 𝑖𝑠 𝑑𝑒𝑒𝑙 𝑣𝑎𝑛 𝑠𝑦 ℎ𝑢𝑖𝑠 𝑒𝑛 𝑒𝑘 𝑖𝑠 𝑠𝑦 𝑘𝑖𝑛𝑑!

𝗗𝗶𝘀 𝗷𝗮𝗺𝗺𝗲𝗿 𝗱𝗮𝘁 𝗣𝘀𝗮𝗹𝗺 𝟮𝟯 𝗼𝗽 𝗺𝗲𝗲𝗿 𝗴𝗿𝗮𝗳𝘀𝘁𝗲𝗻𝗲 𝗴𝗲𝘀𝗸𝗿𝘆𝗳 𝘀𝘁𝗮𝗮𝗻 𝗮𝘀 𝗼𝗽 𝗱𝗶𝗲 𝗹𝗲𝘄𝗲𝗻𝘀 𝘃𝗮𝗻 𝗺𝗲𝗻𝘀𝗲 𝘁𝗲𝗿𝘄𝘆𝗹 𝗵𝘂𝗹 𝗹𝗲𝗲𝗳... (𝘓𝘦𝘦𝘴 𝘩𝘪𝘦𝘳𝘥𝘪𝘦 𝘭𝘢𝘢𝘴𝘵𝘦 𝘴𝘪𝘯 𝘸𝘦𝘦𝘳)

···ᶜᴶˢ··· ©

𝟐𝟎𝟐𝟒-𝟎𝟕-𝟏𝟕 – 𝐊𝐰𝐞𝐞𝐤 𝐧𝐞𝐝𝐞𝐫𝐢𝐠𝐡𝐞𝐢𝐝. (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Wanneer God se mense Sy opdragte ontvang, moet hulle dit gehoorsaam.  Dit help nie jy sit met al die kennis en jy doen niks daarmee nie.  Toe God se volk hulleself weer aan God gewy het, verskyn God aan Samuel een aand en God sê “𝑎𝑠 𝑀𝑦 𝑚𝑒𝑛𝑠𝑒 ℎ𝑢𝑙𝑙𝑒 𝑣𝑒𝑟𝑜𝑜𝑡𝑚𝑜𝑒𝑑𝑖𝑔 𝑒𝑛 𝑏𝑖𝑑, 𝑒𝑛 𝑚𝑦 𝑡𝑒𝑒𝑛𝑤𝑜𝑜𝑟𝑑𝑖𝑔ℎ𝑒𝑖𝑑 𝑜𝑝𝑠𝑜𝑒𝑘 𝑒𝑛 𝑡𝑒𝑟𝑢𝑔𝑑𝑟𝑎𝑎𝑖 𝑣𝑎𝑛 ℎ𝑢𝑙𝑙𝑒 𝑣𝑒𝑟𝑘𝑒𝑒𝑟𝑑𝑒 𝑝𝑎𝑎𝑖𝑒, 𝑠𝑎𝑙 𝐸𝑘 𝑠𝑒𝑙𝑓 𝑢𝑖𝑡 𝑑𝑖𝑒 ℎ𝑒𝑚𝑒𝑙 ℎ𝑢𝑙𝑙𝑒 ℎ𝑜𝑜𝑟. 𝐸𝑘 𝑠𝑎𝑙 ℎ𝑢𝑙𝑙𝑒 𝑠𝑜𝑛𝑑𝑒 𝑣𝑒𝑟𝑔𝑒𝑤𝑒 𝑒𝑛 ℎ𝑢𝑙𝑙𝑒 𝑙𝑎𝑛𝑑 𝑔𝑒𝑛𝑒𝑒𝑠.”  (2 Kronieke 7:14 AFR20)

Ons weet tog dat ons onsself gereeld moet verootmoedig voor God.  Ons moet nederig word en nederig bly.  Maar wat beteken dit, en wat vereis dit van ons?  𝗛𝗼𝗲 𝗸𝗮𝗻 𝗼𝗻𝘀 𝗵𝗶𝗲𝗿𝗱𝗶𝗲 𝗻𝗲𝗱𝗲𝗿𝗶𝗴𝗵𝗲𝗶𝗱 𝗸𝘄𝗲𝗲𝗸?

• 𝗗𝗲𝘂𝗿 𝘁𝗿𝗼𝘁𝘀 𝗲𝗻 𝘀𝗲𝗹𝗳-𝘁𝘄𝘆𝗳𝗲𝗹 𝘁𝗲 𝗯𝗲𝘃𝗲𝗴: Ootmoed en nederigheid help ons om behoorlik – soos God dit wil hê – in ’n verhouding met God en ons naaste te staan.  Dit lei daarna dat ons onsself behoorlik sal evalueer en reg na onsself kyk – soos God na ons kyk, sodat ons nie te veel van onsself dink of in onsself twyfel nie.

• 𝗗𝗲𝘂𝗿 𝗱𝗶𝗲 𝘄𝗮𝗮𝗿𝗵𝗲𝗶𝗱 𝘁𝗲 𝗴𝗲𝗯𝗿𝘂𝗶𝗸 𝗮𝘀 𝗷𝗼𝘂 𝗽𝗿𝗶𝗺𝗲̂𝗿𝗲 𝘄𝗮𝗽𝗲𝗻: Wanneer jy die Woord bestudeer, leer jy wat God te sê het oor jou lewe.  Maak notas – positief én negatief – en leer God se waarheid vir jou lewe en die waarheid om die wêreld ’n beter plek te maak.

• 𝗢𝗺𝗿𝗶𝗻𝗴 𝗷𝗼𝘂𝘀𝗲𝗹𝗳 𝗺𝗲𝘁 𝗺𝗲𝗻𝘀𝗲 𝘄𝗮𝘁 𝗷𝗼𝘂 𝘀𝗮𝗹 𝘃𝗲𝗿𝗺𝗮𝗮𝗻 𝗲𝗻 𝗿𝗲𝗴 𝘄𝘆𝘀: Ons het mense in ons lewens nodig wat ’n eerlike beoordeling kan gee – mense wat ons goeie punte sal prys en aanmoedig en eerlik met ons sal wees oor ons tekortkominge en foute.

• 𝗗𝗲𝘂𝗿 𝗮𝗻𝗱𝗲𝗿 𝘁𝗲 𝗱𝗶𝗲𝗻: Nederigheid gaan nie net daaroor om in te stem oor ’n “idee” van wie ons is nie, maar dit is eerder selfkennis wat deur ervaring opgedoen word.  Die sekerste manier om sulke ervaringskennis op te doen, is deur ander te dien.  Paulus leer in Galasiërs 5:13 (AFR20): “𝐽𝑢𝑙𝑙𝑒, 𝑏𝑟𝑜𝑒𝑟𝑠, 𝑖𝑠 𝑡𝑜𝑔 𝑡𝑜𝑡 𝑣𝑟𝑦ℎ𝑒𝑖𝑑 𝑔𝑒𝑟𝑜𝑒𝑝. 𝑀𝑜𝑒𝑡 𝑛𝑒𝑡 𝑛𝑖𝑒 𝑗𝑢𝑙𝑙𝑒 𝑣𝑟𝑦ℎ𝑒𝑖𝑑 𝑚𝑖𝑠𝑏𝑟𝑢𝑖𝑘, 𝑠𝑜𝑑𝑎𝑡 𝑑𝑖𝑡 𝑎𝑎𝑛𝑙𝑒𝑖𝑑𝑖𝑛𝑔 𝑔𝑒𝑒 𝑣𝑖𝑟 𝑑𝑖𝑒 𝑣𝑙𝑒𝑒𝑠 𝑛𝑖𝑒, 𝑚𝑎𝑎𝑟 𝑑𝑖𝑒𝑛 𝑚𝑒𝑘𝑎𝑎𝑟 𝑑𝑒𝑢𝑟 𝑙𝑖𝑒𝑓𝑑𝑒.”  Deur diens leer ons dat ons Godgegewe talente en vermoëns ons anders maak.  Dit maak ons anders, maar nie beter nie.

𝙉𝙚𝙙𝙚𝙧𝙞𝙜𝙝𝙚𝙞𝙙 𝙞𝙨 ’𝙣 𝙙𝙚𝙪𝙜 𝙬𝙖𝙩 𝙤𝙣𝙩𝙬𝙞𝙠𝙠𝙚𝙡 𝙬𝙤𝙧𝙙 𝙙𝙚𝙪𝙧 𝙫𝙤𝙤𝙧𝙩𝙙𝙪𝙧𝙚𝙣𝙙 𝙩𝙚 𝙥𝙧𝙤𝙗𝙚𝙚𝙧 𝙤𝙢 𝙤𝙣𝙨𝙨𝙚𝙡𝙛 𝙩𝙚 𝙨𝙞𝙚𝙣 𝙨𝙤𝙤𝙨 𝙂𝙤𝙙 𝙤𝙣𝙨 𝙨𝙞𝙚𝙣.

𝕲𝖊𝖇𝖊𝖉:

Almagtige, ewige God, dankie dat U my lief het en Uself aan my openbaar in U Woord.  Help my om myself te sien soos U my sien.  Leer my U waarheid deur U Woord en gee asseblief die regte mense in my lewe om ook te help daarmee.  Vorm my sodat ek in nederigheid U sal dien en ook ander sal dien.  Mag U daardeur verheerlik word.  Amen

···ᶜᴶˢ··· ©

𝟐𝟎𝟐𝟒-𝟎𝟕-𝟏𝟔 – 𝐇𝐨𝐮 𝐛𝐨𝐞𝐤 𝐯𝐚𝐧 𝐝𝐢𝐞 𝐥𝐞𝐰𝐞. (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Baie kere as dinge goed gaan, vergeet ons dit te gou.  Ons goeie ervarings word té dikwels deur donker wolke van slegte ervarings, selfverwyt, ongeluk en teëspoed oorskadu.  Dan vergeet ons sommer van die goeie in die lewe en begin ons dink dat die lewe baie swaar is.  Die manier waarop ons boekhou van die lewe, maak dat die balans na die verkeerde kant toe tilt.  Dit begin lyk of ons altyd in die rooi is en nooit daaruit kan kom nie.  Ons moet leer om dinge anders te doen...

Wanneer Paulus sy eerste brief aan die mense in Tessalonika afsluit, gee hy hulle so paar laaste herinneringe van hoe hulle hul boek se inskrywings moet invul.  Hy gee aan hulle so paar laaste wenke van hoe hulle hul gesindhede moet verander.  Net so paar van hulle:

“𝑊𝑒𝑒𝑠 𝑎𝑙𝑡𝑦𝑑 𝑏𝑙𝑦. 𝐵𝑖𝑑 𝑔𝑒𝑑𝑢𝑟𝑖𝑔. 𝑊𝑒𝑒𝑠 𝑖𝑛 𝑎𝑙𝑙𝑒 𝑜𝑚𝑠𝑡𝑎𝑛𝑑𝑖𝑔ℎ𝑒𝑑𝑒 𝑑𝑎𝑛𝑘𝑏𝑎𝑎𝑟, 𝑤𝑎𝑛𝑡 𝑑𝑖𝑡 𝑖𝑠 𝑤𝑎𝑡 𝐺𝑜𝑑 𝑖𝑛 𝐶ℎ𝑟𝑖𝑠𝑡𝑢𝑠 𝐽𝑒𝑠𝑢𝑠 𝑣𝑎𝑛 𝑗𝑢𝑙𝑙𝑒 𝑣𝑒𝑟𝑤𝑎𝑔.” – 1 Tessalonisense 5:16-18 (AFR20)

Sien, nie elke dag is ’n slegte dag nie.  Inteendeel, ons moet juis probeer om te vergeet van die slegte dae.  Ons kan leer uit slegte ervarings, maar ons kan dit aanwend om van ons beter mense te maak.  Ons moet egter meer en meer die goeie dae en goeie ervarings onthou.  Ons moet die boek inskrywings waar God aan ons rustigheid en vrede en blydskap geskenk het bewaar.  Ons moet dit selfs fisies in ’n regte boek neerskryf, indien nodig.  Ons moet onsself daaraan herinner.  Daardie tye wat niemand anders gekry nie, maar as jy daaraan dink, dan glimlag jy en onthou jy God se goedheid.   Daardie tye waar jou blydskap oorgeloop het.  Ons moet boekhou daarvan om onsself te herinner.

Wanneer die donker wolke kom, sal ons reg wees.  Ons weet mos: die duiwel hou daarvan om ons koppe te vul met allerhande negatiewe gedagtes.  ’n Stukkie geluk werk soos ’n flitslig in die middel van die nag.  Die bose kan maar probeer om ons wêreld met somberheid te vertroebel, maar as ons die boek oopmaak wat God se seëninge bevat, word die skaduwees verpletter en verdwyn die donker wolke soos mis voor die son.

Onthou dat jou lewe verander die dag wanneer jy jou geheel en al oorgee aan Jesus Christus.  Jou boek begin nuut.  Ja, daar is nog van die ou inskrywings daar, maar jy hoef nie almal te hou nie.  Begin om daardie ou, donker bladsye uit te trek en stuur dit deur God se versnipperaar en begin om hulle te vervang met nog meer van die gelukkiges waar God aan jou vrede, geluk en blydskap skenk.

Onthou, jy kies hoe jy boekhou van jou lewe.  As jy toelaat dat donker wolke die opskrifte van die bladsye gaan wees, gaan dit maak vir ’n tranetrekker die dag wanneer dit geoudit moet word.  Jou lewe is onder nuwe bestuur en die ou boeke maak nie meer saak nie.  Raak ontslae van daardie ou, donker blaaie.  Kies eerder om meer boek te hou van die goeie dae, gevul met God se goedheid.  Wees bly, bid gedurig en wees dankbaar. 

𝕲𝖊𝖇𝖊𝖉:

Dankie Here Jesus, dat U aan my ’n keuse gee.  Help my om nie te fokus op die negatiewe dinge van die lewe nie.  Dankie dat alles van my verlede nie hoef te bepaal wie ek is nie.  Dankie dat ek ’n nuwe lewe het in U.  Help my te om fokus op U teenwoordigheid in my lewe, sodat U, Heilige Gees, my sal vul met blydskap en dankbaarheid.  Ek loof en prys U daarvoor.  Amen

···ᶜᴶˢ··· ©

𝟐𝟎𝟐𝟒-𝟎𝟕-𝟏𝟓 – 𝐆𝐨𝐝 𝐢𝐬 𝐦𝐲 𝐬𝐤𝐮𝐢𝐥𝐩𝐥𝐞𝐤. (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Dikwels in die lewe is daar gebeure wat ons nie kan verklaar nie en vele male veroorsaak hierdie gebeure dat ons deur een of ander beproewing gaan. Soms voel dit of alles en almal teen ons gedraai het en dat niemand aan ons kant is nie. Maak nie saak wat jy doen nie, dit voel of jy ’n opdraande stryd stry.

Dalk is jy vandag in een van daardie stryde gewikkel of dalk ken jy iemand wat deur ’n moeilike tyd gaan en so voel en bemoediging nodig het. Wanneer ons deur donker tye gaan, weet ons dat ons moet bid tot God. Partymaal voel dit of ons bid en bid en bid, maar dat God nie luister nie of dat Hy nie ons gebed wil verhoor nie. Ons raak moedeloos...

Wanneer Jesus ons leer bid met die Onse Vader gebed, is die meeste dinge van ons daaglikse lewe daarby ingesluit – as ons bietjie uitbrei op elke deel daarvan. Maar soms het ons nie eers die krag of wil om dit te doen nie.

Gelukkig is daar regdeur die Bybel die gebede van gelowiges wat ook soos ons gevoel het. Die Psalms is natuurlik een van die wonderlikste voorbeelde hiervan. Hoor Dawid se gebed in Psalm 142 (AFR20):

“'𝑛 𝑀𝑎𝑠𝑘𝑖𝑒𝑙. 𝑉𝑎𝑛 𝐷𝑎𝑤𝑖𝑑. 𝑇𝑜𝑒 ℎ𝑦 𝑖𝑛 𝑑𝑖𝑒 𝑔𝑟𝑜𝑡 𝑤𝑎𝑠. '𝑛 𝐺𝑒𝑏𝑒𝑑.

𝑁𝑎 𝑑𝑖𝑒 𝐻𝑒𝑟𝑒 𝑟𝑜𝑒𝑝 𝑒𝑘 ℎ𝑎𝑟𝑑𝑜𝑝 𝑜𝑚 ℎ𝑢𝑙𝑝;

𝑏𝑦 𝑑𝑖𝑒 𝐻𝑒𝑟𝑒 𝑝𝑙𝑒𝑖𝑡 𝑒𝑘 ℎ𝑎𝑟𝑑𝑜𝑝 𝑜𝑚 𝑔𝑒𝑛𝑎𝑑𝑒.

𝐸𝑘 𝑠𝑡𝑜𝑟𝑡 𝑣𝑜𝑜𝑟 𝐻𝑜𝑚 𝑚𝑦 𝑘𝑙𝑎𝑔 𝑢𝑖𝑡;

𝑣𝑜𝑜𝑟 𝐻𝑜𝑚 𝑚𝑎𝑎𝑘 𝑒𝑘 𝑚𝑦 𝑛𝑜𝑜𝑑 𝑏𝑒𝑘𝑒𝑛𝑑.

𝑊𝑎𝑛𝑛𝑒𝑒𝑟 𝑚𝑦 𝑔𝑒𝑒𝑠 𝑖𝑛 𝑚𝑦 𝑏𝑒𝑔𝑖𝑛 𝑤𝑒𝑖𝑓𝑒𝑙,

𝑖𝑠 𝑑𝑖𝑡 𝑈 𝑤𝑎𝑡 𝑚𝑦 𝑝𝑎𝑑 𝑘𝑒𝑛.

𝑂𝑝 𝑑𝑖𝑒 𝑝𝑎𝑑 𝑤𝑎𝑡 𝑒𝑘 𝑚𝑜𝑒𝑡 𝑙𝑜𝑜𝑝,

ℎ𝑒𝑡 ℎ𝑢𝑙𝑙𝑒 𝑖𝑛 𝑑𝑖𝑒 𝑔𝑒ℎ𝑒𝑖𝑚 '𝑛 𝑣𝑎𝑛𝑔𝑛𝑒𝑡 𝑣𝑖𝑟 𝑚𝑦 𝑔𝑒𝑠𝑝𝑎𝑛.

𝐴𝑠 𝑒𝑘 𝑟𝑒𝑔𝑠 𝑘𝑦𝑘, 𝑠𝑖𝑒𝑛 𝑒𝑘 𝑛𝑖𝑒𝑚𝑎𝑛𝑑 𝑖𝑠 𝑚𝑦 𝑔𝑜𝑒𝑑𝑔𝑒𝑠𝑖𝑛𝑑 𝑛𝑖𝑒.

'𝑛 𝑆𝑘𝑢𝑖𝑙𝑝𝑙𝑒𝑘 𝑖𝑠 𝑣𝑖𝑟 𝑚𝑦 𝑣𝑒𝑟𝑙𝑜𝑟𝑒;

𝑛𝑖𝑒𝑚𝑎𝑛𝑑 𝑖𝑠 𝑏𝑒𝑔𝑎𝑎𝑛 𝑜𝑜𝑟 𝑚𝑦 𝑙𝑒𝑤𝑒 𝑛𝑖𝑒.

𝐸𝑘 𝑟𝑜𝑒𝑝 𝑛𝑎 𝑈 𝑜𝑚 ℎ𝑢𝑙𝑝, 𝐻𝑒𝑟𝑒.

𝐸𝑘 𝑠𝑒̂: “𝑈 𝑖𝑠 𝑚𝑦 𝑠𝑘𝑢𝑖𝑙𝑝𝑙𝑒𝑘,

𝑚𝑦 𝑑𝑒𝑒𝑙 𝑖𝑛 𝑑𝑖𝑒 𝑙𝑎𝑛𝑑 𝑣𝑎𝑛 𝑑𝑖𝑒 𝑙𝑒𝑤𝑒𝑛𝑑𝑒𝑠.

𝐺𝑒𝑒 𝑡𝑜𝑔 𝑎𝑎𝑛𝑑𝑎𝑔 𝑎𝑎𝑛 𝑚𝑦 𝑘𝑙𝑎𝑎𝑔𝑟𝑜𝑒𝑝,

𝑤𝑎𝑛𝑡 𝑒𝑘 𝑖𝑠 𝑏𝑎𝑖𝑒 𝑛𝑖𝑒𝑡𝑖𝑔.

𝑅𝑒𝑑 𝑚𝑦 𝑣𝑎𝑛 𝑚𝑦 𝑣𝑒𝑟𝑣𝑜𝑙𝑔𝑒𝑟𝑠,

𝑤𝑎𝑛𝑡 ℎ𝑢𝑙𝑙𝑒 𝑖𝑠 𝑡𝑒 𝑠𝑡𝑒𝑟𝑘 𝑣𝑖𝑟 𝑚𝑦.

𝐿𝑒𝑖 𝑚𝑦 𝑢𝑖𝑡 𝑔𝑒𝑣𝑎𝑛𝑔𝑒𝑛𝑠𝑘𝑎𝑝,

𝑠𝑜𝑑𝑎𝑡 𝑒𝑘 𝑢 𝑁𝑎𝑎𝑚 𝑘𝑎𝑛 𝑝𝑟𝑦𝑠.

𝑅𝑒𝑔𝑣𝑒𝑟𝑑𝑖𝑔𝑒𝑠 𝑠𝑎𝑙 𝑜𝑚 𝑚𝑦 𝑠𝑎𝑎𝑚𝑘𝑜𝑚

𝑎𝑠 𝑈 𝑎𝑎𝑛 𝑚𝑦 𝑔𝑜𝑒𝑑 𝑑𝑜𝑒𝑛.””

Ons is baie geseënd dat meeste van ons nie woon op plekke waar ons vervolg word en weens ons geloof vir ons lewens hoef te vrees nie. Tog voel dit soms vir ons of mense ook vir ons vangnette span en dat hulle ons ondergang soek – die wêreld kan nogal boos wees partykeer.

Maar God ken die pad wat ons moet loop en Hy is ons skuilplek. Wanneer ons stil word by Hom, kan ons Hom prys en besef dat sy goedheid en guns altyd by ons bly.

Hou moed. Vertrou op God, want Hy is naby. Stort jou hart uit voor Hom en laat sy vrede oor jou vloei. God is ons skuilplek en daar is oorvloedige liefde en genade by Hom.

···ᶜᴶˢ··· ©

𝟐𝟎𝟐𝟒-𝟎𝟕-𝟏𝟑 – 𝐋𝐨𝐨𝐟 𝐇𝐨𝐦! “𝐒𝐲 𝐍𝐚𝐚𝐦 𝐢𝐬 𝐇𝐞𝐫𝐞, 𝐚𝐥𝐦𝐚𝐠𝐭𝐢𝐠𝐞 𝐆𝐨𝐝!” (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Sedert die begin van die mens se bestaan, was God altyd betrokke gewees. God wou nog altyd dat alle mense nie verlore gaan nie en dat alle mense naby Hom sal leef. Die doel van die mens is om te bestaan tot eer van die almagtige God.

Maar die mens het van Adam en Eva se tyd gekies om eerder ons eie eer te soek en ons eie wil te laat geskied – iets wat meer as net soms in stryd is met God se wil. Daarom het die Here, na soveel eeue wat die mens nie self hul redding behoorlik kon bewerk nie, die beloofde Messias gestuur. Na eeue se raad en opdragte deur priesters en profete, kon die mens nog nie besef dat jy werklik so naby aan God kan wandel soos die lug wat jy inasem nie.

Daarom het Jesus gekom en toe Hy gesê het dat die koninkryk van die hemele op hande is (Matt. 4:17), moes mense besef dat Hy – die misterie van God – juis die koninkryk bring. In Jesus se teenwoordigheid, beleef jy God se heersing oor elke deel van jou lewe.

Maar, om dit behoorlik te besef, moet jy nogsteeds eers besef wie jy is en wie God is. God is soveel groter as wat ons kan verstaan of probeer beskryf in menslike woorde. Tog het God nog altyd aan ons bekend gemaak wie Hy is en hoe groot Hy is, maar ons het ook gekies om dit as vanselfsprekend te aanvaar. Omtrent 760 jaar voor Christus gekom het, lewer Amos, ’n gewonde herder, die profesie wat God aan Hom openbaar het oor Israel. Die profesie is ’n verdoemende een, maar regdeur word die volk herinner aan die kern waarhede. In Amos 4:13 (AFR53) sê Amos:

“𝐽𝑦 𝑚𝑜𝑒𝑡 𝑏𝑒𝑠𝑒𝑓:

𝐻𝑦 𝑤𝑎𝑡 𝑏𝑒𝑟𝑔𝑒 𝑣𝑜𝑟𝑚 𝑒𝑛 𝑑𝑖𝑒 𝑤𝑖𝑛𝑑 𝑠𝑘𝑒𝑝,

𝐻𝑦 𝑤𝑎𝑡 𝑠𝑦 𝑔𝑒𝑑𝑎𝑔𝑡𝑒𝑠 𝑎𝑎𝑛 𝑑𝑖𝑒 𝑚𝑒𝑛𝑠 𝑏𝑒𝑘𝑒𝑛𝑑 𝑚𝑎𝑎𝑘,

𝐻𝑦 𝑤𝑎𝑡 𝑑𝑖𝑒 𝑑𝑎𝑔𝑏𝑟𝑒𝑒𝑘 𝑑𝑜𝑛𝑘𝑒𝑟 𝑚𝑎𝑎𝑘,

𝐻𝑦 𝑤𝑎𝑡 𝑜𝑜𝑟 𝑑𝑖𝑒 ℎ𝑜𝑜𝑔𝑡𝑒𝑠 𝑣𝑎𝑛 𝑑𝑖𝑒 𝑎𝑎𝑟𝑑𝑒 𝑔𝑎𝑎𝑛,

𝑠𝑦 𝑁𝑎𝑎𝑚 𝑖𝑠 𝐻𝑒𝑟𝑒, 𝑎𝑙𝑚𝑎𝑔𝑡𝑖𝑔𝑒 𝐺𝑜𝑑!”

Ja, regdeur die heelal word God se almag vertoon. In elke oomblik van elke dag, as ons net vir ’n rukkie wil stil word, kan ons tot die besef kom dat God God is. Hy is alomteenwoordig en Hy vind elke oomblik vreugde in alles wat Hy geskep het. En jy is spesiaal anders geskep as die res van die skepping. Jy kan met God kommunikeer en jy kan deel in die liefde vreugde wat Hy is.

Daarom, besef asseblief vandag dat die Here, almagtige God, by jou is deur Jesus Christus en die Heilige Gees. Besef dat Hy nogsteeds net die beste vir jou wil hê – te midde van ’n wêreld wat boos is en eerder eie eer en selfregverdiging najaag. Besef dat hierdie almagtige God jou by die naam ken en jou by die naam geroep het om jou lewe vir Hom te leef. Besef dat jy wel sy gedagtes kan ken wanneer jy in die koninkryk lewe leef saam met Jesus.

Loof die Een wat alles gemaak het en deur Sy Seun, Jesus Christus dit vir ons moontlik gemaak het om te deel in sy koninkryk! Loof Hom! “𝑆𝑦 𝑁𝑎𝑎𝑚 𝑖𝑠 𝐻𝑒𝑟𝑒, 𝑎𝑙𝑚𝑎𝑔𝑡𝑖𝑔𝑒 𝐺𝑜𝑑!”

···ᶜᴶˢ··· ©

𝟐𝟎𝟐𝟒-𝟎𝟕-𝟏𝟐 – “... 𝒐𝒏𝒔 𝒍𝒂𝒏𝒅 𝒔𝒂𝒍 𝒔𝒚 𝒐𝒑𝒃𝒓𝒆𝒏𝒈𝒔 𝒍𝒆𝒘𝒆𝒓.” (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Wanneer jy in die stad of in groot dorpe bly, dan hoor jy soms van droogte en jy hoor dat die boere sukkel om met al die stygende insetkoste by te bly. Jy hoor dat dit ’n impak sal hê op alle verbruikers van enige ware – nie net voedsel nie. Jy hoor al hierdie dinge, maar die wêreld het ons so apaties gemaak teenoor soveel dinge. Ons hoor van mense wat sukkel en ons is dankbaar dat dit darem nie ons is nie. Of ons sukkel, maar iewers het ons geleer dat “iemand anders dinge erger het” en dat ons situasie nie so erg is nie.

Ja, die wêreld se waardesisteem het ons binnegedring en, omdat ons in so ’n erge verbruikers georiënteerde tyd lewe, is ons fokus so dikwels net op die dinge wat ek nodig het om te kan oorleef of die dinge wat ek kan doen of koop om “voor te kom in die lewe.” Jesus het gesê ons moet vir ons eerder skatte in die hemel bymekaarmaak (Matt. 6:19-34) en ons nie bekommer oor die dag van môre nie, maar hoe kan ons dan nie bekommer nie? Alles word duurder en alles word moeiliker...

Baie boere in die ou Wes-Transvaal (Noordwes-provinsie) het hierdie jaar klein- of geen oes nie. Mense wat nie boerdery verstaan nie, dink dat dit nie so erg is nie, want dis net een slegte oes. Maar dit is die hele jaar se harde werk en inspanning (fisies en finansieel) wat nie opbrengste lewer nie. As jy nie boer nie, dink hoe sou jy kon klaarkom om vir ’n jaar te werk sonder betaling. Hoe sou jy nog alles kon bekostig en oorleef? As jy nie reserwes het nie, hoe gaan jy voort?

Boerdery is nie net ’n beroep of ’n besigheid nie. Boerdery is geloof. As mense wat weet dat alle goeie dinge van God af kom, weet meeste boere dat hul gehoorsaamheid aan God se letterlike opdrag om die aarde te bewerk – soos daar aan Adam en Eva gesê was (Gen. 3:17-19) – nie maklik sal wees nie. Sonder geloof sal dit moeilik wees om te leef nie net om te oorleef nie. Daarom moet elkeen van ons die wonderlike woorde van Psalm 85 hoor:

“𝐻𝑒𝑟𝑒, 𝑙𝑎𝑎𝑡 𝑜𝑛𝑠 𝑤𝑒𝑒𝑟 𝑢 𝑡𝑟𝑜𝑢𝑒 𝑙𝑖𝑒𝑓𝑑𝑒 𝑒𝑟𝑣𝑎𝑎𝑟,

𝑢 𝑣𝑒𝑟𝑙𝑜𝑠𝑠𝑖𝑛𝑔 – 𝑠𝑘𝑒𝑛𝑘 𝑑𝑖𝑡 𝑎𝑎𝑛 𝑜𝑛𝑠!

𝐸𝑘 𝑤𝑖𝑙 ℎ𝑜𝑜𝑟 𝑤𝑎𝑡 𝐺𝑜𝑑, 𝑑𝑖𝑒 𝐻𝑒𝑟𝑒, 𝑠𝑒̂,

𝑤𝑎𝑛𝑡 𝐻𝑦 𝑝𝑟𝑎𝑎𝑡 𝑜𝑜𝑟 𝑣𝑟𝑒𝑑𝑒 𝑣𝑖𝑟 𝑠𝑦 𝑣𝑜𝑙𝑘 𝑒𝑛 𝑠𝑦 𝑔𝑒𝑡𝑟𝑜𝑢𝑒 𝑣𝑜𝑙𝑔𝑒𝑙𝑖𝑛𝑔𝑒.

𝐻𝑢𝑙𝑙𝑒 𝑚𝑜𝑒𝑡 𝑛𝑒𝑡 𝑛𝑖𝑒 𝑡𝑒𝑟𝑢𝑔𝑘𝑒𝑒𝑟 𝑛𝑎 𝑑𝑤𝑎𝑎𝑠ℎ𝑒𝑖𝑑 𝑛𝑖𝑒.

𝑆𝑦 𝑣𝑒𝑟𝑙𝑜𝑠𝑠𝑖𝑛𝑔 𝑖𝑠 𝑏𝑒𝑠𝑙𝑖𝑠 𝑛𝑎𝑏𝑦 𝑑𝑖𝑒́ 𝑤𝑎𝑡 𝑣𝑖𝑟 𝐻𝑜𝑚 𝑜𝑛𝑡𝑠𝑎𝑔 ℎ𝑒𝑡,

𝑠𝑜𝑑𝑎𝑡 𝑠𝑦 ℎ𝑒𝑒𝑟𝑙𝑖𝑘ℎ𝑒𝑖𝑑 𝑖𝑛 𝑜𝑛𝑠 𝑙𝑎𝑛𝑑 '𝑛 𝑡𝑢𝑖𝑠𝑡𝑒 𝑘𝑎𝑛 ℎ𝑒̂.

𝑇𝑟𝑜𝑢𝑒 𝑙𝑖𝑒𝑓𝑑𝑒 𝑒𝑛 𝑤𝑎𝑎𝑟ℎ𝑒𝑖𝑑 𝑜𝑛𝑡𝑚𝑜𝑒𝑡 𝑚𝑒𝑘𝑎𝑎𝑟,

•𝑔𝑒𝑟𝑒𝑔𝑡𝑖𝑔ℎ𝑒𝑖𝑑 𝑒𝑛 𝑣𝑟𝑒𝑑𝑒 𝑜𝑚ℎ𝑒𝑙𝑠 𝑚𝑒𝑘𝑎𝑎𝑟.

𝑊𝑎𝑎𝑟ℎ𝑒𝑖𝑑 𝑠𝑎𝑙 𝑢𝑖𝑡 𝑑𝑖𝑒 𝑎𝑎𝑟𝑑𝑒 𝑠𝑝𝑟𝑢𝑖𝑡,

𝑔𝑒𝑟𝑒𝑔𝑡𝑖𝑔ℎ𝑒𝑖𝑑 𝑢𝑖𝑡 𝑑𝑖𝑒 ℎ𝑒𝑚𝑒𝑙 𝑛𝑒𝑒𝑟𝑘𝑦𝑘.

𝐷𝑎𝑎𝑟𝑏𝑦 𝑠𝑎𝑙 𝑑𝑖𝑒 𝐻𝑒𝑟𝑒 𝑔𝑒𝑒 𝑤𝑎𝑡 𝑔𝑜𝑒𝑑 𝑖𝑠,

𝑒𝑛 𝑜𝑛𝑠 𝑙𝑎𝑛𝑑 𝑠𝑎𝑙 𝑠𝑦 𝑜𝑝𝑏𝑟𝑒𝑛𝑔𝑠 𝑙𝑒𝑤𝑒𝑟.

𝐺𝑒𝑟𝑒𝑔𝑡𝑖𝑔ℎ𝑒𝑖𝑑 𝑔𝑎𝑎𝑛 𝑣𝑜𝑜𝑟 𝐻𝑜𝑚 𝑢𝑖𝑡 𝑒𝑛 𝑏𝑎𝑎𝑛 𝑣𝑖𝑟 𝑠𝑦 𝑣𝑜𝑒𝑡𝑠𝑡𝑎𝑝𝑝𝑒 𝑑𝑖𝑒 𝑤𝑒𝑔.”

– Psalm 85:8-14 (AFR20)

Wanneer jy elke dag saam met die Here wandel en lewe in sy genade; wanneer jy geregtigheid laat geskied, te midde van onvoorsiene, ongunstige toestande; wanneer jy smag daarna om te hoor hoe die Here praat oor vrede vir sy volk en jy hou by wat goed en reg is, soos Jesus ons geleer het – dan hoor jy God se stem en besef jy dat verlossing naby is, want Jesus is naby; dan hoor, sien en ervaar jy hoe troue liefde en waarheid mekaar ontmoet en geregtigheid en vrede mekaar omhels; dan weet jy dat die land weer sy opbrengs sal lewer, want dit behoort aan God.

Mag jy ’n hart vol liefde vir alle mense hê, soos Jesus gehad het. Mag jy bid vir diegene wat deur moeilike tye gaan en besef dat elke mense se uitdaging so groot is soos joune, want onreg bly onreg. Mag jy vertrou op die Here om aan jou vrede te gee, want Hy het belowe om met jou te wees vir altyd – en Hy IS by jou. Die Here sal aan jou gee wat goed is.

···ᶜᴶˢ··· ©

𝟐𝟎𝟐𝟒-𝟎𝟕-𝟏𝟏 – 𝐌𝐨𝐞𝐧𝐢𝐞 𝐨𝐦 𝐝𝐢𝐞 𝐛𝐨𝐬 𝐠𝐞𝐥𝐞𝐢 𝐰𝐨𝐫𝐝 𝐧𝐢𝐞. (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

In Kolossense 2 skryf Paulus aan die mense in Laodisea wat gesukkel het met die ou lewe en die selfregverdiging van aangepaste weergawes van die evangelie. Jesus het self ook op baie geleenthede gewaarsku teen die valse en verdraaide leer van die skrifkenners en Fariseërs. Paulus skryf:

“𝐷𝑖𝑡 𝑖𝑠 𝑚𝑦 𝑑𝑜𝑒𝑙 𝑑𝑎𝑡 ℎ𝑢𝑙𝑙𝑒 ℎ𝑎𝑟𝑡𝑒, 𝑑𝑒𝑢𝑟 𝑙𝑖𝑒𝑓𝑑𝑒 𝑠𝑎𝑎𝑚𝑔𝑒𝑏𝑖𝑛𝑑 𝑏𝑒𝑚𝑜𝑒𝑑𝑖𝑔 𝑚𝑎𝑔 𝑤𝑜𝑟𝑑, 𝑒𝑛 𝑑𝑎𝑡 ℎ𝑢𝑙𝑙𝑒 𝑘𝑎𝑛 𝑘𝑜𝑚 𝑡𝑜𝑡 𝑑𝑖𝑒 𝑣𝑜𝑙𝑙𝑒 𝑟𝑦𝑘𝑑𝑜𝑚 𝑣𝑎𝑛 𝑎𝑙𝑙𝑒𝑠𝑜𝑚𝑣𝑎𝑡𝑡𝑒𝑛𝑑𝑒 𝑖𝑛𝑠𝑖𝑔, 𝑗𝑎, 𝑡𝑜𝑡 𝑑𝑖𝑒 𝑘𝑒𝑛𝑛𝑖𝑠 𝑣𝑎𝑛 𝑑𝑖𝑒 𝑚𝑖𝑠𝑡𝑒𝑟𝑖𝑒 𝑣𝑎𝑛 𝐺𝑜𝑑, 𝑛𝑎𝑎𝑚𝑙𝑖𝑘 •𝐶ℎ𝑟𝑖𝑠𝑡𝑢𝑠, 𝑖𝑛 𝑤𝑖𝑒 𝑎𝑙 𝑑𝑖𝑒 𝑠𝑘𝑎𝑡𝑡𝑒 𝑣𝑎𝑛 𝑤𝑦𝑠ℎ𝑒𝑖𝑑 𝑒𝑛 𝑘𝑒𝑛𝑛𝑖𝑠 𝑣𝑒𝑟𝑏𝑜𝑟𝑔𝑒 𝑖𝑠. 𝐷𝑖𝑡 𝑠𝑒̂ 𝑒𝑘, 𝑠𝑜𝑑𝑎𝑡 𝑛𝑖𝑒𝑚𝑎𝑛𝑑 𝑗𝑢𝑙𝑙𝑒 𝑚𝑒𝑡 𝑠𝑙𝑖𝑛𝑘𝑠𝑒 𝑎𝑟𝑔𝑢𝑚𝑒𝑛𝑡𝑒 𝑜𝑚 𝑑𝑖𝑒 𝑏𝑜𝑠 𝑠𝑎𝑙 𝑙𝑒𝑖 𝑛𝑖𝑒.” – Kolossense 2:2-4 (AFR20)

Sien jy die maklike oplossing in die teks? Sien jy wat sê Paulus is die geheim tot die enigste waarheid? Dit is nie allerhande maniere om dinge wat jy in jou hart weet verkeerd is, te regverdig nie. Dit is eenvoudig: ’n Hart vol liefde. ’n Hart, saamgebind aan ander gelowiges. ’n Hart wat die volle rykdom van allesomvattende insig besit. ’n Hart wat nie om die bos gelei word deur sogenaamde slim mense wat God en God se genade probeer oorkompliseer nie.

Vir die ongelowige, is God ’n groot misterie wat nooit verstaan sal word nie. Vir die gelowige is God ook ’n misterie, want ons menslike brein kan Hom nie behoorlik eers definieer of beskryf nie. Maar, in Jesus Christus, word wat eens verborge skatte van wysheid en kennis was, ook aan ons bekend. In Jesus Christus, leer ons die Vader ken en is die misterie nie meer ’n misterie nie, want ons is tevrede om net in Hom te rus en in sy koninkryk te leef. Verstaan jy? Sien jy dat Christus self die misterie van God is? Maar vir dié wat glo, wat Hom ken, is dit nie meer ’n misterie nie.

Moet dus nie deur slinkse argumente om die bos gelei word nie. Jy hoef niks te doen om gered te word nie. Jy hoef ook niks te doen om geregverdig voor God te wees nie. Jy moet glo. En jy moet saam met Jesus leef, sodat Hy jou wys hoe groot God is. Die doen van regte dinge en die onderhouding van die Wet kom as vanselfsprekende resultaat daarvan.

’n Hart vol liefde – Jesus-liefde, saam met Jesus – dis al wat nodig is elke dag.

···ᶜᴶˢ··· ©

𝟐𝟎𝟐𝟒-𝟎𝟓-𝟏𝟒 – 𝐊𝐥𝐢𝐦 𝐯𝐚𝐧 𝐣𝐨𝐮 𝐩𝐞𝐫𝐝𝐣𝐢𝐞 𝐚𝐟. (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Ek sien onlangs op ’n TV-program ’n oorsese predikant wat praat oor die wonderlike gratis onderwys- en ander gemeenskapsprojekte wat hulle kerk aangepak het.  Hy sê dan ook hoe trots hulle is op hierdie goeie werk wat hulle gedoen het en hy lyk heel in sy noppies daarmee.  Maar nie een keer gee hy die eer aan God nie.  Alhoewel dit ’n episode in ’n TV-reeks was, het ek net weer besef hoe hierdie ook die norm geword het in die kerk en in die wêreld – mense leef al hoe meer vir hul eie eer en selfverheffing en sommige mense kom dit nie eers agter nie.

Ek stem nogal saam dat daar baie predikante deesdae is wat dalk nooit in die bediening moes wees nie.  Hul aksies en woorde veroorsaak dat mense al minder respek het vir die amp, die kerk en selfs God.  Mense praat met of oor predikante soos hulle wil, want die predikant en die kerk moet darem “𝘩𝘶𝘭 𝘱𝘭𝘦𝘬 𝘬𝘦𝘯”, “𝘩𝘶𝘭𝘭𝘦 𝘮𝘰́𝘦́𝘵 𝘥𝘪𝘦 𝘮𝘪𝘯𝘥𝘦𝘳𝘦, 𝘯𝘦𝘥𝘦𝘳𝘪𝘨𝘦 𝘨𝘳𝘰𝘦𝘱 𝘮𝘦𝘯𝘴𝘦 𝘸𝘦𝘦𝘴”.   As predikant durf jy nie reageer of mense teëstaan nie, want “𝘩𝘰𝘦 𝘥𝘶𝘳𝘧 𝘫𝘺, 𝘭𝘪𝘦𝘸𝘦 𝘥𝘰𝘮𝘪𝘯𝘦𝘦𝘵𝘫𝘪𝘦?”, “𝘦𝘬 𝘩𝘦𝘵 𝘮𝘰𝘴 𝘳𝘦𝘨𝘵𝘦!”  As ek dit sien gebeur en soms ook ervaar, wonder ek ook of ek nog in die bediening wíl wees...  Die hartseerste deel is nie die seer wat mense predikante en gemeentes aandoen nie, maar die dieperliggende probleem...

Ja, met die verbruikers era waarin ons leef, voel baie mense dat hul die reg het om met alle mense, selfs hul predikant, ouderling, diaken en ander mede-gelowiges te praat asof ander minderwaardig is en nét daar is om hulle te dien.  Mense kom nie eers agter dat dit uiteindelik in hul lewens begin gaan het nét oor hul eie eer nie.  Mense sê soms hulle is Christene, maar as die res van die wêreld na hul kyk vra hul selfs vir hulle: “𝘞𝘢𝘢𝘳 𝘪𝘴 𝘫𝘰𝘶 𝘎𝘰𝘥?”  Hoekom?  Want mense kan nie meer God raaksien in ons lewens nie.

In Psalm 115:4-8 beskryf die psalmdigters hoe die heidennasies se gode uiteindelik tot niks kom nie – dat hulle dood is en dat hulle makers – “𝑒𝑙𝑘𝑒𝑒𝑛 𝑤𝑎𝑡 𝑜𝑝 ℎ𝑢𝑙𝑙𝑒 𝑣𝑒𝑟𝑡𝑟𝑜𝑢” (Ps. 115:8) – net soos hulle word.  Dan vra hulle ook: “𝑊𝑎𝑎𝑟 𝑖𝑠 ℎ𝑢𝑙𝑙𝑒 𝐺𝑜𝑑 𝑑𝑎𝑛?” (Ps. 115:2).  Die psalmdigters antwoord en sê: “𝑂𝑛𝑠 𝐺𝑜𝑑 𝑖𝑠 𝑖𝑛 𝑑𝑖𝑒 ℎ𝑒𝑚𝑒𝑙; 𝑎𝑙𝑙𝑒𝑠 𝑤𝑎𝑡 𝐻𝑜𝑚 𝑏𝑒ℎ𝑎𝑎𝑔, 𝑑𝑜𝑒𝑛 𝐻𝑦.” (Ps. 115:3), maar die vraag is: Kan mense dit sien?  Kan hulle dit sien in ons lewens?

Ons roem so dikwels oor die feit dat ons darem nie té groot sondaars is nie.  Ja, ons vloek dalk so bietjie, drink dalk ’n bietjie te veel, skinder ’n bietjie, beledig ’n bietjie, of lieg dalk ’n bietjie...  Maar ons moor nie, ons steel nie, ons is nie egbrekers nie...  Ons gee darem ons tiende of selfs meer vir die kerk, ons help met kerkfunksies, ons dien selfs op kommissies en rade, ons is betrokke by skole- en gemeenskapsprojekte...  Die goeie wat ons doen vir die kerk en “vir die Here” is baie meer as die klein ou sondetjies wat ons doen – dit kan afgeskryf word aan ons menslikheid en “𝘰𝘯𝘴 𝘮𝘢́𝘨 𝘮𝘢𝘢𝘳 𝘰𝘯𝘴𝘴𝘦𝘭𝘧 𝘴𝘰 𝘣𝘪𝘦𝘵𝘫𝘪𝘦 𝘩𝘰𝘦̈𝘳 𝘢𝘨 𝘢𝘴 𝘢𝘯𝘥𝘦𝘳.”  “𝘋𝘪𝘵 𝘪𝘴 𝘰𝘯𝘴 𝘳𝘦𝘨.”  Of só glo baie.

As ’n Christen, glo ons nie in karma nie.  Ons glo in genade en ’n God van liefde.  Ons glo dat die Here Jesus by die Vader ons Voorspraak is.  Ons glo dat Hy Sy Gees vir ons gestuur het om ons elke dag minder onsself te maak en meer terug te verander in God se beeld.  Maar ons kan dit nie doen as ons fokus op ons eie ego, opinies, gevoelens en eer is nie.  Psalm 115:1 begin met die geheim wat ons in ons lewens moet toepas, sodat ander nie na ons sal kyk en wonder waar God in ons lewens is nie:

“𝑁𝑖𝑒 𝑎𝑎𝑛 𝑜𝑛𝑠 𝑛𝑖𝑒, 𝐻𝑒𝑟𝑒,

𝑛𝑖𝑒 𝑎𝑎𝑛 𝑜𝑛𝑠 𝑛𝑖𝑒,

𝑚𝑎𝑎𝑟 𝑎𝑎𝑛 𝑢 𝑁𝑎𝑎𝑚 𝑘𝑜𝑚 𝑑𝑖𝑒 𝑒𝑒𝑟 𝑡𝑜𝑒,

𝑜𝑜𝑟 𝑢 𝑡𝑟𝑜𝑢𝑒 𝑙𝑖𝑒𝑓𝑑𝑒,

𝑜𝑜𝑟 𝑢 𝑏𝑒𝑠𝑡𝑒𝑛𝑑𝑖𝑔ℎ𝑒𝑖𝑑.” – Psalm 115:1 (AFR20)

Die ingebore, oorerflike sonde van selfsugtigheid, self eer en selfverheffing maak dikwels dat ander mense – dikwels die mense wat ons nodig het in ons lewens – hulself begin vervreem van ons.  Luister vandag asseblief mooi na hierdie stukkie raad: Jy leef en bestaan nie vir jou eie eer, jou erflating, jou goeie naam in die samelewing, jou ego of jou status nie.  As jy wel hierdie dinge het, besef dat dit deur die genade van God aan jou geskenk is – dis nie jou reg nie, maar ’n voorreg.  𝗝𝘆 𝗯𝗲𝘀𝘁𝗮𝗮𝗻 𝘃𝗶𝗿 𝗲𝗲𝗻 𝗱𝗼𝗲𝗹 𝗲𝗻 𝗲𝗲𝗻 𝗱𝗼𝗲𝗹 𝗮𝗹𝗹𝗲𝗲𝗻: 𝗚𝗼𝗱 𝘀𝗲 𝗲𝗲𝗿.

Onthou, uiteindelik:

“...𝑒𝑙𝑘𝑒 𝑘𝑛𝑖𝑒 𝑠𝑎𝑙 𝑏𝑢𝑖𝑔 –

𝑣𝑎𝑛 𝑑𝑖𝑒𝑔𝑒𝑛𝑒 𝑖𝑛 𝑑𝑖𝑒 ℎ𝑒𝑚𝑒𝑙

𝑒𝑛 𝑜𝑝 𝑑𝑖𝑒 𝑎𝑎𝑟𝑑𝑒

𝑒𝑛 𝑜𝑛𝑑𝑒𝑟 𝑑𝑖𝑒 𝑎𝑎𝑟𝑑𝑒 –

𝑒𝑛 𝑒𝑙𝑘𝑒 𝑡𝑜𝑛𝑔 𝑠𝑎𝑙 𝑏𝑒𝑙𝑦,

“𝐽𝑒𝑠𝑢𝑠 𝐶ℎ𝑟𝑖𝑠𝑡𝑢𝑠 𝑖𝑠 𝑑𝑖𝑒 𝐻𝑒𝑟𝑒!”

𝑡𝑜𝑡 𝑒𝑒𝑟 𝑣𝑎𝑛 𝐺𝑜𝑑 𝑑𝑖𝑒 𝑉𝑎𝑑𝑒𝑟.” – Fil. 2:10-11 (AFR20)

Moenie dat mense na jou kyk en wonder waar is jou God nie.  Klim gerus maar van jou perdjie af en gee aan God die eer. 

𝑺𝒆𝒆̈𝒏 𝒆𝒏 𝒗𝒓𝒆𝒅𝒆 𝒗𝒊𝒓 𝒋𝒖𝒍𝒍𝒆!

···ᶜᴶˢ··· ©

𝟐𝟎𝟐𝟒-𝟎𝟓-𝟎𝟏 – 𝐆𝐞𝐡𝐨𝐨𝐫𝐬𝐚𝐦𝐞 𝐨𝐮𝐞𝐫𝐬 ? (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Vanoggend dink ek weer aan die kinders in ons gemeente.  Ek dink aan die ouers.  Ek dink ook aan die tendens wat deesdae al meer heers – waar ons gehoorsame ouers oral sien.  Kinders dikteer hul ouers se tyd en aandag.  Kinders se besige skedules, naweke se sport en ander aktiwiteite, uitputtende weeksdae en kuier saam met vriende en vriendinne, verg tyd, energie en lojaliteit van ouers om te sorg dat ons kinders tog net ’n bietjie rus of ontspan of ten minste die lewe geniet – en o ja, sodat hulle tog alles kan hê wat ons nie gehad het toe ons jonk was nie.  Ja, ons het darem gehoorsame ouers deesdae...

Ek sê nie dat ons nie opofferings moet maak en moeite moet doen met ons kinders nie, maar hoeveel ouers doen dit uiteindelik tot hul eie nadeel.  Dit gaan nie net oor die tyd, energie en finansiële koste daaraan verbonde nie, maar veral oor die emosionele en geestelike gevolg daarvan – op ouers, sowel as kinders.  Indien jy in die Gereformeerde kerktradisie is en jou kinders as verbondskinders gedoop is toe hulle klein was, het jy as ouer die volgende beloftes gemaak – jy het “Ja” geantwoord op die volgende (of soortgelyke) vrae:

• 𝑇𝑒𝑛 𝑒𝑒𝑟𝑠𝑡𝑒: 𝐺𝑙𝑜 𝑗𝑢𝑙𝑙𝑒 𝑖𝑛 𝑑𝑖𝑒 𝑑𝑟𝑖𝑒-𝑒𝑛𝑖𝑔𝑒 𝐺𝑜𝑑 𝑠𝑜𝑜𝑠 𝑖𝑛 𝑑𝑖𝑒 𝐵𝑦𝑏𝑒𝑙 𝑎𝑎𝑛 𝑜𝑛𝑠 𝑏𝑒𝑘𝑒𝑛𝑑 𝑔𝑒𝑚𝑎𝑎𝑘?

• 𝑇𝑒𝑛 𝑡𝑤𝑒𝑒𝑑𝑒: 𝐴𝑎𝑛𝑣𝑎𝑎𝑟 𝑗𝑢𝑙𝑙𝑒 𝑑𝑎𝑡 𝑑𝑖𝑒 𝑏𝑜𝑜𝑑𝑠𝑘𝑎𝑝 𝑣𝑎𝑛 𝑑𝑖𝑒 𝐵𝑦𝑏𝑒𝑙 𝑠𝑜𝑜𝑠 𝑑𝑖𝑡 𝑖𝑛 𝑑𝑖𝑒 𝑏𝑒𝑙𝑦𝑑𝑒𝑛𝑖𝑠𝑠𝑘𝑟𝑖𝑓𝑡𝑒 𝑣𝑎𝑛 𝑑𝑖𝑒 𝑘𝑒𝑟𝑘 𝑣𝑒𝑟𝑤𝑜𝑜𝑟𝑑 𝑤𝑜𝑟𝑑, 𝑑𝑖𝑒 𝑤𝑎𝑟𝑒 𝑙𝑒𝑒𝑟 𝑣𝑎𝑛 𝑑𝑖𝑒 𝑣𝑒𝑟𝑙𝑜𝑠𝑠𝑖𝑛𝑔 𝑖𝑠?

• 𝑇𝑒𝑛 𝑑𝑒𝑟𝑑𝑒: 𝐵𝑒𝑙𝑦 𝑗𝑢𝑙𝑙𝑒 𝑑𝑎𝑡 𝑘𝑖𝑛𝑑𝑒𝑟𝑠 𝑣𝑎𝑛 𝑔𝑒𝑙𝑜𝑤𝑖𝑔𝑒 𝑜𝑢𝑒𝑟𝑠 𝑑𝑒𝑢𝑟 𝑑𝑖𝑒 𝑔𝑒𝑛𝑎𝑑𝑒 𝑖𝑛 𝐶ℎ𝑟𝑖𝑠𝑡𝑢𝑠 𝐽𝑒𝑠𝑢𝑠 𝑎𝑎𝑛 𝐺𝑜𝑑 𝑏𝑒ℎ𝑜𝑜𝑟𝑡 𝑒𝑛 𝑑𝑎𝑎𝑟𝑜𝑚 𝑡𝑜𝑡 𝑙𝑖𝑑𝑚𝑎𝑡𝑒 𝑣𝑎𝑛 𝑑𝑖𝑒 𝑘𝑒𝑟𝑘 𝑔𝑒𝑑𝑜𝑜𝑝 𝑏𝑒ℎ𝑜𝑜𝑟𝑡 𝑡𝑒 𝑤𝑜𝑟𝑑?

• 𝑇𝑒𝑛 𝑣𝑖𝑒𝑟𝑑𝑒: 𝐵𝑒𝑙𝑜𝑤𝑒 𝑗𝑢𝑙𝑙𝑒 𝑜𝑚 𝑗𝑢𝑙𝑙𝑒 𝑘𝑖𝑛𝑑(𝑒𝑟𝑠) 𝑣𝑜𝑙𝑔𝑒𝑛𝑠 𝑑𝑖𝑒 𝐵𝑦𝑏𝑒𝑙𝑠𝑒 𝑙𝑒𝑒𝑟 𝑒𝑛 𝑏𝑒𝑙𝑦𝑑𝑒𝑛𝑖𝑠𝑠𝑘𝑟𝑖𝑓𝑡𝑒 𝑣𝑎𝑛 𝑑𝑖𝑒 𝑘𝑒𝑟𝑘 𝑜𝑝 𝑡𝑒 𝑣𝑜𝑒𝑑, 𝑣𝑖𝑟 ℎ𝑢𝑙𝑙𝑒 '𝑛 𝑣𝑜𝑜𝑟𝑏𝑒𝑒𝑙𝑑 𝑖𝑛 𝑙𝑒𝑤𝑒𝑛𝑠𝑤𝑎𝑛𝑑𝑒𝑙 𝑡𝑒 𝑤𝑒𝑒𝑠 𝑒𝑛 𝑜𝑚 𝑑𝑖𝑒 𝑔𝑒𝑚𝑒𝑒𝑛𝑡𝑒 𝑡𝑜𝑒 𝑡𝑒 𝑙𝑎𝑎𝑡 𝑜𝑚 𝑗𝑢𝑙𝑙𝑒 𝑎𝑠 𝑜𝑢𝑒𝑟𝑠 ℎ𝑖𝑒𝑟𝑚𝑒𝑒 𝑡𝑒 ℎ𝑒𝑙𝑝?

Die vraag dus: Is ons ouers nog gehoorsaam, 𝗲𝗲𝗿𝘀𝘁𝗲𝗻𝘀, aan hierdie beloftes wat hulle voor God en sy gemeente afgelê het?  Of is ons eerder gehoorsaam aan ons kinders en die “gees van vryheid en selfopheffing” wat die wêreld ons voorhou?

Kinders is vir seker onder baie druk deesdae – met besige programme en allerhande ander druk van die samelewing ook nog, maar dit blyk dat 𝘰𝘶𝘦𝘳𝘴 ingee onder hierdie druk.  Ouers sal dat hul kinders bietjie rus en laat slaap op ’n Sondag, eerder as om hul belofte aan die Here na te kom en behoorlike Christelike waardes aan hul kinders te leer en laat leer deur- en by die kerk.  En ouers is ook moeg op Sondae, want hulle het heelweek hard gewerk, dalk agter kinders aangery en hardloop, gewone werk moes doen en wat ook al nog – Sondae is mos rusdae...

Liewe ouers, kinders is soos sponse: Hulle absorbeer alles wat ons sê en wat ons doen.  Hulle leer praat soos ons praat, hulle doen wat ons doen, hulle ag belangrik wat ons belangrik ag.  Die kerk – Jesus se bruid – is ons moeder.  Dáár ontvang jy die suiwer geestelike melk waarvan Petrus praat in 1 Petrus 2; dáár leer jy praat wat God praat; dáár leer jy doen soos Jesus gedoen het; dáár leer jy wat belangrik is vir God; dáár is waar jy jou belofte nakom.

Dink weer mooi aan die beloftes wat jy gemaak het aan God, nadat Hy die eerste belofte gemaak het met jou doop en die doop van jou kinders – dat Hy vir jou ’n God sal wees, dat jy en jou kinders aan Hom behoort en ook sy kinders is.  𝑮𝒐𝒅 𝒊𝒔 𝒈𝒆𝒕𝒓𝒐𝒖 𝒂𝒂𝒏 𝒔𝒚 𝒃𝒆𝒍𝒐𝒇𝒕𝒆𝒔 – 𝒊𝒔 𝒋𝒚?

···ᶜᴶˢ··· ©

𝟐𝟎𝟐𝟒-𝟎𝟒-𝟏𝟕 – 𝐃𝐨𝐞𝐧 𝐦𝐢𝐧𝐝𝐞𝐫 . . . (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Die laaste twee maande het ek baie minder gedoen as normaalweg.  Dit mag dalk dadelik klink of ek lui was of nie gemotiveerd nie, maar daar is ’n goeie rede daarvoor.  Ek het heeltemal oorweldig gevoel.  Ek dink ons almal ken daardie gevoel.  Ons het soveel om te doen en net nie genoeg tyd of krag om by alles uit te kom nie.  Ons voel dat ons net nie genoeg beheer het oor situasies en uitdagings nie en dat ons bootjie al hoe meer water begin inneem en die kans staan om dalk te sink.  Net soos die dissipels gevoel het:

“𝑂𝑝 '𝑛 𝑠𝑒𝑘𝑒𝑟𝑒 𝑑𝑎𝑔 ℎ𝑒𝑡 𝐽𝑒𝑠𝑢𝑠 𝑒𝑛 𝑠𝑦 𝑑𝑖𝑠𝑠𝑖𝑝𝑒𝑙𝑠 𝑖𝑛 '𝑛 𝑏𝑜𝑜𝑡 𝑔𝑒𝑘𝑙𝑖𝑚, 𝑒𝑛 𝐻𝑦 ℎ𝑒𝑡 𝑣𝑖𝑟 ℎ𝑢𝑙𝑙𝑒 𝑔𝑒𝑠𝑒̂: “𝐾𝑜𝑚 𝑜𝑛𝑠 𝑔𝑎𝑎𝑛 𝑛𝑎 𝑑𝑖𝑒 𝑜𝑜𝑟𝑘𝑎𝑛𝑡 𝑣𝑎𝑛 𝑑𝑖𝑒 𝑚𝑒𝑒𝑟,” 𝑒𝑛 ℎ𝑢𝑙𝑙𝑒 ℎ𝑒𝑡 𝑢𝑖𝑡𝑔𝑒𝑣𝑎𝑎𝑟. 𝑇𝑦𝑑𝑒𝑛𝑠 𝑑𝑖𝑒 𝑣𝑎𝑎𝑟𝑡 ℎ𝑒𝑡 𝐻𝑦 𝑎𝑎𝑛 𝑑𝑖𝑒 𝑠𝑙𝑎𝑎𝑝 𝑔𝑒𝑟𝑎𝑎𝑘. '𝑛 𝐻𝑒𝑤𝑖𝑔𝑒 𝑠𝑡𝑜𝑟𝑚𝑤𝑖𝑛𝑑 ℎ𝑒𝑡 𝑜𝑝 𝑑𝑖𝑒 𝑚𝑒𝑒𝑟 𝑛𝑒𝑒𝑟𝑔𝑒𝑠𝑤𝑖𝑒𝑝. 𝐷𝑖𝑒 𝑏𝑜𝑜𝑡 ℎ𝑒𝑡 𝑣𝑜𝑙 𝑤𝑎𝑡𝑒𝑟 𝑏𝑒𝑔𝑖𝑛 𝑤𝑜𝑟𝑑, 𝑒𝑛 ℎ𝑢𝑙𝑙𝑒 𝑤𝑎𝑠 𝑖𝑛 𝑙𝑒𝑤𝑒𝑛𝑠𝑔𝑒𝑣𝑎𝑎𝑟. 𝐻𝑢𝑙𝑙𝑒 ℎ𝑒𝑡 𝐽𝑒𝑠𝑢𝑠 𝑔𝑎𝑎𝑛 𝑤𝑎𝑘𝑘𝑒𝑟 𝑚𝑎𝑎𝑘 𝑒𝑛 𝑢𝑖𝑡𝑔𝑒𝑟𝑜𝑒𝑝: “𝑀𝑒𝑒𝑠𝑡𝑒𝑟, 𝑀𝑒𝑒𝑠𝑡𝑒𝑟, 𝑜𝑛𝑠 𝑣𝑒𝑟𝑔𝑎𝑎𝑛!” 𝐻𝑦 ℎ𝑒𝑡 𝑜𝑝𝑔𝑒𝑠𝑡𝑎𝑎𝑛 𝑒𝑛 𝑑𝑖𝑒 𝑤𝑖𝑛𝑑 𝑒𝑛 𝑑𝑖𝑒 𝑠𝑡𝑜𝑟𝑚𝑠𝑒𝑒 𝑏𝑒𝑠𝑡𝑟𝑎𝑓. 𝐷𝑖𝑡 ℎ𝑒𝑡 𝑏𝑒𝑑𝑎𝑎𝑟, 𝑒𝑛 𝑎𝑙𝑙𝑒𝑠 ℎ𝑒𝑡 𝑘𝑎𝑙𝑚 𝑔𝑒𝑤𝑜𝑟𝑑.” – Lukas 8:22-24 (AFR20)

Dikwels voel dit ook vir ons of Jesus slaap, terwyl ons die storms van die lewe moet aanvat.  Dit voel of Hy nie omgee dat ons vergaan nie.  Dit voel of ons bootjie sink en dat ons net nie beheer kan kry daaroor nie...  Maar Jesus slaap, want Hy het vrede.  Hy slaap, want Hy is in beheer.  Hy slaap, want Hy weet dat Hy belowe het om jou nooit ooit alleen te los nie.  Hy slaap, want eintlik slaap Hy nie.  As mens het Hy nodig gehad om te slaap, maar as ons God en Verlosser, ons Bewaarder, sluimer of slaap Hy nooit! (Ps. 23)

Ons is gereeld oorweldig deur allerhande uitdagings in ons lewens en allerhande sperdatums of doele wat ander of ons sélf vir onsself gestel het.  Jy het dit dalk al gehoor, maar: Ons is té dikwels besig met die dinge van die Here, as met die Here van die dinge.  Ons raak bekommerd en oorweldig, omdat ons nie vrede het met dít waarmee ons besig is nie.  Ons doen, en dan verwag ons dat Jesus moet saamgaan – wat Hy wél doen, maar sou dit nie beter wees om eerder net te gaan dáár waar Hy is en waar Hy gaan nie?

Ja, ek doen minder die laaste ruk – omdat ek meer tyd maak om by Jesus 𝙩𝙚 𝙬𝙚𝙚𝙨.  Om meer by Hom te wees, leer ons hoe om te luister hoe en waar Hy ons wil gebruik om Sy Koninkryk te vestig.  Om meer by Hom te wees, vind ons vrede.  Om meer by Hom te wees, weet ons dat die storm nie net 𝘣𝘪𝘯𝘯𝘦 sy beheer is nie, maar heeltemal 𝘰𝘯𝘥𝘦𝘳 sy beheer is en dat ons altyd veilig is. 

Maar hoe doen ons dit?  Hoe spandeer ons meer tyd by Jesus?  Eenvoudig: Deur te doen wat jy nou doen.  Deur in Sy Woord te wandel.  Deur na te dink oor Sy Woord, daaroor met Hom te praat, stil te word en te luister na die stil stem van Sy Gees.  Deur Hom te loof vir Sy woord en te vra vir leiding deur die Heilige Gees om gehoorsaam te wees daaraan en te volg waar Hy is.

So, 𝙙𝙤𝙚𝙣 𝙢𝙞𝙣𝙙𝙚𝙧 𝙚𝙣 𝙬𝙚𝙚𝙨 𝙢𝙚𝙚𝙧 – wees wie Hy wil hê jy moet wees.

Vrede vir julle!

···ᶜᴶˢ··· ©

𝟐𝟎𝟐𝟒-𝟎𝟒-𝟏𝟎 – 𝐖𝐚𝐚𝐫𝐨𝐦 𝐝𝐰𝐚𝐚𝐥 𝐣𝐲 𝐬𝐨? (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

In Markus 12:18-27 vra die Sadduseërs Jesus uit oor die opstanding van die dooies.  Hul vrae is gerig in heeltemal die verkeerde rigting, omdat hulle meer besorg is oor wie wie se vrou sal wees en watter man aanspraak sal hê op wie of wat.  Hulle fokus is aards.  Hulle begryp nie wat God se Koninkryk beteken nie.  Hulle besef nie dat wanneer die dood oorwin is, daar nie meer ’n spesifieke orde – gemeet aan aardse maatstawwe – sal bestaan nie.

Soos in soveel gevalle, antwoord Jesus die mense met ’n teenvraag wat jou bietjie mooi laat dink oor hoekom jy dalk die vraag vra wat jy vra.  Jesus vra die Sadduseërs:  “... 𝐼𝑠 𝑑𝑖𝑡 𝑛𝑖𝑒 𝑑𝑖𝑒 𝑟𝑒𝑑𝑒 𝑤𝑎𝑎𝑟𝑜𝑚 𝑗𝑢𝑙𝑙𝑒 𝑑𝑤𝑎𝑎𝑙 𝑛𝑖𝑒: 𝑜𝑚𝑑𝑎𝑡 𝑗𝑢𝑙𝑙𝑒 𝑑𝑖𝑒 𝑆𝑘𝑟𝑖𝑓𝑡𝑒 𝑛𝑖𝑒 𝑘𝑒𝑛 𝑛𝑖𝑒, 𝑒𝑛 𝑜𝑜𝑘 𝑛𝑖𝑒 𝑑𝑖𝑒 𝑘𝑟𝑎𝑔 𝑣𝑎𝑛 𝐺𝑜𝑑 𝑛𝑖𝑒?” (Markus 12:24 AFR20).

Dit laat mens nogal dink, nè?  Is dit nie dalk ook die rede hoekom ons soveel vrae in die lewe het nie?  Is dit nie ook hoekom ons so dikwels in die donker dwaal nie?  Ons word so maklik verlei deur die magte van hierdie wêreld: rykdom, aansien, roem, wêreldse plesier, mag oor mense of ’n situasie, kamstige wysheid, selfbevordering, erkenning, sukses, prestasie... die lysie is amper eindeloos.  Ons soek ons antwoorde op verkeerde plekke.  Ons word mislei en weggedwaal van wat belangrik en waar is.  Ons word vertel dat waarheid relatief is en dat ons almal ons eie waarheid kan bou en glo.  Hoekom?  “... omdat julle die Skrifte nie ken nie, en ook nie die krag van God nie.”

Nadat Jesus aan die Sadduseërs probeer verduidelik hoe dinge in die hemel sal wees, wys Hy hulle op die boekrol van Moses wat hulle goed geken het en sê: “... 𝑖𝑛 𝑑𝑖𝑒 𝑔𝑒𝑑𝑒𝑒𝑙𝑡𝑒 𝑜𝑜𝑟 𝑑𝑖𝑒 𝑑𝑜𝑟𝑖𝑛𝑔𝑏𝑜𝑠, [ℎ𝑒𝑡 𝑗𝑢𝑙𝑙𝑒] 𝑔𝑒𝑙𝑒𝑒𝑠 ℎ𝑜𝑒 𝐺𝑜𝑑 𝑣𝑖𝑟 ℎ𝑜𝑚 [𝑀𝑜𝑠𝑒𝑠] 𝑔𝑒𝑠𝑒̂ ℎ𝑒𝑡, ‘𝐸𝑘 𝑖𝑠 𝑑𝑖𝑒 𝐺𝑜𝑑 𝑣𝑎𝑛 𝐴𝑏𝑟𝑎ℎ𝑎𝑚, 𝑑𝑖𝑒 𝐺𝑜𝑑 𝑣𝑎𝑛 𝐼𝑠𝑎𝑘 𝑒𝑛 𝑑𝑖𝑒 𝐺𝑜𝑑 𝑣𝑎𝑛 𝐽𝑎𝑘𝑜𝑏.’ 𝐻𝑦 𝑖𝑠 𝑛𝑖𝑒 𝑑𝑖𝑒 𝐺𝑜𝑑 𝑣𝑎𝑛 𝑑𝑜𝑜𝑖𝑒𝑠 𝑛𝑖𝑒, 𝑚𝑎𝑎𝑟 𝑣𝑎𝑛 𝑙𝑒𝑤𝑒𝑛𝑑𝑒𝑠. 𝐽𝑢𝑙𝑙𝑒 𝑑𝑤𝑎𝑎𝑙 𝑒𝑟𝑔!” (Markus 12:26b-27 AFR20)

Ons God is ’n God van die lewendes.  Ons God lewe.  Jesus Christus het reeds die dood oorwin en ons sal ook.  Hy leef vir ewig en ons sal ook.  Hy is Koning en het die opperste gesag oor alles en almal in die heelal.  Ons is God se kinders – weergebore in die nuwe lewe van Jesus en die nuwe regering, sy Koninkryk.  Soos Petrus on leer in 1 Petrus 2:2, moet ons smag na die suiwer geestelike melk wat net God ons kan bied.  En hierdie melk word voorsien deur die bruid van Christus, ons moeder: die kerk.

Maak dus seker dat jy die voeding kry wat jy nodig het – smag daarna.  Maak seker dat dit suiwer is en nie afgewater of ’n goedkoop- of selfs duur namaaksel daarvan is nie.  Maak seker jy ken die Skrifte.  Maak seker jy ken God, deur Sy Seun Jesus Christus, deur die inwoning van die Heilige Gees in jou.  En as jy Hom ken, sal jy nie sy krag onderskat nie, maar sal jy dit ken en oral raaksien in jou lewe en Hom daarvoor loof en prys.

Leef met die belofte van jou ewige lewe – ’n lewe wat jy nou alreeds het en vreugde in kan vind – tot eer van God alleen.

Vrede vir julle!

···ᶜᴶˢ··· ©

𝟐𝟎𝟐𝟒-𝟎𝟒-𝟎𝟑 – 𝐃𝐢𝐬 𝐠𝐞𝐞𝐧 𝐠𝐫𝐚𝐩 𝐧𝐢𝐞. (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Op die 1ste April maak mense gewoonlik lawwe grappe om die gek te skeer met ander mense.  Ek sien op sosiale media het my een vriend gesê hy gaan sy kinders laat soek vir paaseiers wat hy nooit eers weggesteek nie – net om later vir hulle te kan sê: “April Fools!”.  Ja, mense raak snaakse goed kwyt op 1 April en dis soms snaaks, maar soms glad nie snaaks nie.

1 April was hierdie jaar die dag net na Opstanding- of Paassondag gewees.  Kan jy jouself indink as die 1 April gekskeer grappe al bestaan het op daardie Sondag?  Die vroue wat na die graf gaan om Jesus se dooie liggaam te behandel en dan sê die engel vir hulle: “𝑀𝑜𝑒𝑛𝑖𝑒 𝑜𝑛𝑡𝑠𝑡𝑒𝑙𝑑 𝑤𝑒𝑒𝑠 𝑛𝑖𝑒. 𝐽𝑢𝑙𝑙𝑒 𝑠𝑜𝑒𝑘 𝐽𝑒𝑠𝑢𝑠 𝑣𝑎𝑛 𝑁𝑎𝑠𝑎𝑟𝑒𝑡, 𝑤𝑎𝑡 𝑔𝑒𝑘𝑟𝑢𝑖𝑠𝑖𝑔 𝑖𝑠. 𝐻𝑦 𝑖𝑠 𝑜𝑝𝑔𝑒𝑤𝑒𝑘! 𝐻𝑦 𝑖𝑠 𝑛𝑖𝑒 ℎ𝑖𝑒𝑟 𝑛𝑖𝑒. 𝐾𝑦𝑘, ℎ𝑖𝑒𝑟 𝑖𝑠 𝑑𝑖𝑒 𝑝𝑙𝑒𝑘 𝑤𝑎𝑎𝑟 ℎ𝑢𝑙𝑙𝑒 𝐻𝑜𝑚 𝑛𝑒𝑒𝑟𝑔𝑒𝑙𝑒̂ ℎ𝑒𝑡.” (Markus 16:6 AFR20). 

Die vroue sou seker dadelik gedink het dat dit darem die onsmaaklikste Aprilgekke grap moes wees.  Maar eintlik het die vroue hulself vir die gek gehou...  Jesus het dan vir hulle gesê dat Hy sal opstaan uit die dood na 3 dae.  Maar die vroue het die dood aanvaar; hulle het besluit om aan te gaan met hul lewens en hulle het deur die normale rou proses gegaan.  Dalk was hulle ook teleurgestel in Jesus, omdat Hy gesterf het – voordat Hy die “koninkryk van Dawid” herstel het.  Ja, hulle het hulself vir die gek gehou, want hulle het nie Jesus se woorde onthou en geglo nie.  Hulle het die dood gaan soek en hulle het lewe gevind!

Markus vertel ons: “𝐻𝑢𝑙𝑙𝑒 ℎ𝑒𝑡 𝑢𝑖𝑡𝑔𝑒𝑔𝑎𝑎𝑛 𝑒𝑛 𝑣𝑎𝑛 𝑑𝑖𝑒 𝑔𝑟𝑎𝑓 𝑎𝑓 𝑤𝑒𝑔𝑔𝑒ℎ𝑎𝑟𝑑𝑙𝑜𝑜𝑝, 𝑤𝑎𝑛𝑡 𝑏𝑒𝑤𝑖𝑛𝑔 𝑒𝑛 𝑣𝑒𝑟𝑏𝑦𝑠𝑡𝑒𝑟𝑖𝑛𝑔 ℎ𝑒𝑡 ℎ𝑢𝑙𝑙𝑒 𝑏𝑒𝑒𝑡𝑔𝑒𝑝𝑎𝑘. 𝐸𝑛 ℎ𝑢𝑙𝑙𝑒 ℎ𝑒𝑡 𝑣𝑖𝑟 𝑛𝑖𝑒𝑚𝑎𝑛𝑑 𝑖𝑒𝑡𝑠 𝑔𝑒𝑠𝑒̂ 𝑛𝑖𝑒, 𝑤𝑎𝑛𝑡 ℎ𝑢𝑙𝑙𝑒 𝑤𝑎𝑠 𝑏𝑎𝑛𝑔.” (Markus 16:8 AFR20) 

Wat maak ons met die feit dat Jesus die dood oorwin het?  Hardloop ons ook weg daarvan – bewend en in verbystering?  Of is ons bly daaroor?  Is dit dalk vir ons ’n siek grap, of is ons verheug oor die feit dat Hy die laaste vyand (soos Paulus on leer in 1 Kor. 15:26) verslaan het?

Wat is die probleme of uitdagings wat jy tans in jou lewe ervaar?  Is enigeen daarvan groter as die dood?  En selfs al is dit die dood, besef jy dat jy dit nie hoef te vrees nie, want ons Here Jesus Christus het reeds die dood oorwin?  Besef jy dat jy nuwe lewe het en dat Jesus die dood vir ewig sal oorwin op daardie dag wanneer Hy terugkom?  Besef jy dat jy vir ewig gaan lewe en nou ook al in die nuwe lewe in Jesus leef? 

Glo my, dis nie ’n grap nie!  Dis waar!  Hy het opgestaan en Hy leef!  Moenie aanhou dood soek in die lewe en in bewing en verbystering weghardloop nie.  Jesus het al ons vrese en sondes vir ewig in die dood gelos en Hy het vir ons nuwe lewe gebring.  Leef dit!

𝕲𝖊𝖇𝖊𝖉 :

Dankie, Here Jesus, vir my nuwe lewe.  Lei my en laat my vreugde vind in hierdie lewe met die vooruitsig van ’n ewige lewe met U.  Amen

···ᶜᴶˢ··· ©

𝟐𝟎𝟐𝟒-𝟎𝟑-𝟏𝟗 – 𝐁𝐢𝐝 𝐯𝐢𝐫 𝐨𝐧𝐬. (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

(Ek het lanklaas ’n oordenking gestuur en hierdie een is ’n persoonlike versoek vir ons mense.)

Die wêreld van Wes-Transvaal is droog daar buite en frustrasie vlakke loop hoog.  Sondag staan ek voor in die kerk en sê prontuit dat ek nie dink ons moet ’n biddag vir reën hou nie.  My motivering daarvoor is dat ek nie glo dat ons in ons massas die Here se arm kan draai en Hom kan manipuleer nie.  Ek sê nogal verder ook dat ons eintlik nog die heeltyd moes bid en dat daar vorige geleenthede was daarvoor – geleenthede wat nie goed bygewoon was nie.

Ek skryf aan my mede-kollegas in die dorp dat ek volle vertroue het in God se voorsienigheid en sorg, maar dat ek nie meer vertroue het in die mens se opregtheid nie...  Ek sukkel om myself los te maak van emosie en frustrasie – frustrasie oor die toegewydheid van Christene.  Ek vra weer ’n klomp hoekom vrae, maar besef dat ek die verkeerde hoekom vrae vra.  Ek sukkel om myself te oorreed dat ek reg is.  Ek besef ek is nie reg nie.

Ek is steeds oortuig dat daar nie ’n biddag vir reën gehou moet word nie, maar ek besef dat mense ’n diep behoefte het om te bid en in ootmoed voor die Here te kom.  Ek besef dat mense die behoefte het om bymekaar te kom om dalk net saam te treur oor die toestand van die natuur.  Ek besef dat mense ook besef dat ons deurloop onder ’n natuurramp, maar dat mense tog ook besef dat God in beheer is.  Ek besef dat ek die mense van ons gemeente en ons gemeenskap onderskat het.  Ek besef dat ek op die verkeerde manier uiting gegee het aan my eie frustrasie.  Maar, meer as alles, besef ek hoe erg hierdie ramp ons almal raak en hoe ons ernstig nodig het om saam te staan in gebed vir mekaar.

God het ons in hierdie wêreld die gawe van lewe gegee en dit is ’n gawe wat ons deel met mekaar.  Al maak dit nie sin nie en al wil ons logiese denke dit nie verwerk nie, móét ons Jesus se eie woorde glo in Matteus 6:25-34 waar Hy ons leer dat ons ons nie oor die dag van môre moet bekommer nie – Hy sál sorg.

Terwyl soveel in ons land tans gebukkend gaan onder hierdie toestande, onthou God se woorde aan Israel in Jesaja 41:9b-10 (AFR20) en maak dit ook jou eie, terwyl jy in gebed tree vir jouself, jou familie, vir ons en ook vir almal:

“‘𝐽𝑦 𝑖𝑠 𝑚𝑦 𝑑𝑖𝑒𝑛𝑠𝑘𝑛𝑒𝑔!’ 𝐸𝑘 ℎ𝑒𝑡 𝑗𝑜𝑢 𝑢𝑖𝑡𝑔𝑒𝑘𝑖𝑒𝑠, 𝑗𝑜𝑢 𝑛𝑖𝑒 𝑣𝑒𝑟𝑤𝑒𝑟𝑝 𝑛𝑖𝑒.

¹⁰𝑀𝑜𝑒𝑛𝑖𝑒 𝑏𝑎𝑛𝑔 𝑤𝑒𝑒𝑠 𝑛𝑖𝑒, 𝑤𝑎𝑛𝑡 𝐸𝑘 𝑖𝑠 𝑏𝑦 𝑗𝑜𝑢; 𝑚𝑜𝑒𝑛𝑖𝑒 𝑣𝑟𝑒𝑒𝑠 𝑛𝑖𝑒, 𝑤𝑎𝑛𝑡 𝐸𝑘 𝑖𝑠 𝑗𝑜𝑢 𝐺𝑜𝑑. 𝐸𝑘 𝑣𝑒𝑟𝑠𝑡𝑒𝑟𝑘 𝑗𝑜𝑢; 𝑜𝑜𝑘 ℎ𝑒𝑙𝑝 𝐸𝑘 𝑒𝑛 𝑜𝑛𝑑𝑒𝑟𝑠𝑡𝑒𝑢𝑛 𝐸𝑘 𝑗𝑜𝑢 𝑚𝑒𝑡 𝑚𝑦 𝑠𝑒𝑒̈𝑣𝑖𝑒𝑟𝑒𝑛𝑑𝑒 𝑟𝑒𝑔𝑡𝑒𝑟ℎ𝑎𝑛𝑑.”

𝕆𝕞 𝕠𝕠𝕣 𝕥𝕖 𝕕𝕚𝕟𝕜 :        

Jesus is Koning en Hy is in beheer – al lyk dit nie vir my so nie.  Ons hemelse Vader sál sorg vir my.  Ek moet ook ander bystaan en help waar ek kan – al is dit net om saam te treur.

𝕲𝖊𝖇𝖊𝖉 :

Hemelse Vader,

Ons kom voor U met swaar harte, en erken die lyding van diegene wat deur die droogte geraak word.  In tye van dorre lande en kwynende hulpbronne, wend ons ons tot U, die bron van alle lewe en lewensmiddele.

Ons bid vir diegene wat tans die harde gevolge van droogte ervaar.  Vir boere wie se oeste in die lande verwelk, vir gesinne wie se waterbronne opgedroog het, vir gemeenskappe wat voedselskaarste en ekonomiese swaarkry in die gesig staar, vra ons vir u genade en voorsiening.

Gee krag aan diegene wat onvermoeid arbei om die impak van droogte te versag, om verligting te bring aan behoeftiges en om oplossings te vind vir die uitdagings wat voorlê.  Lei U die leiers en beleidmakers om wyse besluite te neem wat die welstand van almal, veral die mees kwesbares onder ons, vooropstel.  Laat u kerk ’n baken van lig wees en mag ons die liefde wat U vir ons het met mekaar deel.

Terwyl ons die realiteit van klimaatsverandering en die verwoestende gevolge daarvan konfronteer, help ons om goeie rentmeesters van U skepping te wees, om met liefde en verantwoordelikheid vir die aarde en al sy inwoners om te sien.

Mag u genade soos reën oor die droë aarde vloei en vernuwing en hoop bring vir diegene wat ly.  En mag ons, as broers en susters in die mensdom, in solidariteit met mekaar staan en ondersteuning, deernis en vrygewigheid bied in hierdie tyd van nood.

Ons bid tot U alleen, Here, met vertroue in u oneindige deernis en voorsienigheid.

Amen

···ᶜᴶˢ··· ©

𝟐𝟎𝟐𝟒-𝟎𝟑-𝟎𝟓 – “𝐇𝐨𝐞 𝐥𝐚𝐧𝐤 𝐧𝐨𝐠, 𝐇𝐞𝐫𝐞?” (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 𝑑𝑖𝑒 𝑘𝑙𝑎𝑛𝑘𝑔𝑟𝑒𝑒𝑝)

Die lewe van ’n gelowige is ’n voortdurende reis.  Een oomblik is jy op ’n gelyke pad of ’n afdraande en jy gebruik skaars enige brandstof en net die volgende oomblik tref jy ’n opdraande en tap dit jou geestelik, emosioneel en fisies.  En soms, eintlik meer gereeld as nie, tref jy dalk ’n slaggat en ly jy groot skade.

Ja, ons almal gaan deur verskillende seisoene van die lewe en dalk bevind jy jouself deesdae in die winter van jou lewe of dalk iewers in die woestyn.  Met die reënval wat wegbly in baie dele van die Ou-Wes-Transvaal (Noordwes-provinsie), voel ons nogal dat ons deesdae fisies en op alle nie-fisiese vlakke in die woestyn is.  Dit voel of ons slaggat op slaggat tref, maar ons het nie genoeg spaarwiele nie.  Daar is net té veel vrae en té min antwoorde of elke antwoord lei tot nog meer vrae...

In hierdie tye, draai ons – soos altyd – na die Here.  Op soek na antwoorde...  Maar is ons veronderstel om antwoorde te kry?  Luister na Dawid in een van sy woestyn-tye:

“¹𝑉𝑖𝑟 𝑑𝑖𝑒 •𝑚𝑢𝑠𝑖𝑒𝑘𝑙𝑒𝑖𝑒𝑟. '𝑛 𝑃𝑠𝑎𝑙𝑚. 𝑉𝑎𝑛 𝐷𝑎𝑤𝑖𝑑.

²𝐻𝑜𝑒 𝑙𝑎𝑛𝑘 𝑛𝑜𝑔, 𝐻𝑒𝑟𝑒?

𝐺𝑎𝑎𝑛 𝑈 𝑚𝑦 𝑣𝑖𝑟 𝑎𝑙𝑡𝑦𝑑 𝑣𝑒𝑟𝑔𝑒𝑒𝑡?

𝐻𝑜𝑒 𝑙𝑎𝑛𝑘 𝑛𝑜𝑔 𝑔𝑎𝑎𝑛 𝑈 𝑢 𝑔𝑒𝑠𝑖𝑔 𝑣𝑖𝑟 𝑚𝑦 𝑣𝑒𝑟𝑏𝑒𝑟𝑔?

³𝐻𝑜𝑒 𝑙𝑎𝑛𝑘 𝑛𝑜𝑔 𝑚𝑜𝑒𝑡 𝑒𝑘 𝑘𝑤𝑒𝑙𝑙𝑖𝑛𝑔𝑒 𝑖𝑛 𝑚𝑦 𝑏𝑖𝑛𝑛𝑒𝑠𝑡𝑒 𝑑𝑟𝑎,

𝑒𝑙𝑘𝑒 𝑑𝑎𝑔 𝑘𝑜𝑚𝑚𝑒𝑟 𝑖𝑛 𝑚𝑦 ℎ𝑎𝑟𝑡?

𝐻𝑜𝑒 𝑙𝑎𝑛𝑘 𝑛𝑜𝑔 𝑔𝑎𝑎𝑛 𝑚𝑦 𝑣𝑦𝑎𝑛𝑑 𝑑𝑖𝑒 𝑜𝑜𝑟ℎ𝑎𝑛𝑑 𝑜𝑜𝑟 𝑚𝑦 ℎ𝑒̂?

⁴𝑆𝑖𝑒𝑛 𝑑𝑖𝑡 𝑡𝑜𝑔 𝑟𝑎𝑎𝑘,

𝑎𝑛𝑡𝑤𝑜𝑜𝑟𝑑 𝑚𝑦, 𝐻𝑒𝑟𝑒, 𝑚𝑦 𝐺𝑜𝑑!

𝑉𝑒𝑟𝑙𝑖𝑔 𝑡𝑜𝑔 𝑚𝑦 𝑜𝑒̈,

𝑎𝑛𝑑𝑒𝑟𝑠 𝑠𝑖𝑛𝑘 𝑒𝑘 𝑖𝑛 '𝑛 𝑑𝑜𝑜𝑑𝑠𝑙𝑎𝑎𝑝 𝑤𝑒𝑔,

⁵𝑎𝑛𝑑𝑒𝑟𝑠 𝑠𝑒̂ 𝑚𝑦 𝑣𝑦𝑎𝑛𝑑,

“𝐸𝑘 ℎ𝑒𝑡 ℎ𝑜𝑚 𝑜𝑜𝑟𝑤𝑒𝑙𝑑𝑖𝑔,”

𝑎𝑛𝑑𝑒𝑟𝑠 𝑗𝑢𝑖𝑔 𝑚𝑦 𝑡𝑒𝑒𝑛𝑠𝑡𝑎𝑛𝑑𝑒𝑟𝑠

𝑜𝑚𝑑𝑎𝑡 𝑒𝑘 𝑡𝑜𝑡 '𝑛 𝑣𝑎𝑙 𝑔𝑒𝑏𝑟𝑖𝑛𝑔 𝑤𝑜𝑟𝑑.

⁶𝑀𝑎𝑎𝑟 𝑒𝑘 – 𝑜𝑝 𝑢 𝑡𝑟𝑜𝑢𝑒 𝑙𝑖𝑒𝑓𝑑𝑒

𝑣𝑒𝑟𝑡𝑟𝑜𝑢 𝑒𝑘;

𝑚𝑦 ℎ𝑎𝑟𝑡 𝑤𝑖𝑙 𝑗𝑢𝑖𝑔 𝑜𝑜𝑟 𝑢 𝑣𝑒𝑟𝑙𝑜𝑠𝑠𝑖𝑛𝑔.

𝐸𝑘 𝑤𝑖𝑙 𝑣𝑖𝑟 𝑑𝑖𝑒 𝐻𝑒𝑟𝑒 𝑠𝑖𝑛𝑔,

𝑜𝑚𝑑𝑎𝑡 𝐻𝑦 𝑎𝑎𝑛 𝑚𝑦 𝑔𝑜𝑒𝑑 𝑔𝑒𝑑𝑜𝑒𝑛 ℎ𝑒𝑡.”

– Psalm 13 (AFR20)

Wat my opgeval het toe ek die psalm gelees het, is vers 6 se woorde: “...𝘮𝘺 𝘩𝘢𝘳𝘵 𝘸𝘪𝘭 𝘫𝘶𝘪𝘨 𝘰𝘰𝘳 𝘶 𝘷𝘦𝘳𝘭𝘰𝘴𝘴𝘪𝘯𝘨.  𝘌𝘬 𝘸𝘪𝘭 𝘷𝘪𝘳 𝘥𝘪𝘦 𝘏𝘦𝘳𝘦 𝘴𝘪𝘯𝘨...”  Die Hebreeuse vorm van die woord is in die kohortatiewe vorm, wat die begeerte van die persoon uitbeeld.  Dawid 𝘞𝘐𝘓 juig en sing, maar dalk het hy op daardie oomblik nog nie so gevoel nie.  Hy weet hy 𝘒𝘈𝘕 juig en sing omdat God nog altyd goed aan hom gedoen het, maar op hierdie oomblik is dit ’n begeerte.

Ons raak gou mismoedig en selfs teleurgestel in die Here as dinge nie uitwerk soos ons beplan het of soos ons graag wil hê nie.  Tog weet ons dat God se wil sal geskied.  Ons weet dat Jesus, deur Sy Heilige Gees, met ons is – selfs in die woestyn en deur elke slaggat.  En, ons weet eintlik nog beter: Ons is nie veronderstel om vir Jesus saam met ons te neem op ons reis nie – ons moet eerder saam met Hom reis: sý voertuig, sý roete, sý tyd en Hý is aan die stuur en in beheer.  Dan het ons nie nodig om spaarwiele op te sit nie; ons het nie nodig om antwoorde te soek nie – ons rus net in sy vrede.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :       

Wil ek juig en sing vir die Here?  Vat ek Hom saam met my waar ek gaan of gaan ek saam met Hom?

𝕲𝖊𝖇𝖊𝖉 :

Here Jesus, U is Koning en U is in beheer van my lewe.  Regeer asseblief my hart en emosies en skep in my die begeerte om te juig en te sing vir U.  As ek aan die stuur is, is daar te veel dinge wat verkeerd kan gaan en bekommer ek my te veel oor allerhande dinge – neem U oor en neem my saam.  Gee my u vrede en laat my met my hele hart op U vertrou.  Amen

···ᶜᴶˢ··· ©