Oordenkings
(20230901-20230930)

𝟐𝟎𝟐𝟑-𝟎𝟗-𝟑𝟎 – 𝐆𝐞𝐛𝐞𝐝 𝐬𝐨𝐨𝐬 𝐰𝐢𝐞𝐫𝐨𝐨𝐤𝐨𝐟𝐟𝐞𝐫𝐬. (Kliek hier vir die klankgreep)

“𝐸𝑘 𝑟𝑜𝑒𝑝 𝑛𝑎 𝑈, 𝐻𝑒𝑟𝑒, 𝑘𝑜𝑚 𝑡𝑜𝑔 𝑔𝑜𝑢 𝑛𝑎 𝑚𝑦 𝑡𝑜𝑒, 𝑙𝑢𝑖𝑠𝑡𝑒𝑟 𝑡𝑜𝑔 𝑛𝑎 𝑚𝑦, 𝑒𝑘 𝑟𝑜𝑒𝑝 𝑛𝑎 𝑈. 𝑀𝑎𝑔 𝑚𝑦 𝑔𝑒𝑏𝑒𝑑 𝑣𝑜𝑜𝑟 𝑈 𝑤𝑒𝑒𝑠 𝑠𝑜𝑜𝑠 '𝑛 𝑤𝑖𝑒𝑟𝑜𝑜𝑘𝑜𝑓𝑓𝑒𝑟, 𝑑𝑖𝑒 𝑢𝑖𝑡𝑠𝑡𝑟𝑒𝑘 𝑣𝑎𝑛 𝑚𝑦 ℎ𝑎𝑛𝑑𝑒 𝑠𝑜𝑜𝑠 '𝑛 𝑔𝑟𝑎𝑎𝑛𝑜𝑓𝑓𝑒𝑟 𝑖𝑛 𝑑𝑖𝑒 𝑎𝑎𝑛𝑑.” – Psalm 141:1-2 (AFR83)

Ons word dikwels oorweldig deur ons situasie en die stryd tussen goed en kwaad.  Ons probeer so hard om reg te lewe, maar vind dat ons nie altyd aan die regte kant van geregtigheid kan bly nie.  Dan bid ons...  en dit voel daar ook asof ons nie weet wat om te sê nie.  Ons voel al amper raadop.

Dawid vra God in Psalm 141 dat sy gebed voor God soos ’n aangename wierookoffer sal wees.  Ag, hoe wens ons nie ook dat ons gebede só voor God sal kom nie.  Ons struikel oor ons woorde en weet baie kere nie wat om te sê nie.  Ons wonder selfs of ons gebede dit ooit maak tot in God se troonkamer... ons begin wonder of dit ooit die moeite werd is om nog te bid.  Is ons maar nie verlore sake nie?  Ons het ook al vir mekaar gesê dat ons eie woorde en ons eie kragte nie opgewasse is teen sonde nie...

En daarin juis lê die verskil.  Ons kan nie op ons eie nie.  Ook nie eers bid nie.  As ons bid, en dit is sommer net praat met onsself, dan help dit nie.  Ons moet besef dat ons in ’n gesprek tree met die God van die heelal. Die God wat vir jou en my baie lief het.  Ons kan vandag ook met vertroue bid, in die wete dat God ons gebede verhoor.  Hebreërs 7:25 sê: “𝐷𝑎𝑎𝑟𝑜𝑚 𝑘𝑎𝑛 𝐻𝑦 𝑜𝑜𝑘 𝑑𝑖𝑒́ 𝑤𝑎𝑡 𝑑𝑒𝑢𝑟 𝐻𝑜𝑚 𝑛𝑎 𝐺𝑜𝑑 𝑔𝑎𝑎𝑛, 𝑒𝑒𝑛𝑠 𝑒𝑛 𝑣𝑖𝑟 𝑎𝑙𝑡𝑦𝑑 𝑣𝑒𝑟𝑙𝑜𝑠: 𝐻𝑦 𝑙𝑒𝑤𝑒 𝑣𝑖𝑟 𝑎𝑙𝑡𝑦𝑑 𝑜𝑚 𝑣𝑖𝑟 ℎ𝑢𝑙𝑙𝑒 𝑏𝑦 𝐺𝑜𝑑 𝑖𝑛 𝑡𝑒 𝑡𝑟𝑒𝑒.”  Jesus dien as die tussenganger, as middelaar tussen gelowiges en God, en Hy neem die versoeke en smekinge van gelowiges aan en stel dit voor God.

1 Johannes 2:1 voeg by: “𝐸𝑛 𝑎𝑠 𝑒𝑒𝑛 𝑣𝑎𝑛 𝑜𝑛𝑠 𝑠𝑜𝑛𝑑𝑖𝑔 – 𝑜𝑛𝑠 ℎ𝑒𝑡 𝐽𝑒𝑠𝑢𝑠 𝐶ℎ𝑟𝑖𝑠𝑡𝑢𝑠, 𝑑𝑖𝑒 𝑟𝑒𝑔𝑣𝑒𝑟𝑑𝑖𝑔𝑒, 𝑎𝑠 𝑜𝑛𝑠 𝑣𝑜𝑜𝑟𝑠𝑝𝑟𝑎𝑎𝑘 𝑏𝑦 𝑑𝑖𝑒 𝑉𝑎𝑑𝑒𝑟.”  Terwyl Dawid God gesmeek het om sy gebede te hoor en te aanvaar, kan gelowiges vandag met selfvertroue bid in die wete dat Jesus hulle gebede namens hulle sal neem.  Ons moet geen twyfel hê oor die vraag of God die gebede van diegene wat Hom volg, verhoor of nie.  Jesus het dit vir gelowiges moontlik gemaak om hulle versoeke aan God voor te lê, soos Paulus ook sê in Filippense 4:6: “𝑚𝑎𝑎𝑘 𝑖𝑛 𝑎𝑙𝑙𝑒𝑠 𝑗𝑢𝑙𝑙𝑒 𝑏𝑒𝑔𝑒𝑒𝑟𝑡𝑒𝑠 𝑑𝑒𝑢𝑟 𝑔𝑒𝑏𝑒𝑑 𝑒𝑛 𝑠𝑚𝑒𝑘𝑖𝑛𝑔 𝑒𝑛 𝑚𝑒𝑡 𝑑𝑎𝑛𝑘𝑠𝑒𝑔𝑔𝑖𝑛𝑔 𝑎𝑎𝑛 𝐺𝑜𝑑 𝑏𝑒𝑘𝑒𝑛𝑑.”  Die gebede van gelowiges is soos wierook vir God wat dit vir seker hoor.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Ek kan met vrymoedigheid my gebede na die Vader rig in die Naam van my Here, Jesus Christus.

𝕲𝖊𝖇𝖊𝖉  :            

Here Jesus, dankie dat U my versoeke, my smekinge en alles op my hart na die Vader neem, sodat my gebede vir Hom ’n aangename wierookoffer kan wees.  Amen

···ᶜᴶˢ··· ©

𝟐𝟎𝟐𝟑-𝟎𝟗-𝟐𝟗 – 𝐆𝐞𝐥𝐨𝐨𝐟 𝐬𝐤𝐞𝐩 𝐩𝐫𝐨𝐛𝐥𝐞𝐦𝐞. (Kliek hier vir die klankgreep)

In Handelinge 16 lees ons van Paulus en Silas wat in Macedonië, ’n Romeinse kolonie, die evangelie verkondig.  So van vers 16 af, lees ons dat ’n slavin met ’n waarsêer gees in haar agter hulle aan begin loop het.  Sy het heeltyd geskree en gesê: “𝐻𝑖𝑒𝑟𝑑𝑖𝑒 𝑚𝑒𝑛𝑠𝑒 𝑖𝑠 𝑑𝑖𝑒𝑛𝑠𝑘𝑛𝑒𝑔𝑡𝑒 𝑣𝑎𝑛 𝐺𝑜𝑑, 𝑑𝑖𝑒 𝐴𝑙𝑙𝑒𝑟ℎ𝑜𝑜𝑔𝑠𝑡𝑒! 𝐻𝑢𝑙𝑙𝑒 𝑣𝑒𝑟𝑘𝑜𝑛𝑑𝑖𝑔 𝑎𝑎𝑛 𝑗𝑢𝑙𝑙𝑒 '𝑛 𝑤𝑒𝑔 𝑡𝑜𝑡 𝑣𝑒𝑟𝑙𝑜𝑠𝑠𝑖𝑛𝑔!” (Hand. 16:17 AFR20)  Nou ja, eintlik moes dit mos ’n goeie ding wees vir die apostels, maar sy het dit vir dae aaneen gedoen en Paulus het begin ontsteld raak daaroor.  Hy het uiteindelik omgedraai en die gees beveel om in die Naam van Jesus Christus uit die vrou te gaan (vers 18).  Die gevolg daarvan is dat die eienaars van die slavin – wat haar as ’n bron van inkomste gebruik het oor die waarsêery – vir Paulus en Silas met stokke laat slaan het en uiteindelik in die tronk laat gooi het.

As ons vêrder lees, word hierdie eintlik ’n wonderlike verhaal van hoe die tronkbewaarder en sy hele familie tot geloof gekom het, maar kom ons haak bietjie vas by die tronk...

Laat ons nou maar eerlik wees: ons geloof veroorsaak soms probleme.  Dit was nog altyd so.  Paulus en Silas se getroue optrede skep ’n opskudding onder die Romeine.  Die owerhede het hulle sommer daarvan beskuldig dat hulle onwettige praktyke beoefen wat nadelig is vir die Romeinse samelewing.  As gevolg van hulle standvastigheid in hulle geloof, beveel die stadsbestuur aan dat hulle geslaan en in die tronk gegooi word.  Sjoe, dis rof!  Dit alles, omdat hulle die evangelie verkondig het en goed gedoen het aan mense...

Met ons huidige wette, loop ons darem nie die risiko om gevangenisstraf of lyfstraf op te doen vir ons geloof nie, maar ons loop amper elke dag die risiko om beskuldig te word van “Jesus Freaks” of dat ons mense wil bekeer of dat ons geestelik te eng is.  Die standpunt wat ons inneem om vas te staan op God se Woord en ons geloof kan selfs veroorsaak dat mense dink ons is belaglik en kan  verwerping en diskriminasie tot gevolg hê.

Paulus en Silas het gereageer deur toe te laat dat hulle namens Jesus ly.  Te midde van hulle lyding het hulle selfs hul tronkbewaarder uitgenooi na ’n verhouding met Jesus (Hand. 16:25-34).

Alhoewel ons miskien nie ly in die mate wat Paulus en Silas dit gedoen het nie, kan ons nogsteeds kies om die geestelik korrekte keuses te maak, net soos hulle.  Ons kan in hul voetspore volg – opstaan vir- en vasstaan in ons geloof en selfs ons vyande uitnooi na ’n persoonlike verhouding met Jesus.

Onthou: nie al die saad wat ons saai gaan op goeie grond val nie.  Soms gaan ons erge teenkanting kry vir ons getuienis van die evangelie in ons lewens, maar ons moet nie dat dit ons fokus afhaal van die uiteindelike beloning nie.  Soms moet ons, ter wille van die evangelie en ons liefde vir God, ly.  In ons lyding, hou ons vas aan God en hou Hy nog stywer vas aan ons en groei ons geloof. 

Dalk is jy in ’n werksituasie of ’n verhouding waar dit moeilik is om op te staan vir jou geloof.  Dalk word jy ook beskuldig van te eng wees in jou geloof, omdat jy glo dat God se Woord vandag nogsteeds waar is en weier om die waardes van die wêreld van vandag te aanvaar.  Dalk  staan jy selfs die kans om vriendskap te verloor of ’n verhouding wat verbrokkel.  Ek weet dit is nie maklik nie, maar staan sterk.  Vertrou op God om jou die moed en krag te gee.  Hou aan getuig.  Hou aan vertel van Sy liefde en genade.  Die beloning wag vir ons by Hom vir ewig.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Is ek te bang oor wat mense gaan sê of doen as ek begin leef soos God van my vra?  Waar moet ek meer moed hê om op te staan vir God? 

𝕲𝖊𝖇𝖊𝖉  :            

Here Jesus, U het meer gely as wat ek kan indink – dit alles vir my sondes.  Jammer, dat ek soms stilbly of wegskram van geleenthede om U liefde te verkondig in my woorde en my dade.  Help my, gee my krag en moed, om altyd getrou te bly aan U, soos U getrou is om by my te wees.  Amen

···ᶜᴶˢ··· ©

𝟐𝟎𝟐𝟑-𝟎𝟗-𝟐𝟖 – 𝐖𝐚𝐭 𝐯𝐚𝐧 𝐚𝐧𝐝𝐞𝐫 𝐦𝐞𝐧𝐬𝐞 ? (Kliek hier vir die klankgreep)

Daar is deesdae (eintlik nog altyd) mense wat beweer dat daar ander maniere is om gered te word.  Sommige mense voer selfs aan dat ander gelowe eintlik ook in God glo, maar dat hulle Hom ken aan ’n ander naam.  Ander mense glo weer dat sekere waardes van die Bybel nie meer in vandag se wêreld geld nie...  Maar God is duidelik in die Bybel dat dit Sy Woord is en Petrus sê ook in Handelinge 4:12:

“𝐷𝑎𝑎𝑟 𝑖𝑠 𝑜𝑜𝑘 𝑑𝑒𝑢𝑟 𝑛𝑖𝑒𝑚𝑎𝑛𝑑 𝑎𝑛𝑑𝑒𝑟𝑠 𝑣𝑒𝑟𝑙𝑜𝑠𝑠𝑖𝑛𝑔 𝑛𝑖𝑒, 𝑒𝑛 𝑑𝑎𝑎𝑟 𝑖𝑠 𝑔𝑒𝑒𝑛 𝑎𝑛𝑑𝑒𝑟 𝑛𝑎𝑎𝑚 𝑜𝑛𝑑𝑒𝑟 𝑑𝑖𝑒 ℎ𝑒𝑚𝑒𝑙 𝑎𝑎𝑛 𝑚𝑒𝑛𝑠𝑒 𝑔𝑒𝑔𝑒𝑒 𝑤𝑎𝑎𝑟𝑑𝑒𝑢𝑟 𝑜𝑛𝑠 𝑣𝑒𝑟𝑙𝑜𝑠 𝑘𝑎𝑛 𝑤𝑜𝑟𝑑 𝑛𝑖𝑒.”

Jesus se eie woorde in Johannes 14:6 eggo hier, toe Hy gesê het: “𝐸𝑘 𝑖𝑠 𝑑𝑖𝑒 𝑤𝑒𝑔 𝑒𝑛 𝑑𝑖𝑒 𝑤𝑎𝑎𝑟ℎ𝑒𝑖𝑑 𝑒𝑛 𝑑𝑖𝑒 𝑙𝑒𝑤𝑒; 𝑛𝑖𝑒𝑚𝑎𝑛𝑑 𝑘𝑜𝑚 𝑛𝑎 𝑑𝑖𝑒 𝑉𝑎𝑑𝑒𝑟 𝑏𝑒ℎ𝑎𝑙𝑤𝑒 𝑑𝑒𝑢𝑟 𝑀𝑦 𝑛𝑖𝑒.”

Nee, liewe mens, daar is slegs een manier waarop jy gered kan word.  Daar is nét Een waardeur jou redding kan kom.  Die Hebreër skrywer beaam dit ook en sê dat alle mense voor God sal staan – of hulle van Jesus gehoor het of nie (Heb. 9).  Maar, is dit nie ’n bietjie onregverdig nie?  Wat as jy nog nooit van Jesus gehoor het nie?  Hoe kan jy dan gered word?  Wat as jy nie weet nie?

Dit is hoe wonderlik ons God is.  Die Bybel leer ons dat God nog altyd Homself deur Sy skepping aan mense openbaar het (Rom. 1:19-20) en dat Hy nog altyd in elke mens ’n besef van die ewige in sy/haar hart gelê het (Pred. 3:11).  In dieselfde vers in Prediker sê die Prediker ook dat die mens nooit regtig kan besef hoe God in en deur alles werk nie.  Met ander woorde: die mens het ’n inherente sintuig wat die bewyse van God elke dag ervaar en ook die besef dat ons bestem is vir iets meer as net hierdie lewe.  God is nie die probleem as dit kom by geloof nie, die mens is.  Paulus sê in Efesiërs 2:8 ook dat God aan ons die gawe van geloof gee.  Wat ons daarmee maak, is egter ons keuse.  As gevolg van sonde, het die mens teen die Godgegewe gawe van geloof en God se wil gerebelleer.  Maar deur genade word ons gered (Ef. 2:8-9) as ons die Naam van Jesus aanroep.

Ja, selfs die mens wat nog nooit van Jesus gehoor het nie, kan Hom – God self – ervaar en ontmoet.  Maar hoe?!  Hoe is dit dan moontlik? ...  Weereens: en ja dit klink dalk baie cliché en ’n maklike antwoord vir ’n moeilike vraag, maar hoe God werk en Sy uiteindelik plan uitvoer is nou maar eenmaal ’n raaisel en té ingewikkeld vir ons om te verstaan.  Ons moet net glo.  Ons het soms ons eie “idees” van wat dit beteken vir Jesus om die “Weg” te wees, maar onthou net: Hy word nie beperk deur ons verstaan van Hom nie.  God werk op Sy manier en op Sy tyd en dit is dinge wat ons nooit sal verstaan nie.  Die grense van God se genade en die intensiteit en deurvoering van Sy liefde gaan ons verstande heeltemal te bowe.

Jesus staan sentraal in die verhaal van ons verlossing.  Maar God beloon diegene wat Hom soek (vgl. Heb. 11:6).  Ons, wat Hom ken, moet diegene wat Hom soek help en ons moet seker maak dat diegene wat nog nie gereageer het op God se roepstem nie, die evangelie hoor en verstaan (Matt. 28:19-20; Hand. 1:8).  Al verstaan ons nie, weet ons dat God altyd regverdig optree; Hy kan nie onregverdig of verkeerd optree nie (Deut. 32:4).  Wie weet?  Dalk sal ons verbaas wees oor almal wie ons eendag in die hemel sal sien?  Gelukkig is dit God – nie ons nie – wat die details in elke persoon se geval sal uitsorteer.

𝕲𝖊𝖇𝖊𝖉  :            

Almagtige God, dankie dat ek U nie kan verstaan nie.  Al wat ek verstaan, is dat U ’n oormaat genade en liefde het vir ’n gevalle mensdom.  Dit is genoeg vir my.  Gee dat ek my deel sal doen om U verlossing te bring aan die mense.  Tot U eer en verheerliking alleen.  Amen

···ᶜᴶˢ··· ©

𝟐𝟎𝟐𝟑-𝟎𝟗-𝟐𝟕  – “𝑾𝒊𝒆 𝒊𝒔 𝒏𝒐𝒖 𝒆𝒊𝒏𝒕𝒍𝒊𝒌 𝒅𝒊𝒆 𝒃𝒆𝒍𝒂𝒏𝒈𝒓𝒊𝒌𝒔𝒕𝒆 ?” (Kliek hier vir die klankgreep)

Ons almal het een of ander droom of doel in die lewe.  Vir sommige mense is dit om een of ander vlak van sukses te behaal; vir ander is dit soms om dit net deur die dag te maak.  Arnold Schwarzenegger het gesê ’n mens moenie droom nie, maar jy moet ’n duidelike visie hê en jouself sien dit bereik.  Hy wou die beste wees in wat ook al hy aanpak en hy het dit tot ’n meerdere mate ook reggekry. 

Maar ons almal is nie Arnold Schwarzenegger nie.  Tog wil elkeen van ons belangrik wees vir iemand of iets.  Ons wil graag erken word en voel dat ons iets bereik het in ons lewens.  Ons wil graag belangrik wees in God se oë en die oë van ander Christene.  Ons begin dalk selfs wonder hoe belangrik ons eendag in die hemel gesien sal word vir al die wonderlike dinge wat ons op aarde vir God se Koninkryk gedoen het...  Die eerste dissipels het ook hierdie uitkyk gehad:

“𝐼𝑛 𝑑𝑎𝑎𝑟𝑑𝑖𝑒 𝑡𝑦𝑑 ℎ𝑒𝑡 𝑑𝑖𝑒 𝑑𝑖𝑠𝑠𝑖𝑝𝑒𝑙𝑠 𝑛𝑎 𝐽𝑒𝑠𝑢𝑠 𝑔𝑒𝑘𝑜𝑚 𝑒𝑛 𝑔𝑒𝑠𝑒̂: “𝑊𝑖𝑒 𝑖𝑠 𝑛𝑜𝑢 𝑒𝑖𝑛𝑡𝑙𝑖𝑘 𝑑𝑖𝑒 𝑏𝑒𝑙𝑎𝑛𝑔𝑟𝑖𝑘𝑠𝑡𝑒 𝑖𝑛 𝑑𝑖𝑒 •𝑘𝑜𝑛𝑖𝑛𝑘𝑟𝑦𝑘 𝑣𝑎𝑛 𝑑𝑖𝑒 ℎ𝑒𝑚𝑒𝑙𝑒?” 𝐻𝑦 ℎ𝑒𝑡 𝑡𝑜𝑒 '𝑛 𝑘𝑖𝑛𝑑𝑗𝑖𝑒 𝑛𝑎𝑑𝑒𝑟 𝑔𝑒𝑟𝑜𝑒𝑝, ℎ𝑜𝑚 𝑡𝑢𝑠𝑠𝑒𝑛 ℎ𝑢𝑙𝑙𝑒 𝑙𝑎𝑎𝑡 𝑠𝑡𝑎𝑎𝑛 𝑒𝑛 𝑔𝑒𝑠𝑒̂: “•𝐴𝑚𝑒𝑛, 𝐸𝑘 𝑠𝑒̂ 𝑣𝑖𝑟 𝑗𝑢𝑙𝑙𝑒, 𝑎𝑠 𝑗𝑢𝑙𝑙𝑒 𝑛𝑖𝑒 𝑣𝑒𝑟𝑎𝑛𝑑𝑒𝑟 𝑒𝑛 𝑠𝑜𝑜𝑠 𝑘𝑖𝑛𝑑𝑒𝑟𝑡𝑗𝑖𝑒𝑠 𝑤𝑜𝑟𝑑 𝑛𝑖𝑒, 𝑠𝑎𝑙 𝑗𝑢𝑙𝑙𝑒 𝑏𝑒𝑠𝑙𝑖𝑠 𝑛𝑖𝑒 𝑖𝑛 𝑑𝑖𝑒 𝑘𝑜𝑛𝑖𝑛𝑘𝑟𝑦𝑘 𝑣𝑎𝑛 𝑑𝑖𝑒 ℎ𝑒𝑚𝑒𝑙𝑒 𝑖𝑛𝑔𝑎𝑎𝑛 𝑛𝑖𝑒. 𝑊𝑖𝑒 ℎ𝑜𝑚𝑠𝑒𝑙𝑓 𝑑𝑢𝑠 𝑔𝑒𝑟𝑖𝑛𝑔 𝑎𝑔 𝑠𝑜𝑜𝑠 ℎ𝑖𝑒𝑟𝑑𝑖𝑒 𝑘𝑖𝑛𝑑𝑗𝑖𝑒, ℎ𝑦 𝑖𝑠 𝑑𝑖𝑒 𝑏𝑒𝑙𝑎𝑛𝑔𝑟𝑖𝑘𝑠𝑡𝑒 𝑖𝑛 𝑑𝑖𝑒 𝑘𝑜𝑛𝑖𝑛𝑘𝑟𝑦𝑘 𝑣𝑎𝑛 𝑑𝑖𝑒 ℎ𝑒𝑚𝑒𝑙𝑒. 𝐸𝑛 𝑤𝑖𝑒 𝑒𝑒𝑛 𝑠𝑜 '𝑛 𝑘𝑖𝑛𝑑𝑗𝑖𝑒 𝑖𝑛 𝑚𝑦 𝑁𝑎𝑎𝑚 𝑜𝑛𝑡𝑣𝑎𝑛𝑔, 𝑜𝑛𝑡𝑣𝑎𝑛𝑔 𝑀𝑦.”” – Matteus 18:1-5 (AFR20)

“Wie is nou eintlik die belangrikste?  Wie is nou eintlik die belangrikste in die •koninkryk van die hemele?”  Hierdie is ’n vraag wat gebore is uit ons natuurlike menslike neiging tot erkenning, status en mag.  Jesus reageer egter op ’n manier wat ons konvensionele begrip van grootheid en belangrikheid uitdaag.

Eerstens roep Jesus ’n klein kindjie om tussen hulle te staan.  In die kultuur van daardie tyd is kinders dikwels as onbeduidend beskou, met geen status of mag nie.  Deur dit te doen, begin Jesus ’n diepgaande waarheid oor die Koninkryk van die hemel openbaar: grootheid word nie deur wêreldse standaarde bepaal nie, maar deur ’n hart van nederigheid.

Jesus sê dat tensy ons verander en soos kindertjies word, sal ons nooit die koninkryk van die hemel binnegaan nie.  Maar, wat beteken dit om soos ’n kind te word?  Kinders word dikwels gekenmerk deur hul onskuld, vertroue en afhanklikheid.  Hulle maak nie staat op hul prestasies of status om guns te vind nie; hulle vertrou eenvoudig en is afhanklik van diegene wat vir hulle omgee.

Grootheid in die Koninkryk van die hemel gaan nie daaroor om te strewe om bo te wees of om erkenning te soek nie; dit gaan oor nederigheid, vertroue en ’n kinderlike geloof in God.  Dit gaan daaroor om ons behoefte aan God te erken en afhanklik te wees van Sy genade eerder as ons eie prestasies.  Wanneer ons die nederige posisie van ’n kind inneem en ons nederig aan God se wil en leiding onderwerp, vind ons ware grootheid in Sy oë.

Maar ons nederigheid moet nie daar ophou nie.  Jesus sê dat ons ook ander mense met hierdie kinderlike nederigheid moet verwelkom.  Wanneer ons die gemarginaliseerdes, die wat oor die hoof gesien word en die kwesbares in Sy naam verwelkom, verwelkom ons Jesus self.  Wanneer ons in nederigheid en liefde teenoor ander mense optree, weerspieël dit ons hart se belyning met die waardes van die Koninkryk.

Maar hoekom doen ons dan wat ons doen en waarom wil ons dan goeddoen, sonder dat iemand daarvan weet?  Want Jesus het ook geleer:

“𝑀𝑎𝑎𝑟 𝑤𝑎𝑛𝑛𝑒𝑒𝑟 𝑗𝑦 𝑙𝑖𝑒𝑓𝑑𝑎𝑑𝑖𝑔ℎ𝑒𝑖𝑑 𝑏𝑒𝑜𝑒𝑓𝑒𝑛, 𝑚𝑜𝑒𝑡 𝑗𝑜𝑢 𝑙𝑖𝑛𝑘𝑒𝑟ℎ𝑎𝑛𝑑 𝑛𝑖𝑒 𝑤𝑒𝑒𝑡 𝑤𝑎𝑡 𝑗𝑜𝑢 𝑟𝑒𝑔𝑡𝑒𝑟ℎ𝑎𝑛𝑑 𝑑𝑜𝑒𝑛 𝑛𝑖𝑒, 𝑠𝑜𝑑𝑎𝑡 𝑗𝑜𝑢 𝑙𝑖𝑒𝑓𝑑𝑒𝑠𝑑𝑎𝑎𝑑 𝑣𝑒𝑟𝑏𝑜𝑟𝑔𝑒 𝑘𝑎𝑛 𝑏𝑙𝑦. 𝐸𝑛 𝑗𝑜𝑢 𝑉𝑎𝑑𝑒𝑟 𝑤𝑎𝑡 𝑠𝑖𝑒𝑛 𝑤𝑎𝑡 𝑣𝑒𝑟𝑏𝑜𝑟𝑔𝑒 𝑖𝑠, 𝑠𝑎𝑙 𝑗𝑜𝑢 𝑏𝑒𝑙𝑜𝑜𝑛.” – Matteus 6:3-4 (AFR20)

Ons moenie fokus op ons status of belangrikheid nie en ons moet in nederigheid gehoorsaam bly aan God.  God sal ons beloon daarvoor – selfs al weet niemand op aarde daarvan nie (vlg. Matt. 6:1-4).

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Ek moet die weg van nederigheid in my eie lewe omhels.  Ek moet poog om ’n kinderlike geloof en vertroue in God te kweek, met erkenning van my afhanklikheid van Hom.  Deur ander in Sy naam te verwelkom en te dien, is om werklik die grootheid van die Koninkryk van die hemel te omhels.

𝕲𝖊𝖇𝖊𝖉  :            

Liewe Hemelse Vader, help my om soos ’n kindjie te word, om met onwrikbare geloof op U te vertrou.  Wys my hoe om ander in U naam te verwelkom en te dien, sodat U liefde en genade aan die wêreld weerspieël sal word.  Mag my lewe ’n getuienis wees van die grootheid van U Koninkryk.  In Jesus se Naam. Amen

···ᶜᴶˢ··· ©

𝟐𝟎𝟐𝟑-𝟎𝟗-𝟐𝟔 – 𝐏𝐚𝐬𝐨𝐩 𝐯𝐢𝐫 𝐝𝐚𝐚𝐢 𝐬𝐨𝐨𝐫𝐭 𝐦𝐞𝐧𝐬𝐞 ! (Kliek hier vir die klankgreep)

In die kerk vandag word ons dikwels gekonfronteer met omstrede en soms buitensporige onderwerpe.  Mense probeer gereeld hul wêreldsiening van sekere sake promoveer en sal selfs die Bybel se woorde daarby aanpas of byvoeg om nuwe idees en waardes te skep.  Hierdie is egter nie ’n nuwe verskynsel nie – dit het al eeue gelede in die kerk gebeur.  Selfs nog vóór die Christelike kerk bestaan het, was dit ook die geval onder die Jode gewees en hierteen het Jesus veral ook in die Bergrede gepreek (Matteus 5-7). 

Gewoonlik, of dit nou die bedoeling was of nie, het hierdie nuwe idees en ideologieë verdeeldheid in die kerk veroorsaak.  Met die kerk in Rome, het daar in Paulus se tyd ook allerhande dwaalleringe ontstaan en Paulus skryf:

“𝐸𝑘 𝑑𝑜𝑒𝑛 '𝑛 𝑏𝑒𝑟𝑜𝑒𝑝 𝑜𝑝 𝑗𝑢𝑙𝑙𝑒, 𝑏𝑟𝑜𝑒𝑟𝑠, 𝑜𝑚 𝑚𝑒𝑛𝑠𝑒 𝑖𝑛 𝑑𝑖𝑒 𝑜𝑜𝑔 𝑡𝑒 ℎ𝑜𝑢 𝑤𝑎𝑡 𝑣𝑒𝑟𝑑𝑒𝑒𝑙𝑑ℎ𝑒𝑖𝑑 𝑒𝑛 𝑠𝑡𝑟𝑢𝑖𝑘𝑒𝑙𝑏𝑙𝑜𝑘𝑘𝑒 𝑣𝑒𝑟𝑜𝑜𝑟𝑠𝑎𝑎𝑘, 𝑖𝑛 𝑠𝑡𝑟𝑦𝑑 𝑚𝑒𝑡 𝑑𝑖𝑒 𝑙𝑒𝑒𝑟 𝑤𝑎𝑎𝑟𝑖𝑛 𝑗𝑢𝑙𝑙𝑒 𝑜𝑛𝑑𝑒𝑟𝑟𝑖𝑔 𝑖𝑠. 𝐵𝑙𝑦 𝑤𝑒𝑔 𝑣𝑎𝑛 ℎ𝑢𝑙𝑙𝑒 𝑎𝑓. 𝑊𝑎𝑛𝑡 ℎ𝑖𝑒𝑟𝑑𝑖𝑒 𝑠𝑜𝑜𝑟𝑡 𝑚𝑒𝑛𝑠𝑒 𝑑𝑖𝑒𝑛 𝑛𝑖𝑒 𝐶ℎ𝑟𝑖𝑠𝑡𝑢𝑠 𝑜𝑛𝑠 𝐻𝑒𝑟𝑒 𝑛𝑖𝑒, 𝑚𝑎𝑎𝑟 ℎ𝑢𝑙𝑙𝑒 𝑒𝑖𝑒 𝑚𝑎𝑎𝑔. 𝑀𝑒𝑡 𝑠𝑡𝑟𝑒𝑙𝑒𝑛𝑑𝑒 𝑤𝑜𝑜𝑟𝑑𝑒 𝑒𝑛 𝑣𝑙𝑒𝑖𝑡𝑎𝑎𝑙 𝑚𝑖𝑠𝑙𝑒𝑖 ℎ𝑢𝑙𝑙𝑒 𝑑𝑖𝑒 ℎ𝑎𝑟𝑡𝑒 𝑣𝑎𝑛 𝑛𝑎𝑖̈𝑒𝑤𝑒 𝑚𝑒𝑛𝑠𝑒. 𝐽𝑢𝑙𝑙𝑒 𝑔𝑒ℎ𝑜𝑜𝑟𝑠𝑎𝑎𝑚ℎ𝑒𝑖𝑑 𝑖𝑠 𝑎𝑎𝑛 𝑎𝑙𝑚𝑎𝑙 𝑏𝑒𝑘𝑒𝑛𝑑. 𝐷𝑎𝑎𝑟𝑜𝑚 𝑖𝑠 𝑒𝑘 𝑏𝑙𝑦 𝑜𝑜𝑟 𝑗𝑢𝑙𝑙𝑒, 𝑒𝑛 𝑒𝑘 𝑤𝑖𝑙 ℎ𝑒̂ 𝑑𝑎𝑡 𝑗𝑢𝑙𝑙𝑒 𝑤𝑦𝑠 𝑠𝑎𝑙 𝑤𝑒𝑒𝑠 𝑡𝑒𝑛 𝑜𝑝𝑠𝑖𝑔𝑡𝑒 𝑣𝑎𝑛 𝑑𝑖𝑒 𝑔𝑜𝑒𝑖𝑒, 𝑒𝑛 𝑜𝑛𝑠𝑘𝑢𝑙𝑑𝑖𝑔 𝑡𝑒𝑛 𝑜𝑝𝑠𝑖𝑔𝑡𝑒 𝑣𝑎𝑛 𝑑𝑖𝑒 𝑘𝑤𝑎𝑎𝑑. 𝐷𝑖𝑒 𝐺𝑜𝑑 𝑣𝑎𝑛 𝑣𝑟𝑒𝑑𝑒 𝑠𝑎𝑙 𝑆𝑎𝑡𝑎𝑛 𝑠𝑝𝑜𝑒𝑑𝑖𝑔 𝑜𝑛𝑑𝑒𝑟 𝑗𝑢𝑙𝑙𝑒 𝑣𝑜𝑒𝑡𝑒 𝑣𝑒𝑟𝑝𝑙𝑒𝑡𝑡𝑒𝑟. 𝐷𝑖𝑒 𝑔𝑒𝑛𝑎𝑑𝑒 𝑣𝑎𝑛 𝑜𝑛𝑠 𝐻𝑒𝑟𝑒 𝐽𝑒𝑠𝑢𝑠 𝑏𝑙𝑦 𝑚𝑒𝑡 𝑗𝑢𝑙𝑙𝑒!” – Romeine 16:17-20 (AFR20)

Paulus waarsku gelowiges om waaksaam en oordeelkundig te wees in hul verhoudings selfs bínne die Christelike gemeenskap.  Wat Paulus leer, is eintlik baie eenvoudig: Bly weg van mense wat dwaal van die kern leerstellings van geloof.  As Christene word ons geroep tot eenheid om saam te strewe na God se waarheid.  Ons moet in hierdie strewe van ons baie oordeelkundig en versigtig wees oor wie ons toelaat om ons geloofsreis te beïnvloed.

Tog is Paulus se raad nie bedoel om ’n atmosfeer van agterdog te skep nie, maar om die eenheid en reinheid van die kerk te beskerm.  Ons moet bewus wees van diegene wat ons kan weglei van die fundamentele waarhede van die Evangelie.  Dit is noodsaaklik om betrokke te raak by voortdurende Bybelstudie en gebed, sodat die Heilige Gees ons onderskeidingsvermoë kan lei.

Sien, diegene wat verdeeldheid veroorsaak en valse leringe bevorder, word amper 100% gemotiveer deur selfsugtige begeertes eerder as ’n opregte liefde vir Christus.  Hulle gebruik oortuigende en vleiende woorde om diegene te mislei wat dalk nie ’n vaste fondament in die geloof het nie.

As gelowiges moet ons bewus wees van valse leraars en hulle motiverings.  Ons moet op ons hoede wees en baie versigtig wees vir enigiemand wat probeer om ons op ’n dwaalspoor te lei.  Ons moet wysheid handhaaf deur te onderskei wat goed is en onskuld om kwaad te vermy.  Hiervoor, moet ons aanvul by die werk van die Heilige Gees om beide geestelike volwassenheid en etiese reinheid in ons te vestig.

Ons moet streef na wysheid in ons daaglikse besluite en aksies, om ons lewens in lyn te bring met God se wil en doel.  Terselfdertyd moet ons morele onskuld handhaaf deur ons harte en verstand teen die korrupte invloede van die wêreld te bewaar.  Ons moet aanhou leef met die hoop en versekering dat die uiteindelike oorwinning aan God behoort, wat die magte van die bose sal verslaan.  In ons Christelike lewensreis kan ons altyd troos vind in die wete dat God se genade met ons is.  Sy genade bemagtig ons om waarheid en valsheid te onderskei, om gehoorsaam te lewe en om wysheid en onskuld te handhaaf.  Uiteindelik is dit God wat ons oorwinning oor die vyand verseker, en ons kan op Sy Goddelike plan vertrou.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Hoe nader ek aan God leef, hoe vêrder bly ek weg van dinge en mense wat in stryd is met God se waarheid.  God se Gees lei my daarin.

𝕲𝖊𝖇𝖊𝖉  :                 

Here, skenk my die onderskeidingsvermoë om te hou by U waarheid.  Laat my altyd gehoorsaam bly aan U en skenk aan my wysheid ten opsigte van die goeie en onskuld ten opsigte van die kwaad.  Dankie dat die oorwinning reeds aan U behoort.  Gee my die krag om ook elke dag die kwaad te oorwin deur die goedheid wat U in my skep.  Tot U eer alleen.  Amen

···ᶜᴶˢ··· ©

𝟐𝟎𝟐𝟑-𝟎𝟗-𝟐𝟓 – 𝐄𝐤 𝐤𝐢𝐞𝐬 𝐣𝐨𝐮 ! (Kliek hier vir die klankgreep)

In Markus 3, Matteus 10 en Lukas 6 vind ons waar Jesus die 12 aanstel om in Sy Naam te gaan preek, demone uitdryf en siekes genees.  12 Normale manne.  Vissermanne, timmermanne, tollenaars, besigheidsmanne – normale alledaagse mense.  Hulle word geroep as apostels, gestuurdes vir die Here.  Ek kan myself indink hoe daardie gesprek moes gaan...  Seker baie soos die eerste keer toe Jesus hulle geroep het:

“Jy!  Ek kies jou!”

“Wie?  Ek, Here?”

“Ja, jy!  Ek roep jou!”

“Maar Here, wat U vra is te moeilik.  Ek is nie opgelei hiervoor nie.  Daar is geen manier hoe ek ’n sukses hiervan kan maak nie...”

Klink dit dalk bekend vir jou?  Meeste van ons weet hoe dit voel as jy gevra word om ’n groot taak aan te pak.  As ons weet dit is veeleisend en belangrik, bestaan die vrees vir mislukking.  Ons maak maklik verskonings.  Tog weet ons dat om verskonings te maak, mis ons dalk die vreugde om deel te wees van iets wonderliks.  Ja... verskonings is maklik.  Dis die vinnige uitweg.  Dis die kwansuis “veilige opsie”.  En dalk klink jou verskoning goed genoeg vir jou, maar is dit regtig?  As jy dink jy is nie die regte persoon om in God se diens onder jou eie mense en in die wêreld te wees nie, luister gou hierna (ek kan ongelukkig nie onthou wie dit oorspronklik geskryf het nie, maar ek weet Rick Warren het dit ook in een van sy boeke gebruik):

Hoe geldig is jou verskoning regtig? Want:

• Noag was 'n dronkaard.

• Abraham was te oud.

• Isak was ’n dagdromer.

• Jakob was ’n leuenaar.

• Lea was lelik.

• Josef was mishandel.

• Moses het gehakkel.

• Gideon was bang.

• Simson het lang hare gehad en was ’n rokjagter.

• Ragab was ’n prostituut.

• Jeremia en Timoteus was te jonk.

• Dawid het ’n verhouding gehad en was ’n moordenaar.

• Elia het selfmoordneigings gehad.

• Jesaja het kaal gepreek.

•   Jona het weggehardloop van God.

• Naomi was ’n weduwee.

• Job was bankrot verklaar.

• Johannes die Doper het sprinkane geëet.

• Petrus het Christus verloën – drie keer!

• Die dissipels het aan die slaap geraak terwyl hulle bid.

• Marta was bekommerd oor alles.

• Die Samaritaanse vrou is geskei, meer as een keer.

• Saggeüs was te klein.

• Paulus was té godsdienstig.

• Timoteus het ’n maagseer gehad ... en ...

• Lazarus was dood!

Die geskiedenis bewys dat die mense wat deur God geroep is – en veral die apostels – deur hulle geloof en gehoorsaamheid aan Jesus Christus die wêreld ingrypend verander het.

As Jesus ons roep om Hom te volg, soek hy nie die slimste of sterkste of dapperste nie.  Hy kyk nie na ons CV nie, of bel ons lys met verwysings nie.  Die Skrif is vol verhale van mans en vroue wat ondanks hul gebrek aan ervaring of kundigheid of vaardighede deur God gebruik is op baie kragtige maniere.  So, wat van jou?  Vra God dalk van jou om ’n opdrag te aanvaar wat vêr buite jou gemaksone is?  Is jy bang dat jy dalk kan misluk?  Of is jy bang dat jy dalk kan slaag?

Onthou: die apostels het nie die wêreld verander, omdat hulle dit in hulleself gehad het om dit te doen nie; hulle het die wêreld verander, omdat hulle die Een in hulleself gehad wat dit kon doen. 

“𝐷𝑖𝑡 𝑔𝑎𝑎𝑛 𝑔𝑜𝑒𝑑 𝑚𝑒𝑡 𝑒𝑙𝑘𝑒𝑒𝑛 𝑤𝑎𝑡 𝑑𝑖𝑒 𝐻𝑒𝑟𝑒 𝑑𝑖𝑒𝑛”. – Psalm 112:1

𝑴𝒂𝒈 𝒋𝒚 𝒈𝒆𝒉𝒐𝒐𝒓𝒔𝒂𝒂𝒎 𝒘𝒆𝒆𝒔 𝒂𝒂𝒏 𝑮𝒐𝒅 𝒔𝒆 𝒐𝒑𝒅𝒓𝒂𝒈 𝒆𝒏 𝒎𝒂𝒈 𝒋𝒚 𝑺𝒚 𝒌𝒓𝒂𝒈 𝒆𝒏 𝒍𝒆𝒊𝒅𝒊𝒏𝒈 𝒐𝒏𝒅𝒆𝒓𝒗𝒊𝒏𝒅.  𝑴𝒂𝒈 𝑺𝒚 𝒗𝒓𝒆𝒅𝒆 𝒋𝒐𝒖 𝒅𝒓𝒂!

···ᶜᴶˢ··· ©

𝟐𝟎𝟐𝟑-𝟎𝟗-𝟐𝟐 – 𝐃𝐢𝐞 𝐟𝐲𝐧𝐬𝐤𝐫𝐢𝐟 . . . (Kliek hier vir die klankgreep)

Wanneer jy e-posse of WhatsApp boodskappe kry, of jy sien advertensies op die internet wat sê jy kan iets koop en geen rente of paaiemente betaal vir die eerste 6 maande nie; of jy lees iets soos “verloor 8 kilogram in die eerste week”, of “geld-terug waarborg”, of “gratis finansiering”, of “gratis kontant bonus”, of een van my gunstelinge... “koop een en kry een gratis”...  Wanneer ons hierdie dinge lees of hoor, dan is ons sommer dadelik skepties.  Waar’s die “catch?”, soos die Engelse sou sê.  Of, “wat sê die fynskrif?”  Want ons weet mos: daar is altyd een of ander fynskrif wat niemand lees nie, maar op een of ander manier mee uitgevang word.  Iemand het mos eendag gesê: “As iets te goed is om waar te wees, dan is dit seker so.”  Jip, dit is seker nie waar nie.

Die heel eerste preek wat ek gepreek het, was oor Jesaja 55 en ek wonder hoe sou ons reageer as ons vandag Jesaja 55 in die pos of e-pos of WhatsApp of enige ander platform, behalwe die Bybel ontvang?  Vers 1 sê: “¹ “𝐾𝑜𝑚, 𝑎𝑙𝑚𝑎𝑙 𝑤𝑎𝑡 𝑑𝑜𝑟𝑠 𝑖𝑠, 𝑘𝑜𝑚 𝑛𝑎 𝑑𝑖𝑒 𝑤𝑎𝑡𝑒𝑟! 𝐸𝑛 𝑤𝑖𝑒 𝑔𝑒𝑒𝑛 𝑔𝑒𝑙𝑑 ℎ𝑒𝑡 𝑛𝑖𝑒, 𝑘𝑜𝑚 𝑘𝑜𝑜𝑝 𝑒𝑛 𝑒𝑒𝑡! 𝐾𝑜𝑚 𝑘𝑜𝑜𝑝 𝑠𝑜𝑛𝑑𝑒𝑟 𝑔𝑒𝑙𝑑, 𝑠𝑜𝑛𝑑𝑒𝑟 𝑘𝑜𝑠𝑡𝑒, 𝑤𝑦𝑛 𝑒𝑛 𝑚𝑒𝑙𝑘!”  Ja, God belowe gratis kos en iets te drinke.  “Ja, right...  Waar’s die catch”, sal ons seker wonder.  Maar God gaan nog vêrder in verse 2-7 en maak nog meer “gratis” beloftes, totdat Hy in vers 7 ’n gratis kwytskelding bied vir diegene wat die “𝑣𝑒𝑟𝑘𝑒𝑒𝑟𝑑𝑒 𝑝𝑎𝑑 𝑙𝑎𝑎𝑡 𝑠𝑡𝑎𝑎𝑛”.  Ek meen, hierdie aanbod lyk heeltemal vêrgesog, amper ongelooflik.  Sinies vra jy jouself af: “Gratis kwytskelding...  Hmm...?  gratis, hoe lank voordat die verborge koste en paaiemente inskop?”

Tog, as jy na die fynskrif in hierdie aanbod gaan soek, sal jy dit nie vind nie.  God bied vergifnis as ’n geskenk.  Die prys was astronomies enorm gewees – en God sélf het dit betaal deur die bloed van sy Seun, Jesus.  Ja, God vergewe ons gratis, “free”, “mahala”.  Jy kan nie daarvoor betaal nie, selfs al wil jy.  Trouens, as jy hierdie aanbod van God probeer verdien, kan jy dit nie kry nie!

En dan, soos daardie TV-advertensies, kom God en sê: “Maar wag, daar is nog meer!”  Julle weet mos daai: “But wait, there’s more!”  God kom bied nie net gratis vergifnis nie, maar Sy vergifnis maak ons vry!  As ons Sy gawe van vergifnis aanvaar, ervaar ons vrede, nuwe lewe en ’n herstelde verhouding met God.

God se beloftes is vir altyd.  Jesus het klaar die prys betaal.  Wat keer ons dan om deel te hê aan God se fees van die lewe?  As God vrylik vergifnis en genade en lewe en liefde en seën bied, bedoel Hy dit regtig.  Moenie eers die fynskrif soek nie.  Jy gaan jou tyd mors.  Daar is geen fynskrif nie.  Glo dit!  Aanvaar dit!

𝕲𝖊𝖇𝖊𝖉:

Hemelse God en Vader, soos U in net die volgende vers van Jesaja 55, daar in vers 8 sê: “⁸ “𝐽𝑎, 𝑚𝑦 𝑝𝑙𝑎𝑛𝑛𝑒 𝑖𝑠 𝑛𝑖𝑒 𝑗𝑢𝑙𝑙𝑒 𝑝𝑙𝑎𝑛𝑛𝑒 𝑛𝑖𝑒, 𝑒𝑛 𝑗𝑢𝑙𝑙𝑒 𝑝𝑎𝑎𝑖𝑒 𝑖𝑠 𝑛𝑖𝑒 𝑚𝑦 𝑝𝑎𝑎𝑖𝑒 𝑛𝑖𝑒,” 𝑖𝑠 𝑑𝑖𝑒 𝑢𝑖𝑡𝑠𝑝𝑟𝑎𝑎𝑘 𝑣𝑎𝑛 𝑑𝑖𝑒 𝐻𝑒𝑟𝑒.”  Ja Here, ons sal nie U planne en U weë altyd verstaan nie, maar ons is so dankbaar daarvoor.  Dankie dat daar geen fynskrif is by die gratis redding wat U deur U Seun en ons Here, Jesus Christus, vir ons bring nie.  Dankie dat ons ewige lewe en vrede kan koop sonder ’n sent op ons naam.  U is wonderlik verby.  Loof die Here!  Prys Sy grote Naam!  Amen

···ᶜᴶˢ··· ©

𝟐𝟎𝟐𝟑-𝟎𝟗-𝟐𝟏 – 𝐋𝐮𝐢𝐬𝐭𝐞𝐫 𝐧𝐚 𝐝𝐢𝐞́ 𝐖𝐲𝐬𝐡𝐞𝐢𝐝 ! (Kliek hier vir die klankgreep)

Regdeur God se Woord vind ons gedeeltes van onbeskryflike wysheid.  Vir die ongelowige mens, is dit dalk net woorde, maar vir die nuwe mens in Jesus Christus, is dit woorde wat spreek tot in die binnekamer van ons siele.  Wat vir ander dalk net blote woorde is, is vir die gelowige onbeskryflike wysheid wat die siel voed en die hart lei op God se paaie van geregtigheid. 

Reeds in Spreuke 8 vind ons die aankondiging dat die groot Wysheid sou kom.  In hierdie verse word Wysheid verpersoonlik as ’n vrou wat na mense roep en haar waardevolle insigte en begrip bied.  Toe Jesus gekom het, het Hy hierdie Wysheid vir ons geword.  Hoor wat kom uit die pen van Salomo:

“¹𝐼𝑠 𝑑𝑖𝑡 𝑛𝑖𝑒 𝑊𝑦𝑠ℎ𝑒𝑖𝑑 𝑤𝑎𝑡 𝑢𝑖𝑡𝑟𝑜𝑒𝑝, 𝑒𝑛 𝑉𝑒𝑟𝑠𝑡𝑎𝑛𝑑𝑖𝑔ℎ𝑒𝑖𝑑 𝑤𝑎𝑡 ℎ𝑎𝑎𝑟 𝑠𝑡𝑒𝑚 𝑙𝑎𝑎𝑡 𝑜𝑝𝑘𝑙𝑖𝑛𝑘 𝑛𝑖𝑒? ²𝑂𝑝 𝑑𝑖𝑒 𝑡𝑜𝑝 𝑣𝑎𝑛 𝑑𝑖𝑒 ℎ𝑜𝑜𝑔𝑡𝑒𝑠 𝑙𝑎𝑛𝑔𝑠 𝑑𝑖𝑒 𝑝𝑎𝑑, 𝑤𝑎𝑎𝑟 𝑑𝑖𝑒 ℎ𝑜𝑜𝑓𝑝𝑎𝑎𝑖𝑒 𝑏𝑦𝑚𝑒𝑘𝑎𝑎𝑟𝑘𝑜𝑚, ℎ𝑒𝑡 𝑠𝑦 𝑠𝑡𝑒𝑙𝑙𝑖𝑛𝑔 𝑖𝑛𝑔𝑒𝑛𝑒𝑒𝑚. ³𝐿𝑎𝑛𝑔𝑠 𝑑𝑖𝑒 𝑝𝑜𝑜𝑟𝑡𝑒, 𝑏𝑦 𝑑𝑖𝑒 𝑖𝑛𝑔𝑎𝑛𝑔 𝑛𝑎 𝑑𝑖𝑒 𝑠𝑡𝑎𝑑, 𝑏𝑦 𝑑𝑖𝑒 𝑡𝑜𝑒𝑔𝑎𝑛𝑔 𝑡𝑜𝑡 𝑑𝑖𝑒 𝑝𝑜𝑜𝑟𝑡𝑑𝑒𝑢𝑟𝑒, 𝑟𝑜𝑒𝑝 𝑠𝑦 𝑜𝑝𝑔𝑒𝑤𝑜𝑛𝑑𝑒 𝑢𝑖𝑡: ⁴ “𝑁𝑎 𝑗𝑢𝑙𝑙𝑒, 𝑚𝑎𝑛𝑛𝑒, 𝑟𝑜𝑒𝑝 𝑒𝑘; 𝑚𝑦 𝑠𝑡𝑒𝑚 𝑖𝑠 𝑔𝑒𝑟𝑖𝑔 𝑡𝑜𝑡 𝑚𝑒𝑛𝑠𝑒𝑘𝑖𝑛𝑑𝑒𝑟𝑠.”" – Spreuke 8:1-4 (AFR20)

Wanneer Jesus in jou lewe is, begin ons besef dat Hý die Wysheid is wat ’n aktiewe en toeganklike teenwoordigheid in ons lewens is.  Wysheid is nie verborge of ontwykend nie, maar staan prominent en roep uit na almal wat wil luister. 

Sien, wysheid is vir diegene wat dit soek op die verkeerde plek dalk ’n verre konsep, maar vir die Christen is dit ’n lewende, dinamiese krag wat graag by ons betrokke wil raak.  Die Wysheid, Jesus Christus, roep vandag en elke dag na ons.  Die Wysheid nooi ons om begrip, onderskeidingsvermoë en insig in ons daaglikse lewe te soek.

Soos ons lees in Spreuke 8, neem die Wysheid standpunt in op prominente plekke, waar paaie ontmoet en by die stadspoorte.  Hierdie simboliek dui daarop dat Wysheid altyd beskikbaar is op belangrike tye in ons lewens.  Wanneer ons besluite, uitdagings of geleenthede in die gesig staar, is die Here daar om ons te lei.

Maar, Wysheid se oproep is nie beperk tot net ’n paar uitgesoekte mense nie, maar strek tot die hele mensdom.  Dit diskrimineer nie op grond van ouderdom, agtergrond of status nie.  Dit spreek tot elke persoon wat bereid is om te luister en te erken dat hul rigting nodig het.

Dié wat bereid is om hul ore oop te maak, sal gou agterkom dat Wysheid hardop roep na ons.  Jesus is altyd toeganklikheid en die belangrikheid van die Evangelie vir alle mense is eintlik oral sigbaar en bekombaar.  As ons die Wysheid soek, sal ons sien dat dit nie in verborge hoeke is nie, maar dat Jesus met vrymoedigheid die waarheid aan ons verkondig – in die Woord en deur die werk van die Heilige Gees.

Ons moet dus leer om aandagtig te luister en ons instel om die stem van die Wysheid te hoor in ons daaglikse lewe.  Ons moet tyd maak om te luister na die leiding en insigte wat die Here ons bied – veral wanneer ons voor besluite of uitdagings te staan kom.

Ons moet leer om die leiding wat Jesus ons bied te vind in gebed, meditasie, die soek van raad by betroubare mentors, of bloot deur tyd te neem om na te dink oor sake.

Ons moet besef dat die Wysheid vir almal beskikbaar is.  Ons moet ook nie ons vermoë om die Wysheid te verkry onderskat nie, en ons moenie dit van ander weerhou nie.  Deel die wysheid wat jy verwerf het van die groot Wysheid – Jesus Christus – met diegene wat dit soek.  Net soos die Wysheid hardop uitroep na jou, laat jou begrip van ware wysheid duidelik en sigbaar in jou optrede wees.  Streef daarna om keuses te maak wat die lewe van wysheid wat jy verwerf het, in Jesus Christus, dié Wysheid, weerspieël.

Onthou: die soeke na die Wysheid ’n lewenslange reis.  Dit vereis nederigheid, ’n gewilligheid om te leer en ’n begeerte om ’n lewe te lei wat in lyn is met die beginsels van begrip en onderskeidingsvermoë.  Hierdie dinge kan dalk ook maklik verwerf word as jy wêreldse wysheid soek, maar as jy ware Wysheid soek, moet jy elke dag streef daarna. 

𝑴𝒂𝒈 𝒋𝒚 𝒗𝒐𝒐𝒓𝒕𝒈𝒂𝒂𝒏 𝒐𝒎 𝒈𝒆𝒉𝒐𝒐𝒓 𝒕𝒆 𝒈𝒆𝒆 𝒂𝒂𝒏 𝒅𝒊𝒆 𝒐𝒑𝒓𝒐𝒆𝒑 𝒗𝒂𝒏 𝑾𝒚𝒔𝒉𝒆𝒊𝒅 – 𝒐𝒏𝒔 𝑯𝒆𝒓𝒆 𝑱𝒆𝒔𝒖𝒔 𝑪𝒉𝒓𝒊𝒔𝒕𝒖𝒔 – 𝒕𝒆𝒓𝒘𝒚𝒍 𝒋𝒚 𝒅𝒊𝒆 𝒑𝒂𝒂𝒊𝒆 𝒗𝒂𝒏 𝒅𝒊𝒆 𝒍𝒆𝒘𝒆 𝒏𝒂𝒗𝒊𝒈𝒆𝒆𝒓.

···ᶜᴶˢ··· ©

𝟐𝟎𝟐𝟑-𝟎𝟗-𝟐𝟎 – “𝐆𝐥𝐨 𝐢𝐧 𝐆𝐨𝐝.” (Kliek hier vir die klankgreep)

Nadat Jesus by ’n vyeboom gekom het wat geen vrugte gedra het nie, het Hy die boom vervloek en gesê: ““𝑀𝑎𝑔 𝑛𝑖𝑒𝑚𝑎𝑛𝑑 𝑡𝑜𝑡 𝑖𝑛 𝑒𝑤𝑖𝑔ℎ𝑒𝑖𝑑 𝑜𝑜𝑖𝑡 𝑤𝑒𝑒𝑟 '𝑛 𝑣𝑟𝑢𝑔 𝑣𝑎𝑛 𝑗𝑜𝑢 𝑎𝑓 𝑒𝑒𝑡 𝑛𝑖𝑒!” 𝑆𝑦 𝑑𝑖𝑠𝑠𝑖𝑝𝑒𝑙𝑠 ℎ𝑒𝑡 𝑑𝑖𝑡 𝑔𝑒ℎ𝑜𝑜𝑟.” (Markus 11:14b AFR20).  Toe hulle die volgende dag weer daar verbygaan, was die dissipels amper verbaas om te sien dat die boom heeltemal verdor het. 

“²²𝐽𝑒𝑠𝑢𝑠 𝑎𝑛𝑡𝑤𝑜𝑜𝑟𝑑 ℎ𝑢𝑙𝑙𝑒 𝑡𝑜𝑒: “𝐽𝑢𝑙𝑙𝑒 𝑚𝑜𝑒𝑡 𝑔𝑒𝑙𝑜𝑜𝑓 𝑖𝑛 𝐺𝑜𝑑 ℎ𝑒̂. ²³•𝐴𝑚𝑒𝑛, 𝐸𝑘 𝑠𝑒̂ 𝑣𝑖𝑟 𝑗𝑢𝑙𝑙𝑒: 𝑊𝑖𝑒 𝑣𝑖𝑟 ℎ𝑖𝑒𝑟𝑑𝑖𝑒 𝑏𝑒𝑟𝑔 𝑠𝑒̂, ‘𝐿𝑖𝑔 𝑗𝑜𝑢𝑠𝑒𝑙𝑓 𝑜𝑝 𝑒𝑛 𝑔𝑜𝑜𝑖 𝑗𝑜𝑢𝑠𝑒𝑙𝑓 𝑖𝑛 𝑑𝑖𝑒 𝑠𝑒𝑒,’ 𝑒𝑛 𝑛𝑖𝑒 𝑖𝑛 𝑠𝑦 ℎ𝑎𝑟𝑡 𝑡𝑤𝑦𝑓𝑒𝑙 𝑛𝑖𝑒, 𝑚𝑎𝑎𝑟 𝑔𝑙𝑜 𝑑𝑎𝑡 𝑤𝑎𝑡 ℎ𝑦 𝑠𝑒̂, 𝑔𝑎𝑎𝑛 𝑔𝑒𝑏𝑒𝑢𝑟, 𝑣𝑖𝑟 ℎ𝑜𝑚 𝑠𝑎𝑙 𝑑𝑖𝑡 𝑔𝑒𝑏𝑒𝑢𝑟. ²⁴𝐷𝑎𝑎𝑟𝑜𝑚 𝑠𝑒̂ 𝐸𝑘 𝑣𝑖𝑟 𝑗𝑢𝑙𝑙𝑒, 𝑎𝑙𝑙𝑒𝑠 𝑤𝑎𝑎𝑟𝑣𝑜𝑜𝑟 𝑗𝑢𝑙𝑙𝑒 𝑏𝑖𝑑 𝑒𝑛 𝑣𝑟𝑎, 𝑔𝑙𝑜 𝑑𝑎𝑡 𝑗𝑢𝑙𝑙𝑒 𝑑𝑖𝑡 𝑎𝑙 𝑜𝑛𝑡𝑣𝑎𝑛𝑔 ℎ𝑒𝑡, 𝑒𝑛 𝑑𝑖𝑡 𝑠𝑎𝑙 𝑣𝑖𝑟 𝑗𝑢𝑙𝑙𝑒 𝑠𝑜 𝑔𝑒𝑏𝑒𝑢𝑟. ²⁵𝐸𝑛 𝑤𝑎𝑛𝑛𝑒𝑒𝑟 𝑗𝑢𝑙𝑙𝑒 𝑠𝑡𝑎𝑎𝑛 𝑒𝑛 𝑏𝑖𝑑 – 𝑎𝑠 𝑗𝑢𝑙𝑙𝑒 𝑖𝑒𝑡𝑠 𝑡𝑒𝑒𝑛 𝑖𝑒𝑚𝑎𝑛𝑑 ℎ𝑒𝑡, 𝑣𝑒𝑟𝑔𝑒𝑒𝑓 ℎ𝑜𝑚, 𝑠𝑜𝑑𝑎𝑡 𝑗𝑢𝑙𝑙𝑒 𝑉𝑎𝑑𝑒𝑟 𝑖𝑛 𝑑𝑖𝑒 ℎ𝑒𝑚𝑒𝑙𝑒 𝑗𝑢𝑙𝑙𝑒 𝑜𝑜𝑘 𝑗𝑢𝑙𝑙𝑒 𝑜𝑜𝑟𝑡𝑟𝑒𝑑𝑖𝑛𝑔𝑠 𝑘𝑎𝑛 𝑣𝑒𝑟𝑔𝑒𝑒𝑓.”” – Markus 11:22-25 (AFR20) 

Hoeveel keer twyfel ons nie ook nog in Jesus nie?  Hoeveel keer twyfel ons in God se almag?  Geloof is die hoeksteen van ons verhouding met God.  Net soos Jesus sy dissipels aangemoedig het om in God te glo, word ons ook geroep om op Hom te vertrou.  Geloof is nie bloot glo in die bestaan van God nie; dit gaan daaroor om ’n diep en onwrikbare vertroue in Sy karakter, beloftes en krag te hê.  Wanneer ons geloof het, kan ons berge versit in ons lewens, uitdagings oorkom en die wonderbaarlike ervaar.

Kan ons dan regtig vir ’n berg sê om homself in die see te gooi?  Vers 23 beklemtoon die ongelooflike potensiaal van geloof-vervulde gebede.  Jesus gebruik die metafoor van om ’n berg te verskuif om die krag van onwrikbare geloof te illustreer.  Alhoewel ons dalk nie fisies berge versit nie, kan ons deur gebed en geloof struikelblokke wat dalk vir ons onoorkomelik lyk, wel oorkom en God se transformerende werk in ons lewens sien.

Maar kan ons dan regtig bid net waarvoor ons wil en God sal dit gee?  In vers 24 herinner Jesus ons aan die noue verband tussen geloof en gebed.  Wanneer ons in gebed na God toe kom, moet ons dit met afwagtende geloof doen.  Om te glo dat God ons gebede sal verhoor, bring ons harte in lyn met Sy wil en maak die deur oop vir Sy seëninge om in ons lewens in te vloei.  Dit is ’n herinnering dat ons gebede nie tevergeefs is wanneer dit in geloof aangebied word nie.  Dit help ons ook om te bid dat God se wil sal geskied en dat ons vrede sal vind daarin – al verstaan ons dit nie altyd nie.

Ons moet wel ook goed onthou dat vergifnis ’n deurslaggewende aspek van ons verhouding met God en met ander is.  Wanneer ons in gebed voor God kom, moet ons ons harte ondersoek en diegene vergewe wat ons verontreg het.  Sodoende stel ons onsself oop vir God se vergifnis en ervaar die vryheid en vrede wat gepaard gaan met die loslating van wrokke en bitterheid.

Sien, geloof, gebed en vergifnis is verweef in ons wandel met God.  Soos ons ons geloof verdiep, God in gebed met verwagting nader en vergifnis beoefen, kom ons nader aan Hom en ervaar ons sy transformerende krag in ons lewens. 

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Is my geloof in God onwrikbaar?  Glo ek in die krag van gebed?  En, reik ek uit in vergifnis na diegene wat my dalk onreg aangedoen het?

𝕲𝖊𝖇𝖊𝖉  : 

Almagtige God, ek glo in U.  Laat U Gees aanhou om in my ’n onwrikbare geloof te vestig.  Laat my bid sonder ophou.  Gee aan my vergewensgesindheid, sodat ek ander kan vergewe en U vergifnis kan vra en verwag.   Dankie dat ek kan weet dat U genade en seëninge wag en ’n werklikheid is in my lewe.  Ek loof en prys U, Here Jesus, dat U ons leer en vir ons die Weg, die Waarheid en die Lewe is.  Amen

···ᶜᴶˢ··· ©

𝟐𝟎𝟐𝟑-𝟎𝟗-𝟏𝟗 – 𝐖𝐚𝐧𝐧𝐞𝐞𝐫 𝐣𝐲 𝐝𝐞𝐮𝐫 ’𝐧 “𝐝𝐢𝐩” 𝐠𝐚𝐚𝐧 . . . (Kliek hier vir die klankgreep)

Elke nou en dan gaan elkeen van ons deur ’n “dip” – soos die mense mos praat.  Soms gebeur ’n klomp dinge en soms is daar geen rede daarvoor nie, maar dit is asof ons siele sommer neerslagtig voel, wanneer ons uitdagings in die gesig staar wat onoorkomelik lyk, en wanneer die wêreld om ons donker en onseker voel.  In ons binneste smag ons na hoop – net ’n klein bietjie lig om ons deur die skaduwees te lei.  Gelukkig, vir ons wat glo, is die Bybel gevul met soveel hoop en, veral in die Psalms, sien ons dikwels hoe ons weer ons fokus reg kan kry.

Psalm 42 is bekend as ’n lied vir baie van ons.  Ons fokus is gewoonlik in diep aanbidding op die eerste paar verse en Liedboek 163 verwoord dit mooi:

𝘚𝘰𝘰𝘴 '𝘯 𝘸𝘪𝘭𝘥𝘴𝘣𝘰𝘬 𝘸𝘢𝘵 𝘴𝘮𝘢𝘨 𝘯𝘢 𝘸𝘢𝘵𝘦𝘳, 𝘴𝘮𝘢𝘨 𝘮𝘺 𝘴𝘪𝘦𝘭 𝘯𝘢 𝘜, 𝘰 𝘏𝘦𝘦𝘳.

𝘜 𝘢𝘭𝘭𝘦𝘦𝘯 𝘪𝘴 𝘮𝘺 𝘩𝘢𝘳𝘵𝘴𝘷𝘦𝘳𝘭𝘢𝘯𝘨𝘦 𝘦𝘯 𝘦𝘬 𝘣𝘳𝘪𝘯𝘨 𝘢𝘢𝘯 𝘜 𝘥𝘪𝘦 𝘦𝘦𝘳.

𝘜 𝘢𝘭𝘭𝘦𝘦𝘯 𝘪𝘴 𝘮𝘺 𝘣𝘳𝘰𝘯 𝘷𝘢𝘯 𝘬𝘳𝘢𝘨; 𝘪𝘯 𝘜 𝘵𝘦𝘦𝘯𝘸𝘰𝘰𝘳𝘥𝘪𝘨𝘩𝘦𝘪𝘥 𝘸𝘪𝘭 𝘦𝘬 𝘸𝘢𝘨.

𝘜 𝘢𝘭𝘭𝘦𝘦𝘯 𝘪𝘴 𝘮𝘺 𝘩𝘢𝘳𝘵𝘴𝘷𝘦𝘳𝘭𝘢𝘯𝘨𝘦 𝘦𝘯 𝘦𝘬 𝘣𝘳𝘪𝘯𝘨 𝘢𝘢𝘯 𝘜 𝘥𝘪𝘦 𝘦𝘦𝘳.

Hierdie lied skep gewoonlik in ons ’n gevoel van verlange en ontsag vir die Here, maar wanneer ons die res van die psalm lees, sien ons dat die skrywers juis ons menslike mallemeule van emosies en verlies aan hoop baie mooi vasgepen het.  ’n Hele paar scenario’s word geskets en elke keer word die fokus weer teruggedraai na God se lof en eer.  Vers 12 verwoord daardie “dip” wat ons so dikwels ervaar:

“¹²𝑊𝑎𝑎𝑟𝑜𝑚 𝑘𝑤𝑦𝑛 𝑗𝑦 𝑤𝑒𝑔, 𝑚𝑦 𝑠𝑖𝑒𝑙, 𝑒𝑛 𝑖𝑠 𝑗𝑦 𝑠𝑜 𝑜𝑛𝑟𝑢𝑠𝑡𝑖𝑔 𝑖𝑛 𝑚𝑦? 𝐻𝑜𝑜𝑝 𝑜𝑝 𝐺𝑜𝑑, 𝑤𝑎𝑛𝑡 𝑒𝑘 𝑠𝑎𝑙 𝐻𝑜𝑚, 𝑚𝑦 𝐺𝑜𝑑, 𝑤𝑒𝑒𝑟 𝑝𝑟𝑦𝑠 𝑣𝑖𝑟 𝑑𝑖𝑒 𝑣𝑒𝑟𝑙𝑜𝑠𝑠𝑖𝑛𝑔 𝑤𝑎𝑡 𝐻𝑦, 𝑚𝑦 𝐺𝑜𝑑, 𝑑𝑒𝑢𝑟 𝑠𝑦 𝑡𝑒𝑒𝑛𝑤𝑜𝑜𝑟𝑑𝑖𝑔ℎ𝑒𝑖𝑑 𝑏𝑟𝑖𝑛𝑔.”

– Psalm 42:12 (AFR20)

Ons kry daardie oomblikke wat ons ook eintlik vir onsself afvra: “Waarom voel ek so ‘af’?  Hoekom is ek onrustig?”  Dit is ’n vraag wat gebore word uit diep introspeksie – ’n oomblik van kwesbaarheid wanneer ons ons innerlike onrus en wanhoop erken.  In die aangesig van teëspoed of soms “sommer maar net” is dit natuurlik om so te voel, maar wat in vers 12 van Psalm 42 volg, hou vir ons die sleutel in om wanhoop te oortref.

Die kragtigste voorskrif vir ’n ontstelde siel: “Stel jou hoop op God.”  Dit is ’n eenvoudige dog diepgaande stelling.  Wanneer ons harte swaar is van hartseer, wanneer ons deur omstandighede oorweldig word, wanneer ons drome vêr lyk, kan ons ons wend tot die onveranderlike, getroue karakter van God.  Hy is ons anker in die storm, ons toevlug in tye van benoudheid, en ons bron van onfeilbare hoop.

Hoop op God is nie wensdenkery nie; dit is ’n selfversekerde verwagting in Sy goedheid, Sy liefde en Sy soewereiniteit.  Dit is ’n erkenning dat selfs wanneer ons omstandighede dalk nie dadelik verander nie, ons perspektief wel kan verander.  Ons kan kies om te fokus op die Een wat die heelal bymekaar hou en op sy plan vertrou, wat altyd vir ons uiteindelike beswil is.

Maar hoe stel ons prakties ons hoop op God?  Ons doen dit deur gebed, deur Sy Woord te lees en deur aanbidding.  Ons doen dit deur onsself te herinner aan Sy ewige getrouheid, deur op Sy beloftes te steun en deur Sy leiding te soek.  Wanneer ons onsself verdiep in God se teenwoordigheid en waarheid, verskuif ons perspektief van wanhoop na lof.

“𝐻𝑜𝑜𝑝 𝑜𝑝 𝐺𝑜𝑑, 𝑤𝑎𝑛𝑡 𝑒𝑘 𝑠𝑎𝑙 𝐻𝑜𝑚, 𝑚𝑦 𝐺𝑜𝑑, 𝑤𝑒𝑒𝑟 𝑝𝑟𝑦𝑠 𝑣𝑖𝑟 𝑑𝑖𝑒 𝑣𝑒𝑟𝑙𝑜𝑠𝑠𝑖𝑛𝑔 𝑤𝑎𝑡 𝐻𝑦, 𝑚𝑦 𝐺𝑜𝑑, 𝑑𝑒𝑢𝑟 𝑠𝑦 𝑡𝑒𝑒𝑛𝑤𝑜𝑜𝑟𝑑𝑖𝑔ℎ𝑒𝑖𝑑 𝑏𝑟𝑖𝑛𝑔.” (vers 12b).  Dít is die resultaat van ons hoop op God.  Dit is ’n verklaring dat, ten spyte van die duisternis wat ons kan omring, ons sal kies om Hom te loof.  Ons sal Hom loof vir wie Hy is, vir wat Hy gedoen het en vir wat Hy in ons lewens sal doen.

So, as jy jouself dalk in ’n seisoen van duisternis en wanhoop bevind, onthou Psalm 42:12.  Erken jou gevoelens, maar moenie dat hulle jou definieer nie.  Plaas eerder jou hoop op God, en terwyl jy dit doen, sal jy vind dat selfs te midde van duisternis, Sy lig helder skyn, wat jou die krag gee om Hom te loof en die versekering dat beter dae voorlê.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

“¹²𝑊𝑎𝑎𝑟𝑜𝑚 𝑘𝑤𝑦𝑛 𝑗𝑦 𝑤𝑒𝑔, 𝑚𝑦 𝑠𝑖𝑒𝑙, 𝑒𝑛 𝑖𝑠 𝑗𝑦 𝑠𝑜 𝑜𝑛𝑟𝑢𝑠𝑡𝑖𝑔 𝑖𝑛 𝑚𝑦? 𝐻𝑜𝑜𝑝 𝑜𝑝 𝐺𝑜𝑑, 𝑤𝑎𝑛𝑡 𝑒𝑘 𝑠𝑎𝑙 𝐻𝑜𝑚, 𝑚𝑦 𝐺𝑜𝑑, 𝑤𝑒𝑒𝑟 𝑝𝑟𝑦𝑠 𝑣𝑖𝑟 𝑑𝑖𝑒 𝑣𝑒𝑟𝑙𝑜𝑠𝑠𝑖𝑛𝑔 𝑤𝑎𝑡 𝐻𝑦, 𝑚𝑦 𝐺𝑜𝑑, 𝑑𝑒𝑢𝑟 𝑠𝑦 𝑡𝑒𝑒𝑛𝑤𝑜𝑜𝑟𝑑𝑖𝑔ℎ𝑒𝑖𝑑 𝑏𝑟𝑖𝑛𝑔.”

– Psalm 42:12 (AFR20)

𝕲𝖊𝖇𝖊𝖉  : 

Here, ek loof U vir U goedheid, barmhartig en sorg in my lewe.  Lig my weer op as ek neerslagtig is in my siel.  Gee my U vrede as daar onrustigheid is in my.  Dankie, vir die verlossing wat U teenwoordigheid in my lewe bring.  Ek loof en prys U.  Amen

···ᶜᴶˢ··· ©

𝟐𝟎𝟐𝟑-𝟎𝟗-𝟏𝟖 – 𝐃𝐞𝐮𝐫 𝐠𝐞𝐥𝐨𝐨𝐟 . . . (Kliek hier vir die klankgreep)

In die Bybel is daar natuurlik wonderlike verhale van geloof en in die brief aan die Hebreërs, herinner die skrywer ons weer aan soveel van die geloofshelde wat in geloof gewandel het saam met God.  Ons lees oor Moses in Hebreërs 11:23-29 (AFR20):

“²³𝐷𝑒𝑢𝑟 𝑔𝑒𝑙𝑜𝑜𝑓 𝑖𝑠 𝑀𝑜𝑠𝑒𝑠, 𝑡𝑜𝑒 ℎ𝑦 𝑔𝑒𝑏𝑜𝑟𝑒 𝑖𝑠, 𝑑𝑟𝑖𝑒 𝑚𝑎𝑎𝑛𝑑𝑒 𝑙𝑎𝑛𝑘 𝑑𝑒𝑢𝑟 𝑠𝑦 𝑜𝑢𝑒𝑟𝑠 𝑤𝑒𝑔𝑔𝑒𝑠𝑡𝑒𝑒𝑘, 𝑜𝑚𝑑𝑎𝑡 ℎ𝑢𝑙𝑙𝑒 𝑔𝑒𝑠𝑖𝑒𝑛 ℎ𝑒𝑡 𝑑𝑎𝑡 𝑑𝑖𝑒 𝑘𝑖𝑛𝑑𝑗𝑖𝑒 𝑚𝑜𝑜𝑖 𝑤𝑎𝑠, 𝑒𝑛 ℎ𝑢𝑙𝑙𝑒 𝑛𝑖𝑒 𝑣𝑖𝑟 𝑑𝑖𝑒 𝑘𝑜𝑛𝑖𝑛𝑔 𝑠𝑒 𝑏𝑒𝑣𝑒𝑙 𝑏𝑎𝑛𝑔 𝑤𝑎𝑠 𝑛𝑖𝑒. ²⁴𝐷𝑒𝑢𝑟 𝑔𝑒𝑙𝑜𝑜𝑓 ℎ𝑒𝑡 𝑀𝑜𝑠𝑒𝑠, 𝑡𝑜𝑒 ℎ𝑦 𝑔𝑟𝑜𝑜𝑡𝑔𝑒𝑤𝑜𝑟𝑑 ℎ𝑒𝑡, 𝑔𝑒𝑤𝑒𝑖𝑒𝑟 𝑜𝑚 𝑑𝑖𝑒 𝑠𝑒𝑢𝑛 𝑣𝑎𝑛 𝑑𝑖𝑒 𝑑𝑜𝑔𝑡𝑒𝑟 𝑣𝑎𝑛 𝑑𝑖𝑒 𝑓𝑎𝑟𝑎𝑜 𝑔𝑒𝑛𝑜𝑒𝑚 𝑡𝑒 𝑤𝑜𝑟𝑑, ²⁵𝑒𝑛 ℎ𝑒𝑡 ℎ𝑦 𝑒𝑒𝑟𝑑𝑒𝑟 𝑣𝑒𝑟𝑘𝑖𝑒𝑠 𝑜𝑚 𝑠𝑎𝑎𝑚 𝑚𝑒𝑡 𝑑𝑖𝑒 𝑣𝑜𝑙𝑘 𝑣𝑎𝑛 𝐺𝑜𝑑 𝑠𝑙𝑒𝑔 𝑏𝑒ℎ𝑎𝑛𝑑𝑒𝑙 𝑡𝑒 𝑤𝑜𝑟𝑑 𝑎𝑠 𝑜𝑚 𝑑𝑖𝑒 𝑘𝑜𝑟𝑡𝑠𝑡𝑜𝑛𝑑𝑖𝑔𝑒 𝑔𝑒𝑛𝑜𝑡 𝑣𝑎𝑛 𝑠𝑜𝑛𝑑𝑒 𝑡𝑒 𝑏𝑒𝑙𝑒𝑒𝑓. ²⁶𝐻𝑦 ℎ𝑒𝑡 𝑑𝑖𝑒 𝑠𝑚𝑎𝑎𝑑 𝑣𝑎𝑛 𝑑𝑖𝑒 •𝐶ℎ𝑟𝑖𝑠𝑡𝑢𝑠 𝑔𝑟𝑜𝑡𝑒𝑟 𝑟𝑦𝑘𝑑𝑜𝑚 𝑔𝑒𝑎𝑔 𝑎𝑠 𝑑𝑖𝑒 𝑠𝑘𝑎𝑡𝑡𝑒 𝑣𝑎𝑛 𝐸𝑔𝑖𝑝𝑡𝑒, 𝑤𝑎𝑛𝑡 ℎ𝑦 ℎ𝑒𝑡 𝑢𝑖𝑡𝑔𝑒𝑠𝑖𝑒𝑛 𝑛𝑎 𝑑𝑖𝑒 𝑏𝑒𝑙𝑜𝑛𝑖𝑛𝑔. ²⁷𝐷𝑒𝑢𝑟 𝑔𝑒𝑙𝑜𝑜𝑓 ℎ𝑒𝑡 ℎ𝑦 𝐸𝑔𝑖𝑝𝑡𝑒 𝑣𝑒𝑟𝑙𝑎𝑎𝑡 𝑠𝑜𝑛𝑑𝑒𝑟 𝑜𝑚 𝑏𝑎𝑛𝑔 𝑡𝑒 𝑤𝑒𝑒𝑠 𝑣𝑖𝑟 𝑑𝑖𝑒 𝑤𝑜𝑒𝑑𝑒 𝑣𝑎𝑛 𝑑𝑖𝑒 𝑘𝑜𝑛𝑖𝑛𝑔, 𝑤𝑎𝑛𝑡 ℎ𝑦 ℎ𝑒𝑡 𝑣𝑜𝑙ℎ𝑎𝑟𝑑 𝑠𝑜𝑜𝑠 𝑒𝑒𝑛 𝑤𝑎𝑡 𝐻𝑜𝑚, 𝑑𝑖𝑒 𝑂𝑛𝑠𝑖𝑒𝑛𝑙𝑖𝑘𝑒, 𝑠𝑖𝑒𝑛. ²⁸𝐷𝑒𝑢𝑟 𝑔𝑒𝑙𝑜𝑜𝑓 ℎ𝑒𝑡 ℎ𝑦 𝑑𝑖𝑒 𝑃𝑎𝑠𝑔𝑎 𝑖𝑛𝑔𝑒𝑠𝑡𝑒𝑙 𝑒𝑛 𝑑𝑖𝑒 𝑏𝑙𝑜𝑒𝑑 𝑙𝑎𝑎𝑡 𝑎𝑎𝑛𝑠𝑚𝑒𝑒𝑟, 𝑠𝑜𝑑𝑎𝑡 𝑑𝑖𝑒 𝑑𝑜𝑜𝑑𝑠𝑒𝑛𝑔𝑒𝑙 𝑛𝑖𝑒 𝑎𝑎𝑛 ℎ𝑢𝑙𝑙𝑒 •𝑒𝑒𝑟𝑠𝑔𝑒𝑏𝑜𝑟𝑒𝑛𝑒𝑠 𝑠𝑜𝑢 𝑟𝑎𝑎𝑘 𝑛𝑖𝑒. ²⁹𝐷𝑒𝑢𝑟 𝑔𝑒𝑙𝑜𝑜𝑓 ℎ𝑒𝑡 ℎ𝑢𝑙𝑙𝑒 𝑑𝑒𝑢𝑟 𝑑𝑖𝑒 𝑅𝑜𝑜𝑖𝑠𝑒𝑒 𝑔𝑒𝑡𝑟𝑒𝑘 𝑠𝑜𝑜𝑠 𝑜𝑜𝑟 𝑑𝑟𝑜𝑒̈ 𝑙𝑎𝑛𝑑, 𝑡𝑒𝑟𝑤𝑦𝑙 𝑑𝑖𝑒 𝐸𝑔𝑖𝑝𝑡𝑒𝑛𝑎𝑟𝑒, 𝑡𝑜𝑒 ℎ𝑢𝑙𝑙𝑒 𝑑𝑖𝑡 𝑝𝑟𝑜𝑏𝑒𝑒𝑟 𝑑𝑜𝑒𝑛 ℎ𝑒𝑡, 𝑣𝑒𝑟𝑑𝑟𝑖𝑛𝑘 ℎ𝑒𝑡.”

Moses se geloofsverhaal begin by sy ouers.  Hulle geloof in God se plan vir hulle kind en hulle moed om die koning se bevele te weerstaan, leer ons dat geloof dikwels vereis dat ons dapper aksies neem in die aangesig van teëspoed.  Hoe bevoorreg is baie van ons darem ook dat ons ouers gehad het wat ons kon leer van God se grootheid?

Met die regte fondasie het Moses, toe hy grootgeword het, ’n keuse gemaak wat sy geloof gewys het.  Hy het die voorregte en gerief geweier om as die seun van Farao se dogter bekend te staan.  Hy het eerder verkies om met die verdrukte Israeliete te identifiseer.  Sien, om ’n lewe van geloof te leef beteken dikwels dat ons moeilike keuses moet maak wat in lyn is met God se waardes, selfs wanneer dit teen die wêreld se verwagtinge ingaan.

Deur geloof en deur te volhard in ons geloof, maak dat ons – soos Moses – “𝑑𝑖𝑒 𝑂𝑛𝑠𝑖𝑒𝑛𝑏𝑎𝑟𝑒” God sien.  Ons moet leer om ’n geestelike visie te ontwikkel in die wêreld waarin ons leef.  Geloof laat ons verby ons omstandighede kyk en vertrou op die onsigbare, onsienbare God wat in beheer is.  Moses se reis vanaf Egipte en deur die Rooi See is gelei deur hierdie vertroue in die onsienbare God.

Die skrywer van Hebreërs sê dat Moses “𝑑𝑖𝑒 𝑠𝑚𝑎𝑎𝑑 𝑣𝑎𝑛 𝑑𝑖𝑒 •𝐶ℎ𝑟𝑖𝑠𝑡𝑢𝑠 𝑔𝑟𝑜𝑡𝑒𝑟 𝑟𝑦𝑘𝑑𝑜𝑚 𝑔𝑒𝑎𝑔 (ℎ𝑒𝑡) 𝑎𝑠 𝑑𝑖𝑒 𝑠𝑘𝑎𝑡𝑡𝑒 𝑣𝑎𝑛 𝐸𝑔𝑖𝑝𝑡𝑒” (vers 26).  Ons moet maar weet dat wanneer ons deur geloof lewe, dat geloof dikwels opofferings behels, en die ewige belonings van geloof oortref die tydelike plesier van die wêreld verreweg.

Wanneer ons só deur geloof lewe en wandel, moet ons nie verbaas wees as ons God se krag in ons lewens geopenbaar sien nie.  Deur geloof het die Israeliete deur die Rooisee op droë grond geloop, terwyl God sélf met die agtervolgende Egiptenare afgereken het.  Deur ons geloof en vertroue in die Here, kan ons verwag dat God groot dinge in ons lewens ook sal doen.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Geloof is nie net “’n geloof” nie; dit is ’n reis, ’n keuse en ’n kragtige mag wat die verloop van die geskiedenis verander het.  Dit kan ook die verloop van jou geskiedenis en jou ewige toekoms verander.

𝕲𝖊𝖇𝖊𝖉  : 

Almagtige God en hemelse Vader, dankie dat ek deur geloof in U kan wandel deur hierdie lewe.  Mag ek keuses maak wat ooreenstem met U wil; mag ek die hand van die onsienbare God in my lewe sien.  Laat my vertrou in U krag om my deur die uitdagings wat ek in die gesig staar te lei.  Ek loof en prys U, in Jesus se Naam.  Amen

···ᶜᴶˢ··· ©

𝟐𝟎𝟐𝟑-𝟎𝟗-𝟎𝟕 – "𝑳𝒂𝒂𝒕 𝒎𝒚 𝒉𝒂𝒓𝒕 𝒏𝒂 𝒖 𝒃𝒆𝒑𝒂𝒍𝒊𝒏𝒈𝒔 𝒏𝒆𝒊𝒈." (Kliek hier vir die klankgreep)

As ons op God vertrou om ons te lei op die reguit pad, dan moet ons onsself gewillig maak om deur God onderrig te word.  Psalm 119, die langste van al die psalms, is juis geskryf op ’n manier wat die jongmense maklik kon leer met behulp van die alfabet.  Hierdie psalm bevat soveel wonderlike riglyne en erkenning oor God se leiding wat ons almal so nodig het.  Verse 33-40 is juis ook weer ’n gedeelte wat fokus op die belangrikheid daarvan om God se leiding, begrip en gehoorsaamheid aan Sy woord te soek:

“³³𝐻𝑒𝑟𝑒, 𝑜𝑛𝑑𝑒𝑟𝑟𝑖𝑔 𝑚𝑦 𝑖𝑛 𝑑𝑖𝑒 𝑝𝑎𝑑 𝑣𝑎𝑛 𝑢 𝑣𝑜𝑜𝑟𝑠𝑘𝑟𝑖𝑓𝑡𝑒, 𝑠𝑜𝑑𝑎𝑡 𝑒𝑘 𝑒𝑛𝑑𝑢𝑖𝑡 𝑑𝑎𝑎𝑟𝑏𝑦 𝑘𝑎𝑛 ℎ𝑜𝑢.

³⁴𝐺𝑒𝑒 𝑚𝑦 𝑖𝑛𝑠𝑖𝑔, 𝑠𝑜𝑑𝑎𝑡 𝑒𝑘 𝑏𝑦 𝑢 𝑤𝑒𝑡 𝑘𝑎𝑛 ℎ𝑜𝑢, 𝑑𝑖𝑡 𝑚𝑒𝑡 𝑚𝑦 ℎ𝑒𝑙𝑒 ℎ𝑎𝑟𝑡 𝑘𝑎𝑛 𝑛𝑎𝑘𝑜𝑚.

³⁵𝐵𝑒𝑔𝑒𝑙𝑒𝑖 𝑚𝑦 𝑜𝑝 𝑑𝑖𝑒 𝑝𝑎𝑑 𝑣𝑎𝑛 𝑢 𝑏𝑒𝑣𝑒𝑙𝑒, 𝑤𝑎𝑛𝑡 𝑑𝑎𝑎𝑟𝑖𝑛 𝑣𝑖𝑛𝑑 𝑒𝑘 𝑣𝑟𝑒𝑢𝑔𝑑𝑒.

³⁶𝐿𝑎𝑎𝑡 𝑚𝑦 ℎ𝑎𝑟𝑡 𝑛𝑎 𝑢 𝑏𝑒𝑝𝑎𝑙𝑖𝑛𝑔𝑠 𝑛𝑒𝑖𝑔, 𝑒𝑛 𝑛𝑖𝑒 𝑛𝑎 𝑤𝑖𝑛𝑠𝑏𝑒𝑗𝑎𝑔 𝑛𝑖𝑒.

³⁷𝑊𝑒𝑛𝑑 𝑚𝑦 𝑜𝑒̈ 𝑑𝑎𝑎𝑟𝑣𝑎𝑛 𝑎𝑓 𝑜𝑚 𝑛𝑎 𝑛𝑢𝑡𝑡𝑒𝑙𝑜𝑠𝑒 𝑑𝑖𝑛𝑔𝑒 𝑡𝑒 𝑠𝑡𝑎𝑎𝑟; ℎ𝑜𝑢 𝑚𝑦 𝑙𝑒𝑤𝑒𝑛𝑑 𝑜𝑝 𝑢 𝑝𝑎𝑎𝑖𝑒.

³⁸𝐷𝑜𝑒𝑛 𝑢 𝑤𝑜𝑜𝑟𝑑 𝑔𝑒𝑠𝑡𝑎𝑛𝑑 𝑎𝑎𝑛 𝑢 𝑑𝑖𝑒𝑛𝑠𝑘𝑛𝑒𝑔 – 𝑢 𝑤𝑜𝑜𝑟𝑑 𝑤𝑎𝑡 𝑜𝑛𝑡𝑠𝑎𝑔 𝑤𝑒𝑘 𝑣𝑖𝑟 𝑈.

³⁹𝑁𝑒𝑒𝑚 𝑑𝑖𝑒 𝑏𝑒𝑠𝑝𝑜𝑡𝑡𝑖𝑛𝑔 𝑤𝑎𝑡 𝑒𝑘 𝑣𝑟𝑒𝑒𝑠 𝑣𝑎𝑛 𝑚𝑦 𝑤𝑒𝑔, 𝑤𝑎𝑛𝑡 𝑢 𝑏𝑒𝑠𝑙𝑖𝑠𝑠𝑖𝑛𝑔𝑠 𝑖𝑠 𝑔𝑜𝑒𝑑.

⁴⁰𝐾𝑦𝑘, 𝑒𝑘 𝑣𝑒𝑟𝑙𝑎𝑛𝑔 𝑛𝑎 𝑢 𝑜𝑝𝑑𝑟𝑎𝑔𝑡𝑒; ℎ𝑜𝑢 𝑚𝑦 𝑙𝑒𝑤𝑒𝑛𝑑 𝑑𝑒𝑢𝑟 𝑢 •𝑔𝑒𝑟𝑒𝑔𝑡𝑖𝑔ℎ𝑒𝑖𝑑.”

– Psalm 119:33-40 (AFR20)

As ons waarlik vertrou op die Here, moet ons leer om onsself gereeld voor God te verootmoedig en moet ons die begeerte in ons hê om te leer uit God se Woord.  As ons die pad wat God ons wys wil stap – saam met Hom – dan moet ons begryp dat die pad wat Hy ons wys van Hom af kom en nêrens anders nie.

Wanneer ons begryp dat God se pad die pad na ware geluk is, besef ons ook dat hierdie begrip van God se Woord ons sal lei tot gehoorsaamheid.  Ons moet nie net dag na dag God se Woord hoor nie, maar ons moet dit uitleef.  Soms dink ons dat daar net té veel opdragte en bevele in God se Woord is en dat dit onmoontlik is om alles na te kom, maar God se bevele is nie ’n straf nie.  As ons Jesus se opsomming van die Wet nakom, sien ons eintlik dat ons vreugde vind daarin.

Wanneer ons ons lewens in lyn bring met God se Woord, ervaar ons ware vreugde en vervulling.  Ons moet God se leiding soek in al ons keuses en aksies en onsself afvra of ons keuses en optredes ons weglei van God af, of nader bring aan Hom.  Want, sien, dit is tog so maklik om deur ons eie selfsugtige begeertes, persoonlike gewin en selfs nuttelose dinge om die bos gelei te word.  Ons harte moet gerig wees op God en sy opdragte.  Ons moet ons aandag rig op God se pad en God se Woord en die lewe wat daarin te vinde is.

Hoe wonderlik is dit darem om te weet dat, wanneer ons só doelgerig en getrou op God se pad en in God se Woord wandel, dat Hy ook altyd sy beloftes nakom.  Wanneer God sy beloftes nakom, lei dit tot eerbied en ontsag.  Al spot en verneder die wêreld ons daaroor, kan ons verseker wees van God se beloftes en dat sy beslissings altyd goed is.  Al behandel die wêreld ons onregverdig en al ly ons as gevolg van ons geloof, weet ons God se geregtigheid hou ons lewend – selfs ná hierdie lewe.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Om God se pad vir my lewe te stap, het ek God se leiding nodig.  Ek vind dit deur begrip en gehoorsaamheid aan Sy Woord te soek elke dag.

𝕲𝖊𝖇𝖊𝖉  : 

Here, leer my hart om te neig na U Woord.  Leer my, lei my en verander my, sodat ek in U weë kan wandel en die vreugde en vervulling kan ervaar wat daaruit kom om volgens U Woord te lewe.  Tot U eer alleen.  Amen

···ᶜᴶˢ··· ©

𝟐𝟎𝟐𝟑-𝟎𝟗-𝟎𝟔 – 𝐕𝐨𝐥𝐥𝐞 𝐯𝐞𝐫𝐭𝐫𝐨𝐮𝐞. (Kliek hier vir die klankgreep)

Wanneer ons luister na Jesus se preek op die berg, oftewel die Bergrede, in Matteus 5-7, dan kom ons agter dat Jesus ’n hele paar van die Mosaïese wette beter kom verduidelik het.  Ons sien ook dat Jesus die misverstaan en self misbruik en omseiling van hierdie wette deur die Fariseërs en die volk reguit aanspreek en korrigeer.  Wat egter die belangrikste is oor die Bergrede, is die woorde net voor ons dit teëkom in die Skrif:

“¹⁷𝑉𝑎𝑛 𝑡𝑜𝑒 𝑎𝑓 ℎ𝑒𝑡 𝐽𝑒𝑠𝑢𝑠 𝑚𝑒𝑡 𝑠𝑦 𝑣𝑒𝑟𝑘𝑜𝑛𝑑𝑖𝑔𝑖𝑛𝑔 𝑏𝑒𝑔𝑖𝑛 𝑒𝑛 𝑔𝑒𝑠𝑒̂: “𝐵𝑒𝑘𝑒𝑒𝑟 𝑗𝑢𝑙𝑙𝑒, 𝑤𝑎𝑛𝑡 𝑑𝑖𝑒 •𝑘𝑜𝑛𝑖𝑛𝑘𝑟𝑦𝑘 𝑣𝑎𝑛 𝑑𝑖𝑒 ℎ𝑒𝑚𝑒𝑙𝑒 𝑖𝑠 𝑜𝑝 ℎ𝑎𝑛𝑑𝑒.”” – Matteus 4:17 (AFR20)

Sien, alles wat Jesus geleer het, gaan oor God se koninkryk.  Alles gaan oor hoe die kerk Jesus se werk op aarde moet voortsit en hoe ons moet optree as die liggaam van Christus in die wêreld.  Maar ons kan dit nie doen as ons nie mekaar vertrou nie.  Daarom leer Jesus ook dat ons “ja” moet “ja” wees en ons “nee” moet “nee” wees – ons woord moet ons eer wees en ons moet eg wees in ons nuwe identiteit in Christus (Matt. 5:33-37).  Daarom moet ons ook alles wat ons is en alles wat ons het toevertrou aan God se leiding.

Selfs wyse Salomo het dit ook baie mooi besef.  Hy skryf:

“⁵𝑉𝑒𝑟𝑡𝑟𝑜𝑢 𝑜𝑝 𝑑𝑖𝑒 𝐻𝑒𝑟𝑒 𝑚𝑒𝑡 𝑗𝑜𝑢 ℎ𝑒𝑙𝑒 ℎ𝑎𝑟𝑡 – 𝑜𝑝 𝑗𝑜𝑢 𝑒𝑖𝑒 𝑖𝑛𝑠𝑖𝑔 𝑚𝑜𝑒𝑡 𝑗𝑦 𝑛𝑖𝑒 𝑠𝑡𝑎𝑎𝑡𝑚𝑎𝑎𝑘 𝑛𝑖𝑒.

⁶𝐾𝑒𝑛 𝐻𝑜𝑚 𝑖𝑛 𝑎𝑙 𝑗𝑜𝑢 𝑤𝑒𝑒̈, 𝑒𝑛 𝐻𝑦 𝑠𝑎𝑙 𝑗𝑜𝑢 𝑝𝑎𝑎𝑖𝑒 𝑟𝑒𝑔𝑢𝑖𝑡 𝑚𝑎𝑎𝑘.”

– Spreuke 3:5-6 (AFR20)

Algehele vertroue is die grondslag van enige betekenisvolle verhouding en ons verhouding met God is geen uitsondering nie.  Ons moet ook baie mooi besef dat vertroue nie net ’n emosie is nie, maar ’n bewuste keuse.  Om God te vertrou beteken om in Sy goedheid, wysheid en getrouheid te glo, selfs wanneer omstandighede ons wil laat glo dat ons nie kan nie.  Die werking van God se Gees in ons en ons keuse om beheer oor te gee aan Hom, skep hierdie vertroue in ons.

Ons plaas nie ons vertroue in God, omdat ons maar net ’n kans wil vat daarmee nie.  Nee, ons vertroue in God is gegrond as gevolg van wie Hy is.  Hy is die Skepper van die heelal, die onderhouer van alle lewe, en die bron van grenslose liefde en genade.  Ons kan God vertrou omdat Hy onveranderlik, ewig en alwetend is.  Sy beloftes is seker, en Sy karakter is onwrikbaar.

Ons moet egter ook realisties bly en weet dat om God te vertrou stel ons nie vry van die lewe se uitdagings en beproewings nie.  Trouens, dit is in hierdie tye dat ons vertroue in Hom op die proef gestel word.  Ons verstaan dalk nie altyd hoekom ons probleme ondervind nie, maar ons kan vertrou dat God ’n doel en plan met ons lewens het, selfs te midde van teëspoed.

Wanneer ons ons vertroue in God plaas, stel ons onsself oop vir Sy transformerende krag.  Om Hom te vertrou laat ons Sy vrede ervaar wat alle verstand te bowe gaan.  Dit stel ons in staat om hoop te vind in die donkerste oomblikke en krag om deur elke beproewing te werk.  Vertroue in God is die sleutel tot ’n lewe gevul met doel en betekenis.

As God se kerk, moet ons elke dag met ons hele hart luister na die oproep om op God te vertrou.  Ons mag en moet al ons twyfel, vrese en bekommernisse aan Hom oorgee, wetende dat Hy getrou is om ons te lei, ons te beskerm en vir ons te voorsien.  In tye van onsekerheid, kan en moet ons vertroue in God skyn as ’n baken van hoop vir ’n wêreld in nood.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

In tye van twyfel en onsekerheid, is my vertroue in God my anker, my krag en my bron van hoop.  Ek moet elke dag my vertroue in Hom verdiep, met die wete dat Hy altyd by my is en my op die reguit en smal pad van Sy volmaakte wil lei.

𝕲𝖊𝖇𝖊𝖉  : 

Hemelse Vader, my hart loop oor van dankbaarheid vir u oneindige liefde en getrouheid.  Help my, Here, om met onwrikbare geloof op U te vertrou, selfs wanneer die lewe se storms om my woed.  Mag my vertroue in U ’n getuienis wees van u goedheid en genade vir diegene rondom my.  Alle lof en eer aan U, in Jesus se Naam. Amen

···ᶜᴶˢ··· ©

𝟐𝟎𝟐𝟑-𝟎𝟗-𝟎𝟓 – 𝐍𝐨𝐨𝐢𝐭 𝐚𝐥𝐥𝐞𝐞𝐧 𝐧𝐢𝐞. (Kliek hier vir die klankgreep)

“⁷𝑊𝑎𝑎𝑟ℎ𝑒𝑒𝑛 𝑘𝑎𝑛 𝑒𝑘 𝑔𝑎𝑎𝑛, 𝑤𝑒𝑔 𝑣𝑎𝑛 𝑢 𝐺𝑒𝑒𝑠;

𝑤𝑎𝑎𝑟ℎ𝑒𝑒𝑛 𝑘𝑎𝑛 𝑒𝑘 𝑣𝑙𝑢𝑔, 𝑤𝑒𝑔 𝑣𝑎𝑛 𝑢 𝑡𝑒𝑒𝑛𝑤𝑜𝑜𝑟𝑑𝑖𝑔ℎ𝑒𝑖𝑑?

⁸𝐾𝑙𝑖𝑚 𝑒𝑘 𝑜𝑝 𝑛𝑎 𝑑𝑖𝑒 ℎ𝑒𝑚𝑒𝑙 – 𝑈 𝑖𝑠 𝑑𝑎𝑎𝑟;

𝑔𝑎𝑎𝑛 𝑙𝑒̂ 𝑒𝑘 𝑖𝑛 𝑑𝑖𝑒 •𝑑𝑜𝑑𝑒𝑟𝑦𝑘 – 𝑜𝑜𝑘 𝑑𝑎𝑎𝑟 𝑖𝑠 𝑈!

⁹𝑁𝑒𝑒𝑚 𝑒𝑘 𝑑𝑖𝑒 𝑣𝑙𝑒𝑟𝑘𝑒 𝑣𝑎𝑛 𝑑𝑖𝑒 𝑑𝑎𝑒𝑟𝑎𝑎𝑑, 𝑔𝑎𝑎𝑛 𝑤𝑜𝑜𝑛 𝑒𝑘 𝑏𝑦 𝑑𝑖𝑒 𝑒𝑖𝑛𝑑𝑒 𝑣𝑎𝑛 𝑑𝑖𝑒 𝑠𝑒𝑒;

¹⁰𝑜𝑜𝑘 𝑑𝑎𝑎𝑟 𝑠𝑎𝑙 𝑢 ℎ𝑎𝑛𝑑 𝑚𝑦 𝑙𝑒𝑖, 𝑢 𝑟𝑒𝑔𝑡𝑒𝑟ℎ𝑎𝑛𝑑 𝑚𝑦 𝑣𝑎𝑠ℎ𝑜𝑢.

¹¹𝐸𝑛 𝑎𝑙 𝑠𝑒̂ 𝑒𝑘, “𝐴𝑠 𝑑𝑢𝑖𝑠𝑡𝑒𝑟𝑛𝑖𝑠 𝑚𝑦 𝑚𝑎𝑎𝑟 𝑛𝑒𝑡 𝑤𝑖𝑙 𝑣𝑒𝑟𝑏𝑒𝑟𝑔 𝑒𝑛 𝑑𝑖𝑒 𝑙𝑖𝑔 𝑜𝑚 𝑚𝑦 𝑛𝑎𝑔 𝑤𝑜𝑟𝑑”,

¹²𝑖𝑠 𝑠𝑒𝑙𝑓𝑠 𝑑𝑢𝑖𝑠𝑡𝑒𝑟𝑛𝑖𝑠 𝑛𝑖𝑒 𝑣𝑖𝑟 𝑈 𝑑𝑜𝑛𝑘𝑒𝑟 𝑛𝑖𝑒, 𝑚𝑎𝑎𝑟 𝑠𝑘𝑦𝑛 𝑛𝑎𝑔 𝑠𝑜 𝑙𝑖𝑔 𝑠𝑜𝑜𝑠 𝑑𝑖𝑒 𝑑𝑎𝑔, 𝑖𝑠 𝑑𝑖𝑒 𝑑𝑢𝑖𝑠𝑡𝑒𝑟𝑛𝑖𝑠 𝑠𝑜𝑜𝑠 𝑑𝑖𝑒 𝑙𝑖𝑔.”

– Psalm 139:7-12 (AFR20)

Alomteenwoordigheid – Een van God se ontelbare eienskappe.  Ja, ons Here is op dieselfde tyd oral.  Hy IS die soewereine God van die heelal.

Ons God is altyd teenwoordig!  Daar is geen plek waar Hy nie is nie.

“Jy is nooit ooit alleen nie!”  Hoor jy wat die Here vandag vir jou deur hierdie Psalm kom sê?  Hy bedoel wat Hy sê as Hy vandag weer in Sy ewige Woord verklaar dat jy NOOIT alleen is nie, want Hy is ALTYD by jou, oral waar jy gaan.

Dit maak nie saak hoe chaoties die wêreld kan word of selfs lyk nie; dit maak nie saak wat ons in die lewe deurgaan nie, watter moontlike lyding en worsteling ons dalk moet verduur nie, ons het vandag en elke dag ’n VERSEKERING dat God by ons is!

Waar ook al die lewensreis jou neem, of dit nou in die diepte van die lewens-valleie is, of in die bergtoppe van sukses, soggens, middag of saans, op die stormsee van die lewe, in oorwinning of nederlaag, in goeie of slegte tye, in hartseer of blydskap, in siekte of in goeie gesondheid, in gevaar of swaard, in hoop of in wanhoop, in die duisternis van die middernagtelike uur of in die lig van die dag, het ons ’n Helper, 'n ewige Here, God self, wat intree vir ons en ons nooit alleen laat nie.  Sy naam is Jesus!

Dit maak nie saak wat die vyand of die wêreld jou wil laat glo nie, God se verklaring regdeur Sy Woord, sê vir jou dat jy NOOIT alleen is nie en dat Hy ALTYD by jou is.

In Jesaja 55:11 sê God ook Sy Woord sal nie vrugteloos na Hom toe terugkeer nie, maar dit sal doen wat Hy wil hê en dit sal die doel bereik waarvoor Hy dit gestuur het.  In Johannes 1 hoor ons ook dat Jesus self die Woord is.  Deur Jesus en die lewende Woord van God – die Bybel – weet ons dus dat God se Woord waar is en kan ons met ’n geruste hart elke dag begin, dit aanpak en dit afsluit met die wete dat God ALTYD daar is.

God se beloftes is ewig aan diegene wat Hom op sy Woord sou neem en glo dat dit waar en eg is.  Dat dit waarlik die Woord van God is.

“Jy is nooit alleen nie!” ’n Belofte vanuit die hemel tot op die aarde uitgegiet aan almal wat deur geloof sou glo dat ons God die Groot “EK IS” is, dat Hy liefde is, en dat Sy wil die beste is.

Die boodskap van God se Woord, is dié van ’n oneindig liefdevolle God – die enigste God – wat nooit ophou belangstel is Sy skepsels nie, wat nooit ophou betrokke wees nie, wat ons nooit alleen los nie.  Neem hierdie belofte van teenwoordigheid aan, laat dit deel word van wie jy is en deel dit met ander vandag.

𝕲𝖊𝖇𝖊𝖉  : 

Almagtige, alomteenwoordige God, waarheen kan ons gaan om van U teenwoordigheid weg te kom?  Nêrens!  Want as ons hier of daar aankom, is U reeds daar!  Dit is vir ons goed Here, want ons wil nooit sonder U wees nie.  Dankie Here.  Amen

···ᶜᴶˢ··· ©

𝟐𝟎𝟐𝟑-𝟎𝟗-𝟎𝟒 – 𝐖𝐚𝐧𝐧𝐞𝐞𝐫 𝐝𝐢𝐭 𝐯𝐨𝐞𝐥 𝐨𝐟 𝐆𝐨𝐝 𝐧𝐢𝐞 𝐥𝐮𝐢𝐬𝐭𝐞𝐫 𝐧𝐢𝐞 . . . (Kliek hier vir die klankgreep)

Ons almal gaan een of ander tyd deur ’n moeilike tyd.  Ons probeer ons koppe omhoog hou en aanhou glo dat God wel ook in ons lyding daar is en dat Hy ons wel veilig aan die ander kant sal bring, maar soms voel dit of die Here baie vêr is.  Veral in tye waar geloof in God ’n bespotting vir die wêreld geraak het, is dit moeilik om vas te hou aan ons geloof.  Asaf se frustrasie hieroor kom na vore in Psalm 83:

“²𝑂 𝐺𝑜𝑑, 𝑚𝑜𝑒𝑡 𝑡𝑜𝑔 𝑛𝑖𝑒 𝑠𝑡𝑖𝑙𝑏𝑙𝑦 𝑛𝑖𝑒; 𝑚𝑜𝑒𝑡 𝑈 𝑛𝑖𝑒 𝑑𝑜𝑜𝑓 ℎ𝑜𝑢 𝑛𝑖𝑒 𝑒𝑛 𝑚𝑜𝑒𝑛𝑖𝑒 𝑠𝑡𝑖𝑙 𝑤𝑒𝑒𝑠 𝑛𝑖𝑒, 𝑜 𝐺𝑜𝑑.

³𝑊𝑎𝑛𝑡 𝑘𝑦𝑘, 𝑢 𝑣𝑦𝑎𝑛𝑑𝑒 𝑖𝑠 𝑟𝑢𝑚𝑜𝑒𝑟𝑖𝑔, 𝑢 ℎ𝑎𝑡𝑒𝑟𝑠 𝑙𝑜𝑜𝑝 𝑘𝑜𝑝 𝑜𝑚ℎ𝑜𝑜𝑔.

⁴𝑇𝑒𝑒𝑛 𝑢 𝑣𝑜𝑙𝑘 𝑚𝑎𝑎𝑘 ℎ𝑢𝑙𝑙𝑒 𝑙𝑖𝑠𝑡𝑖𝑔 𝑝𝑙𝑎𝑛𝑛𝑒, ℎ𝑢𝑙𝑙𝑒 𝑏𝑒𝑟𝑎𝑎𝑑𝑠𝑙𝑎𝑎𝑔 𝑡𝑒𝑒𝑛 𝑑𝑖𝑒́ 𝑤𝑎𝑡 𝑑𝑒𝑢𝑟 𝑈 𝑏𝑒𝑠𝑘𝑒𝑟𝑚 𝑤𝑜𝑟𝑑.”

– Psalm 83:2-4 (AFR20)

Hoe dikwels is ons hartstogtelike geroep na God nie ook oor ons diepe besorgdheid oor die welsyn van God se mense nie?  Hoeveel keer – veral wanneer ons self die pyn voel – is ons gebed ook ’n pleidooi vir Goddelike ingryping, troos en hoop?  

Soms voel dit vir ons of God Homself doof hou vir ons geroep in die warboel van emosies en drukkende tye.  In die woorde van Asaf, vind ons hier ook ’n dringende versoek van die mens dat God tog net op een of ander manier sal wys dat Hy wel daar is en dat Hy omgee.  Die menslike verlange na ’n hegte en aktiewe verhouding met God, veral in tye van benoudheid, is en móét vir ons prioriteit wees.  In ons lewens moet ons ook God se teenwoordigheid en betrokkenheid soek, wetende dat Hy altyd naby is om ons geroep te hoor.

As gelowiges, sal ons altyd een of ander vyand teëkom.  Ons moet, soos die psalmdigter, die bestaan van die vyand erken.  Alhoewel ons vyande nie altyd fisiese teëstanders is nie, kan dit die vorm van uitdagings, beproewings of geestelike stryd aanneem.  In ons eie lewens is dit belangrik om die struikelblokke wat ons geloof en welstand probeer belemmer, te erken en aan te spreek.

Wanneer ons egter, in geloof, die vyand begin aanspreek, moet ons onthou en eintlik verwag dat die vyand baie slinks en sameswerend is.  Daar was nog altyd teen God se volk komplotte gesmee en ons moet onsself herinner dat wanneer ons uitdagings in die gesig staar, moet ons staatmaak op God om ons wysheid en onderskeidingsvermoë te skenk.  Om op God se leiding te vertrou en sy wysheid te soek, is van kardinale belang.

Hierdie eerste verse van Psalm 83 klink dalk soos ’n klaaglied, maar in vers 4 vind ons alreeds die bevestiging van God se sorg.  Ons begeerte na- en versekering van God se bewaring mag nie kwyn in die aangesig van uitdagings in die lewe nie.  Vers 4 herinner ons dat die vyande se planne – fisies en geestelik – nog altyd gesmee is teen dié wat deur God beskerm word.  Ons moet weet dat God ons sal beskerm en versterk en dat ons sy volk is.

As dit dalk vir jou voel of God nie luister nie, word stil en hoor sy stil stem van versekering.  Weet vir seker dat jy op God se wysheid kan vertrou en dat jy altyd sy kind is.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

God is altyd naby en God hoor my pleidooie.  Ek kan my hart oopmaak en my frustrasie met God deel.

𝕲𝖊𝖇𝖊𝖉  : 

“²𝑂 𝐺𝑜𝑑, 𝑚𝑜𝑒𝑡 𝑡𝑜𝑔 𝑛𝑖𝑒 𝑠𝑡𝑖𝑙𝑏𝑙𝑦 𝑛𝑖𝑒; 𝑚𝑜𝑒𝑡 𝑈 𝑛𝑖𝑒 𝑑𝑜𝑜𝑓 ℎ𝑜𝑢 𝑛𝑖𝑒 𝑒𝑛 𝑚𝑜𝑒𝑛𝑖𝑒 𝑠𝑡𝑖𝑙 𝑤𝑒𝑒𝑠 𝑛𝑖𝑒, 𝑜 𝐺𝑜𝑑.” (Psalm 83:2 AFR20)  Here, mag ek altyd u nabyheid voel en mag ek vrede vind in U teenwoordigheid.  Mag ek ook nie stilbly oor u vyande se rumoerigheid en gespottery nie.  Mag ek vertrou op U en u beskerming.  Mag ons vyande beskaamd staan en mag hulle weet dat net U die Here is, die Allerhoogste oor die hele wêreld (n.a.v. Ps. 83:17-19).  Amen

···ᶜᴶˢ··· ©

𝟐𝟎𝟐𝟑-𝟎𝟗-𝟎𝟐 – “𝑶 𝑮𝒐𝒅, 𝒘𝒆𝒆𝒔 𝒎𝒚, 𝒅𝒊𝒆 𝒔𝒐𝒏𝒅𝒂𝒂𝒓, 𝒈𝒆𝒏𝒂𝒅𝒊𝒈!” (Kliek hier vir die klankgreep)

Vir eeue lank het Christene die gewoonte aangeleer om sekere gebede te herhaal.  Monnike het in kloosters in ’n sirkel gestap en dieselfde gebed oor en oor herhaal, soveel so, dat baie mense hulle as “mal” of “kranksinnig” bestempel het.  Maar as ons eergister se les uit God se Woord oor herhaling en gister se les oor nederigheid saamvoeg, besef ons dat ons gereeld en herhalend in gebed moet wees.  As ons God se Woord beter wil leer ken en vrede wil vind in Sy wil vir ons, moet ons begin deur ware nederigheid te ervaar in God se teenwoordigheid.

In Lukas 18:9-14 (AFR20) vind ons waar Jesus die dissipels en veral die hoogmoedige en trotse mense ’n gelykenis vertel.  Jesus vertel in verse 10-14:

“¹⁰ “𝑇𝑤𝑒𝑒 𝑚𝑒𝑛𝑠𝑒 ℎ𝑒𝑡 𝑜𝑝𝑔𝑒𝑔𝑎𝑎𝑛 𝑛𝑎 𝑑𝑖𝑒 𝑡𝑒𝑚𝑝𝑒𝑙𝑡𝑒𝑟𝑟𝑒𝑖𝑛 𝑜𝑚 𝑡𝑒 𝑏𝑖𝑑. 𝐷𝑖𝑒 𝑒𝑒𝑛 𝑤𝑎𝑠 '𝑛 •𝐹𝑎𝑟𝑖𝑠𝑒𝑒̈𝑟 𝑒𝑛 𝑑𝑖𝑒 𝑎𝑛𝑑𝑒𝑟 '𝑛 •𝑡𝑜𝑙𝑙𝑒𝑛𝑎𝑎𝑟. ¹¹𝐷𝑖𝑒 𝐹𝑎𝑟𝑖𝑠𝑒𝑒̈𝑟 ℎ𝑒𝑡 𝑔𝑎𝑎𝑛 𝑠𝑡𝑎𝑎𝑛 𝑒𝑛 𝑠𝑜́ 𝑜𝑜𝑟 ℎ𝑜𝑚𝑠𝑒𝑙𝑓 𝑔𝑒𝑏𝑖𝑑, ‘𝐺𝑜𝑑, 𝑒𝑘 𝑑𝑎𝑛𝑘 𝑈 𝑑𝑎𝑡 𝑒𝑘 𝑛𝑖𝑒 𝑠𝑜𝑜𝑠 𝑑𝑖𝑒 𝑎𝑛𝑑𝑒𝑟 𝑚𝑒𝑛𝑠𝑒 𝑖𝑠, 𝑤𝑎𝑡 𝑟𝑜𝑜𝑓, 𝑜𝑛𝑟𝑒𝑔 𝑑𝑜𝑒𝑛 𝑒𝑛 𝑒𝑔𝑏𝑟𝑒𝑢𝑘 𝑝𝑙𝑒𝑒𝑔 𝑛𝑖𝑒, 𝑒𝑛 𝑜𝑜𝑘 𝑛𝑖𝑒 𝑠𝑜𝑜𝑠 ℎ𝑖𝑒𝑟𝑑𝑖𝑒 𝑡𝑜𝑙𝑙𝑒𝑛𝑎𝑎𝑟 𝑛𝑖𝑒. ¹²𝐸𝑘 𝑣𝑎𝑠 𝑡𝑤𝑒𝑒 𝑘𝑒𝑒𝑟 𝑝𝑒𝑟 𝑤𝑒𝑒𝑘, 𝑒𝑛 𝑒𝑘 𝑔𝑒𝑒 '𝑛 𝑡𝑖𝑒𝑛𝑑𝑒 𝑣𝑎𝑛 𝑎𝑙𝑙𝑒𝑠 𝑤𝑎𝑡 𝑒𝑘 𝑣𝑒𝑟𝑑𝑖𝑒𝑛.’ ¹³𝐷𝑖𝑒 𝑡𝑜𝑙𝑙𝑒𝑛𝑎𝑎𝑟 ℎ𝑒𝑡 𝑒𝑔𝑡𝑒𝑟 𝑜𝑝 '𝑛 𝑎𝑓𝑠𝑡𝑎𝑛𝑑 𝑏𝑙𝑦 𝑠𝑡𝑎𝑎𝑛, 𝑒𝑛 𝑤𝑜𝑢 𝑠𝑒𝑙𝑓𝑠 𝑛𝑖𝑒 𝑒𝑒𝑟𝑠 𝑛𝑎 𝑑𝑖𝑒 ℎ𝑒𝑚𝑒𝑙 𝑜𝑝𝑘𝑦𝑘 𝑛𝑖𝑒, 𝑚𝑎𝑎𝑟 ℎ𝑒𝑡 𝑜𝑝 𝑠𝑦 𝑏𝑜𝑟𝑠 𝑔𝑒𝑠𝑙𝑎𝑎𝑛 𝑒𝑛 𝑔𝑒𝑠𝑒̂, ‘𝑂 𝐺𝑜𝑑, 𝑤𝑒𝑒𝑠 𝑚𝑦, 𝑑𝑖𝑒 𝑠𝑜𝑛𝑑𝑎𝑎𝑟, 𝑔𝑒𝑛𝑎𝑑𝑖𝑔!’ ¹⁴𝐸𝑘 𝑠𝑒̂ 𝑣𝑖𝑟 𝑗𝑢𝑙𝑙𝑒, ℎ𝑖𝑒𝑟𝑑𝑖𝑒 𝑚𝑎𝑛, 𝑒𝑒𝑟𝑑𝑒𝑟 𝑎𝑠 𝑑𝑖𝑒 𝑎𝑛𝑑𝑒𝑟 𝑒𝑒𝑛, ℎ𝑒𝑡 𝑛𝑎 𝑠𝑦 ℎ𝑢𝑖𝑠 𝑔𝑒𝑔𝑎𝑎𝑛 𝑎𝑠 𝑖𝑒𝑚𝑎𝑛𝑑 𝑤𝑖𝑒 𝑠𝑒 𝑠𝑎𝑎𝑘 𝑚𝑒𝑡 𝐺𝑜𝑑 𝑟𝑒𝑔𝑔𝑒𝑠𝑡𝑒𝑙 𝑖𝑠. 𝑊𝑎𝑛𝑡 𝑒𝑙𝑘𝑒𝑒𝑛 𝑤𝑎𝑡 ℎ𝑜𝑚𝑠𝑒𝑙𝑓 𝑣𝑒𝑟ℎ𝑜𝑜𝑔, 𝑠𝑎𝑙 𝑣𝑒𝑟𝑛𝑒𝑑𝑒𝑟 𝑤𝑜𝑟𝑑, 𝑚𝑎𝑎𝑟 𝑒𝑙𝑘𝑒𝑒𝑛 𝑤𝑎𝑡 ℎ𝑜𝑚𝑠𝑒𝑙𝑓 𝑣𝑒𝑟𝑛𝑒𝑑𝑒𝑟, 𝑠𝑎𝑙 𝑣𝑒𝑟ℎ𝑜𝑜𝑔 𝑤𝑜𝑟𝑑.” 

“𝑂 𝐺𝑜𝑑, 𝑤𝑒𝑒𝑠 𝑚𝑦, 𝑑𝑖𝑒 𝑠𝑜𝑛𝑑𝑎𝑎𝑟, 𝑔𝑒𝑛𝑎𝑑𝑖𝑔!”  Hierdie eenvoudige gebed van die tollenaar, verwys na Psalm 51 en is ’n gebed wat die vroeë kerk geweldig baie beïnvloed het.  In die gereformeerde leer, leer ons ook dat Jesus Christus ons alleen kan red as ons glo, deur genade, deur God se Woord as die enigste waarheid en dat ons lewens dan so aangewend word tot God se eer alleen.  Deur hierdie eenvoudige gebed gedurig in nederigheid en stilte te herhaal, erken ons en bely ons wie ons is in Christus en word ons vernuwe van binne.

In die vroeë kerk was hierdie gebed bekend as die “Jesus gebed” en was dit gereeld herhaal as ’n vorm van skuldbelydenis, bekering en die handeling van herhaalde gebed was gesien as een van die eerste nadenkende en innerlik outentieke uitdrukkings van geloof onder Christene.  Priester Hesychius, wat geleef het in die vroeë tot middel 5de eeu het gesê:

“𝘞𝘢𝘢𝘳𝘭𝘪𝘬 𝘨𝘦𝘴𝘦𝘦̈𝘯𝘥 𝘪𝘴 𝘥𝘪𝘦 𝘮𝘦𝘯𝘴 𝘸𝘪𝘦 𝘴𝘦 𝘷𝘦𝘳𝘴𝘵𝘢𝘯𝘥 𝘦𝘯 𝘩𝘢𝘳𝘵 𝘴𝘰 𝘯𝘰𝘶 𝘷𝘦𝘳𝘣𝘰𝘯𝘥𝘦 𝘪𝘴 𝘢𝘢𝘯 𝘥𝘪𝘦 𝘑𝘦𝘴𝘶𝘴 -𝘨𝘦𝘣𝘦𝘥 𝘦𝘯 𝘢𝘢𝘯 𝘥𝘪𝘦 𝘰𝘯𝘰𝘱𝘩𝘰𝘶𝘥𝘦𝘭𝘪𝘬𝘦 𝘢𝘢𝘯𝘳𝘰𝘦𝘱𝘪𝘯𝘨 𝘷𝘢𝘯 𝘚𝘺 𝘯𝘢𝘢𝘮 𝘴𝘰𝘰𝘴 𝘭𝘶𝘨 𝘢𝘢𝘯 𝘥𝘪𝘦 𝘭𝘪𝘨𝘨𝘢𝘢𝘮 𝘰𝘧 ’𝘯 𝘷𝘭𝘢𝘮 𝘢𝘢𝘯 𝘥𝘪𝘦 𝘸𝘢𝘴.  𝘋𝘪𝘦 𝘴𝘰𝘯 𝘸𝘢𝘵 𝘰𝘰𝘳 𝘥𝘪𝘦 𝘢𝘢𝘳𝘥𝘦 𝘰𝘱𝘬𝘰𝘮, 𝘴𝘬𝘦𝘱 𝘥𝘪𝘦 𝘥𝘢𝘨𝘭𝘪𝘨; 𝘦𝘯 𝘥𝘪𝘦 𝘦𝘦𝘳𝘣𝘪𝘦𝘥𝘸𝘢𝘢𝘳𝘥𝘪𝘨𝘦 𝘦𝘯 𝘩𝘦𝘪𝘭𝘪𝘨𝘦 𝘕𝘢𝘢𝘮 𝘷𝘢𝘯 𝘥𝘪𝘦 𝘏𝘦𝘳𝘦 𝘑𝘦𝘴𝘶𝘴, 𝘸𝘢𝘵 𝘷𝘰𝘰𝘳𝘵𝘥𝘶𝘳𝘦𝘯𝘥 𝘪𝘯 𝘥𝘪𝘦 𝘨𝘦𝘮𝘰𝘦𝘥 𝘴𝘬𝘺𝘯, 𝘨𝘦𝘦 𝘨𝘦𝘣𝘰𝘰𝘳𝘵𝘦 𝘢𝘢𝘯 𝘰𝘯𝘵𝘦𝘭𝘣𝘢𝘳𝘦 𝘰𝘱𝘦𝘯𝘣𝘢𝘢𝘳𝘮𝘢𝘬𝘪𝘯𝘨𝘦 𝘪𝘯 𝘥𝘪𝘦 𝘥𝘦𝘯𝘬𝘦 𝘸𝘢𝘵 𝘴𝘵𝘳𝘢𝘢𝘭 𝘴𝘰𝘰𝘴 𝘥𝘪𝘦 𝘴𝘰𝘯.”

’n Eenvoudige gebed wat ons so baie leer van nederigheid en bekering.  Laat mens nogal dink, nè?

𝕲𝖊𝖇𝖊𝖉  : 

“𝑂 𝐺𝑜𝑑, 𝑤𝑒𝑒𝑠 𝑚𝑦, 𝑑𝑖𝑒 𝑠𝑜𝑛𝑑𝑎𝑎𝑟, 𝑔𝑒𝑛𝑎𝑑𝑖𝑔!” x 5

Amen

···ᶜᴶˢ··· ©

𝟐𝟎𝟐3-𝟎𝟗-𝟎𝟏 – 𝐇𝐞𝐫𝐡𝐚𝐚𝐥, 𝐡𝐞𝐫𝐡𝐚𝐚𝐥, 𝐡𝐞𝐫𝐡𝐚𝐚𝐥. (Kliek hier vir die klankgreep)

Ek onthou op skool hoe jy sekere vakke soos ’n papegaai geleer het.  Jy herhaal die woorde oor en oor in jou kop en probeer dit onthou.  Ander vakke moes jy verstaan, maar herhaalde oefening daarvan het ook verseker dat jy beter word daarin.

Sommige dinge in die lewe is maklik om te onthou en ander dinge nie so maklik nie.  Sommige dinge wil ons eerder vergeet.  Tog, die belangrike dinge móét ons onthou.  Ons hoor mos dikwels as iemand iets vergeet, dat hulle sê: “Ag, as dit belangrik was, sou ek dit onthou het.”  Dit is seker een van die grootste leuens wat ons vir onsself vertel!  As dit belangrik was, sou ons plan gemaak het om dit te onthou!

Ons leef in ’n wêreld van elektroniese dagboeke met selfgestelde herinnerings, ons het yskaste met magnete en notaboekies op, ons het in kantore papiertjies wat oral kan plak (“post-it’s” soos ons dit ken).  Al hierdie dinge is getuie daarvan dat ons op ons beste funksioneer as ons gedurig aan sekere dinge herinner word en dat ons verskeie maniere het – en reeds gebruik – om onsself aan die “belangrike dinge” te herinner.

Toe God aan die Israeliete die Wet en vêrdere instruksies gegee het, het Hy geweet dat hulle daaglikse herinnering daaraan gaan nodig kry.  Daarom sê hy vir hulle:

“⁶𝐸𝑛 ℎ𝑖𝑒𝑟𝑑𝑖𝑒 𝑤𝑜𝑜𝑟𝑑𝑒 𝑤𝑎𝑡 𝑒𝑘 𝑣𝑎𝑛𝑑𝑎𝑔 𝑣𝑖𝑟 𝑗𝑜𝑢 𝑣𝑜𝑜𝑟𝑠𝑘𝑟𝑦𝑓, 𝑚𝑜𝑒𝑡 𝑗𝑦 𝑜𝑝 𝑑𝑖𝑒 ℎ𝑎𝑟𝑡 𝑑𝑟𝑎. ⁷𝐻𝑒𝑟ℎ𝑎𝑎𝑙 𝑑𝑖𝑡 𝑣𝑖𝑟 𝑗𝑜𝑢 𝑘𝑖𝑛𝑑𝑒𝑟𝑠 𝑒𝑛 𝑝𝑟𝑎𝑎𝑡 𝑚𝑒𝑡 ℎ𝑢𝑙𝑙𝑒 𝑑𝑎𝑎𝑟𝑜𝑜𝑟 𝑤𝑎𝑛𝑛𝑒𝑒𝑟 𝑗𝑦 𝑖𝑛 𝑗𝑜𝑢 ℎ𝑢𝑖𝑠 𝑠𝑖𝑡 𝑒𝑛 𝑤𝑎𝑛𝑛𝑒𝑒𝑟 𝑗𝑦 𝑜𝑝 𝑝𝑎𝑑 𝑖𝑠, 𝑤𝑎𝑛𝑛𝑒𝑒𝑟 𝑗𝑦 𝑔𝑎𝑎𝑛 𝑙𝑒̂ 𝑒𝑛 𝑤𝑎𝑛𝑛𝑒𝑒𝑟 𝑗𝑦 𝑜𝑝𝑠𝑡𝑎𝑎𝑛.” – Deuteronomium 6:6-7 (AFR20)

Die mees belangrikste inligting word nie altyd onmiddellik opgeneem en onthou nie – dit word deur herhaling in ons harte gedompel.  Ons moet onsself gedurig daaraan herinner en ons moet ons kinders en die jonger generasie elke dag weer vertel van God se wysheid en liefde.  Hulle moet net soveel herinner word daaraan as jy self.  Maak ’n week lange plan om met jou kinders of geliefdes of vriende te deel wat jy van God weet en plak dit op jou yskas.

God gaan vêrder in Deuteronomium 6:8-9 en sê: “⁸𝐵𝑖𝑛𝑑 𝑑𝑖𝑡 𝑎𝑠 '𝑛 𝑡𝑒𝑘𝑒𝑛 𝑜𝑚 𝑗𝑜𝑢 ℎ𝑎𝑛𝑑 𝑒𝑛 𝑙𝑎𝑎𝑡 𝑑𝑖𝑡 '𝑛 𝑣𝑒𝑟𝑠𝑖𝑒𝑟𝑖𝑛𝑔 𝑜𝑝 𝑗𝑜𝑢 𝑣𝑜𝑜𝑟𝑘𝑜𝑝 𝑤𝑒𝑒𝑠. ⁹𝑆𝑘𝑟𝑦𝑓 𝑑𝑖𝑡 𝑜𝑝 𝑑𝑖𝑒 𝑑𝑒𝑢𝑟𝑘𝑜𝑠𝑦𝑛𝑒 𝑣𝑎𝑛 𝑗𝑜𝑢 ℎ𝑢𝑖𝑠 𝑒𝑛 𝑜𝑝 𝑗𝑜𝑢 𝑠𝑡𝑎𝑑𝑠𝑝𝑜𝑜𝑟𝑡𝑒.”  Ja, ons moet God se Woord oral met ons saamneem.  Ons moet die oral waar ons gaan verkondig.  Dit moet op ons hart gedra word en dit moet ons lewens versier.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

• Hoe natuurlik is dit vir my om met my geliefdes (dalk kinders) oor God te praat?

• Sou my geliefdes sê dat God die middelpunt van my lewe is?

• Op watter maniere wys ek aan die mense in my lewe my liefde en eerbied vir God?

𝕲𝖊𝖇𝖊𝖉  : 

Dankie Here dat U U liefde en wysheid met ons deel in U Woord.  Help my om dit op my hart te dra en om dit oral te herhaal waar ek gaan – veral aan my geliefdes.  Laat U Woord my lewe versier en mag dit my lei, tot U eer.  Amen

···ᶜᴶˢ··· ©