Oordenkings
(20220501-20220531)

𝟮𝟬𝟮𝟮-𝟬𝟱-𝟯𝟭 – 🆅🅸🅽🅳 🅶🅾🅳. (Kliek hier vir die klankgreep)

Mense soek deesdae op allerhande plekke na God. Ons weet dat God alomteenwoordig is en dan laat ons dikwels onsself glo dat ons God selfs kan vind op die vreemdste plekke. Alhoewel dit waar is dat God oral is en dat God óns oral kan vind – selfs as ons besig is met sonde, moet ons God soek waar ons weet Hy is: in Sy tempel.

Van die vroegste dae af, het God se teenwoordigheid en heerlikheid die tempel gevul. Selfs toe die Israeliete nog getrek het, was God spesiaal teenwoordig in die Tabernakel – ’n tydelike tempel. Toe Salomo die tempel gebou het, was dit ’n wonderlike gebeurtenis, want toe was daar ’n permanente plek waar geloofsgenote kon saamkom om God te aanbid. Met die inwyding van die tempel, was die verbondsark met net die twee kliptafels met die tien gebooie daarin ook in die tempel ingedra. Die kliptafels en die verbondsark was die simbool van die verbond wat God met die volk gesluit het tydens hul uittog uit Egipte. Hoor hoe groot en gewyd was die inhuldiging van die tempel gewees:

“¹¹𝐸𝑛 𝑡𝑜𝑒 𝑑𝑖𝑒 𝑝𝑟𝑖𝑒𝑠𝑡𝑒𝑟𝑠 𝑢𝑖𝑡 𝑑𝑖𝑒 ℎ𝑒𝑖𝑙𝑖𝑔𝑑𝑜𝑚 𝑔𝑒𝑘𝑜𝑚 ℎ𝑒𝑡 – 𝑗𝑎, 𝑎𝑙 𝑑𝑖𝑒 𝑝𝑟𝑖𝑒𝑠𝑡𝑒𝑟𝑠 𝑤𝑎𝑡 𝑑𝑎𝑎𝑟 𝑤𝑎𝑠, ℎ𝑒𝑡 ℎ𝑢𝑙𝑙𝑒𝑠𝑒𝑙𝑓 𝑔𝑒ℎ𝑒𝑖𝑙𝑖𝑔, 𝑤𝑎𝑛𝑡 𝑑𝑖𝑒 𝑑𝑖𝑒𝑛𝑠𝑏𝑒𝑢𝑟𝑡𝑒 𝑣𝑎𝑛 𝑎𝑓𝑑𝑒𝑙𝑖𝑛𝑔𝑠 ℎ𝑒𝑡 𝑛𝑖𝑒 𝑔𝑒𝑔𝑒𝑙𝑑 𝑛𝑖𝑒, ¹²𝑜𝑜𝑘 𝑑𝑖𝑒 𝐿𝑒𝑣𝑖𝑡𝑖𝑒𝑠𝑒 𝑠𝑎𝑛𝑔𝑒𝑟𝑠, ℎ𝑢𝑙𝑙𝑒 𝑎𝑙𝑚𝑎𝑙, 𝐴𝑠𝑎𝑓, 𝐻𝑒𝑚𝑎𝑛 𝑒𝑛 𝐽𝑒𝑑𝑜𝑒𝑡𝑜𝑒𝑛, ℎ𝑢𝑙𝑙𝑒 𝑛𝑎𝑘𝑜𝑚𝑒𝑙𝑖𝑛𝑔𝑒 𝑒𝑛 𝑠𝑡𝑎𝑚𝑔𝑒𝑛𝑜𝑡𝑒, 𝑤𝑎𝑡 𝑖𝑛 𝑙𝑖𝑛𝑛𝑒𝑘𝑙𝑒𝑟𝑒 𝑔𝑒𝑟𝑒𝑒𝑑 𝑔𝑒𝑠𝑡𝑎𝑎𝑛 ℎ𝑒𝑡 𝑎𝑎𝑛 𝑑𝑖𝑒 𝑜𝑜𝑠𝑡𝑒𝑘𝑎𝑛𝑡 𝑣𝑎𝑛 𝑑𝑖𝑒 𝑎𝑙𝑡𝑎𝑎𝑟 𝑚𝑒𝑡 𝑠𝑖𝑚𝑏𝑎𝑙𝑒, ℎ𝑎𝑟𝑝𝑒 𝑒𝑛 𝑙𝑖𝑒𝑟𝑒, 𝑒𝑛 𝑠𝑎𝑎𝑚 𝑚𝑒𝑡 ℎ𝑢𝑙𝑙𝑒 ℎ𝑜𝑛𝑑𝑒𝑟𝑑-𝑒𝑛-𝑡𝑤𝑖𝑛𝑡𝑖𝑔 𝑝𝑟𝑖𝑒𝑠𝑡𝑒𝑟𝑠 𝑤𝑎𝑡 𝑡𝑟𝑜𝑚𝑝𝑒𝑡𝑡𝑒 𝑏𝑙𝑎𝑎𝑠 – ¹³ℎ𝑒𝑡 𝑑𝑖𝑒 𝑡𝑟𝑜𝑚𝑝𝑒𝑡𝑏𝑙𝑎𝑠𝑒𝑟𝑠 𝑒𝑛 𝑑𝑖𝑒 𝑠𝑎𝑛𝑔𝑒𝑟𝑠 𝑠𝑜𝑜𝑠 𝑒𝑒𝑛 𝑚𝑎𝑛 𝑖𝑛𝑔𝑒𝑣𝑎𝑙 𝑜𝑚 𝑑𝑖𝑒 𝐻𝑒𝑟𝑒 𝑚𝑒𝑡 𝑒𝑒𝑛 𝑠𝑡𝑒𝑚 𝑡𝑒 𝑙𝑜𝑜𝑓 𝑒𝑛 𝑡𝑒 𝑑𝑎𝑛𝑘. 𝑁𝑒𝑡 𝑡𝑜𝑒 ℎ𝑢𝑙𝑙𝑒, 𝑜𝑛𝑑𝑒𝑟 𝑏𝑒𝑔𝑒𝑙𝑒𝑖𝑑𝑖𝑛𝑔 𝑣𝑎𝑛 𝑡𝑟𝑜𝑚𝑝𝑒𝑡𝑡𝑒, 𝑠𝑖𝑚𝑏𝑎𝑙𝑒 𝑒𝑛 𝑎𝑛𝑑𝑒𝑟 𝑚𝑢𝑠𝑖𝑒𝑘𝑖𝑛𝑠𝑡𝑟𝑢𝑚𝑒𝑛𝑡𝑒, ℎ𝑢𝑙𝑙𝑒 𝑠𝑡𝑒𝑚𝑚𝑒 𝑣𝑒𝑟ℎ𝑒𝑓 𝑒𝑛 𝑑𝑖𝑒 𝐻𝑒𝑟𝑒 𝑏𝑒𝑔𝑖𝑛 𝑙𝑜𝑜𝑓 𝑚𝑒𝑡 “𝑊𝑎𝑛𝑡 𝐻𝑦 𝑖𝑠 𝑔𝑜𝑒𝑑, 𝑗𝑎, 𝑣𝑖𝑟 𝑒𝑤𝑖𝑔 𝑑𝑢𝑢𝑟 𝑠𝑦 𝑡𝑟𝑜𝑢𝑒 𝑙𝑖𝑒𝑓𝑑𝑒,” 𝑖𝑠 𝑑𝑖𝑒 𝑡𝑒𝑚𝑝𝑒𝑙, 𝑑𝑖𝑒 ℎ𝑢𝑖𝑠 𝑣𝑎𝑛 𝑑𝑖𝑒 𝐻𝑒𝑟𝑒, 𝑔𝑒𝑣𝑢𝑙 𝑚𝑒𝑡 '𝑛 𝑤𝑜𝑙𝑘. ¹⁴𝐷𝑖𝑒 𝑝𝑟𝑖𝑒𝑠𝑡𝑒𝑟𝑠 𝑘𝑜𝑛 𝑣𝑎𝑛𝑤𝑒𝑒̈ 𝑑𝑖𝑒 𝑤𝑜𝑙𝑘 𝑛𝑖𝑒 𝑏𝑙𝑦 𝑠𝑡𝑎𝑎𝑛 𝑜𝑚 ℎ𝑢𝑙𝑙𝑒 𝑑𝑖𝑒𝑛𝑠𝑤𝑒𝑟𝑘 𝑡𝑒 𝑑𝑜𝑒𝑛 𝑛𝑖𝑒, 𝑤𝑎𝑛𝑡 𝑑𝑖𝑒 ℎ𝑒𝑒𝑟𝑙𝑖𝑘ℎ𝑒𝑖𝑑 𝑣𝑎𝑛 𝑑𝑖𝑒 𝐻𝑒𝑟𝑒 ℎ𝑒𝑡 𝑑𝑖𝑒 ℎ𝑢𝑖𝑠 𝑣𝑎𝑛 𝐺𝑜𝑑 𝑔𝑒𝑣𝑢𝑙.” – 2 Kronieke 5:11-14 (AFR20)

God se heerlikheid het die tempel gevul. Die huis van God. Lofprysing en sang was gepas gewees en almal het geweet dat God spesiaal teenwoordig is in Sy huis. God se huis...

Ons weet God is alomteenwoordig en ons kan moontlik vir God oral vind en Hy kan ons vir seker oral vind, maar in die plek van aanbidding – God se huis – is Hy spesiaal teenwoordig.

In meeste kerke is daar ’n kruis of ’n afbeelding van ’n kruis. Ons aanbid nie die kruis nie, maar, soos die verbondsark, herinner dit ons aan die nuwe verbond wat God met elkeen van ons gesluit het in Jesus Christus, ons Here. Ons kerkgeboue is soms pragtige klipgeboue, moderne baksteen of staal strukture, soms eenvoudige sale, skure of tente. Dit is net geboue, gemaak deur mense, maar dit is ook die huis van God – net soos die tempel was. God is vandag nog spesiaal teenwoordig in die plekke waar Sy mense bymekaarkom.

Ongelukkig het baie kerke ontaard in sektes wat allerhande vreemde en verdraaide ideologieë aanvoer, maar selfs daar kan mense nogsteeds ’n ontmoeting met die lewende God ervaar. Selfs daar, kan God óns vind. Ons moet egter seker maak dat die Heilige Gees ons lei in elke ontmoeting, sodat ons kan onderskei of dit bloot emosionele manipulasie deur charismatiese predikers is, of werklikwaar God wat deur Sy Gees met ons ontmoet.

Met die inwyding van die tempel was God se heerlikheid so geweldig, dat nie eers die priester daarin kon bly nie. Vandag, in die kerk, verkondig ons God se heerlikheid in die verlossing wat Jesus Christus vir ons gebring het. Ons streef daarna om net ’n klein bietjie van God se heerlikheid te ervaar in ons lewens. Ons kan dit moontlik enige plek op aarde vind, maar God het dit nog altyd duideliker gemaak in Sy huis. As jy soek na iets, vind jy dit makliker as iemand anders jou help soek. Soek God. Vind Hom waar jy weet Hy vir jou wag – in Sy huis.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Is die kerk en die samekomste van die gemeenskap van die heiliges nog vir my belangrik? Gaan ek eredienste toe om ’n ontmoeting te hê met die lewende God? Of bly ek weg, omdat ek dalk bang is vir daardie lewensveranderende ontmoeting?

𝕲𝖊𝖇𝖊𝖉 :

Here God, Almagtig, laat U kerk die kerk wees wat U wil hê. Mag ons U loof en prys, U Naam grootmaak oral waar ons gaan. Mag ons ook spesiaal teenwoordig wees waar U spesiaal teenwoordig is – in die eredienste. Mag ons getrou bly aan U, soos U getrou is aan ons. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟯𝟬 – 🆂🅺🆈🅽 🅾🆁🅰🅻 🆆🅰🅰🆁 🅹🆈 🅶🅰🅰🅽. (Kliek hier vir die klankgreep)

Aan die einde van die boek Eksodus, lees ons hoe Moses en Aäron die Tabernakel ingerig het en alles volgens God se voorskrifte gedoen het. Die Tabernakel was ’n tydelike tempel wat saam met die volk getrek het op pad na die Beloofde Land. God se heerlikheid het permanent oor die Tabernakel vertoef. Ons lees in Eksodus 40:34-38 (AFR20):

“³⁴𝐷𝑖𝑒 𝑤𝑜𝑙𝑘 ℎ𝑒𝑡 𝑑𝑖𝑒 𝑇𝑒𝑛𝑡 𝑣𝑎𝑛 𝑂𝑛𝑡𝑚𝑜𝑒𝑡𝑖𝑛𝑔 𝑏𝑒𝑑𝑒𝑘 𝑒𝑛 𝑑𝑖𝑒 ℎ𝑒𝑒𝑟𝑙𝑖𝑘ℎ𝑒𝑖𝑑 𝑣𝑎𝑛 𝑑𝑖𝑒 𝐻𝑒𝑟𝑒 ℎ𝑒𝑡 𝑑𝑖𝑒 𝑡𝑎𝑏𝑒𝑟𝑛𝑎𝑘𝑒𝑙 𝑔𝑒𝑣𝑢𝑙. ³⁵𝑀𝑜𝑠𝑒𝑠 𝑘𝑜𝑛 𝑛𝑖𝑒 𝑖𝑛 𝑑𝑖𝑒 𝑇𝑒𝑛𝑡 𝑣𝑎𝑛 𝑂𝑛𝑡𝑚𝑜𝑒𝑡𝑖𝑛𝑔 𝑖𝑛𝑔𝑎𝑎𝑛 𝑛𝑖𝑒, 𝑜𝑚𝑑𝑎𝑡 𝑑𝑖𝑒 𝑤𝑜𝑙𝑘 𝑑𝑎𝑎𝑟𝑜𝑜𝑟 𝑣𝑒𝑟𝑡𝑜𝑒𝑓 ℎ𝑒𝑡 𝑒𝑛 𝑑𝑖𝑒 ℎ𝑒𝑒𝑟𝑙𝑖𝑘ℎ𝑒𝑖𝑑 𝑣𝑎𝑛 𝑑𝑖𝑒 𝐻𝑒𝑟𝑒 𝑑𝑖𝑒 𝑡𝑎𝑏𝑒𝑟𝑛𝑎𝑘𝑒𝑙 𝑔𝑒𝑣𝑢𝑙 ℎ𝑒𝑡. ³⁶𝑊𝑎𝑛𝑛𝑒𝑒𝑟 𝑑𝑖𝑒 𝑤𝑜𝑙𝑘 𝑣𝑎𝑛 𝑑𝑖𝑒 𝑡𝑎𝑏𝑒𝑟𝑛𝑎𝑘𝑒𝑙 𝑎𝑓 𝑜𝑝𝑔𝑒𝑛𝑒𝑒𝑚 𝑖𝑠, ℎ𝑒𝑡 𝑑𝑖𝑒 𝐼𝑠𝑟𝑎𝑒𝑙𝑖𝑒𝑡𝑒, 𝑜𝑝 𝑎𝑙 ℎ𝑢𝑙𝑙𝑒 𝑡𝑟𝑒𝑘𝑠𝑘𝑜𝑓𝑡𝑒, 𝑘𝑎𝑚𝑝 𝑜𝑝𝑔𝑒𝑏𝑟𝑒𝑒𝑘. ³⁷𝑀𝑎𝑎𝑟 𝑎𝑠 𝑑𝑖𝑒 𝑤𝑜𝑙𝑘 𝑛𝑖𝑒 𝑜𝑝𝑔𝑒𝑛𝑒𝑒𝑚 𝑖𝑠 𝑛𝑖𝑒, ℎ𝑒𝑡 𝑑𝑖𝑒 𝑣𝑜𝑙𝑘 𝑛𝑖𝑒 𝑘𝑎𝑚𝑝 𝑜𝑝𝑔𝑒𝑏𝑟𝑒𝑒𝑘 𝑛𝑖𝑒, 𝑡𝑜𝑡 𝑑𝑖𝑒 𝑑𝑎𝑔 𝑑𝑎𝑡 𝑑𝑖𝑡 𝑤𝑒𝑒𝑟 𝑜𝑝𝑔𝑒𝑛𝑒𝑒𝑚 𝑖𝑠. ³⁸𝑊𝑎𝑛𝑡 𝑑𝑖𝑒 𝑤𝑜𝑙𝑘 𝑣𝑎𝑛 𝑑𝑖𝑒 𝐻𝑒𝑟𝑒 𝑤𝑎𝑠 𝑏𝑒𝑑𝑎𝑔𝑠 𝑜𝑜𝑟 𝑑𝑖𝑒 𝑡𝑎𝑏𝑒𝑟𝑛𝑎𝑘𝑒𝑙 𝑒𝑛 𝑠𝑛𝑎𝑔𝑠 𝑤𝑎𝑠 𝑑𝑎𝑎𝑟 𝑣𝑢𝑢𝑟 𝑖𝑛, 𝑠𝑖𝑔𝑏𝑎𝑎𝑟 𝑣𝑖𝑟 𝑑𝑖𝑒 ℎ𝑒𝑙𝑒 ℎ𝑢𝑖𝑠 𝑣𝑎𝑛 𝐼𝑠𝑟𝑎𝑒𝑙, 𝑜𝑝 𝑎𝑙 ℎ𝑢𝑙𝑙𝑒 𝑡𝑟𝑒𝑘𝑠𝑘𝑜𝑓𝑡𝑒.”

Is dit nie wonderlik om te weet dat die plek van ontmoeting nog altyd spesiaal is vir God nie? Ons weet dat God oral met ons saamgaan, maar dit is darem ook goed om te weet dat God nog altyd spesiaal teenwoordig is by die spesiale plekke van ontmoeting. Daarom is dit goed vir ons om so gereeld moontlik by die samekomste van die gemeentes uit te kom, soos Hebreërs 10:25 ons ook aanmoedig.

Partymaal is jy in ’n erediens en dit voel maar net normaal. Dit is asof niks spesiaals gebeur nie. Ander kere, kan jy sommer dadelik voel dat iets anders is – dis asof jy die heerlikheid van die Here kan voel en sien. Is God dan soms teenwoordig en ander kere nie? Nee, God is altyd teenwoordig en by ’n erediens waar gelowiges saamkom, is God spesiaal teenwoordigheid omdat die samekoms van gelowiges saamgebind word deur die Heilige Gees.

Soos met enige plek en enige situasie in ons lewens, moet ons ingesteldheid reg wees. Ons moet onsself losmaak van enige ander gedagtes en ons fokus op God rig in ’n erediens. God se heerlikheid is oral sigbaar, as ons ingestel is daarop. Daarom is dit soveel makliker om dit by God se plekke van ontmoeting vir Sy mense soveel beter te ervaar. Ons dra dit met ons saam en ons kan dit laat skyn oral waar ons gaan, deur die werk van die Heilige Gees.

Tydens Lydenstyd en Pinkster, bied talle gemeentes gewoonlik ’n reeks aan om ons ingesteldheid en fokus weer reg te kry. Sluit aan daarby. Luister weer na God se Heilige Gees. Leer weer om te sien en te voel. Ontdek weer die lig binne jou en laat dit skyn oral waar jy gaan.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Is my ingesteldheid reg? Let ek op die werk van die Heilige Gees in my en in ander gelowiges? Kom ek gereeld genoeg met ander saam wat my passie deel vir God?

𝕲𝖊𝖇𝖊𝖉 :

Here, God Almagtig, dankie dat U heerlikheid oral skyn. Dankie dat U U kerk in die wêreld gevestig het, Here Jesus. Dankie dat daar soveel spesiale plekke van samekoms is waar U heerlikheid nog helderder skyn. Laat U lig ook deur my skyn en gebruik my om U eer en heerlikheid te verkondig. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟮𝟴 – 🅾🅼 🅶🅾🅳 🆃🅴 🆂🅸🅴🅽. (Kliek hier vir die klankgreep)

In Eksodus 33 (wat ons gister gelees het) het Moses die belofte van die Here gekry dat God altyd met hom sal saamgaan. Moses, soos ’n mens nou maar is, probeer sy geluk nog ’n treetjie vêrder en vra God om Sy heerlikheid te sien. God antwoord hom dan in verse 19-23 dat Hy by hom sal verbygaan, maar dat Hy Moses sal toehou met Sy handpalm. Moses mag God net van agter sien, want niemand mag God se gesig sien nie, het God gesê.

Almal van ons wil graag vir God ken en om ’n gesig by ’n naam te sit, is altyd vir ons soveel makliker, maar God het gesê ons mag nie Sy gesig sien nie. Deur die eeue heen het mense ook hierdie wens gehad, maar telkens was hulle slegs beloon deur God se heerlikheid te sien. Toe Jesus gekom het, was dit ook só gewees:

“¹⁴𝐸𝑛 𝑑𝑖𝑒 𝑊𝑜𝑜𝑟𝑑 ℎ𝑒𝑡 𝑣𝑙𝑒𝑒𝑠 𝑔𝑒𝑤𝑜𝑟𝑑 𝑒𝑛 𝑜𝑛𝑑𝑒𝑟 𝑜𝑛𝑠 𝑘𝑜𝑚 𝑤𝑜𝑜𝑛, 𝑒𝑛 𝑜𝑛𝑠 ℎ𝑒𝑡 𝑠𝑦 ℎ𝑒𝑒𝑟𝑙𝑖𝑘ℎ𝑒𝑖𝑑 𝑎𝑎𝑛𝑠𝑘𝑜𝑢, '𝑛 ℎ𝑒𝑒𝑟𝑙𝑖𝑘ℎ𝑒𝑖𝑑 𝑠𝑜𝑜𝑠 𝑑𝑖𝑒́ 𝑣𝑎𝑛 𝑑𝑖𝑒 𝑢𝑛𝑖𝑒𝑘𝑒 𝑆𝑒𝑢𝑛 𝑣𝑎𝑛 𝑑𝑖𝑒 𝑉𝑎𝑑𝑒𝑟 – 𝑣𝑜𝑙 𝑔𝑒𝑛𝑎𝑑𝑒 𝑒𝑛 𝑤𝑎𝑎𝑟ℎ𝑒𝑖𝑑. ¹⁵𝐽𝑜ℎ𝑎𝑛𝑛𝑒𝑠 𝑔𝑒𝑡𝑢𝑖𝑔 𝑜𝑜𝑟 𝐻𝑜𝑚 𝑒𝑛 𝑟𝑜𝑒𝑝 𝑢𝑖𝑡: “𝐻𝑦́ 𝑖𝑠 𝑑𝑖𝑒 𝐸𝑒𝑛 𝑣𝑎𝑛 𝑤𝑖𝑒 𝑒𝑘 𝑔𝑒𝑠𝑒̂ ℎ𝑒𝑡, ‘𝐻𝑦 𝑤𝑎𝑡 𝑛𝑎́ 𝑚𝑦 𝑘𝑜𝑚, 𝑖𝑠 𝑚𝑦 𝑣𝑜𝑜𝑟, 𝑜𝑚𝑑𝑎𝑡 𝐻𝑦 𝑑𝑖𝑒 𝑒𝑒𝑟𝑠𝑡𝑒 𝑤𝑎𝑠.’ ” ¹⁶𝑈𝑖𝑡 𝑠𝑦 𝑣𝑜𝑙ℎ𝑒𝑖𝑑 ℎ𝑒𝑡 𝑜𝑛𝑠 𝑎𝑙𝑚𝑎𝑙 𝑔𝑒𝑛𝑎𝑑𝑒 𝑜𝑛𝑡𝑣𝑎𝑛𝑔 – 𝑗𝑎, 𝑔𝑒𝑛𝑎𝑑𝑒 𝑜𝑝 𝑔𝑒𝑛𝑎𝑑𝑒. ¹⁷𝑊𝑎𝑛𝑡 𝑑𝑖𝑒 𝑤𝑒𝑡 𝑖𝑠 𝑑𝑒𝑢𝑟 𝑀𝑜𝑠𝑒𝑠 𝑔𝑒𝑔𝑒𝑒; 𝑑𝑖𝑒 𝑔𝑒𝑛𝑎𝑑𝑒 𝑒𝑛 𝑑𝑖𝑒 𝑤𝑎𝑎𝑟ℎ𝑒𝑖𝑑 ℎ𝑒𝑡 𝑑𝑒𝑢𝑟 𝐽𝑒𝑠𝑢𝑠 𝐶ℎ𝑟𝑖𝑠𝑡𝑢𝑠 𝑔𝑒𝑘𝑜𝑚. ¹⁸𝑁𝑖𝑒𝑚𝑎𝑛𝑑 ℎ𝑒𝑡 𝐺𝑜𝑑 𝑛𝑜𝑔 𝑜𝑜𝑖𝑡 𝑔𝑒𝑠𝑖𝑒𝑛 𝑛𝑖𝑒; 𝑑𝑖𝑒 𝑢𝑛𝑖𝑒𝑘𝑒 𝑆𝑒𝑢𝑛, 𝑠𝑒𝑙𝑓 𝐺𝑜𝑑, 𝑤𝑎𝑡 𝑡𝑒𝑒𝑛 𝑑𝑖𝑒 𝑏𝑜𝑟𝑠 𝑣𝑎𝑛 𝑑𝑖𝑒 𝑉𝑎𝑑𝑒𝑟 𝑖𝑠, 𝐻𝑦 ℎ𝑒𝑡 𝐻𝑜𝑚 𝑏𝑒𝑘𝑒𝑛𝑑 𝑘𝑜𝑚 𝑚𝑎𝑎𝑘.” – Johannes 1:14-18 (AFR20)

Die dissipels en almal wat in Jesus se tyd op aarde Hom ontmoet het, het die groot voorreg gehad om God se heerlikheid in lewende lywe te sien. Jesus het, as mens, vir die mens kom wys hoe God lyk. Hy het deur Sy hele lewe gewys wat genade is en wat ware liefde is. Hy het die waarheid gebring vir die mense. Hy het kom bevestig dat elkeen van ons vir God kan ken en dat ons Hom kan sien.

Vandag nog, wens ek dat ek God van aangesig tot aangesig kan sien, maar ek weet dat dit nie nou vir enigeen van ons beskore is nie. Wat God vir Moses gesê het, is nogsteeds geldig: Niemand mag Sy gesig sien en bly leef nie. Eers wanneer ons hierdie lewe verlaat, sal ons God aangesig tot aangesig ontmoet. Hebreërs 9:27 (AFR83) sê ook: “²⁷'𝑛 𝑀𝑒𝑛𝑠 𝑖𝑠 𝑏𝑒𝑠𝑡𝑒𝑚 𝑜𝑚 𝑛𝑒𝑡 𝑒𝑒𝑛 𝑚𝑎𝑎𝑙 𝑡𝑒 𝑠𝑡𝑒𝑟𝑓, 𝑒𝑛 𝑑𝑎𝑎𝑟𝑛𝑎 𝑘𝑜𝑚 𝑑𝑖𝑒 𝑜𝑜𝑟𝑑𝑒𝑒𝑙.” Daarom moet ons só leef hier op aarde dat ons nie met rooi gesigte voor God sal staan nie. Ons moet só leef dat ander mense ook die heerlikheid van God kan raaksien in ons lewens en sal uitsien daarna om Hom te ontmoet.

Jesus het ons die Trooster en Voorspraak gegee: die Heilige Gees. Ons is nie alleen nie en God woon in ons deur Sy Gees. Ons kan in mekaar God se heerlikheid sien en ons moet mekaar help dat dit sigbaar is vir mense. Ons moet, soos Jesus, aan mense die waarheid bring deur God se heerlikheid deur ons te laat skyn. Natuurlik sal dit nie eers ’n druppel in die emmer wees teenoor God in al Sy heerlikheid nie, maar dit sal dien as aptytwekker vir dít wat vir ons voorlê vir ewigheid.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Weerspieël ek God se heerlikheid in my lewe? Skyn my lig in die donker wêreld? Sien ek uit daarna om God eendag aangesig tot aangesig te ontmoet? Dít is my hoop vir- en in hierdie lewe.

𝕲𝖊𝖇𝖊𝖉 :

Baie dankie Here Jesus, dat U die Vader aan ons kom bekend maak het. Dankie dat U gevul was met die heerlikheid van God. Dit is iets wat vir eeue lank verborge gebly het, maar U het dit vir ons kom wys toe U vir ons genade op genade en die waarheid gebring het. Mag ons so ná aan U leef, dat U heerlikheid ook deur ons kan skyn en ons hoop kan bring vir ’n stukkende, verlore wêreld. Mag ons U ken en mag ander U leer ken deur ons. Tot U eer alleen. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟮𝟳 – 🆅🆁🅰 🅶🅾🅳 🆂🅴 🅷🆄🅻🅿. (Kliek hier vir die klankgreep)

Terwyl ons wag op Jesus Christus se wederkoms wat verseker sal gebeur, moet ons hard werk om God se Koninkryk bekend te maak op aarde. Toe Jesus die eerste keer as mens op aarde was, het Hy juis dít gedoen en het Hy mense gewys Wie God is. Totdat Hy weer kom, is daardie taak ons opgelê. Dit is ’n groot taak, want ons is mense. Jesus was en is God en dit was in Sy aard om daardie opdrag uit te voer. Hoe moet ons dit doen? Ons kan dit mos nie alleen doen nie?

Die goeie nuus is dat ons dit nie alleen hoef te doen nie. Dit is God se opdrag en God gaan met ons saam. Toe Moses opdrag van die Here gekry het om die volk te lei, was hy ook half skrikkerig en het hy sy menslike tekortkominge erken. Hy het geweet dat hy niks vir die Here kan doen, sonder die Here nie. In Eksodus 33 praat Moses dan met God en vra hulp:

“¹²𝑀𝑜𝑠𝑒𝑠 ℎ𝑒𝑡 𝑣𝑖𝑟 𝑑𝑖𝑒 𝐻𝑒𝑟𝑒 𝑔𝑒𝑠𝑒̂: “𝐾𝑦𝑘, 𝑈 𝑠𝑒̂ 𝑣𝑖𝑟 𝑚𝑦, ‘𝐿𝑎𝑎𝑡 ℎ𝑖𝑒𝑟𝑑𝑖𝑒 𝑣𝑜𝑙𝑘 𝑜𝑝𝑡𝑟𝑒𝑘,’ 𝑚𝑎𝑎𝑟 𝑠𝑒𝑙𝑓 𝑚𝑎𝑎𝑘 𝑈 𝑛𝑖𝑒 𝑎𝑎𝑛 𝑚𝑦 𝑏𝑒𝑘𝑒𝑛𝑑 𝑤𝑖𝑒 𝑈 𝑠𝑎𝑎𝑚 𝑚𝑒𝑡 𝑚𝑦 𝑠𝑎𝑙 𝑠𝑡𝑢𝑢𝑟 𝑛𝑖𝑒. 𝑈 𝑖𝑠 𝑑𝑖𝑒 𝐸𝑒𝑛 𝑤𝑎𝑡 𝑔𝑒𝑠𝑒̂ ℎ𝑒𝑡, ‘𝐸𝑘 𝑘𝑒𝑛 𝑗𝑜𝑢 𝑏𝑦 𝑑𝑖𝑒 𝑛𝑎𝑎𝑚, 𝑒𝑛 𝑗𝑦 ℎ𝑒𝑡 𝑜𝑜𝑘 𝑔𝑢𝑛𝑠 𝑔𝑒𝑣𝑖𝑛𝑑 𝑖𝑛 𝑚𝑦 𝑜𝑒̈.’ ¹³𝐷𝑎𝑎𝑟𝑜𝑚, 𝑎𝑠 𝑒𝑘 𝑤𝑒𝑙 𝑔𝑢𝑛𝑠 𝑔𝑒𝑣𝑖𝑛𝑑 ℎ𝑒𝑡 𝑖𝑛 𝑢 𝑜𝑒̈, 𝑚𝑎𝑎𝑘 𝑡𝑜𝑔 𝑎𝑎𝑛 𝑚𝑦 𝑢 𝑝𝑎𝑎𝑖𝑒 𝑏𝑒𝑘𝑒𝑛𝑑, 𝑑𝑎𝑡 𝑒𝑘 𝑈 𝑘𝑎𝑛 𝑘𝑒𝑛, 𝑠𝑜𝑑𝑎𝑡 𝑒𝑘 𝑔𝑢𝑛𝑠 𝑏𝑙𝑦 𝑣𝑖𝑛𝑑 𝑖𝑛 𝑢 𝑜𝑒̈; 𝑏𝑒𝑠𝑒𝑓 𝑡𝑜𝑔 𝑑𝑎𝑡 ℎ𝑖𝑒𝑟𝑑𝑖𝑒 𝑛𝑎𝑠𝑖𝑒 𝑢 𝑣𝑜𝑙𝑘 𝑖𝑠.” ¹⁴𝐷𝑖𝑒 𝐻𝑒𝑟𝑒 ℎ𝑒𝑡 𝑔𝑒𝑠𝑒̂: “𝑀𝑜𝑒𝑡 𝑚𝑦 𝑡𝑒𝑒𝑛𝑤𝑜𝑜𝑟𝑑𝑖𝑔ℎ𝑒𝑖𝑑 𝑠𝑎𝑎𝑚𝑔𝑎𝑎𝑛, 𝑒𝑛 𝑚𝑜𝑒𝑡 𝐸𝑘 𝑣𝑖𝑟 𝑗𝑜𝑢 𝑟𝑢𝑠 𝑔𝑒𝑒?” ¹⁵𝐻𝑦 ℎ𝑒𝑡 𝑣𝑖𝑟 𝑑𝑖𝑒 𝐻𝑒𝑟𝑒 𝑔𝑒𝑠𝑒̂: “𝐴𝑠 𝑢 𝑡𝑒𝑒𝑛𝑤𝑜𝑜𝑟𝑑𝑖𝑔ℎ𝑒𝑖𝑑 𝑛𝑖𝑒 𝑠𝑎𝑎𝑚𝑔𝑎𝑎𝑛 𝑛𝑖𝑒, 𝑚𝑜𝑒𝑡 𝑈 𝑜𝑛𝑠 𝑛𝑖𝑒 𝑣𝑎𝑛 ℎ𝑖𝑒𝑟 𝑎𝑓 𝑙𝑎𝑎𝑡 𝑜𝑝𝑡𝑟𝑒𝑘 𝑛𝑖𝑒. ¹⁶𝑊𝑎𝑎𝑟𝑎𝑎𝑛 𝑠𝑜𝑢 𝑚𝑒𝑛𝑠𝑒 𝑑𝑎𝑛 𝑤𝑒𝑒𝑡 𝑑𝑎𝑡 𝑒𝑘 𝑔𝑢𝑛𝑠 𝑔𝑒𝑣𝑖𝑛𝑑 ℎ𝑒𝑡 𝑖𝑛 𝑢 𝑜𝑒̈, 𝑒𝑘 𝑒𝑛 𝑢 𝑣𝑜𝑙𝑘? 𝐼𝑠 𝑑𝑖𝑡 𝑛𝑖𝑒 𝑤𝑎𝑛𝑛𝑒𝑒𝑟 𝑈 𝑚𝑒𝑡 𝑜𝑛𝑠 𝑠𝑎𝑎𝑚𝑔𝑎𝑎𝑛, 𝑑𝑎𝑡 𝑜𝑛𝑠 𝑜𝑛𝑑𝑒𝑟𝑠𝑘𝑒𝑖 𝑠𝑎𝑙 𝑤𝑜𝑟𝑑, 𝑒𝑘 𝑒𝑛 𝑢 𝑣𝑜𝑙𝑘, 𝑣𝑎𝑛 𝑒𝑙𝑘𝑒 𝑎𝑛𝑑𝑒𝑟 𝑣𝑜𝑙𝑘 𝑜𝑝 𝑑𝑖𝑒 𝑎𝑎𝑟𝑑𝑏𝑜𝑑𝑒𝑚 𝑛𝑖𝑒?” ¹⁷𝐷𝑖𝑒 𝐻𝑒𝑟𝑒 𝑠𝑒̂ 𝑡𝑜𝑒 𝑣𝑖𝑟 𝑀𝑜𝑠𝑒𝑠: “𝑂𝑜𝑘 𝑎𝑎𝑛 ℎ𝑖𝑒𝑟𝑑𝑖𝑒 𝑣𝑒𝑟𝑠𝑜𝑒𝑘 𝑤𝑎𝑡 𝑗𝑦 𝑢𝑖𝑡𝑔𝑒𝑠𝑝𝑟𝑒𝑒𝑘 ℎ𝑒𝑡, 𝑠𝑎𝑙 𝐸𝑘 𝑣𝑜𝑙𝑑𝑜𝑒𝑛, 𝑜𝑚𝑑𝑎𝑡 𝑗𝑦 𝑔𝑢𝑛𝑠 𝑔𝑒𝑣𝑖𝑛𝑑 ℎ𝑒𝑡 𝑖𝑛 𝑚𝑦 𝑜𝑒̈, 𝑒𝑛 𝐸𝑘 𝑗𝑜𝑢 𝑏𝑦 𝑑𝑖𝑒 𝑛𝑎𝑎𝑚 𝑘𝑒𝑛.”” – Eksodus 33:12-17 (AFR20)

In die lewe word ons dikwels oorweldig deur allerhande dinge. Ons voel klein en magteloos. Ons verloor gou moed en wonder hoe op aarde ons iets sal regkry of hoe ons kan vasstaan in die geloof, terwyl dit voorkom of ander mense goddeloos leef en dit goed gaan met hulle. Ons is geroep om ook ’n nasie te lei – ’n volk van mense wat moet erken dat God God is en dat Jesus Christus die Here is. Dit klink en voel soos ’n onbegonne taak, maar ons kan gerus wees in die feit dat ons dit nie alleen doen nie. Behalwe vir ons medegelowiges wat ook arbei in hierdie taak, gaan God elke tree met ons saam.

Wanneer ons dinge uit eie mag doen en ons doel eie gewin en selfverheerliking is, sal mense nooit kan onderskei dat ons God se mense is nie. As ons egter God se hulp vra en vra dat Hy oral met ons saamgaan, soos met Moses en die volk, sal Sy heerlikheid ook om ons skyn soos die destydse wolkkolom en vuurkolom met die Israeliete.

Voel jy eensaam en oorweldig deur gebeure om jou? Twyfel jy in jou eie krag en gesag? Vra God om jou te help. Vra God om met jou saam te gaan. As God se teenwoordigheid nie met ons saamgaan nie, kan ons nie van hier optrek nie – kan ons nêrens heen gaan nie en kan ons niks vermag nie.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

God ken my naam. Ek is Syne. Hy het my geroep om Sy verteenwoordiger te wees op aarde en ek het guns gevind in Sy oë. God sal oral waar ek gaan met my saamgaan, sodat mense Sy Naam sal ken. Ek moet vra vir Sy hulp en nie op my eie kragte of insig staatmaak nie.

𝕲𝖊𝖇𝖊𝖉 :

Here, laat my altyd onthou dat U by my is. Dankie, Heilige Gees, dat U my lei en dat ek altyd kan vra vir hulp. Dankie dat ek kan weet dat ek guns gevind het in U oë, Here. Help my om só te lewe dat ek elke dag weer U guns sal vind en U paaie sal wandel. Tot U eer alleen. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟮𝟲 – 🅸🆂 🅳🅸🅴 🅷🅴🅼🅴🅻🅴 🅸🆂 🅻🅴🅴🅶 ? (Kliek hier vir die klankgreep)

Vandag is dit Hemelvaartdag. Regoor die wêreld vier sommige Christene nog die dag, maar, omdat dit nie meer ’n publieke vakansiedag in Suid-Afrika is nie, gaan die dag vir baie van ons ongemerk verby. In ons samelewing is baie van ons Christen waardes en tradisies al amper heeltemal onder die mat ingevee. Met die ontploffing van tegnologie en menslike kennis, het die mens al meer begin twyfel in baie dinge.

Toe Yuri Gagarin, die Rus, die eerste man in die ruimte geword het, het hy in die nuuskonferensie na die ruimtereis gesê: “𝘖𝘯𝘴 𝘩𝘦𝘵 𝘰𝘳𝘢𝘭 𝘳𝘰𝘯𝘥𝘨𝘦𝘬𝘺𝘬 𝘦𝘯 𝘸𝘰𝘯𝘥𝘦𝘳𝘭𝘪𝘬𝘦 𝘥𝘪𝘯𝘨𝘦 𝘨𝘦𝘴𝘪𝘦𝘯, 𝘮𝘢𝘢𝘳 𝘰𝘯𝘴 𝘩𝘦𝘵 𝘯𝘦̂𝘳𝘦𝘯𝘴 ’𝘯 𝘎𝘰𝘥 𝘨𝘦𝘴𝘪𝘦𝘯 𝘯𝘪𝘦.” Sy afleiding was dus: Die hemele is leeg.

Soos gister en eergister ook genoem is, het selfs die dissipels nie mooi verstaan waarheen Jesus gaan nie en het hulle ook eers nie die merkwaardigheid van die Hemelvaart besef nie. Selfs in die vroeë dae na Jesus se Hemelvaart, het baie mense al gedink dat, indien die Hemelvaart wel gebeur het, was dit nie só merkwaardig nie. Mense het aangevoer dat Henog en Elia dan ook opgevaar het hemel toe, oftewel lewendig weggeneem is. So, wat maak Jesus se hemelvaart anders en hoekom is dit vir ons as Christene belangrik?

Beide Henog en Elia was beloon vir hul getrouheid en het nie gesterf nie. Hulle is deur God weggeneem om weer plek te maak vir ander wat hulle moes opvolg. Wat Jesus se Hemelvaart anders maak, is dat Hy sélf, nadat Hy die dood reeds oorwin het, opgevaar het hemel toe.

Arme Yuri Gagarin se kennis oor die hemele en wat ons nou vandag ken as die buitenste ruim, was effens vermeng gewees. As ons nog glo dat die hemel ’n spesifieke plekkie doer bo iewers is, dan sal ons dalk ook teleurgestel word as ons fisies met ’n ruimtetuig daarheen kan gaan. As ons egter God se Woord lees en die klein blik op die ewigheid wat daarin beskryf word besef, dan sien ons dat die hemel – waar God woon – iets veel meer is as wat ons ons kan indink. Die buitenste ruim is ruim – baie ruim. Baie groot. En God is nóg groter!

Jesus is nie daar bo in die blou hemelruim nie. Hy is orals, want Hy het Sy alomteenwoordige Gees uitgestort om vir altyd by ons te wees. Dieselfde Gees van God wat voor die Skepping reeds oor die waters gesweef het. Jesus het verseker opgevaar na die hemel – of wat ons klassifiseer en ken as die “hemel”. En toe dít gebeur, het ons erfgename geword van die rykste erfenis ooit. Efesiërs 1:14 (AFR20) sê: “¹⁴𝐷𝑖𝑒 𝐺𝑒𝑒𝑠 𝑖𝑠 𝑑𝑖𝑒 𝑤𝑎𝑎𝑟𝑏𝑜𝑟𝑔 𝑣𝑎𝑛 𝑜𝑛𝑠 𝑒𝑟𝑓𝑒𝑛𝑖𝑠, 𝑜𝑚 𝑜𝑛𝑠 𝑙𝑜𝑠 𝑡𝑒 𝑘𝑜𝑜𝑝 𝑎𝑠 𝐺𝑜𝑑 𝑠𝑒 𝑒𝑖𝑒𝑛𝑑𝑜𝑚, 𝑡𝑜𝑡 𝑙𝑜𝑓 𝑣𝑎𝑛 𝑠𝑦 ℎ𝑒𝑒𝑟𝑙𝑖𝑘ℎ𝑒𝑖𝑑.”

Met Jesus se Hemelvaart, is ons verseker van ’n hele paar dinge (vgl. Heidelbergse Kategismus, Sondag 18):

• Jesus is ons Voorspraak in die hemel;

• Jesus gee ons die waarborg dat Hy ons gaan kom haal; en

• Jesus het Sy Heilige Gees as vêrdere waarborg gestuur, sodat ons, terwyl ons wag, sal aanhou om Sy goeie werke voort te sit.

Ons opdrag is dus om vir die wêreld hiervan te vertel en hoop te bring in ’n stukkende wêreld. Ons moet sout en lig wees vir die wêreld. Ons moet hierdie dag met blydskap vier!

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Besef ek wat Hemelvaartdag vir my beteken? (Lees weer die opsomming van Sondag 18 van die Heidelbergse Kategismus.)

𝕲𝖊𝖇𝖊𝖉 (n.a.v. Lied 599 – As Hy weer kom):

Here Jesus, as U weer kom, kom haal U U kinders – almal wat in U glo, om vir altyd by U te wees. Dankie dat U vir ons by die Vader gaan woonplek regmaak het. U, Here Jesus, is die Weg en die Waarheid, die Lewe vir ons almal. Almal wat in U glo, sal vir ewig leef! “𝐽𝑎 𝑜𝑛𝑠 𝑤𝑎𝑔 𝑜𝑝 𝑑𝑖𝑒 𝐻𝑒𝑟𝑒, 𝑒𝑛 𝑜𝑛𝑠 𝑠𝑖𝑛𝑔 𝑡𝑜𝑡 𝑆𝑦 𝑒𝑟𝑒. 𝐽𝑎, 𝐻𝑦 𝑘𝑜𝑚 𝑤𝑒𝑒𝑟 𝑣𝑒𝑟𝑠𝑒𝑘𝑒𝑟 𝑜𝑚 𝑜𝑛𝑠 𝑡𝑒 𝑘𝑜𝑚 ℎ𝑎𝑎𝑙.” Amen

···ᶜᴶˢ··· ©

𝟮𝟬𝟮𝟮-𝟬𝟱-𝟮𝟱 – 🅶🅾🅳 🆂🅴 🆅🅴🆁🅱🅾🅽🅳. (Kliek hier vir die klankgreep)

God het ’n verbond gesluit met Abraham. Hy het belowe om sy God te wees en Abraham het belowe om God se voorskrifte en gebooie te gehoorsaam. Deur die eeue heen het die volke van Israel en Juda herhaaldelik weer hierdie verbond in herinnering gebring. Josua het, byvoorbeeld, toe hulle net anderkant die Jordaanrivier gekom het, weer die volk herinner aan hierdie verbond (Josua 3). En in Josua 23-24 het Josua, saam met die volk weer besluit dat hulle God alleen sal dien en geen ander gode sal volg nie. Dit is daardie mooi gedeelte waar Josua sê: “𝐸𝑘 𝑒𝑛 𝑚𝑦 ℎ𝑢𝑖𝑠, 𝑜𝑛𝑠 𝑠𝑎𝑙 𝑑𝑖𝑒 𝐻𝑒𝑟𝑒 𝑑𝑖𝑒𝑛” (Josua 24:15).

Só vind ons op verskeie ander plekke in die Bybel waar konings weer God se verbond in herinnering bring en waar die volk hulleself opnuut weer wy aan God. God kom ook dikwels na vore en herinner self die volk aan die feit dat Hy hulle God is en dat hulle Sy volk en kinders is.

Het jy al gewonder hoekom ons dit nie meer doen nie? Hoekom herinner ons ons gewoonlik net met die doop aan die verbond? Hoekom kom gemeentes nie meer bymekaar om die oorspronklike verbond te herhaal of om opnuut weer dit te maak nie? ... Weet jy wat? Dit gebeur in baie gemeentes nog elke Sondag! Regtig!

Die woorde het bietjie verander, maar die idee bly dieselfde. Elke Sondag op verskeie plekke en in talle gemeentes, kom gelowiges bymekaar en bely hulle wat hulle glo met die Apostoliese Geloofsbelydenis. Die 12 Artikels, soos dit ook bekend staan, was al vanaf die 3de en 4de eeu n.C. gebruik om gelowiges regoor die wêreld te herinner dat hulle glo in die enigste God wat vir ons ’n God wil wees en dat ons Sy kinders is, volgens Sy beloftes. Hoor weer wat sê die woorde en 𝕕𝕚𝕟𝕜 𝕧𝕒𝕟𝕕𝕒𝕘 𝕞𝕠𝕠𝕚 𝕕𝕒𝕒𝕣𝕠𝕠𝕣 𝕟𝕒:

Dɪᴇ Aᴘᴏsᴛᴏʟɪᴇsᴇ Gᴇʟᴏᴏғsʙᴇʟʏᴅᴇɴɪs (12 Aʀᴛɪᴋᴇʟs)

1. 𝐸𝑘 𝑔𝑙𝑜 𝑖𝑛 𝐺𝑜𝑑 𝑑𝑖𝑒 𝑉𝑎𝑑𝑒𝑟, 𝑑𝑖𝑒 𝐴𝑙𝑚𝑎𝑔𝑡𝑖𝑔𝑒, 𝑑𝑖𝑒 𝑆𝑘𝑒𝑝𝑝𝑒𝑟 𝑣𝑎𝑛 𝑑𝑖𝑒 ℎ𝑒𝑚𝑒𝑙 𝑒𝑛 𝑑𝑖𝑒 𝑎𝑎𝑟𝑑𝑒.

2. 𝐸𝑛 𝑖𝑛 𝐽𝑒𝑠𝑢𝑠 𝐶ℎ𝑟𝑖𝑠𝑡𝑢𝑠, 𝑠𝑦 𝑒𝑛𝑖𝑔𝑔𝑒𝑏𝑜𝑟𝑒 𝑆𝑒𝑢𝑛, 𝑜𝑛𝑠 𝐻𝑒𝑟𝑒;

3. 𝑤𝑎𝑡 𝑜𝑛𝑡𝑣𝑎𝑛𝑔 𝑖𝑠 𝑣𝑎𝑛 𝑑𝑖𝑒 𝐻𝑒𝑖𝑙𝑖𝑔𝑒 𝐺𝑒𝑒𝑠, 𝑔𝑒𝑏𝑜𝑟𝑒 𝑖𝑠 𝑢𝑖𝑡 𝑑𝑖𝑒 𝑚𝑎𝑎𝑔𝑑 𝑀𝑎𝑟𝑖𝑎;

4. 𝑤𝑎𝑡 𝑔𝑒𝑙𝑦 ℎ𝑒𝑡 𝑜𝑛𝑑𝑒𝑟 𝑃𝑜𝑛𝑡𝑖𝑢𝑠 𝑃𝑖𝑙𝑎𝑡𝑢𝑠, 𝑔𝑒𝑘𝑟𝑢𝑖𝑠𝑖𝑔 𝑖𝑠, 𝑔𝑒𝑠𝑡𝑒𝑟𝑓 ℎ𝑒𝑡 𝑒𝑛 𝑏𝑒𝑔𝑟𝑎𝑤𝑒 𝑖𝑠 𝑒𝑛 𝑡𝑒𝑟 ℎ𝑒𝑙𝑙𝑒 𝑛𝑒𝑒𝑟𝑔𝑒𝑑𝑎𝑎𝑙 ℎ𝑒𝑡;

5. 𝑤𝑎𝑡 𝑜𝑝 𝑑𝑖𝑒 𝑑𝑒𝑟𝑑𝑒 𝑑𝑎𝑔 𝑤𝑒𝑒𝑟 𝑜𝑝𝑔𝑒𝑠𝑡𝑎𝑎𝑛 ℎ𝑒𝑡 𝑢𝑖𝑡 𝑑𝑖𝑒 𝑑𝑜𝑑𝑒;

6. 𝑤𝑎𝑡 𝑜𝑝𝑔𝑒𝑣𝑎𝑎𝑟 ℎ𝑒𝑡 𝑛𝑎 𝑑𝑖𝑒 ℎ𝑒𝑚𝑒𝑙 𝑒𝑛 𝑠𝑖𝑡 𝑎𝑎𝑛 𝑑𝑖𝑒 𝑟𝑒𝑔𝑡𝑒𝑟ℎ𝑎𝑛𝑑 𝑣𝑎𝑛 𝐺𝑜𝑑, 𝑑𝑖𝑒 𝑎𝑙𝑚𝑎𝑔𝑡𝑖𝑔𝑒 𝑉𝑎𝑑𝑒𝑟,

7. 𝑣𝑎𝑛 𝑤𝑎𝑎𝑟 𝐻𝑦 𝑠𝑎𝑙 𝑘𝑜𝑚 𝑜𝑚 𝑡𝑒 𝑜𝑜𝑟𝑑𝑒𝑒𝑙 𝑑𝑖𝑒́ 𝑤𝑎𝑡 𝑛𝑜𝑔 𝑙𝑒𝑤𝑒 𝑒𝑛 𝑑𝑖𝑒́ 𝑤𝑎𝑡 𝑟𝑒𝑒𝑑𝑠 𝑔𝑒𝑠𝑡𝑒𝑟𝑓 ℎ𝑒𝑡.

8. 𝐸𝑘 𝑔𝑙𝑜 𝑖𝑛 𝑑𝑖𝑒 𝐻𝑒𝑖𝑙𝑖𝑔𝑒 𝐺𝑒𝑒𝑠.

9. 𝐸𝑘 𝑔𝑙𝑜 𝑎𝑎𝑛 ’𝑛 ℎ𝑒𝑖𝑙𝑖𝑔𝑒, 𝑎𝑙𝑔𝑒𝑚𝑒𝑛𝑒, 𝐶ℎ𝑟𝑖𝑠𝑡𝑒𝑙𝑖𝑘𝑒 𝑘𝑒𝑟𝑘, 𝑑𝑖𝑒 𝑔𝑒𝑚𝑒𝑒𝑛𝑠𝑘𝑎𝑝 𝑣𝑎𝑛 𝑑𝑖𝑒 ℎ𝑒𝑖𝑙𝑖𝑔𝑒𝑠;

10. 𝑑𝑖𝑒 𝑣𝑒𝑟𝑔𝑒𝑤𝑖𝑛𝑔 𝑣𝑎𝑛 𝑠𝑜𝑛𝑑𝑒𝑠;

11. 𝑑𝑖𝑒 𝑜𝑝𝑠𝑡𝑎𝑛𝑑𝑖𝑛𝑔 𝑣𝑎𝑛 𝑑𝑖𝑒 𝑣𝑙𝑒𝑒𝑠

12. 𝑒𝑛 ’𝑛 𝑒𝑤𝑖𝑔𝑒 𝑙𝑒𝑤𝑒.

𝕲𝖊𝖇𝖊𝖉 :

Baie dankie Here, dat U as God Drie-Enig gekies het om my as kind aan te neem. Dankie dat ek in U kan glo en dat U U beloftes deur die eeue heen gehou het. Help my om só te glo en só te leef. Dankie, Here Jesus, dat U deur U offer my deel gemaak het van die ewige God se ewige verbond met Sy kinders. Ek loof en prys U. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟮𝟰 – 🆆🅸🅴 🅷🅴🆃 🅼🅰🅶 🅾🅾🆁 🅹🅾🆄 ? (Kliek hier vir die klankgreep)

Toe Jesus die dissipels vertel het dat Hy moet weggaan, het hulle nog nie heeltemal verstaan hoekom Hy moet gaan, waarheen Hy gaan en wat dit Hom gaan kos nie. In die hele gesprek wat Jesus met hulle het in Johannes 14 en 15, gaan dit oor Jesus wat hulle probeer leer dat hulle liefde vir Hom en liefde vir mekaar moet hê. Hierdie liefde is nie sommer net liefde nie. Jesus sê uitdruklik vir hulle in Johannes 14:15 (AFR20): “𝐴𝑠 𝑗𝑢𝑙𝑙𝑒 𝑀𝑦 𝑙𝑖𝑒𝑓ℎ𝑒𝑡, 𝑠𝑎𝑙 𝑗𝑢𝑙𝑙𝑒 𝑚𝑦 𝑔𝑒𝑏𝑜𝑜𝑖𝑒 𝑜𝑛𝑑𝑒𝑟ℎ𝑜𝑢.” En weer in vers 21 (AFR20): “𝑊𝑖𝑒 𝑚𝑦 𝑔𝑒𝑏𝑜𝑜𝑖𝑒 ℎ𝑒𝑡 𝑒𝑛 𝑑𝑖𝑡 𝑜𝑛𝑑𝑒𝑟ℎ𝑜𝑢, ℎ𝑦 𝑖𝑠 𝑑𝑖𝑒 𝑒𝑒𝑛 𝑤𝑎𝑡 𝑀𝑦 𝑙𝑖𝑒𝑓ℎ𝑒𝑡. 𝐸𝑛 𝑤𝑖𝑒 𝑀𝑦 𝑙𝑖𝑒𝑓ℎ𝑒𝑡, 𝑚𝑦 𝑉𝑎𝑑𝑒𝑟 𝑠𝑎𝑙 ℎ𝑜𝑚 𝑙𝑖𝑒𝑓ℎ𝑒̂, 𝑒𝑛 𝐸𝑘 𝑠𝑎𝑙 ℎ𝑜𝑚 𝑙𝑖𝑒𝑓ℎ𝑒̂ 𝑒𝑛 𝑀𝑦𝑠𝑒𝑙𝑓 𝑎𝑎𝑛 ℎ𝑜𝑚 𝑏𝑒𝑘𝑒𝑛𝑑 𝑚𝑎𝑎𝑘.”

Sien, ware liefde vir God is nie net leë woorde nie. Dit is nie net hier en daar iets goed doen nie. Dit is nie wêreldse liefde nie, want wêreldse liefde is dikwels verwronge en laat toe dat allerhande afskuwelike dade en ongeregtighede onder die naam van liefde geskied. Wêreldse liefde is baie dikwels nie gehoorsaam aan God se gebooie nie, want wêreldse liefde is slegs liefde vir die mens en die menslike begeertes.

In Johannes 14 beloof Jesus dat die Heilige Gees in ons sal woon en dat Hy só met ons sal bly vir ewig. Dít sal dan ook die manier wees hoe ons Sy wil kan leer ken en hoe ons Hom kan ken. As ons Hom ken, Sy liefde ken, dan is ons gehoorsaam aan Hom en het ons mekaar lief met Sy liefde – nie wêreldse liefde nie.

Ek wens dikwels dat Jesus nog fisies op aarde was. Ek wens dat ek nog by Sy voete kon sit en direk by Hom hoor wat Hy wil hê ek moet doen. Tog weet ek dat ons die Woord het en dat dit nogsteeds, na al die jare, God se stem is – dat dit ons lig in die donker wêreld is.

Aan die einde van Johannes 14 waarsku Jesus ook dat die heerser van die wêreld op pad is:

“³⁰𝐸𝑘 𝑠𝑎𝑙 𝑛𝑖𝑒 𝑚𝑒𝑒𝑟 𝑏𝑎𝑖𝑒 𝑚𝑒𝑡 𝑗𝑢𝑙𝑙𝑒 𝑝𝑟𝑎𝑎𝑡 𝑛𝑖𝑒, 𝑤𝑎𝑛𝑡 𝑑𝑖𝑒 ℎ𝑒𝑒𝑟𝑠𝑒𝑟 𝑣𝑎𝑛 𝑑𝑖𝑒 𝑤𝑒̂𝑟𝑒𝑙𝑑 𝑖𝑠 𝑎𝑎𝑛 𝑑𝑖𝑒 𝑘𝑜𝑚, 𝑒𝑛 ℎ𝑦 ℎ𝑒𝑡 𝑛𝑖𝑒 𝑚𝑎𝑔 𝑜𝑜𝑟 𝑀𝑦 𝑛𝑖𝑒. ³¹𝑀𝑎𝑎𝑟 𝑠𝑜𝑑𝑎𝑡 𝑑𝑖𝑒 𝑤𝑒̂𝑟𝑒𝑙𝑑 𝑘𝑎𝑛 𝑤𝑒𝑒𝑡 𝑑𝑎𝑡 𝐸𝑘 𝑑𝑖𝑒 𝑉𝑎𝑑𝑒𝑟 𝑙𝑖𝑒𝑓ℎ𝑒𝑡 𝑒𝑛 𝑑𝑜𝑒𝑛 𝑠𝑜𝑜𝑠 𝑤𝑎𝑡 𝑑𝑖𝑒 𝑉𝑎𝑑𝑒𝑟 𝑎𝑎𝑛 𝑀𝑦 𝑜𝑝𝑔𝑒𝑑𝑟𝑎 ℎ𝑒𝑡, 𝑠𝑡𝑎𝑎𝑛 𝑜𝑝, 𝑙𝑎𝑎𝑡 𝑜𝑛𝑠 ℎ𝑖𝑒𝑟𝑣𝑎𝑛𝑑𝑎𝑎𝑛 𝑤𝑒𝑔𝑔𝑎𝑎𝑛!” – Johannes 14:30-31 (AFR20)

Wanneer ons elke dag sukkel met allerhande uitdagings, versoekings en twyfelagtige gedagtes oor God en Sy gebooie, moet ons dalk onsself begin vra: “Wie heers oor my? Is dit God, deur die Heilige Gees in my? Ken ek vir Jesus? Is ek werklik lief vir Hom en maak Hy Hom aan my bekend? Of heers die heerser van die wêreld oor my? Die satan?”

Dikwels bevind jy jou in situasies of in plekke waar ’n kind van God nie hoort nie. Jy verval in sonde of begin twyfel oor die geldigheid van God se Woord in ’n post-moderne wêreld? Dikwels praat die Heilige Gees met jou, maar jy ignoreer die stem, want jy wil tog nie “uit” voel tussen jou vriende of kollegas nie. Jy hoor ook dikwels God se kalmerende stem, maar jy wil nie glo dat God ook met jou kan praat in die storms van die lewe nie. Wat maak jy dan? Wat kan jy doen? Dan maak jy soos Jesus sê in Johannes 14:31: “Staan op, laat ons hiervandaan weggaan.” Maak jouself los van die dinge wat jou verhoed om gehoorsaam te wees aan God. Laat Jesus deur die Heilige Gees in jou woon. Laat Hy oor jou lewe heers.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Laat ek toe dat die heerser van die wêreld mag het oor my? Luister ek na die stem van die Heilige Gees in my? Is ek gehoorsaam?

𝕲𝖊𝖇𝖊𝖉 :

Here Jesus, woon in my. Neem my hele lewe oor. Ek wil nie ongehoorsaam wees aan U gebooie nie. Ek wil U volg en leer en by U. Ek wil dat U wil in my lewe geskied en ek wil dat U vrede heers oor my. As U in my woon, kan die heerser van die wêreld nie oor my heers nie. Help my om op te staan en weg te gaan van ’n lewe van ongehoorsaamheid. Laat my doen wat U beveel. Tot U eer. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟮𝟯 – 🆂🆃🅸🅻🆃🅴 🅸🅽 🅳🅸🅴 🆂🆃🅾🆁🅼. (Kliek hier vir die klankgreep)

Wanneer sekere dinge in ons lewens gebeur, weet ons nie watter kant toe nie. Ons voete word dikwels onder ons uitgeslaan deur gebeure wat ons onkant vang. Ons bid en bid en vra die Here vir ’n spesifieke uitkoms, maar dan gebeur ander dinge. Dit voel vir ons of die Here ons teleurgestel het – asof Hy nie vir ons geluister het nie. Ons het dan só hard gebid en só verseker geglo dat Hy ons sal verhoor, maar dan besef ons dat God se antwoord tot ons gebed “Nee” is. Dan is ons skielik in die middel van ’n groot storm van hartseer, teleurstelling, woede, ontnugtering, vrees en wanhoop. Hoekom het God nie geluister nie?

Ons is mense en ons menslike natuur is nou maar só dat ons so sal voel. Ons is dan God se kinders en God moet dan vir Sy kinders die beste gee... Die grootste moeilikheid wat ons egter ervaar, is om te weet wat God se wil is in sulke situasies. Ons wil weet hoekom God iets toegelaat het of nié iets gedoen het waarvoor ons gevra het nie. Ons wil weet hoekom God sekere gebede verhoor en dit voorkom of Hy ander nie verhoor nie.

Om beter sin te probeer maak van sulke situasies en ons gepaardgaande emosies, moet ons eers weer terugkeer na Wie God is... God is God. God is die God van gister en die God van vandag. Daarom is God ook die God van môre en is Hy reeds daar. Daarom weet God wat in die toekoms kan of sou gebeur en tree Hy reeds vandag op daarvoor. Ons sukkel om dit te verstaan, maar ons weet eintlik in ons harte dat God beter weet. Ons is ongelukkig oor verlies, teleurstelling en hartseer, omdat ons dink dat God nie ons gebede verhoor nie. Maar ons weet ook dat God alle gebede wél verhoor. Soms is die antwoord “Ja”, soms “Nee” en soms is dit “Wag” wat uiteindelik ook uitdraai op “Ja” of “Nee”. Maar hoe verwerk ons dit? Wat maak ons met God se wil as dit in stryd is met óns wil en as dit vandag vir ons twyfel en negatiewe emosies bring?

Ons bid vir vrede. Ons bid vir God se Gees om ons te lei. Jesus het belowe dat ons die stilte in die storms van die lewe kan kry:

“²³𝐽𝑒𝑠𝑢𝑠 𝑎𝑛𝑡𝑤𝑜𝑜𝑟𝑑 ℎ𝑜𝑚: “𝐴𝑠 𝑖𝑒𝑚𝑎𝑛𝑑 𝑀𝑦 𝑙𝑖𝑒𝑓ℎ𝑒𝑡, 𝑠𝑎𝑙 ℎ𝑦 𝑚𝑦 𝑤𝑜𝑜𝑟𝑑𝑒 𝑡𝑒𝑟 ℎ𝑎𝑟𝑡𝑒 𝑛𝑒𝑒𝑚; 𝑒𝑛 𝑚𝑦 𝑉𝑎𝑑𝑒𝑟 𝑠𝑎𝑙 ℎ𝑜𝑚 𝑙𝑖𝑒𝑓ℎ𝑒̂, 𝑒𝑛 𝑂𝑛𝑠 𝑠𝑎𝑙 𝑛𝑎 ℎ𝑜𝑚 𝑡𝑜𝑒 𝑘𝑜𝑚 𝑒𝑛 𝑏𝑦 ℎ𝑜𝑚 𝑤𝑜𝑜𝑛. ²⁴𝑊𝑖𝑒 𝑀𝑦 𝑛𝑖𝑒 𝑙𝑖𝑒𝑓ℎ𝑒𝑡 𝑛𝑖𝑒, 𝑛𝑒𝑒𝑚 𝑚𝑦 𝑤𝑜𝑜𝑟𝑑𝑒 𝑛𝑖𝑒 𝑡𝑒𝑟 ℎ𝑎𝑟𝑡𝑒 𝑛𝑖𝑒; 𝑒𝑛 𝑑𝑖𝑒 𝑤𝑜𝑜𝑟𝑑𝑒 𝑤𝑎𝑡 𝑗𝑢𝑙𝑙𝑒 ℎ𝑜𝑜𝑟, 𝑖𝑠 𝑛𝑖𝑒 𝑀𝑦𝑛𝑒 𝑛𝑖𝑒, 𝑚𝑎𝑎𝑟 𝑑𝑖𝑒 𝑉𝑎𝑑𝑒𝑟 𝑠'𝑛 𝑤𝑎𝑡 𝑀𝑦 𝑔𝑒𝑠𝑡𝑢𝑢𝑟 ℎ𝑒𝑡. ²⁵ “𝐷𝑖𝑡 𝑠𝑒̂ 𝐸𝑘 𝑣𝑖𝑟 𝑗𝑢𝑙𝑙𝑒 𝑡𝑒𝑟𝑤𝑦𝑙 𝐸𝑘 𝑛𝑜𝑔 𝑏𝑦 𝑗𝑢𝑙𝑙𝑒 𝑏𝑙𝑦; ²⁶𝑒𝑛 𝑤𝑎𝑛𝑛𝑒𝑒𝑟 𝑑𝑖𝑒 𝑉𝑎𝑑𝑒𝑟 𝑖𝑛 𝑚𝑦 𝑁𝑎𝑎𝑚 𝑑𝑖𝑒 𝑉𝑜𝑜𝑟𝑠𝑝𝑟𝑎𝑎𝑘, 𝑑𝑖𝑒 𝐻𝑒𝑖𝑙𝑖𝑔𝑒 𝐺𝑒𝑒𝑠, 𝑠𝑡𝑢𝑢𝑟, 𝑠𝑎𝑙 𝐻𝑦 𝑗𝑢𝑙𝑙𝑒 𝑎𝑙𝑙𝑒𝑠 𝑙𝑒𝑒𝑟 𝑒𝑛 𝑗𝑢𝑙𝑙𝑒 ℎ𝑒𝑟𝑖𝑛𝑛𝑒𝑟 𝑎𝑎𝑛 𝑎𝑙𝑙𝑒𝑠 𝑤𝑎𝑡 𝐸𝑘 𝑣𝑖𝑟 𝑗𝑢𝑙𝑙𝑒 𝑔𝑒𝑠𝑒̂ ℎ𝑒𝑡. ²⁷ “𝑉𝑟𝑒𝑑𝑒 𝑙𝑎𝑎𝑡 𝐸𝑘 𝑣𝑖𝑟 𝑗𝑢𝑙𝑙𝑒 𝑛𝑎; 𝑚𝑦 𝑣𝑟𝑒𝑑𝑒 𝑔𝑒𝑒 𝐸𝑘 𝑣𝑖𝑟 𝑗𝑢𝑙𝑙𝑒. 𝐷𝑖𝑒 𝑣𝑟𝑒𝑑𝑒 𝑤𝑎𝑡 𝐸𝑘 𝑣𝑖𝑟 𝑗𝑢𝑙𝑙𝑒 𝑔𝑒𝑒, 𝑖𝑠 𝑛𝑖𝑒 𝑑𝑖𝑒 𝑠𝑜𝑜𝑟𝑡 𝑤𝑎𝑡 𝑑𝑖𝑒 𝑤𝑒̂𝑟𝑒𝑙𝑑 𝑔𝑒𝑒 𝑛𝑖𝑒. 𝐽𝑢𝑙𝑙𝑒 𝑚𝑜𝑒𝑡 𝑛𝑖𝑒 𝑜𝑛𝑡𝑠𝑡𝑒𝑙𝑑 𝑤𝑒𝑒𝑠 𝑛𝑖𝑒, 𝑒𝑛 𝑗𝑢𝑙𝑙𝑒 𝑚𝑜𝑒𝑡 𝑛𝑖𝑒 𝑏𝑎𝑛𝑔 𝑤𝑒𝑒𝑠 𝑛𝑖𝑒.” – Johannes 14:23-27 (AFR83)

Wanneer ons in die storms van die lewe is en gevul word met allerhande gevoelens wat ons laat twyfel in God se getrouheid en liefde, kan en móét ons na God gaan daarmee. Ons moet Hom vertel daarvan. Ons moet vir Hom sê dat ons ongelukkig is. Ons moet onthou dat Jesus self mens was en ook sulke gevoelens ervaar het. Ons moet onthou dat Jesus aan die kruis deur God verlaat was, sodat ons nooit sonder God sal wees nie. Ons moet ons emosies uitstort in die storm. Ons moet ons trane deel maak van die see van trane wat ons omring, sodat God se vrede ons kan oorneem. Ons moenie ontsteld wees nie en ons moenie bang wees nie – maklike woorde, maar tog haalbaar as ons toelaat dat die Heilige Gees ons lei en ons emosies rustig kry met die vertroue in God en die vrede wat alle verstand te bowe gaan.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Staar ek my vas in my eie wil? Besef ek weereens dat God beter weet en dat Hy gister, vandag en môre dieselfde is en by my is om my te dra deur die moeilike tye? Ek kan maar my hart uitpraat met God en vra dat Sy vrede my oorneem. Ek moet ontvanklik wees vir hierdie vrede.

𝕲𝖊𝖇𝖊𝖉 :

Here, soms is my hart stukkend en twyfel ek. Ek weet dit is omdat ek my wil bó U wil stel. Vergewe my. Help my om U wil te aanvaar in my lewe – al verstaan ek dit nie altyd nie. Gee my U vrede. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟮𝟭 – 🅺🅰🅽 🅹🆈 🅱🅾🅾🅼🅺🅻🅸🅼 ? (Kliek hier vir die klankgreep)

In ons lewenslange soeke na wysheid en antwoorde op van die moeilikste vrae van die lewe, gaan ons dikwels voor sekere uitdagings kom waar dit voel of ons net nie antwoorde kry nie. Dit gaan voel of ons bid en bid en wag op antwoorde van God, maar ons ongeduld veroorsaak dat ons gefrustreerd en amper moedeloos raak. Ons hoor hoe die skare vertel van Jesus en hoe almal tog so ná aan Hom kom en by Hom hoor wat hulle moet doen en hoe hulle moet optree, maar vir ons voel dit amper onmoontlik. Ons voel klein en dit is asof ons nie regtig vir Jesus kan sien in ons lewens nie. Dit voel asof almal anders se geloof groter as ons s’n is en ons is te klein tussen die skare. Dit voel of ons nie vir Jesus kan sien nie en asof Hy ons dalk miskyk en ons nie raaksien nie. So, wat maak ons dan? Ons klim boom!

Hoor wat het gebeur in Jerigo:

“¹𝐽𝑒𝑠𝑢𝑠 ℎ𝑒𝑡 𝐽𝑒𝑟𝑖𝑔𝑜 𝑏𝑖𝑛𝑛𝑒𝑔𝑒𝑔𝑎𝑎𝑛 𝑒𝑛 𝑑𝑒𝑢𝑟 𝑑𝑖𝑒 𝑠𝑡𝑎𝑑 𝑔𝑒𝑠𝑡𝑎𝑝. ²𝐸𝑛 𝑘𝑦𝑘, 𝑑𝑎𝑎𝑟 𝑤𝑎𝑠 '𝑛 𝑚𝑎𝑛 𝑚𝑒𝑡 𝑑𝑖𝑒 𝑛𝑎𝑎𝑚 𝑆𝑎𝑔𝑔𝑒𝑢𝑠. 𝐻𝑦 𝑤𝑎𝑠 '𝑛 ℎ𝑜𝑜𝑓𝑡𝑜𝑙𝑙𝑒𝑛𝑎𝑎𝑟 𝑒𝑛 '𝑛 𝑟𝑦𝑘 𝑚𝑎𝑛. ³𝐻𝑦 ℎ𝑒𝑡 𝑝𝑟𝑜𝑏𝑒𝑒𝑟 𝑜𝑚 𝑡𝑒 𝑠𝑖𝑒𝑛 𝑤𝑖𝑒 𝐽𝑒𝑠𝑢𝑠 𝑖𝑠, 𝑚𝑎𝑎𝑟 𝑤𝑒𝑒𝑛𝑠 𝑑𝑖𝑒 𝑠𝑘𝑎𝑟𝑒 𝑘𝑜𝑛 ℎ𝑦 𝑛𝑖𝑒, 𝑜𝑚𝑑𝑎𝑡 ℎ𝑦 𝑘𝑜𝑟𝑡 𝑤𝑎𝑠. ⁴𝐻𝑦 ℎ𝑎𝑟𝑑𝑙𝑜𝑜𝑝 𝑡𝑜𝑒 𝑣𝑜𝑜𝑟𝑢𝑖𝑡 𝑒𝑛 𝑘𝑙𝑖𝑚 𝑖𝑛 '𝑛 𝑤𝑖𝑙𝑑𝑒𝑣𝑦𝑒𝑏𝑜𝑜𝑚 𝑜𝑚 𝐽𝑒𝑠𝑢𝑠 𝑡𝑒 𝑠𝑖𝑒𝑛, 𝑤𝑎𝑛𝑡 𝐻𝑦 𝑠𝑜𝑢 𝑑𝑎𝑎𝑟 𝑣𝑒𝑟𝑏𝑦𝑔𝑎𝑎𝑛. ⁵𝑇𝑜𝑒 𝐽𝑒𝑠𝑢𝑠 𝑏𝑦 𝑑𝑖𝑒 𝑝𝑙𝑒𝑘 𝑘𝑜𝑚, 𝑘𝑦𝑘 𝐻𝑦 𝑜𝑝 𝑒𝑛 𝑠𝑒̂ 𝑣𝑖𝑟 ℎ𝑜𝑚: “𝑆𝑎𝑔𝑔𝑒𝑢𝑠, 𝑚𝑎𝑎𝑘 𝑔𝑜𝑢 𝑒𝑛 𝑘𝑙𝑖𝑚 𝑎𝑓, 𝑤𝑎𝑛𝑡 𝐸𝑘 𝑚𝑜𝑒𝑡 𝑣𝑎𝑛𝑑𝑎𝑔 𝑖𝑛 𝑗𝑜𝑢 ℎ𝑢𝑖𝑠 𝑜𝑜𝑟𝑏𝑙𝑦.” ⁶𝑆𝑎𝑔𝑔𝑒𝑢𝑠 ℎ𝑒𝑡 𝑡𝑜𝑒 ℎ𝑎𝑎𝑠𝑡𝑖𝑔 𝑎𝑓𝑔𝑒𝑘𝑙𝑖𝑚 𝑒𝑛 𝐽𝑒𝑠𝑢𝑠 𝑚𝑒𝑡 𝑏𝑙𝑦𝑑𝑠𝑘𝑎𝑝 𝑖𝑛 𝑠𝑦 ℎ𝑢𝑖𝑠 𝑜𝑛𝑡𝑣𝑎𝑛𝑔. ⁷𝐴𝑙𝑚𝑎𝑙 𝑤𝑎𝑡 𝑑𝑖𝑡 𝑔𝑒𝑠𝑖𝑒𝑛 ℎ𝑒𝑡, ℎ𝑒𝑡 𝑔𝑒𝑚𝑜𝑟 𝑒𝑛 𝑔𝑒𝑠𝑒̂: “𝐻𝑦 𝑔𝑎𝑎𝑛 𝑏𝑦 '𝑛 𝑠𝑜𝑛𝑑𝑖𝑔𝑒 𝑚𝑎𝑛 𝑡𝑢𝑖𝑠.” ⁸𝑀𝑎𝑎𝑟 𝑆𝑎𝑔𝑔𝑒𝑢𝑠 ℎ𝑒𝑡 𝑔𝑎𝑎𝑛 𝑠𝑡𝑎𝑎𝑛 𝑒𝑛 𝑣𝑖𝑟 𝑑𝑖𝑒 𝐻𝑒𝑟𝑒 𝑔𝑒𝑠𝑒̂: “𝐾𝑦𝑘, 𝐻𝑒𝑟𝑒, 𝑒𝑘 𝑔𝑒𝑒 𝑑𝑖𝑒 ℎ𝑒𝑙𝑓𝑡𝑒 𝑣𝑎𝑛 𝑚𝑦 𝑏𝑒𝑠𝑖𝑡𝑡𝑖𝑛𝑔𝑠 𝑎𝑎𝑛 𝑑𝑖𝑒 𝑎𝑟𝑚𝑒𝑠, 𝑒𝑛 𝑎𝑠 𝑒𝑘 𝑣𝑎𝑛 𝑖𝑒𝑚𝑎𝑛𝑑 𝑖𝑒𝑡𝑠 𝑎𝑓𝑔𝑒𝑝𝑒𝑟𝑠 ℎ𝑒𝑡, 𝑔𝑒𝑒 𝑒𝑘 𝑑𝑖𝑡 𝑣𝑖𝑒𝑟𝑣𝑜𝑢𝑑𝑖𝑔 𝑡𝑒𝑟𝑢𝑔.” ⁹𝐽𝑒𝑠𝑢𝑠 ℎ𝑒𝑡 𝑣𝑖𝑟 ℎ𝑜𝑚 𝑔𝑒𝑠𝑒̂: “𝑉𝑎𝑛𝑑𝑎𝑔 ℎ𝑒𝑡 𝑑𝑎𝑎𝑟 𝑣𝑒𝑟𝑙𝑜𝑠𝑠𝑖𝑛𝑔 𝑣𝑖𝑟 ℎ𝑖𝑒𝑟𝑑𝑖𝑒 ℎ𝑢𝑖𝑠 𝑔𝑒𝑘𝑜𝑚, 𝑤𝑎𝑛𝑡 𝑜𝑜𝑘 ℎ𝑦 𝑖𝑠 '𝑛 𝑠𝑒𝑢𝑛 𝑣𝑎𝑛 𝐴𝑏𝑟𝑎ℎ𝑎𝑚. ¹⁰𝐷𝑖𝑒 •𝑆𝑒𝑢𝑛 𝑣𝑎𝑛 𝑑𝑖𝑒 𝑀𝑒𝑛𝑠 ℎ𝑒𝑡 𝑔𝑒𝑘𝑜𝑚 𝑜𝑚 𝑑𝑖𝑒𝑔𝑒𝑛𝑒 𝑤𝑎𝑡 𝑣𝑒𝑟𝑙𝑜𝑟𝑒 𝑖𝑠, 𝑡𝑒 𝑠𝑜𝑒𝑘 𝑒𝑛 𝑡𝑒 𝑣𝑒𝑟𝑙𝑜𝑠.”” – Lukas 19:1-10 (AFR20)

Ja, Saggeüs was fisies klein gewees en moes fisies boomklim om vir Jesus te sien. Hy het geweet Jesus is naby, maar Hy kon Hom nie sien nie. Hy wou ook graag ’n persoonlik verhouding met Jesus hê, maar moes ’n ander plan maak om Hom te sien. Uiteindelik kom Jesus self, toe Hy Saggeüs se toewyding sien, en gaan tuis by Hom.

Ons het gister gesê dat ware wysheid begin by God, maar ons weet ook dat die wêreld God vir ons onsigbaar maak. Soms, selfs in die kerk, sal dit voel of ons geloof net nie groot genoeg is nie en asof God vir ons onbereikbaar is. Soms kyk ons so erg vas in ander se geloof of ons eie foute, dat ons dink ons God nie sal bereik nie of dat Hy nie in ons harte wíl woon nie. Wat ons dan moet doen, is boomklim. Ons moet nie dat ons siening van kleingeloof ons keer nie. Ons moet moeite doen om nader aan God te kom, soos Saggeüs. Ons moet Jesus ontvang in ons huis en in ons hart, want Hy wil graag daar tuisgaan. Ons moet dalk ook baie dinge opoffer en ontslae raak van, soos Saggeüs.

Almal van ons was verlore. Dalk is sommige van ons nogsteeds verlore. Jesus het gekom om ons te soek en ons te verlos. Hy sal ons verlos van ons moeilikheid en probleme. Hoe? Dit weet ek nie, maar ek weet dat as Hy tuisgaan in jou hart – as Hy daar woon – sal jy die wysheid bekom om te doen wat nodig is.

Gaan klim dus jou boom. Sien vir Jesus in jou lewe raak, want Hy is wél daar deur Sy Heilige Gees. Klim weer haastig af en ontvang Hom met blydskap in jou hart.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Jesus is altyd by my en ware wysheid wag op my as ek wag op die Here.

𝕲𝖊𝖇𝖊𝖉 :

Here Jesus, help my om my boom te klim sodat ek U weer duidelik kan sien in my lewe. Help my om U te ontvang in my hart elke dag. Help my om geduldig te wees en U te vertrou om aan my die antwoord te gee wat my menslike kennis ontduik. Ek vertrou U en ek weet dat U beter weet. Help my om te besef dat die probleme wat ek nie kan oplos nie, U probleme is en dat ek dit veilig in U hande kan los. Gee my geduld om op U te wag en U te vertrou. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟮𝟬 – 🅳🅸🅴 🅱🆁🅾🅽 🆅🅰🅽 🆆🆈🆂🅷🅴🅸🅳. (Kliek hier vir die klankgreep)

Daar is so dikwels situasies in ons lewens waar ons wonder wat die regte ding is om te doen. So dikwels is ons verward oor die keuses wat voor ons is of oor die keuses wat ons reeds gemaak het. Ons doen ons huiswerk oor ’n uitdaging of geleentheid voor ons en ons bel mense, raadpleeg Dr. Google en worstel daarmee tot ons ’n redelike vorm van gemak het met wat ons moet doen. Selfs as dit kom by hulp verleen aan ander mense of om te besluit of jy vriende moet bly met mense, dan raadpleeg ons mekaar en kyk na wat die wêreld trend is. Dikwels los dit ons ongelukkig oor ons keuses en weet ons nie hoe om dit reg te maak nie, want ons het darem mos ons trots...

Wanneer ons wysheid wil bekom oor hoe ons in die lewe wil optree en oor hoe ons ’n lewe van tevredenheid hier op aarde kan geniet, begin dit met God (gister se oordenking). Spreuke 2:6-15 (AFR20) lees vêrder:

“⁶𝐽𝑎, 𝑛𝑒𝑡 𝑑𝑖𝑒 𝐻𝑒𝑟𝑒 𝑔𝑒𝑒 𝑤𝑦𝑠ℎ𝑒𝑖𝑑, 𝑢𝑖𝑡 𝑠𝑦 𝑚𝑜𝑛𝑑 𝑘𝑜𝑚 𝑘𝑒𝑛𝑛𝑖𝑠 𝑒𝑛 𝑣𝑒𝑟𝑠𝑡𝑎𝑛𝑑𝑖𝑔ℎ𝑒𝑖𝑑. ⁷𝑉𝑖𝑟 𝑑𝑖𝑒 𝑜𝑝𝑟𝑒𝑔𝑡𝑒𝑠 ℎ𝑜𝑢 𝐻𝑦 𝑣𝑖𝑛𝑑𝑖𝑛𝑔𝑟𝑦𝑘ℎ𝑒𝑖𝑑 𝑖𝑛 𝑏𝑒𝑤𝑎𝑟𝑖𝑛𝑔, 𝑎𝑠 '𝑛 𝑠𝑘𝑖𝑙𝑑 𝑣𝑖𝑟 ℎ𝑢𝑙𝑙𝑒 𝑤𝑎𝑡 𝑜𝑛𝑏𝑒𝑟𝑖𝑠𝑝𝑒𝑙𝑖𝑘 𝑙𝑒𝑒𝑓, ⁸𝑑𝑒𝑢𝑟𝑑𝑎𝑡 𝐻𝑦 𝑑𝑖𝑒 𝑝𝑎𝑎𝑖𝑒 𝑣𝑎𝑛 𝑑𝑖𝑒 𝑟𝑒𝑔 𝑏𝑒𝑤𝑎𝑎𝑘; 𝑑𝑖𝑒 𝑝𝑎𝑑 𝑣𝑎𝑛 𝑠𝑦 𝑔𝑒𝑡𝑟𝑜𝑢𝑒 𝑣𝑜𝑙𝑔𝑒𝑙𝑖𝑛𝑔𝑒 𝑏𝑒𝑠𝑘𝑒𝑟𝑚 𝐻𝑦. ⁹𝐷𝑎𝑛 𝑠𝑎𝑙 𝑗𝑦 𝑣𝑒𝑟𝑠𝑡𝑎𝑎𝑛 𝑤𝑎𝑡 𝑟𝑒𝑔𝑣𝑒𝑟𝑑𝑖𝑔, 𝑏𝑖𝑙𝑙𝑖𝑘 𝑒𝑛 𝑟𝑒𝑔 𝑖𝑠 – 𝑒𝑙𝑘𝑒 𝑔𝑜𝑒𝑖𝑒 𝑝𝑎𝑑. ¹⁰𝑊𝑎𝑛𝑡 𝑤𝑦𝑠ℎ𝑒𝑖𝑑 𝑠𝑎𝑙 𝑖𝑛 𝑗𝑜𝑢 ℎ𝑎𝑟𝑡 𝑖𝑛𝑘𝑜𝑚, 𝑒𝑛 𝑘𝑒𝑛𝑛𝑖𝑠 𝑠𝑎𝑙 𝑣𝑖𝑟 𝑗𝑜𝑢 𝑎𝑎𝑛𝑔𝑒𝑛𝑎𝑎𝑚 𝑤𝑒𝑒𝑠. ¹¹𝐺𝑜𝑒𝑖𝑒 𝑜𝑜𝑟𝑑𝑒𝑒𝑙 𝑠𝑎𝑙 𝑜𝑜𝑟 𝑗𝑜𝑢 𝑤𝑎𝑔 ℎ𝑜𝑢, 𝑣𝑒𝑟𝑠𝑡𝑎𝑛𝑑𝑖𝑔ℎ𝑒𝑖𝑑 𝑠𝑎𝑙 𝑗𝑜𝑢 𝑏𝑒𝑤𝑎𝑎𝑘 ¹²𝑜𝑚 𝑗𝑜𝑢 𝑡𝑒 𝑟𝑒𝑑 𝑣𝑎𝑛 𝑑𝑖𝑒 𝑝𝑎𝑑 𝑣𝑎𝑛 𝑜𝑛ℎ𝑒𝑖𝑙, 𝑣𝑎𝑛 𝑖𝑒𝑚𝑎𝑛𝑑 𝑤𝑎𝑡 𝑣𝑒𝑟𝑑𝑜𝑟𝑤𝑒 𝑢𝑖𝑡𝑠𝑝𝑟𝑎𝑘𝑒 𝑚𝑎𝑎𝑘, ¹³𝑣𝑎𝑛 ℎ𝑢𝑙𝑙𝑒 𝑤𝑎𝑡 𝑟𝑒𝑔𝑢𝑖𝑡 𝑝𝑎𝑎𝑖𝑒 𝑣𝑒𝑟𝑙𝑎𝑎𝑡 𝑜𝑚 𝑜𝑝 𝑑𝑜𝑛𝑘𝑒𝑟 𝑤𝑒𝑒̈ 𝑡𝑒 𝑔𝑎𝑎𝑛, ¹⁴𝑣𝑎𝑛 ℎ𝑢𝑙𝑙𝑒 𝑤𝑎𝑡 𝑣𝑟𝑒𝑢𝑔𝑑𝑒 𝑑𝑎𝑎𝑟𝑖𝑛 𝑣𝑖𝑛𝑑 𝑜𝑚 𝑘𝑤𝑎𝑎𝑑 𝑡𝑒 𝑑𝑜𝑒𝑛, 𝑤𝑎𝑡 𝑗𝑢𝑖𝑔 𝑜𝑜𝑟 𝑑𝑖𝑒 𝑣𝑒𝑟𝑑𝑜𝑟𝑤𝑒𝑛ℎ𝑒𝑖𝑑 𝑣𝑎𝑛 𝑑𝑖𝑒 𝑘𝑤𝑎𝑎𝑑, ¹⁵ℎ𝑢𝑙𝑙𝑒 𝑤𝑖𝑒 𝑠𝑒 𝑝𝑎𝑎𝑖𝑒 𝑣𝑒𝑟𝑑𝑟𝑎𝑎𝑖 𝑖𝑠, 𝑒𝑛 𝑤𝑎𝑡 𝑑𝑖𝑒 𝑠𝑝𝑜𝑜𝑟 𝑏𝑦𝑠𝑡𝑒𝑟 𝑖𝑠 𝑜𝑝 ℎ𝑢𝑙𝑙𝑒 𝑟𝑜𝑒𝑡𝑒𝑠...”

Wie sou nou kon dink dat jy vir alledaagse uitdagings en vir elke situasie van die lewe na God kan gaan? Ons dink dikwels dat God doer vêr iewers in die hemel is en dat Hy nie tyd het om af te buig na ons toe nie. Het Jesus nie self gesê net voor Hy opgevaar het hemel toe: “𝐸𝑛 𝑘𝑦𝑘, 𝐸𝑘 𝑖𝑠 𝑚𝑒𝑡 𝑗𝑢𝑙𝑙𝑒 𝑎𝑙 𝑑𝑖𝑒 𝑑𝑎𝑒, 𝑡𝑜𝑡 𝑎𝑎𝑛 𝑑𝑖𝑒 𝑣𝑜𝑙𝑒𝑖𝑛𝑑𝑖𝑛𝑔 𝑣𝑎𝑛 𝑑𝑖𝑒 𝑡𝑦𝑑.” (Matteus 28:20b AFR20).

Ons is nie alleen gelaat op hierdie aarde nie. God het Sy Gees gegee, sodat ons elke dag deur Hom gelei kan word. Elke liewe besluit wat jy het, elke vurk in die pad, elke versoeking, elke uitdaging wat die wêreld en die vyand voor jou gooi... vir elke liewe een van hierdie, is die antwoord by God.

Iemand het eenmaal gesê dat wysheid toegepaste kennis is. Ware wysheid is die kennis van God wat ewig is, toegepas in jou lewe. God gee soms nie direkte ja/nee of gedetailleerde antwoorde nie, soms kry jy nie dadelik ’n antwoord nie, soms glad nie, maar God is getrou om ons die vrede te gee om te weet dat as ons Hom ken in alles in ons lewens, sal Hy ons help om op die regte pad te bly, sodat ons Hom en ons naaste reg kan dien.

Ek onthou dat my eerste laerskool leuse iets soortgelyk was. In die skoollied het ons afgesluit met die woorde: “𝑷𝒖𝒕 𝒖𝒊𝒕 𝒅𝒊𝒆 𝑩𝒓𝒐𝒏! 𝑷𝒖𝒕 𝒖𝒊𝒕 𝒅𝒊𝒆 𝑩𝒓𝒐𝒏! 𝑾𝒆𝒓𝒌 𝒆𝒏 𝒅𝒊𝒆 𝒍𝒐𝒐𝒏 𝒔𝒂𝒍 𝒌𝒐𝒎!”

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Daar is niks te groot of te klein waarmee ek nie na God kan gaan nie. God is altyd by my, deur Sy Gees wat in my woon. My God is groter as enige uitdaging.

𝕲𝖊𝖇𝖊𝖉 :

Dankie Here, dat U altyd by my is. Help my om U te raadpleeg in elke aspek van my lewe. Ja, Here, net U gee wysheid. Vestig U wysheid en kennis in my hart, sodat ek die regte besluite kan neem en op U pad van geregtigheid kan bly. Tot U eer alleen. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟭𝟵 – “𝑯𝒐𝒖 𝒋𝒐𝒖 𝒐𝒓𝒆 𝒐𝒐𝒑 𝒗𝒊𝒓 𝒅𝒊𝒆 𝒘𝒚𝒔𝒉𝒆𝒊𝒅.” (Kliek hier vir die klankgreep)

Ek wonder soms regtig hoe daar nogsteeds mense is wat God se bestaan bevraagteken. As jy maar net kyk na hoe die natuur se prag Sy majesteit verkondig en hoe die heelal weergalm van Sy grootheid, dan is dit mos duidelik dat al hierdie dinge nie sommer net daar kon wees nie. Dan sit ons ook met die Bybel... Baie mense neig deesdae na die wetenskaplike redenasies en verduidelikings oor die ontstaan van alles. Mense reken dat ons moet besef dat die skrywers van die Bybel nie die kennis en ervaring gehad het wat ons nou het nie. Dáárom, meen hulle, kan en moet ons die betroubaarheid van die Bybel bevraagteken. Nou ja, goed, as dit dalk gaan oor die wetenskaplike akkuraatheid van dinge, kan jy dalk só argumenteer. Maar, dit neem nie die feit weg dat mense vir meer as 4000 jaar al die werke van God neergepen het nie – en hierdie werke was vir nog langer voor dit vele kere oorvertel, voordat die mens skrif uitgevind het.

Vir eeue lank, lank voor die moderne en post-moderne mens baie “slim” geword het, het mense gewonder oor God, maar het hulle aanvaar dat God daar is. Mense het ook geglo, omdat hulle daardie tyd al ’n persoonlike ontmoeting gehad het met Hom. Mense wou al vir eeue probeer om ware wysheid en insig te bekom. Hulle het geweet dat dit begin deur God te ken, maar hulle het daardie tyd ook al getwyfel en begin wonder oor baie dinge.

Salomo skryf, nadat hy al baie gewonder het oor baie dinge en, nadat hy tot insig gekom het oor baie dinge:

“¹𝑀𝑦 𝑠𝑒𝑢𝑛, 𝑛𝑒𝑒𝑚 𝑎𝑎𝑛 𝑤𝑎𝑡 𝑒𝑘 𝑗𝑜𝑢 𝑠𝑒̂, 𝑚𝑎𝑎𝑘 𝑤𝑎𝑡 𝑒𝑘 𝑗𝑜𝑢 𝑣𝑜𝑜𝑟𝑠𝑘𝑟𝑦𝑓 𝑗𝑜𝑢 𝑒𝑖𝑒, ²ℎ𝑜𝑢 𝑗𝑜𝑢 𝑜𝑟𝑒 𝑜𝑜𝑝 𝑣𝑖𝑟 𝑑𝑖𝑒 𝑤𝑦𝑠ℎ𝑒𝑖𝑑, 𝑠𝑝𝑎𝑛 𝑗𝑜𝑢 𝑖𝑛 𝑜𝑚 𝑡𝑒 𝑣𝑒𝑟𝑠𝑡𝑎𝑎𝑛. ³𝑅𝑜𝑒𝑝 𝑖𝑛𝑠𝑖𝑔 𝑏𝑦, 𝑣𝑟𝑎 𝑛𝑎 𝑔𝑒𝑠𝑜𝑛𝑑𝑒 𝑏𝑒𝑔𝑟𝑖𝑝. ⁴𝑆𝑜𝑒𝑘 𝑑𝑖𝑡 𝑠𝑜𝑜𝑠 𝑗𝑦 𝑠𝑖𝑙𝑤𝑒𝑟 𝑠𝑜𝑢 𝑠𝑜𝑒𝑘, 𝑠𝑝𝑜𝑜𝑟 𝑑𝑖𝑡 𝑜𝑝 𝑠𝑜𝑜𝑠 '𝑛 𝑣𝑒𝑟𝑏𝑜𝑟𝑔𝑒 𝑠𝑘𝑎𝑡. ⁵𝐷𝑎𝑛 𝑠𝑎𝑙 𝑗𝑦 𝑤𝑒𝑒𝑡 ℎ𝑜𝑒 𝑜𝑚 𝑑𝑖𝑒 𝐻𝑒𝑟𝑒 𝑡𝑒 𝑑𝑖𝑒𝑛, 𝑠𝑎𝑙 𝑗𝑦 𝑜𝑛𝑡𝑑𝑒𝑘 𝑤𝑎𝑡 𝑑𝑖𝑡 𝑖𝑠 𝑜𝑚 𝐺𝑜𝑑 𝑡𝑒 𝑘𝑒𝑛.” – Spreuke 2:1-5 (AFR83)

Wanneer ons wonder oor God en wonder oor onsself en wanneer ons wonder hoe om God te dien en waarlik vir God bo alles lief te hê en ons naaste soos ons onsself, dan begin dit by God. Ons is geseënd dat ons die Woord het en dat daar vir eeue lank mense was wat getuig het oor God en dat dit op skrif neergelê is. Hierdie woorde wat Salomo aan sy seun geskryf het, is woorde wat op ons almal van toepassing is. Ons wonder en twyfel soms (dalk dikwels). Ons bevraagteken dinge, omdat die “slim” mense dinge sê. Ons wonder of ons regtig vir God kan ken of dalk ken ons Hom, maar wonder hoe ander Hom kan leer ken. Die antwoord: deur jou gesonde verstand te gebruik en wysheid na te jaag. Nie wêreldse wysheid nie, die ware Wysheid.

Wil jy God leer ken of beter ken? Moet Hom nie gaan soek in die slim wetenskaplike verduidelikings van mense nie. Soek Hom in Sy Woord. Wil jy vir ander mense leer van God? Wys hulle Sy liefde. Ware wysheid begin met die kennis van- en ontsag vir God (Spreuke 9:10). Gebruik jou gesonde verstand en erken dat God IS. Vir die gewone mens, klink dit dwaas en sal hulle nooit dit kan begryp nie. Paulus verduidelik juis dat die mense se gees dit nie kan begryp nie, maar God se Gees in ons, openbaar dit vir ons (1 Kor. 2:1-16).

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Liefde vir God en liefde vir my naaste begin by God. Dit begin met ’n kennis van God en deur my verhouding met Hom, dat ek Hom kan ken – waarlik ken. Om my naaste te kan dien en God daardeur te verheerlik, moet ek God ken.

𝕲𝖊𝖇𝖊𝖉 (𝗣𝘀𝗮𝗹𝗺 𝟲𝟳 𝗔𝗙𝗥𝟮𝟬):

²𝑀𝑎𝑔 𝐺𝑜𝑑 𝑜𝑛𝑠 𝑔𝑒𝑛𝑎𝑑𝑖𝑔 𝑤𝑒𝑒𝑠 𝑒𝑛 𝑜𝑛𝑠 𝑠𝑒𝑒̈𝑛; 𝑚𝑎𝑔 𝐻𝑦 𝑑𝑖𝑒 𝑙𝑖𝑔 𝑣𝑎𝑛 𝑠𝑦 𝑎𝑎𝑛𝑔𝑒𝑠𝑖𝑔 𝑏𝑦 𝑜𝑛𝑠 𝑙𝑎𝑎𝑡 𝑠𝑘𝑦𝑛. •𝑆𝑒𝑙𝑎

³𝑀𝑎𝑔 𝑈 𝑝𝑎𝑑 𝑜𝑝 𝑑𝑖𝑒 𝑎𝑎𝑟𝑑𝑒 𝑏𝑒𝑘𝑒𝑛𝑑 𝑤𝑒𝑒𝑠, 𝑢 𝑣𝑒𝑟𝑙𝑜𝑠𝑠𝑖𝑛𝑔 𝑜𝑛𝑑𝑒𝑟 𝑎𝑙 𝑑𝑖𝑒 𝑛𝑎𝑠𝑖𝑒𝑠.

⁴𝑀𝑎𝑔 𝑣𝑜𝑙𝑘𝑒 𝑈 𝑝𝑟𝑦𝑠, 𝑜 𝐺𝑜𝑑, 𝑚𝑎𝑔 𝑎𝑙 𝑑𝑖𝑒 𝑣𝑜𝑙𝑘𝑒 𝑈 𝑝𝑟𝑦𝑠.

⁵𝑀𝑎𝑔 𝑛𝑎𝑠𝑖𝑒𝑠 𝑏𝑙𝑦 𝑤𝑒𝑒𝑠 𝑒𝑛 𝑗𝑢𝑏𝑒𝑙, 𝑤𝑎𝑛𝑡 𝑈 𝑜𝑜𝑟𝑑𝑒𝑒𝑙 𝑣𝑜𝑙𝑘𝑒 𝑏𝑖𝑙𝑙𝑖𝑘; 𝑒𝑛 𝑛𝑎𝑠𝑖𝑒𝑠, 𝑚𝑎𝑔 𝑈 ℎ𝑢𝑙𝑙𝑒 𝑜𝑝 𝑑𝑖𝑒 𝑎𝑎𝑟𝑑𝑒 𝑙𝑒𝑖. 𝑆𝑒𝑙𝑎

⁶𝑀𝑎𝑔 𝑣𝑜𝑙𝑘𝑒 𝑈 𝑝𝑟𝑦𝑠, 𝑜 𝐺𝑜𝑑, 𝑚𝑎𝑔 𝑎𝑙 𝑑𝑖𝑒 𝑣𝑜𝑙𝑘𝑒 𝑈 𝑝𝑟𝑦𝑠.

⁷𝐷𝑖𝑒 𝑎𝑎𝑟𝑑𝑒 ℎ𝑒𝑡 𝑠𝑦 𝑜𝑝𝑏𝑟𝑒𝑛𝑔𝑠 𝑔𝑒𝑙𝑒𝑤𝑒𝑟. 𝑀𝑎𝑔 𝐺𝑜𝑑, 𝑜𝑛𝑠 𝐺𝑜𝑑, 𝑜𝑛𝑠 𝑠𝑒𝑒̈𝑛.

⁸𝑀𝑎𝑔 𝐺𝑜𝑑 𝑜𝑛𝑠 𝑠𝑒𝑒̈𝑛, 𝑠𝑜𝑑𝑎𝑡 𝑎𝑙 𝑑𝑖𝑒 𝑢𝑖𝑡ℎ𝑜𝑒𝑘𝑒 𝑣𝑎𝑛 𝑑𝑖𝑒 𝑎𝑎𝑟𝑑𝑒 𝑣𝑖𝑟 𝐻𝑜𝑚 𝑜𝑛𝑡𝑠𝑎𝑔 𝑠𝑎𝑙 ℎ𝑒̂.

Amen

···ᶜᴶˢ··· ©

𝟮𝟬𝟮𝟮-𝟬𝟱-𝟭𝟴 – 🆆🅸🅴’🆂 🅹🅾🆄 🅽🅰🅰🆂🆃🅴 ? (Kliek hier vir die klankgreep)

Meeste van ons ken Jesus se liefdesgebod. Ons ken dalk ook nog die 10 Gebooie. Ons weet dat liefde vir God ons eerste prioriteit moet wees in die lewe en die tweede is, dat ons ons naaste moet liefhê soos onsself.

In Levitikus 19 al, word ’n hele paar praktiese wette voorgelê oor hoe ons ons naaste moet liefhê. Ons ken meeste van hierdie wette en reëls, omdat ons só grootgemaak is en omdat meeste lande ook hierdie wette geïmplementeer het. Dit is wette soos: los iets agter vir die armes as jy oes, dus, sorg vir die armes; jy mag nie steel nie; jy mag nie bedrog pleeg nie; jy mag nie ’n vals eed aflê en die Naam van die Here ontheilig nie; jy mag nie jou naaste uitbuit en beroof nie; jy mag nie salarisse weerhou van dagloners nie; jy mag nie dowes of blindes vervloek of uitbuit nie; jy mag nie onregverdig wees in regsuitsprake nie; jy mag nie kwaad stook nie; jy mag nie iemand anders se lewe in gevaar stel nie; jy mag nie jou broer(of suster) haat nie – jy moet volksgenote teregwys; jy mag nie wrokke koester nie. In opsomming dan: “𝐽𝑦 𝑚𝑜𝑒𝑡 𝑗𝑜𝑢 𝑛𝑎𝑎𝑠𝑡𝑒 𝑙𝑖𝑒𝑓ℎ𝑒̂ 𝑠𝑜𝑜𝑠 𝑗𝑜𝑢𝑠𝑒𝑙𝑓.” (Levitikus 19:9-18)

Al hierdie dinge, weet ons, het Jesus herhaaldelik vir die mense probeer leer en het Hy uitdruklik vir mense ook gesê dat hulle ander mense moet behandel soos hulle self behandel wil word (Luk. 6:31; Matt. 7:12). Wanneer die wetskenner dan vir Jesus probeer vasvra oor die grootste gebod, is dit ook Jesus se antwoord in Matt. 22:35-40 en Mark. 12:28-31. In Lukas se Evangelie egter, vra Jesus aan die man self om dit te beantwoord. Dalk het Lukas ’n ander geleentheid se gebeure vertel, want ek is seker die sogenaamde “slim” manne het Jesus op meer as een geleentheid probeer uitvang. In elk geval, die man antwoord wel die vraag korrek deur te sê: “𝐽𝑦 𝑚𝑜𝑒𝑡 𝑑𝑖𝑒 𝐻𝑒𝑟𝑒 𝑗𝑜𝑢 𝐺𝑜𝑑 𝑙𝑖𝑒𝑓ℎ𝑒̂ 𝑚𝑒𝑡 𝑗𝑜𝑢 ℎ𝑒𝑙𝑒 ℎ𝑎𝑟𝑡 𝑒𝑛 𝑚𝑒𝑡 𝑗𝑜𝑢 ℎ𝑒𝑙𝑒 𝑠𝑖𝑒𝑙 𝑒𝑛 𝑚𝑒𝑡 𝑎𝑙 𝑗𝑜𝑢 𝑘𝑟𝑎𝑔 𝑒𝑛 𝑚𝑒𝑡 𝑗𝑜𝑢 ℎ𝑒𝑙𝑒 𝑣𝑒𝑟𝑠𝑡𝑎𝑛𝑑, 𝑒𝑛 𝑗𝑜𝑢 𝑛𝑎𝑎𝑠𝑡𝑒 𝑠𝑜𝑜𝑠 𝑗𝑜𝑢𝑠𝑒𝑙𝑓.”, en Jesus se antwoord is: “𝐷𝑜𝑒𝑛 𝑑𝑖𝑡, 𝑒𝑛 𝑗𝑦 𝑠𝑎𝑙 𝑙𝑒𝑒𝑓!” (Luk. 10:27-28 AFR20).

Wat nogal verbasend is, is dat hierdie man – nadat hy die antwoord het om die ewige lewe te kan beërwe: liefde vir God en jou medemens – dan soek hy ander regverdiging en vra vir Jesus: “𝐸𝑛 𝑤𝑖𝑒 𝑖𝑠 𝑚𝑦 𝑛𝑎𝑎𝑠𝑡𝑒?” (Luk. 10:29 AFR20).

Is ons nie ook maar só nie? Ons wil graag sê dat ons goeie mense is, maar ons wil ook probeer om onsself te regverdig deur naasteliefde te beperk tot nét sekere mense. Ons hou so graag die Engelse gesegde aan en sê: “𝘊𝘩𝘢𝘳𝘪𝘵𝘺 𝘣𝘦𝘨𝘪𝘯𝘴 𝘢𝘵 𝘩𝘰𝘮𝘦.” Met ander woorde: “Ek sal help wie ek wil help en die res is op hul eie.”

Jesus antwoord die wetskenner deur te vertel van die barmhartige Samaritaan (Luk. 11:25-37). Die Samaritaan was die enigste een wat ’n man langs die pad gehelp het, nadat ’n priester en ’n Leviet hom geïgnoreer het. Die priester en Leviet – kerkmense, soos ons dit sou stel – het besluit dat hierdie man langs die pad wat deur rowers aangeval was, nie hulle naaste is nie, want hulle ken hom nie. Jesus leer die wetskenner en ons hier ’n belangrike les: Wie ook al God oor jou pad stuur, is jou naaste. As ons ook graag wil sê dat “𝘏𝘰𝘮𝘦 𝘪𝘴 𝘸𝘩𝘦𝘳𝘦 𝘵𝘩𝘦 𝘩𝘦𝘢𝘳𝘵 𝘪𝘴”, dan moet ons weet dat ons oraloor barmhartigheid moet toon, want ons dra ons harte met ons en Jesus is in ons harte.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

As ek wil kies wie my naaste is, sal baie mense die geleentheid mis om God se liefde te leer ken.

𝕲𝖊𝖇𝖊𝖉:

Here Jesus, U het ons liefgehad, terwyl ons nog vêr van U af was. U het ons gesien as U naastes. Help ons om ook ander lief te hê, soos U hulle lief het. Heilige Gees, wys ons waar U reeds besig is om te werk in die wêreld, sodat ons daarby kan aansluit en die liefde van God met die wêreld kan deel. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟭𝟳 – 🆂ó 🆂🅰🅻 🅳🅸🅴 🅼🅴🅽🆂🅴 🆆🅴🅴🆃 ... (Kliek hier vir die klankgreep)

In die vroegste dae van die Christendom, was Christene amper oral vervolg. Hulle was om die lewe gebring vir hulle geloof en die feit dat hulle geglo het dat daar net een ware God is en dat hierdie God mens geword het om die sondes van die wêreld te dra, was vir die mense onsinnig en belaglik gewees. Hoe kan daar dan ’n God wees wat só lief is vir mense?

Onthou: in daardie tyd het sommige mense geglo dat daar baie gode is en dat gode ook kan sterf. Hulle kon nie glo dat daar dan nou hierdie een God is wat bereid was om te sterf vir die mens nie. Ook, as daar dan net een God is, en Hy sterf, sou dit mos beteken dat die mens aan sy eie lot oorgelaat word. Dit het glad nie sin gemaak vir die mense nie. Maar wanneer hulle gehoor het van die opstanding, het die hele situasie verander... Wanneer daar verduidelik was van die enigste oneindige, ewige God en hoe Hy by magte was om soveel meer te doen as wat mense kan dink, het baie mense besef dat hulle ook hierdie God nodig het. Baie mense, eers heidene, het tot geloof gekom (lees gerus die boek van Handelinge).

Tog was daar nog baie ander mense wat sterk vasgehou het aan hulle ou geloof en valse gode. Hulle wou nie dat die Christene – die mense wat nou die Naam dra wat bo alle name is – hulle kultuur en tradisies kom deurmekaarmaak nie. Hulle wou nie toelaat dat hul eie mense begin twyfel in die ou en gemaklike maniere nie. Sien, hierdie mense het mag gehad oor die mense en enige bedreiging moes hand en tand beveg word en enigiemand wat enigiets anders wou verkondig of die die waarheid bekend maak, moes uit die weg geruim word. Dit was moeilike tye vir Christene. (is dit nie, maar vandag weer so nie?)

Een van die eerste groot teoloë van Noord-Afrika in die 2de eeu, was Tertullianus. Hy het grootgeword in ’n ongelowige of heiden huishouding en het ook geleer dat Christene hierdie “anderste” mense was. Tertullianus was ’n geleerde man in Latyn, retoriek en filosofie – hy was ’n prokureur. Dus was hy iemand wat baie goed kon oordeel en veg vir ’n saak. Iewers in sy middeljare, nadat hy blykbaar al baie sake teen Christene geveg het, het hy skielik tot ’n eenvoudige besef gekom. Hierdie besef was nie nie iets wat hy aan universiteite geleer het nie – dit was bloot gesonde verstand en waarneming... hy het na die Christene gekyk en skielik besef dat iets werklik anders is aan hulle. Hy besef toe dat hy en alle heidene nog altyd na hulle kyk en dink: “Maak nie saak of hulle nou anders glo as ek, of iets glo wat ek nie kan verstaan nie, een ding is seker: Kyk hoe lief is hulle vir mekaar en hoe hulle bereid is om vir mekaar te sterf!”

Toe Tertullianus begin besef dat hierdie mense ’n anderste liefde as die wêreld s’n het, het daar skielik iets in hom begin verander. Lang storie kort: Jesus het hom ontmoet in die liefde wat ander Christene vir mekaar gehad het. So het Jesus se woorde in Sy nuwe gebod wat Hy aan die dissipels gegee het, begin waar word en begin om kragtig in mense te werk:

“³⁴𝐸𝑘 𝑔𝑒𝑒 𝑗𝑢𝑙𝑙𝑒 '𝑛 𝑛𝑢𝑤𝑒 𝑔𝑒𝑏𝑜𝑑: 𝐽𝑢𝑙𝑙𝑒 𝑚𝑜𝑒𝑡 𝑚𝑒𝑘𝑎𝑎𝑟 𝑙𝑖𝑒𝑓ℎ𝑒̂. 𝑁𝑒𝑡 𝑠𝑜𝑜𝑠 𝐸𝑘 𝑗𝑢𝑙𝑙𝑒 𝑙𝑖𝑒𝑓𝑔𝑒ℎ𝑎𝑑 ℎ𝑒𝑡, 𝑚𝑜𝑒𝑡 𝑗𝑢𝑙𝑙𝑒 𝑜𝑜𝑘 𝑚𝑒𝑘𝑎𝑎𝑟 𝑙𝑖𝑒𝑓ℎ𝑒̂. ³⁵𝐷𝑖𝑡 𝑖𝑠 ℎ𝑜𝑒 𝑎𝑙𝑚𝑎𝑙 𝑠𝑎𝑙 𝑤𝑒𝑒𝑡 𝑑𝑎𝑡 𝑗𝑢𝑙𝑙𝑒 𝑚𝑦 𝑑𝑖𝑠𝑠𝑖𝑝𝑒𝑙𝑠 𝑖𝑠 – 𝑎𝑠 𝑗𝑢𝑙𝑙𝑒 𝑙𝑖𝑒𝑓𝑑𝑒 𝑡𝑒𝑒𝑛𝑜𝑜𝑟 𝑚𝑒𝑘𝑎𝑎𝑟 ℎ𝑒𝑡.” – Johannes 13:34-35 (AFR20)

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Wat sê mense as hulle na my kyk en hoe lief ek ander Christene het? Wat sê mense oor hoe lief ek alle mense wat deur God geskape is, het?

𝕲𝖊𝖇𝖊𝖉:

Here Jesus, U het aan ons ’n nuwe gebod gegee, wat eintlik nog altyd daar was. Dit was hoe U mense eintlik gemaak het om te wees. Jammer dat ons nie altyd die liefde wat U vir ons wys, wys aan ander mense nie. Dankie dat U deur U liefde in en deur ons, soveel meer kan doen as wat ons kan dink. Mag mense ook na ons kyk en besef hoe lief U ons het, hoe lief ons U het en hoe lief ons mekaar het. Tot U eer. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟭𝟲 – 🆆🅰🆃 🅸🆂 🅸🅽 🅹🅾🆄 🅽🅰🅰🅼 ? (Kliek hier vir die klankgreep)

Baie van ons het met geboorte al ’n naam gekry. Ons inligting moes ingevul word en gestuur word aan die Departement van Binnelandse Sake. Dáár was jou naam geregistreer en was ’n ID nommer aan jou toegeken. Jou ID nommer bestaan uit jou geboortedatum (6 syfers) en nog 7 ander syfers wat jou geslag (manlik of vroulik), Suid-Afrikaanse status en dan ’n nommer wat geldigheid bepaal bevat. Almal van ons moet een of ander tyd ons ID nommers leer ken, want jy moet dit oral gebruik om jouself te identifiseer en jou uniekheid te bevestig. Jou naam alleen kan nie bevestig dat jy is wie jy sê jy is nie, want daar is baie ander in slegs Suid-Afrika wat dalk jou naam het. Ek weet, byvoorbeeld, dat ek nie die enigste Christo Schoeman is in ons land nie.

Tog is ons name belangrik. Baie van ons het familiename as doopname ontvang om aan te dui waar ons vandaan kom en wie ons ouers en grootouers is/was. So was dit ook al in die Bybelse tyd gewees. Mense het name geërf by hul ouers en voorouers om aan te dui dat hulle geregtig is op erfporsies, grond, ens. Jou naam was belangrik en slegs as jy erg aangejaag het, was jou naam verander, sodat jy nie meer kon aanspraak maak op jou erfporsie nie. Vandaar dan ook die gesegde dat jy jou naam weggooi as jy droogmaak.

Maar wat is in jou naam? Sê dit wie jy is en watter tipe mens jy is? Of wat van jou ID nommer? Nee, nie een van die twee kan vir jou of vir ander mense sê wie jy is nie. Tog is daar baie in ’n naam en baie keer gaan jou naam jou vooruit. Soms, as gevolg van wat jou ouers gedoen het, oordeel mense sommer klaar of jy ’n goeie of slegte mens is – voordat hulle jou geleer ken het. Is dit dan nie wonderlik dat ek en jy ’n nuwe naam gekry het nie? Ken jy daardie naam?

Hoor wat het gebeur toe Saulus (Paulus soos ons hom ken) en Barnabas in Antiogië was:

“²⁵𝐻𝑖𝑒𝑟𝑛𝑎 ℎ𝑒𝑡 𝐵𝑎𝑟𝑛𝑎𝑏𝑎𝑠 𝑛𝑎 𝑇𝑎𝑟𝑠𝑢𝑠 𝑣𝑒𝑟𝑡𝑟𝑒𝑘 𝑜𝑚 𝑆𝑎𝑢𝑙𝑢𝑠 𝑜𝑝 𝑡𝑒 𝑠𝑜𝑒𝑘. ²⁶𝐻𝑦 ℎ𝑒𝑡 ℎ𝑜𝑚 𝑜𝑝𝑔𝑒𝑠𝑝𝑜𝑜𝑟 𝑒𝑛 ℎ𝑜𝑚 𝑛𝑎 𝐴𝑛𝑡𝑖𝑜𝑔𝑖𝑒̈ 𝑔𝑒𝑏𝑟𝑖𝑛𝑔. 𝐻𝑢𝑙𝑙𝑒 𝑤𝑎𝑠 '𝑛 ℎ𝑒𝑙𝑒 𝑗𝑎𝑎𝑟 𝑙𝑎𝑛𝑘 𝑠𝑎𝑎𝑚 𝑚𝑒𝑡 𝑑𝑖𝑒 𝑔𝑒𝑚𝑒𝑒𝑛𝑡𝑒 𝑒𝑛 ℎ𝑒𝑡 '𝑛 𝑎𝑎𝑛𝑠𝑖𝑒𝑛𝑙𝑖𝑘𝑒 𝑠𝑘𝑎𝑟𝑒 𝑜𝑛𝑑𝑒𝑟𝑟𝑖𝑔. 𝐼𝑛 𝐴𝑛𝑡𝑖𝑜𝑔𝑖𝑒̈ 𝑖𝑠 𝑑𝑖𝑒 𝑑𝑖𝑠𝑠𝑖𝑝𝑒𝑙𝑠 𝑣𝑖𝑟 𝑑𝑖𝑒 𝑒𝑒𝑟𝑠𝑡𝑒 𝑘𝑒𝑒𝑟 𝐶ℎ𝑟𝑖𝑠𝑡𝑒𝑛𝑒 𝑔𝑒𝑛𝑜𝑒𝑚.” – Handelinge 11:25-26 (AFR20)

Die dissipels – Jesus se volgelinge, die mense wat geleer het by Hom en gedoen het soos Hy geleer en beveel het – was Christene genoem. Noem jy jouself ’n Christen? Gewoonlik as ons daardie vraag hoor, is dit half aanvallend bedoel deesdae. Gewoonlik sal mense, veral as jy iets verkeerd doen, vir jou sê: “Hoe kan jy só iets doen? En dan noem jy jouself ’n Christen...”

Kyk, dit kan ons mos baie kwaad maak as iemand so iets vir ons sê. Ongelukkig, is dit ook die rede (of eerder verskoning) hoekom baie mense deesdae sê dat hulle nie aan ’n kerk behoort nie of nie betrokke is in ’n gemeente nie. Dis mos maklik om te sê: “Nee wat, kyk hoe maak die mense en dan noem hulle hulleself Christene!” Die hartseer hiervan, is dat baie mense eintlik reg is in wat hulle sê. Hulle is nie reg om net te beledig en nie reg te help en nie betrokke te wees nie, maar hulle is reg in wat hulle sê...

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

• Is jy ’n Christen? Is dit jou nuwe naam – al is dit nie op jou ID kaart of boekie nie? As dit jou nuwe naam is en jy weet dat jy geregtig is op jou erfporsie van God se Koninkryk en die ewige lewe, doen jy jou naam gestand? Doen jy die Naam bo alle name gestand? Gaan jou naam jou vooruit, of gooi jy ook soos baie Christene jou naam weg?

• Jy het die Naam om te wys Wie s’n jy is. Jy het die Naam om te leef soos Hy geleef het. Jou erfnaam moet jou vooruitgaan, nie jou geboortenaam nie.

𝕲𝖊𝖇𝖊𝖉:

Here Jesus, dankie dat ek U Naam kan dra. Vergewe my dat ek dit soms weggooi en deur die modder sleep. Help my om U Naam te eer met my lewe en mag U verheerlik word. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟭𝟰 – 🅾🅽🆂 🅱🅴🅻🅾🅽🅸🅽🅶. (Kliek hier vir die klankgreep)

Deur die eeue heen het die mens nog altyd gewonder of God werklik bestaan en, as Hy bestaan, of Hy regtig getrou is aan Sy Woord. Almal van hierdie mense – vandag nog – wil God meet aan wetenskaplike definisies, mensgemaakte formules. God beloof dan so baie in die Bybel, maar baie min mense kry waarvoor hulle vra en baie min sien hierdie wonderlike dinge...

As ons ook só begin dink en redeneer, sal ons in hierdie lewe bitter teleurgestel word. Soos gister genoem, is ons beloning aan die einde van die wedloop. Ons beloning is nie op hierdie aarde nie. Ons beloning kan nie met menslike logika en redenasies uitgeklaar word nie en ook nie gemeet word nie. Ons beloning is soveel groter as wat ons dink.

Vir die mens wat nie glo nie en vir die mens wat met té veel logika wil probeer om God te verduidelik, sal niks van hierdie dinge sin maak nie. Maar, vir die mens wat ’n persoonlike verhouding het met die enigste God van die heelal – ’n God bo menslike verstand en begrip – vir hierdie mens is die hoop opgesluit in die misterie van God. Vir die mens wat glo en wat ’n pad stap saam met God elke dag, word die heelal belowe. Alle koninkryke word belowe en heerskappy saam met die Koning van alle konings word belowe. Koningskap, as koningskind is ons voorland.

Klink dit dalk te goed om waar te wees? Natuurlik! Want in hierdie wêreld word sulke dinge mos nie net gegee nie. In hierdie wêreld kom alles met ’n prys. Maar vir die een wat glo, is hierdie prys betaal. Jesus Christus het die prys betaal en ons kry eendag, onverdiend, hierdie wonderlike beloning.

As jy glo in God, glo dat Jesus Christus die Here is, glo dat jy deur jou geloof gered word, glo dat jy uit genade alleen gered word, en glo dat jy leef tot eer van God, dan kan jy gerus ook glo wat God se Woord ons leer:

“²⁷𝐷𝑖𝑒 𝑘𝑜𝑛𝑖𝑛𝑔𝑠𝑘𝑎𝑝, 𝑑𝑖𝑒 ℎ𝑒𝑒𝑟𝑠𝑘𝑎𝑝𝑝𝑦 𝑒𝑛 𝑑𝑖𝑒 𝑔𝑟𝑜𝑜𝑡𝑠ℎ𝑒𝑖𝑑 𝑣𝑎𝑛 𝑑𝑖𝑒 𝑘𝑜𝑛𝑖𝑛𝑘𝑟𝑦𝑘𝑒 𝑜𝑛𝑑𝑒𝑟 𝑑𝑖𝑒 𝑔𝑎𝑛𝑠𝑒 ℎ𝑒𝑚𝑒𝑙 𝑤𝑜𝑟𝑑 𝑑𝑎𝑛 𝑔𝑒𝑔𝑒𝑒 𝑎𝑎𝑛 𝑑𝑖𝑒 𝑣𝑜𝑙𝑘 𝑣𝑎𝑛 𝑑𝑖𝑒 ℎ𝑒𝑖𝑙𝑖𝑔𝑒𝑠 𝑣𝑎𝑛 𝑑𝑖𝑒 𝐴𝑙𝑙𝑒𝑟ℎ𝑜𝑜𝑔𝑠𝑡𝑒. 𝑆𝑦 𝑘𝑜𝑛𝑖𝑛𝑘𝑟𝑦𝑘 𝑖𝑠 '𝑛 𝑒𝑤𝑖𝑔𝑒 𝑘𝑜𝑛𝑖𝑛𝑘𝑟𝑦𝑘, 𝑒𝑛 𝑎𝑙𝑙𝑒 𝑚𝑎𝑔𝑡𝑒 𝑠𝑎𝑙 𝐻𝑜𝑚 𝑑𝑖𝑒𝑛 𝑒𝑛 𝑎𝑎𝑛 𝐻𝑜𝑚 𝑔𝑒ℎ𝑜𝑜𝑟𝑠𝑎𝑎𝑚 𝑤𝑒𝑒𝑠.’” – Daniël 7:27 (AFR20)

En in Openbaring 11:17-18 (AFR20), wanneer die sewende trompet blaas, aanbid die vier-en-twintig ouderlinge God en sê:

““𝑂𝑛𝑠 𝑑𝑎𝑛𝑘 𝑈, 𝐻𝑒𝑟𝑒 𝐺𝑜𝑑, 𝐴𝑙𝑚𝑎𝑔𝑡𝑖𝑔, 𝑈 𝑤𝑎𝑡 𝑖𝑠 𝑒𝑛 𝑤𝑎𝑡 𝑤𝑎𝑠, 𝑜𝑚𝑑𝑎𝑡 𝑈 𝑢 𝑔𝑟𝑜𝑜𝑡 𝑚𝑎𝑔 𝑜𝑝𝑔𝑒𝑛𝑒𝑒𝑚 ℎ𝑒𝑡, 𝑒𝑛 𝑎𝑠 𝑘𝑜𝑛𝑖𝑛𝑔 ℎ𝑒𝑒𝑟𝑠. ¹⁸𝐷𝑖𝑒 𝑛𝑎𝑠𝑖𝑒𝑠 𝑤𝑎𝑠 𝑤𝑜𝑒𝑑𝑒𝑛𝑑, 𝑚𝑎𝑎𝑟 𝑢 𝑡𝑜𝑜𝑟𝑛 ℎ𝑒𝑡 𝑜𝑛𝑡𝑣𝑙𝑎𝑚, 𝑒𝑛 𝑑𝑖𝑒 𝑏𝑒𝑠𝑡𝑒𝑚𝑑𝑒 𝑡𝑦𝑑 ℎ𝑒𝑡 𝑎𝑎𝑛𝑔𝑒𝑏𝑟𝑒𝑒𝑘 𝑜𝑚 𝑢 𝑜𝑜𝑟𝑑𝑒𝑒𝑙 𝑜𝑜𝑟 𝑑𝑖𝑒 𝑑𝑜𝑜𝑖𝑒𝑠 𝑡𝑒 𝑣𝑒𝑙, 𝑒𝑛 𝑜𝑚 𝑢 𝑑𝑖𝑒𝑛𝑠𝑘𝑛𝑒𝑔𝑡𝑒, 𝑑𝑖𝑒 𝑝𝑟𝑜𝑓𝑒𝑡𝑒, 𝑒𝑛 𝑑𝑖𝑒 •ℎ𝑒𝑖𝑙𝑖𝑔𝑒𝑠, 𝑒𝑛 ℎ𝑢𝑙𝑙𝑒 𝑤𝑎𝑡 𝑜𝑛𝑡𝑠𝑎𝑔 ℎ𝑒𝑡 𝑣𝑖𝑟 𝑢 𝑁𝑎𝑎𝑚, 𝑘𝑙𝑒𝑖𝑛 𝑒𝑛 𝑔𝑟𝑜𝑜𝑡, 𝑡𝑒 𝑏𝑒𝑙𝑜𝑜𝑛, 𝑒𝑛 𝑜𝑚 𝑑𝑖𝑒 𝑣𝑒𝑟𝑛𝑖𝑒𝑡𝑖𝑔𝑒𝑟𝑠 𝑣𝑎𝑛 𝑑𝑖𝑒 𝑎𝑎𝑟𝑑𝑒 𝑡𝑒 𝑣𝑒𝑟𝑛𝑖𝑒𝑡𝑖𝑔.”

Ons beloning is groter en meer as wat hierdie aarde in al sy eeue van bestaan kon bymekaarmaak. En ons verdien dit nie. Maar God, oorvloedig in liefde en genade, skenk dit aan ons. Glo dit en leef waardig daarvan.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Word ek soms deur menslike logika en redenasies en allerhande slimpraatjies van mense beïnvloed om te twyfel oor wie God is en hoe groot Hy is? Twyfel ek soms ook oor die beloning wat op my wag?

𝕲𝖊𝖇𝖊𝖉:

Almagtige God en Vader, U is groter as wat ek kan verstaan en U liefde en genade vir my gaan my verstand te bowe. Ek kan amper nie glo dat U vir my ’n beloning só groot belowe nie. Jammer, dat ek amper nie glo nie. Skenk aan my gehoorsaamheid en geloof, sodat ek dit met my hele hart sal glo en só sal leef dat ek dit eendag by U sal ontvang. Ek loof en prys U vir U goedheid. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟭𝟯 – 🅷🅾🆄 🅹🅾🆄 🅾ë 🅾🅿 🅹🅴🆂🆄🆂 ! (Kliek hier vir die klankgreep)

As jy nog klein is word daar vir jou geleer dat wanneer jy ’n wedloop hardloop, moet jy slegs jou oë op die wenstreep hou. Jy moet nie dat jou aandag afgetrek word van jou doel nie – die wenstreep. As jy toelaat dat enigiets jou aandag aftrek, kan jy nie presteer soos jy moet nie en is die kanse goed dat jy nie sal wen nie.

Gelukkig vir ons, is die lewe nie ’n 100m of 200m wedloop nie. Ons hoef nie baie vinnig te hardloop om te wen nie. Die lewe is eerder soos ’n ultra-maraton – amper soos die Comrades. Jy moet aanhou oefen en oefen en jouself gekondisioneer kry, sodat jou liggaam dit kan maak om daardie 90km te voltooi. Elke persoon wat die wedloop suksesvol voltooi, kry ’n medalje en die eer om te kan sê dat jy een van baie min mense is wat die wedloop verower het.

Ek kyk gister op Facebook na een van my vriende wat ou foto’s opgelaai het van sy jonger dae toe hy nog baie aktief gedraf, gholf en muurbal gespeel het. Hy was fiks en het sport baie geniet. Dit is goeie herinneringe van wedlope wat suksesvol voltooi is en die medaljes wys die resultaat van harde werk. Ongelukkig het die lewe ander draaie geloop met hom en moet hy vandag staatmaak op twee kunsbene van die knieë af ondertoe. Alhoewel dit baie erg was vir hom en soms nogsteeds is, het hy egter gekies om nie ondergekry te word daardeur nie. Hy hardloop nie meer wedlope nie, maar hy het geleer om aan te pas. Hy speel nogsteeds rugby en krieket met sy kleinseun en doen soveel soos hy kan. Sy wedloop se formaat het verander.

Wanneer ons kla oor al die uitdagings en die lewe wat soms baie hard is teen ons, vergeet ons so gou van al die seëninge wat God so mildelik oor ons uitstort. Ons vergeet so gou dat die wedloop wat ons hier op aarde moet voltooi nie ’n naelloop is nie. Ons hoef nie eerste klaar te maak nie. Ons moet net seker maak dat ons wel by die eindstreep opdaag.

In Hebreërs 11 en 12 vertel die skrywer ons dat al die geloofshelde van die Bybel daar langs die veld staan en ons aanmoedig. Baie van hulle – eintlik meeste van hulle – het nie op aarde hul beloning ontvang nie. God se beloftes aan hulle was eers ná hul leeftyd op aarde vervul. Tog het hulle die vreugde daarvan beleef, toe hulle vir ewig by God opgeneem is. Hulle spandeer nou ’n ewigheid in die teenwoordigheid van die almagtige God. Vir húlle bestaan tyd nie meer nie en hulle het gesien en sien nogsteeds hoe God getrou is aan Sy Woord. Hoe het hulle dit reggekry om op aarde nie moed te verloor nie? Hulle oë was gefokus op Jesus, wat ook op ons wag by die eindstreep om ons te oorlaai met ons prys:

“¹𝑇𝑒𝑟𝑤𝑦𝑙 𝑜𝑛𝑠 𝑑𝑎𝑛 𝑠𝑜 '𝑛 𝑔𝑟𝑜𝑜𝑡 𝑠𝑘𝑎𝑟𝑒 𝑔𝑒𝑙𝑜𝑜𝑓𝑠𝑔𝑒𝑡𝑢𝑖𝑒𝑠 𝑟𝑜𝑛𝑑𝑜𝑚 𝑜𝑛𝑠 ℎ𝑒𝑡, 𝑙𝑎𝑎𝑡 𝑜𝑛𝑠 𝑒𝑙𝑘𝑒 𝑙𝑎𝑠 𝑣𝑎𝑛 𝑜𝑛𝑠 𝑎𝑓𝑔𝑜𝑜𝑖, 𝑜𝑜𝑘 𝑑𝑖𝑒 𝑠𝑜𝑛𝑑𝑒 𝑤𝑎𝑡 𝑜𝑛𝑠 𝑠𝑜 𝑚𝑎𝑘𝑙𝑖𝑘 𝑣𝑒𝑟𝑠𝑡𝑟𝑖𝑘, 𝑒𝑛 𝑙𝑎𝑎𝑡 𝑜𝑛𝑠 𝑑𝑖𝑒 𝑤𝑒𝑑𝑙𝑜𝑜𝑝 𝑤𝑎𝑡 𝑣𝑖𝑟 𝑜𝑛𝑠 𝑣𝑜𝑜𝑟𝑙𝑒̂, 𝑚𝑒𝑡 𝑣𝑜𝑙ℎ𝑎𝑟𝑑𝑖𝑛𝑔 ℎ𝑎𝑟𝑑𝑙𝑜𝑜𝑝, ²𝑑𝑖𝑒 𝑜𝑜𝑔 𝑔𝑒𝑣𝑒𝑠𝑡𝑖𝑔 𝑜𝑝 𝐽𝑒𝑠𝑢𝑠, 𝑑𝑖𝑒 𝐵𝑒𝑔𝑖𝑛 𝑒𝑛 𝑉𝑜𝑙𝑒𝑖𝑛𝑑𝑒𝑟 𝑣𝑎𝑛 𝑑𝑖𝑒 𝑔𝑒𝑙𝑜𝑜𝑓. 𝑇𝑒𝑟 𝑤𝑖𝑙𝑙𝑒 𝑣𝑎𝑛 𝑑𝑖𝑒 𝑣𝑟𝑒𝑢𝑔𝑑𝑒 𝑤𝑎𝑡 𝑣𝑖𝑟 𝐻𝑜𝑚 𝑖𝑛 𝑑𝑖𝑒 𝑣𝑜𝑜𝑟𝑢𝑖𝑡𝑠𝑖𝑔 𝑤𝑎𝑠, ℎ𝑒𝑡 𝐻𝑦 𝑑𝑖𝑒 𝑘𝑟𝑢𝑖𝑠 𝑣𝑒𝑟𝑑𝑢𝑢𝑟 𝑠𝑜𝑛𝑑𝑒𝑟 𝑜𝑚 𝑣𝑖𝑟 𝑑𝑖𝑒 𝑠𝑘𝑎𝑛𝑑𝑒 𝑑𝑎𝑎𝑟𝑣𝑎𝑛 𝑡𝑒𝑟𝑢𝑔 𝑡𝑒 𝑑𝑒𝑖𝑛𝑠, 𝑒𝑛 𝐻𝑦 𝑠𝑖𝑡 𝑛𝑜𝑢 𝑎𝑎𝑛 𝑑𝑖𝑒 𝑟𝑒𝑔𝑡𝑒𝑟𝑘𝑎𝑛𝑡 𝑣𝑎𝑛 𝑑𝑖𝑒 𝑡𝑟𝑜𝑜𝑛 𝑣𝑎𝑛 𝐺𝑜𝑑. ³𝐻𝑜𝑢 𝐻𝑜𝑚 𝑣𝑜𝑜𝑟 𝑜𝑒̈ 𝑤𝑎𝑡 𝑠𝑜 '𝑛 𝑣𝑦𝑎𝑛𝑑𝑖𝑔𝑒 𝑜𝑝𝑡𝑟𝑒𝑑𝑒 𝑣𝑎𝑛 𝑑𝑖𝑒 𝑠𝑜𝑛𝑑𝑎𝑎𝑟𝑠 𝑡𝑒𝑒𝑛 𝐻𝑜𝑚 𝑣𝑒𝑟𝑑𝑟𝑎 ℎ𝑒𝑡. 𝐷𝑎𝑛 𝑠𝑎𝑙 𝑗𝑢𝑙𝑙𝑒 𝑛𝑖𝑒 𝑔𝑒𝑒𝑠𝑡𝑒𝑙𝑖𝑘 𝑚𝑜𝑒𝑔 𝑤𝑜𝑟𝑑 𝑒𝑛 𝑢𝑖𝑡𝑠𝑎𝑘 𝑛𝑖𝑒.” – Hebreërs 12:1-3 (AFR83)

Jou wedloop het dalk ook verander, soos my vriend s’n. Dalk het jy bietjie uitgesak en is jy moeg. Kies om te volhard. Kies om aan te hou. Weet dat die prys op jou wag. Hou vas aan Jesus wat jou optel as jy val. Hy sál jou help.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Verloor ek maklik perspektief van hierdie wedloop van die lewe? Vergeet ek soms dat hierdie lewe en die uitdagings daarvan net tydelik is? Weet en glo ek werklik dat ek my prys gaan behaal aan die einde?

𝕲𝖊𝖇𝖊𝖉:

Here, in die woorde van Psalm 148 klink my loflied vandag. Die psalmdigter het alles opgenoem wat hy aan kon dink – elke ding moet U loof, want U het alles geskape en U goedertierenheid duur vir ewig. U is in beheer en U weet beter. Dankie dat ek kan lewe. Dankie dat ek kan deelneem aan hierdie wedloop. Dankie dat U, Here Jesus, vir my die prys behaal het en dat ek dit kan ontvang wanneer ek eendag by U is. Dankie dat ek nou met volharding hierdie wedloop kan hardloop en U kan dien. “𝐿𝑎𝑎𝑡 𝑎𝑙𝑚𝑎𝑙 (ℎ𝑢𝑙𝑙𝑒) 𝑑𝑖𝑒 𝑁𝑎𝑎𝑚 𝑣𝑎𝑛 𝑑𝑖𝑒 𝐻𝑒𝑟𝑒 𝑙𝑜𝑜𝑓, 𝑤𝑎𝑛𝑡 𝑠𝑦 𝑁𝑎𝑎𝑚 𝑎𝑙𝑙𝑒𝑒𝑛 𝑖𝑠 ℎ𝑜𝑜𝑔 𝑣𝑒𝑟ℎ𝑒𝑤𝑒; 𝑠𝑦 𝑙𝑢𝑖𝑠𝑡𝑒𝑟 𝑟𝑒𝑖𝑘 𝑜𝑜𝑟 𝑎𝑎𝑟𝑑𝑒 𝑒𝑛 ℎ𝑒𝑚𝑒𝑙.” (Ps. 148:13 AFR20). Amen

···ᶜᴶˢ··· ©

𝟮𝟬𝟮𝟮-𝟬𝟱-𝟭𝟮 – 🅳🅸🅴 🅱🅸🆃🆃🅴🆁🆂🅾🅴🆃 🅱🅾🅾🅳🆂🅺🅰🅿. (Kliek hier vir die klankgreep)

In beide Esegiël 3 en Openbaring 10 kry Esegiël en Johannes opdrag van die Here om ’n boodskap te neem na die mense. In beide gevalle neem die Here hulle weg in ’n visioen en in die visioen ontvang hulle ’n boekrol met die boodskap op. Maar hierdie boekrolle moet nie gelees word nie. Hulle moet hierdie boekrolle eet. Al twee vertel dat die boekrolle so soet soos heuning was in hulle monde, maar dat dit baie bitter geword het in die maag.

Het jy ook al iets geëet wat baie lekker is, maar later is jy spyt dat jy dit geëet het? Jy smul al te heerlik die een oomblik, maar wanneer jy klaar is, kom jy agter dat dit dalk nie so goeie idee was nie. Jou maag begin kramp en pyn en jy wens eintlik dat jy eerder nie die lekker kos geëet het nie.

Wanneer Esegiël en Johannes die boodskap kry wat hulle vir die mense moet bring, is hulle ook eers baie bly daaroor. Maar wanneer hulle besef wat die boodskap is, is hulle entoesiasme gedemp. Met die Evangelie gaan dit ook so. Die Evangelie is, per definisie, goeie nuus. Dit is lekker om goeie nuus aan mense te bring. Dit is goed om hierdie boodskap te verkondig en te weet dat dit redding bring aan ander mense. Maar ongelukkig is daar ook ’n ander kant van die Evangelie. Die ander kant gaan oor die mense wat nie die goeie nuus wil aanvaar nie.

God sê vir Esegiël dat hy die mense moet waarsku oor hulle sonde. Hy moet in gewone taal met hulle praat en hulle laat verstaan dat hulle hul moet bekeer. Nou kyk, dit is nie ’n maklike taak nie en dit is nogal ’n taak waarvan baie mense deesdae wegskram. Jy wil mos nou nie ongewild wees nie. Jy wil nie hê dat iemand nie van jou hou nie. Maar God sê aan Esegiël die volgende:

“¹⁷“𝑀𝑒𝑛𝑠𝑒𝑘𝑖𝑛𝑑, 𝑎𝑠 '𝑛 𝑤𝑎𝑔 𝑠𝑡𝑒𝑙 𝐸𝑘 𝑗𝑜𝑢 𝑎𝑎𝑛 𝑣𝑖𝑟 𝑑𝑖𝑒 ℎ𝑢𝑖𝑠 𝑣𝑎𝑛 𝐼𝑠𝑟𝑎𝑒𝑙. 𝑊𝑎𝑛𝑛𝑒𝑒𝑟 𝑗𝑦 𝑢𝑖𝑡 𝑚𝑦 𝑚𝑜𝑛𝑑 𝑤𝑜𝑜𝑟𝑑𝑒 ℎ𝑜𝑜𝑟, 𝑚𝑜𝑒𝑡 𝑗𝑦 ℎ𝑢𝑙𝑙𝑒 𝑛𝑎𝑚𝑒𝑛𝑠 𝑀𝑦 𝑤𝑎𝑎𝑟𝑠𝑘𝑢. ¹⁸𝑊𝑎𝑛𝑛𝑒𝑒𝑟 𝐸𝑘 𝑣𝑖𝑟 '𝑛 𝑔𝑜𝑑𝑑𝑒𝑙𝑜𝑠𝑒 𝑠𝑒̂ 𝑑𝑎𝑡 ℎ𝑦 𝑏𝑒𝑠𝑙𝑖𝑠 𝑠𝑎𝑙 𝑠𝑡𝑒𝑟𝑓, 𝑒𝑛 𝑗𝑦 𝑤𝑎𝑎𝑟𝑠𝑘𝑢 ℎ𝑜𝑚 𝑛𝑖𝑒, 𝑗𝑦 𝑝𝑟𝑎𝑎𝑡 𝑛𝑖𝑒 𝑜𝑚 𝑑𝑖𝑒 𝑔𝑜𝑑𝑑𝑒𝑙𝑜𝑠𝑒 𝑡𝑒 𝑤𝑎𝑎𝑟𝑠𝑘𝑢 𝑡𝑒𝑒𝑛 𝑠𝑦 𝑔𝑜𝑑𝑑𝑒𝑙𝑜𝑠𝑒 𝑙𝑒𝑤𝑒𝑛𝑠𝑤𝑦𝑠𝑒, 𝑠𝑜𝑑𝑎𝑡 ℎ𝑦 𝑘𝑎𝑛 𝑙𝑒𝑒𝑓 𝑛𝑖𝑒, 𝑠𝑎𝑙 ℎ𝑦, 𝑑𝑖𝑒 𝑔𝑜𝑑𝑑𝑒𝑙𝑜𝑠𝑒, 𝑠𝑡𝑒𝑟𝑓 𝑜𝑜𝑟 𝑠𝑦 𝑠𝑜𝑛𝑑𝑒𝑠𝑘𝑢𝑙𝑑; 𝑚𝑎𝑎𝑟 𝑠𝑦 𝑏𝑙𝑜𝑒𝑑 𝑠𝑎𝑙 𝐸𝑘 𝑣𝑎𝑛 𝑗𝑜𝑢 ℎ𝑎𝑛𝑑 𝑒𝑖𝑠. ¹⁹𝑀𝑎𝑎𝑟 𝑗𝑦, 𝑎𝑠 𝑗𝑦 '𝑛 𝑔𝑜𝑑𝑑𝑒𝑙𝑜𝑠𝑒 𝑤𝑎𝑎𝑟𝑠𝑘𝑢, 𝑒𝑛 ℎ𝑦 𝑏𝑒𝑘𝑒𝑒𝑟 ℎ𝑜𝑚 𝑛𝑖𝑒 𝑣𝑎𝑛 𝑠𝑦 𝑔𝑜𝑑𝑑𝑒𝑙𝑜𝑜𝑠ℎ𝑒𝑖𝑑 𝑒𝑛 𝑠𝑦 𝑔𝑜𝑑𝑑𝑒𝑙𝑜𝑠𝑒 𝑙𝑒𝑤𝑒𝑛𝑠𝑤𝑦𝑠𝑒 𝑛𝑖𝑒, 𝑠𝑎𝑙 ℎ𝑦 𝑑𝑒𝑢𝑟 𝑠𝑦 𝑠𝑜𝑛𝑑𝑒𝑠𝑘𝑢𝑙𝑑 𝑠𝑡𝑒𝑟𝑓, 𝑒𝑛 𝑗𝑦, 𝑗𝑦 ℎ𝑒𝑡 𝑑𝑎𝑛 𝑗𝑜𝑢 𝑒𝑖𝑒 𝑙𝑒𝑤𝑒 𝑔𝑒𝑟𝑒𝑑.” – Esegiël 3:17-19 (AFR20)

In die volgende verse verduidelik God dan dat hierdie ook geld vir die regverdige wat afgedwaal het. Sien die verkondiging van die Evangelie gaan nie net oor sending en evangelisasie aan die heidene en goddeloses nie – dit gaan ook veral oor die behoud en bekering van die sondaar. Die Evangelie is goeie nuus, ’n soete boodskap... vir dié wat wil luister. Maar vir dié wat weier om te luister en weier om terug te keer na God, is dit ’n bitter maagseer. As Christene, moet ons die Woord verkondig – die volle Woord. Ons moet ook praat en waarsku oor die oordeel wat vir seker sal kom vir diegene wat volhard in die sonde en nie wil bekeer nie.

Ja, om die Here te dien is nie altyd maanskyn en rose nie. Om gehoorsaam te wees aan God se opdrag, gaan veroorsaak dat baie mense nie van jou gaan hou nie. Maar om die wenstreep te haal en jou prys te ontvang, maak alles weer die moeite werd (Hebreërs 12). Deur gehoorsaam te wees, soos met Esegiël en Johannes, red jy jou eie lewe. Ons moet ook die boekrol eet – dit moet deel word van ons. Ons kan nie net herkou aan die soet nie. Dit is ’n bittersoet boodskap en vertel moet dit vertel word.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Skram ek soms weg van my verantwoordelikheid om mense te waarsku? Is ek bang vir die bitter van die Evangelie?

𝕲𝖊𝖇𝖊𝖉:

Here, ek weet dat om U te dien nie altyd maklik is nie en soms moet ek mense teregwys. Gee my die krag om vas te staan in my geloof en die moed om my eie lewe te red deur aan U gehoorsaam te bly. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟭𝟭 – 🅾🅾🆁🆅🅻🅾🅴🅳 🅾🅵 🆂🅺🅰🅰🆁🆂🆃🅴 ? (Kliek hier vir die klankgreep)

Hoe gereeld word jy wakker in die oggend en dink: “Ek wens ek kon nog ’n bietjie slaap?” Of iewers deur die dag wens jy dat jy nog meer tyd gehad het? Dalk meer energie? Meer geld? Meer geduld?

Ons lewe in ’n wêreld waar ons heeltyd ’n tekort aan iets ervaar. Dit word naderhand só erg, dat ons amper permanent in ’n toestand van skaarste is. Selfs as ons probeer om positief te wees en dink aan wat ons wel in oorvloed beleef of waarvan ons genoeg het, dan dink ons: “Ek het genoeg probleme. Ek het te veel skuld. Daar is ’n oorvloed van negatiewe dinge in my lewe”...

Ja, dit is nogal moeilik om positief te wees en genoeg energie te hê, as ons só dink. Tog weet ons dat God vir ons voorsien (Matt. 6:25-34) en dat ons eintlik oor niks bekommerd hoef te wees nie. Ons weet dat God se Gees in ons woon en dat ons tot soveel meer in staat is as wat ons dink, deur Hom wat ons krag gee (gister se oordenking en tekste). Ons weet dat ons eintlik genoeg het – dalk te veel – van goeie dinge in ons lewe, maar ons is so geneig om te kla oor dinge, dat ons naderhand begin glo dat ons soveel kort.

Weet jy wat? Jy sal nooit genoeg tyd hê nie. Jy sal nooit genoeg geduld hê nie. Jy sal nooit genoeg geld hê nie... As ons aanhou om onsself, ons waarde en ons identiteit te meet aan wêreldse standaarde, sal ons altyd iets kortkom. Ons sal uiteindelik ook besef dat ons nie genoeg lewe het nie. So, hoe maak ons dit reg? Hoe verander ons ons siening? Ons gaan na die Bron van die lewe:

“³⁷𝐸𝑛 𝑜𝑝 𝑑𝑖𝑒 𝑙𝑎𝑎𝑠𝑡𝑒 𝑑𝑎𝑔, 𝑑𝑖𝑒 𝑔𝑟𝑜𝑜𝑡 𝑑𝑎𝑔 𝑣𝑎𝑛 𝑑𝑖𝑒 𝑓𝑒𝑒𝑠, ℎ𝑒𝑡 𝐽𝑒𝑠𝑢𝑠 𝑔𝑎𝑎𝑛 𝑠𝑡𝑎𝑎𝑛 𝑒𝑛 𝑢𝑖𝑡𝑔𝑒𝑟𝑜𝑒𝑝: “𝐴𝑠 𝑖𝑒𝑚𝑎𝑛𝑑 𝑑𝑜𝑟𝑠 ℎ𝑒𝑡, 𝑙𝑎𝑎𝑡 ℎ𝑦 𝑛𝑎 𝑀𝑦 𝑘𝑜𝑚, 𝑒𝑛 𝑑𝑟𝑖𝑛𝑘! ³⁸𝐻𝑦 𝑤𝑎𝑡 𝑖𝑛 𝑀𝑦 𝑔𝑙𝑜, 𝑠𝑜𝑜𝑠 𝑤𝑎𝑡 𝑑𝑖𝑒 𝑆𝑘𝑟𝑖𝑓 𝑠𝑒̂, ‘𝑆𝑡𝑟𝑜𝑚𝑒 𝑙𝑒𝑤𝑒𝑛𝑑𝑒 𝑤𝑎𝑡𝑒𝑟 𝑠𝑎𝑙 𝑢𝑖𝑡 𝑠𝑦 𝑏𝑖𝑛𝑛𝑒𝑠𝑡𝑒 𝑣𝑙𝑜𝑒𝑖.’ ” ³⁹𝐷𝑖𝑡 ℎ𝑒𝑡 𝐻𝑦 𝑣𝑎𝑛 𝑑𝑖𝑒 𝐺𝑒𝑒𝑠 𝑔𝑒𝑠𝑒̂ 𝑤𝑎𝑡 𝑑𝑖𝑒́ 𝑤𝑎𝑡 𝑖𝑛 𝐻𝑜𝑚 𝑔𝑙𝑜, 𝑠𝑜𝑢 𝑜𝑛𝑡𝑣𝑎𝑛𝑔.” – Johannes 7:37-39a (AFR20)

Het jy oorvloed of tekort in jou lewe? Hoe sien jy alles? Is jy heeltyd moeg? Is jy heeltyd gefrustreerd? Is jy ontevrede met hoe jy lyk, hoe jy voel, hoeveel jy het? As jy aanhou streef om meer te hê, sal jy nooit genoeg kry nie – jy sal altyd ’n tekort aan alles hê. Gaan eerder na die Bron van die lewende water. Drink en drink soveel soos jy wil, want daar is ’n oneindige voorraad beskikbaar en dis gratis! Jy sal soveel oorvloed beleef in jou binneste, dat dit sal vloei na buite.

Ons dink altyd dat ons tevrede sal wees as ons genoeg het van iets – hetsy slaap, tyd, geld of wat ook al. Maar ware tevredenheid en vergenoegdheid, kom vanuit ons dankbaarheid vir alles wat ons in oorvloed ontvang van die Here. Die feit dat jy kan opstaan in die oggend, kan eet, kan slaap, kan werk, kan praat, kan sien, kan hoor, kan liefhê, kan liefde ontvang... dit alles beteken oorvloed. God se genade en liefde is oral om jou. Hou op kla. God is vir jou genoeg.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Is my perspektief oor my lewe dalk verkeerd? Besef ek dat God vooruitloop en weet wat ek nodig het? Is ek dankbaar? Is ek tevrede?

𝕲𝖊𝖇𝖊𝖉:

Baie dankie hemelse Vader, U sorg vir my en dit is genoeg. Ek kla maklik Here. Vergewe my daarvoor en help my om vanuit ’n ander perspektief die lewe te ervaar. Help my om elke klagte dadelik om te swaai in lof en eer aan U. Dankie dat ek die lewe in oorvloed kan kry by U, Here Jesus. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟭𝟬 – 🅳🅾🅴🅽 🆆🅾🅽🅳🅴🆁🆆🅴🆁🅺🅴 ! (Kliek hier vir die klankgreep)

Ons lees in die vier evangelies van Matteus, Markus, Lukas en Johannes hoe Jesus verskeie wonderwerke gedoen het. Hierdie was bonatuurlike handelinge – dinge wat menslike logika en verstaan nie kan verduidelik nie. As dit vandag sou gebeur, sou dit nogsteeds só wees. Tog lees ek net nou die dag van ’n vooraanstaande teoloog wat beweer dat hierdie slegs wondertekens was en nie wonderwerke nie. Met ander woorde, hy beweer dat ’n mens slegs moet kyk na die betekenis van die boodskap gepaard met die teken... Ek stem nie saam daarmee nie. Jesus het wonderwerke verrig en dit gebeur vandag nog!

Selfs na Jesus se opstanding, het die apostels ook in Sy Naam heelwat wonderwerke verrig waar genoegsame getuienis daaroor gelewer is en opgeteken is. In Handelinge 9:32-35 word daar berig hoe Petrus ’n man met die naam Eneas wat vir 8 jaar bedlêend en verlam was genees het. Hoe het hy dit gedoen?

“³⁴𝑃𝑒𝑡𝑟𝑢𝑠 ℎ𝑒𝑡 𝑣𝑖𝑟 ℎ𝑜𝑚 𝑔𝑒𝑠𝑒̂: “𝐸𝑛𝑒𝑎𝑠, 𝐽𝑒𝑠𝑢𝑠 𝐶ℎ𝑟𝑖𝑠𝑡𝑢𝑠 𝑚𝑎𝑎𝑘 𝑗𝑜𝑢 𝑔𝑒𝑠𝑜𝑛𝑑. 𝑆𝑡𝑎𝑎𝑛 𝑜𝑝 𝑒𝑛 𝑚𝑎𝑎𝑘 𝑗𝑜𝑢 𝑏𝑒𝑑 𝑜𝑝!” 𝐸𝑛 ℎ𝑦 ℎ𝑒𝑡 𝑑𝑎𝑑𝑒𝑙𝑖𝑘 𝑜𝑝𝑔𝑒𝑠𝑡𝑎𝑎𝑛. ³⁵𝐴𝑙 𝑑𝑖𝑒 𝑖𝑛𝑤𝑜𝑛𝑒𝑟𝑠 𝑣𝑎𝑛 𝐿𝑖𝑑𝑑𝑎 𝑒𝑛 𝑆𝑎𝑟𝑜𝑛 ℎ𝑒𝑡 ℎ𝑜𝑚 𝑔𝑒𝑠𝑖𝑒𝑛, 𝑒𝑛 ℎ𝑢𝑙𝑙𝑒 𝑡𝑜𝑡 𝑑𝑖𝑒 𝐻𝑒𝑟𝑒 𝑔𝑒𝑤𝑒𝑛𝑑.” - Handelinge 9:34-35 (AFR20)

Het jy opgelet? Petrus was nie so sterk en magtig nie. Hy het vir die man gesê: “Jesus Christus maak jou gesond.” Selfs na Jesus se hemelvaart, het Hy nogsteeds wonderwerke verrig. Toe Jesus opgevaar het hemel toe, het Hy ons nie alleen gelaat nie. Hy Sy Heilige Gees vir ons gegee. In Efesiërs 1:19-20 bid Paulus vir die gemeente en herinner hulle dat hulle moet besef dat hulle krag ontvang met die Heilige Gees. Hy sê vir hulle: “𝐷𝑖𝑡 𝑖𝑠 𝑑𝑖𝑒𝑠𝑒𝑙𝑓𝑑𝑒 𝑘𝑟𝑎𝑔𝑡𝑖𝑔𝑒 𝑤𝑒𝑟𝑘𝑖𝑛𝑔 𝑣𝑎𝑛 𝑠𝑦 𝑚𝑎𝑔 ²⁰𝑤𝑎𝑡 𝐻𝑦 𝑢𝑖𝑡𝑔𝑒𝑜𝑒𝑓𝑒𝑛 ℎ𝑒𝑡 𝑡𝑜𝑒 𝐻𝑦 𝐶ℎ𝑟𝑖𝑠𝑡𝑢𝑠 𝑢𝑖𝑡 𝑑𝑖𝑒 𝑑𝑜𝑜𝑑 𝑜𝑝𝑔𝑒𝑤𝑒𝑘 𝑒𝑛 𝐻𝑜𝑚 𝑖𝑛 𝑑𝑖𝑒 ℎ𝑒𝑚𝑒𝑙 𝑎𝑎𝑛 𝑠𝑦 𝑟𝑒𝑔𝑡𝑒𝑟ℎ𝑎𝑛𝑑 𝑙𝑎𝑎𝑡 𝑠𝑖𝑡 ℎ𝑒𝑡...” (Ef. 1:19b-20 AFR20)

Baie van ons dink dat wonderwerke nie meer gebeur vandag nie. Ons verwag hierdie groot bonatuurlike en onnatuurlike dinge om te gebeur. Ons twyfel ook in onsself – veral as ons kyk na die wonderwerke wat Jesus verrig het en ook dié van die vroeë apostels. Maar weet jy wat? Wonderwerke gebeur elke dag. Dit gebeur in die man of vrou wat opstaan uit die bed, nadat hulle gisteraand gaan slaap het onder erge depressie en nie kans gesien het vir die volgende dag nie; dit gebeur in die kind wat weer met sy/haar ouers praat en erken dat hy/sy ’n fout gemaak het; dit gebeur in die mens wat lank gesoek het vir werk en werk vind – al is dit nie die werk wat hy/sy wou hê nie; dit gebeur in die vriendelike woord wat gespreek word aan die boelie; dit gebeur in die opflikkering van ’n terminaal siek mens, sodat hulle familie kan groet; dit gebeur in die wete dat Jesus Christus Sy lewe vir jou en my gegee het.

Dieselfde krag wat Jesus uit die dood opgewek het, dieselfde Heilige Gees, is in jou en my. Ons kan ook vir mense bid. Ons kan ook met mense praat. En ons kan ook dat Jesus wonderwerke verrig in mense se lewens. Al wat ons moet doen, is glo. Ons moet glo en ons moet daar wees om te dien.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Dink ek soms te klein oor Jesus se wonderwerke en oor wie Hy is? Twyfel ek oor die krag van die Heilige Gees in my?

𝕲𝖊𝖇𝖊𝖉:

Dankie Here Jesus, dat U soveel wonderwerke verrig het op aarde. Dankie dat ek kan weet U is God. Dankie dat U nooit opgehou het om wonderwerke te verrig nie. Doen asseblief ook wonderwerke deur my. Laat ek daar wees vir mense, soos U was en nou nog is. Klein, groot, sigbaar of nie – mag U mag en krag regeer in my lewe en ook gesien en gevoel word in die mense wat ek die voorreg het om te dien in my lewe. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟬𝟵 – 🅳🅾🅾🅸🅴 🅱🅴🅴🅽🅳🅴🆁🅴 🆆🅰🆃 🅻🅴🆆🅴 ! (Kliek hier vir die klankgreep)

In Esegiël 37 bring die Here vir Esegiël in ’n laagte wat verstrooi is van beendere. Dit is alles oorblyfsels van mense wat geleef het en God vra vir Esegiël: “𝑀𝑒𝑛𝑠𝑒𝑘𝑖𝑛𝑑, 𝑘𝑎𝑛 ℎ𝑖𝑒𝑟𝑑𝑖𝑒 𝑏𝑒𝑒𝑛𝑑𝑒𝑟𝑒 𝑙𝑒𝑒𝑓?” Esegiël antwoord: “𝑀𝑦 𝐻𝑒𝑒𝑟, 𝐻𝑒𝑟𝑒, 𝑛𝑒𝑡 𝑈 𝑤𝑒𝑒𝑡 𝑑𝑖𝑡.” (Eseg. 37:3 AFR20).

Ons weet, as iets dood is – veral so lankal dood soos hierdie beendere – kan daar nie weer lewe daarin kom nie. Maar God sê vir Esegiël om oor die beendere te profeteer en om vir hulle te sê: “𝑉𝑒𝑟𝑑𝑟𝑜𝑜𝑔𝑑𝑒 𝑏𝑒𝑒𝑛𝑑𝑒𝑟𝑒, 𝑙𝑢𝑖𝑠𝑡𝑒𝑟 𝑛𝑎 𝑑𝑖𝑒 𝑤𝑜𝑜𝑟𝑑 𝑣𝑎𝑛 𝑑𝑖𝑒 𝐻𝑒𝑟𝑒. ⁵𝑆𝑜 𝑠𝑒̂ 𝑚𝑦 𝐻𝑒𝑒𝑟, 𝑑𝑖𝑒 𝐻𝑒𝑟𝑒 𝑣𝑖𝑟 ℎ𝑖𝑒𝑟𝑑𝑖𝑒 𝑏𝑒𝑒𝑛𝑑𝑒𝑟𝑒: “𝐾𝑦𝑘, 𝐸𝑘 𝑔𝑎𝑎𝑛 𝑔𝑒𝑒𝑠 𝑖𝑛 𝑗𝑢𝑙𝑙𝑒 𝑙𝑎𝑎𝑡 𝑘𝑜𝑚, 𝑒𝑛 𝑗𝑢𝑙𝑙𝑒 𝑠𝑎𝑙 𝑙𝑒𝑒𝑓. ⁶𝐸𝑘 𝑠𝑎𝑙 𝑠𝑒𝑛𝑖𝑛𝑔𝑠 𝑎𝑎𝑛 𝑗𝑢𝑙𝑙𝑒 ℎ𝑒𝑔, 𝑣𝑙𝑒𝑖𝑠 𝑎𝑎𝑛 𝑗𝑢𝑙𝑙𝑒 𝑠𝑖𝑡, 𝑣𝑒𝑙 𝑜𝑜𝑟 𝑗𝑢𝑙𝑙𝑒 𝑡𝑟𝑒𝑘, 𝑎𝑠𝑒𝑚 𝑖𝑛 𝑗𝑢𝑙𝑙𝑒 𝑔𝑒𝑒, 𝑠𝑜𝑑𝑎𝑡 𝑗𝑢𝑙𝑙𝑒 𝑘𝑎𝑛 𝑙𝑒𝑒𝑓. 𝐷𝑎𝑛 𝑠𝑎𝑙 𝑗𝑢𝑙𝑙𝑒 𝑏𝑒𝑠𝑒𝑓 𝑑𝑎𝑡 𝐸𝑘 𝑑𝑖𝑒 𝐻𝑒𝑟𝑒 𝑖𝑠.” (Eseg. 37:4-6 AFR20).

Nadat Esegiël dan hierdie woorde aan die beendere geprofeteer het, het daar sowaar begin lewe kom in die dooie beendere. Senings en vleis het ontstaan en dit het weer begin lewe. Hierdie dinge wat God vir Esegiël gewys het, was om hom voor te berei op die nuwe lewe wat Hy weer aan Israel sal skenk.

In Efesiërs 2 skryf Paulus dat ons voorheen dood was as gevolg van ons oortredings en sondes wat ons lewens gekenmerk het. Maar dan herinner hy ons dat ons deur Jesus Christus nuwe lewe gekry het. Hierdie nuwe lewe is ’n lewe wat vir ewig duur en nie deur die dood van hierdie wêreld ooit oorwin sal word nie. Daarom moet ons ook hierdie nuwe lewe gebruik en ons lewens wy aan die goeie werke waarvoor ons in Jesus Christus bestem is. (Ef. 2:1-10)

Is dit darem nie die wonderlikste nuus wat jy al gehoor het nie?! Jy was dood. Sonde se uiteinde is die dood en voordat jy jou hart vir Jesus gegee het, was jy bestem vir die ewige dood. Maar nou, noudat jy vir Jesus lewe, kan jy leef. Nou kan jy goed doen. Nou kan jy jubel en bly wees. Nou kan ons saam met Psalm 100 juig:

(¹'𝑛 𝑃𝑠𝑎𝑙𝑚. 𝑉𝑖𝑟 𝑙𝑜𝑓𝑝𝑟𝑦𝑠𝑖𝑛𝑔.)

𝐽𝑢𝑖𝑔 𝑡𝑜𝑡 𝑒𝑒𝑟 𝑣𝑎𝑛 𝑑𝑖𝑒 𝐻𝑒𝑟𝑒, 𝑜 𝑔𝑎𝑛𝑠𝑒 𝑎𝑎𝑟𝑑𝑒!

²𝐷𝑖𝑒𝑛 𝑑𝑖𝑒 𝐻𝑒𝑟𝑒 𝑚𝑒𝑡 𝑏𝑙𝑦𝑑𝑠𝑘𝑎𝑝,

𝑘𝑜𝑚 𝑖𝑛 𝑠𝑦 𝑡𝑒𝑒𝑛𝑤𝑜𝑜𝑟𝑑𝑖𝑔ℎ𝑒𝑖𝑑

𝑚𝑒𝑡 '𝑛 𝑔𝑒𝑗𝑢𝑏𝑒𝑙.

³𝐸𝑟𝑘𝑒𝑛 𝑑𝑎𝑡 𝑑𝑖𝑒 𝐻𝑒𝑟𝑒 𝐺𝑜𝑑 𝑖𝑠;

𝐻𝑦 ℎ𝑒𝑡 𝑜𝑛𝑠 𝑔𝑒𝑚𝑎𝑎𝑘;

𝑎𝑎𝑛 𝐻𝑜𝑚 𝑏𝑒ℎ𝑜𝑜𝑟𝑡 𝑜𝑛𝑠,

𝑠𝑦 𝑣𝑜𝑙𝑘, 𝑑𝑖𝑒 𝑘𝑙𝑒𝑖𝑛𝑣𝑒𝑒 𝑤𝑎𝑡 𝐻𝑦 𝑙𝑎𝑎𝑡 𝑤𝑒𝑖.

⁴𝐺𝑎𝑎𝑛 𝑠𝑦 𝑝𝑜𝑜𝑟𝑡𝑒 𝑏𝑖𝑛𝑛𝑒 𝑚𝑒𝑡 𝑙𝑜𝑓𝑝𝑟𝑦𝑠𝑖𝑛𝑔,

𝑠𝑦 𝑣𝑜𝑜𝑟ℎ𝑜𝑤𝑒 𝑚𝑒𝑡 '𝑛 𝑙𝑜𝑓𝑙𝑖𝑒𝑑;

𝑙𝑜𝑜𝑓 𝐻𝑜𝑚, 𝑝𝑟𝑦𝑠 𝑠𝑦 𝑁𝑎𝑎𝑚.

⁵𝑊𝑎𝑛𝑡 𝑑𝑖𝑒 𝐻𝑒𝑟𝑒 𝑖𝑠 𝑔𝑜𝑒𝑑,

𝑣𝑖𝑟 𝑒𝑤𝑖𝑔 𝑑𝑢𝑢𝑟 𝑠𝑦 𝑡𝑟𝑜𝑢𝑒 𝑙𝑖𝑒𝑓𝑑𝑒,

𝑣𝑎𝑛 𝑔𝑒𝑠𝑙𝑎𝑔 𝑡𝑜𝑡 𝑔𝑒𝑠𝑙𝑎𝑔 𝑠𝑦 𝑡𝑟𝑜𝑢.

– Psalm 100 (AFR20)

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Loof ek nog gereeld die Here? Jubel ek oor die nuwe lewe wat Hy in dooie beendere ingeblaas het deur Jesus se verdienste aan die kruis?

𝕲𝖊𝖇𝖊𝖉:

Here, my hart sing saam met Psalm 100. Dankie vir my nuwe lewe. Ek loof en prys U, want alle lof en eer kom U toe. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟬𝟳 – 🅹🆈 🅸🆂 🆂🅺🅰🆃🆁🆈🅺 ! (Kliek hier vir die klankgreep)

Het jy geweet dat jy God se Koninkryk ontvang? Dit is joune! Regtig! Hoor wat sê Jesus in Lukas 12:27-32 (AFR83):

“²⁷“𝐾𝑦𝑘 ℎ𝑜𝑒 𝑔𝑟𝑜𝑒𝑖 𝑑𝑖𝑒 𝑙𝑒𝑙𝑖𝑒𝑠: ℎ𝑢𝑙𝑙𝑒 𝑠𝑤𝑜𝑒𝑔 𝑛𝑖𝑒 𝑒𝑛 ℎ𝑢𝑙𝑙𝑒 𝑚𝑎𝑎𝑘 𝑛𝑖𝑒 𝑘𝑙𝑒𝑟𝑒 𝑛𝑖𝑒, 𝑚𝑎𝑎𝑟 𝐸𝑘 𝑠𝑒̂ 𝑣𝑖𝑟 𝑗𝑢𝑙𝑙𝑒: 𝑆𝑒𝑙𝑓𝑠 𝑆𝑎𝑙𝑜𝑚𝑜 𝑖𝑛 𝑎𝑙 𝑠𝑦 𝑝𝑟𝑎𝑔 𝑤𝑎𝑠 𝑛𝑖𝑒 𝑔𝑒𝑘𝑙𝑒𝑒 𝑠𝑜𝑜𝑠 𝑒𝑒𝑛 𝑣𝑎𝑛 ℎ𝑢𝑙𝑙𝑒 𝑛𝑖𝑒. ²⁸𝐴𝑠 𝐺𝑜𝑑 𝑑𝑖𝑒 𝑔𝑟𝑎𝑠 𝑣𝑎𝑛 𝑑𝑖𝑒 𝑣𝑒𝑙𝑑, 𝑤𝑎𝑡 𝑣𝑎𝑛𝑑𝑎𝑔 𝑛𝑜𝑔 𝑑𝑎𝑎𝑟 𝑖𝑠 𝑒𝑛 𝑚𝑜̂𝑟𝑒 𝑖𝑛 𝑑𝑖𝑒 𝑣𝑢𝑢𝑟 𝑔𝑒𝑔𝑜𝑜𝑖 𝑤𝑜𝑟𝑑, 𝑠𝑜́ 𝑚𝑜𝑜𝑖 𝑚𝑎𝑎𝑘, ℎ𝑜𝑒𝑣𝑒𝑒𝑙 𝑡𝑒 𝑚𝑒𝑒𝑟 𝑠𝑎𝑙 𝐻𝑦 𝑗𝑢𝑙𝑙𝑒 𝑣𝑒𝑟𝑠𝑜𝑟𝑔, 𝑗𝑢𝑙𝑙𝑒 𝑘𝑙𝑒𝑖𝑛𝑔𝑒𝑙𝑜𝑤𝑖𝑔𝑒𝑠! ²⁹𝐽𝑢𝑙𝑙𝑒 𝑚𝑜𝑒𝑡 𝑗𝑢𝑙𝑙𝑒 𝑜𝑜𝑘 𝑛𝑖𝑒 𝑔𝑒𝑑𝑢𝑟𝑖𝑔 𝑎𝑓𝑣𝑟𝑎 𝑤𝑎𝑡 𝑗𝑢𝑙𝑙𝑒 𝑔𝑎𝑎𝑛 𝑒𝑒𝑡 𝑜𝑓 𝑑𝑟𝑖𝑛𝑘 𝑛𝑖𝑒, 𝑒𝑛 𝑗𝑢𝑙𝑙𝑒 𝑚𝑜𝑒𝑛𝑖𝑒 𝑏𝑒𝑠𝑜𝑟𝑔 𝑤𝑒𝑒𝑠 𝑛𝑖𝑒. ³⁰𝐷𝑖𝑡 𝑖𝑠 𝑎𝑙𝑙𝑒𝑠 𝑑𝑖𝑛𝑔𝑒 𝑤𝑎𝑎𝑟𝑜𝑜𝑟 𝑑𝑖𝑒 𝑜𝑛𝑔𝑒𝑙𝑜𝑤𝑖𝑔𝑒𝑠 𝑖𝑛 𝑑𝑖𝑒 𝑤𝑒̂𝑟𝑒𝑙𝑑 𝑏𝑒𝑔𝑎𝑎𝑛 𝑖𝑠, 𝑚𝑎𝑎𝑟 𝑗𝑢𝑙𝑙𝑒 ℎ𝑒𝑡 '𝑛 𝑉𝑎𝑑𝑒𝑟 𝑤𝑎𝑡 𝑤𝑒𝑒𝑡 𝑑𝑎𝑡 𝑗𝑢𝑙𝑙𝑒 𝑑𝑖𝑡 𝑛𝑜𝑑𝑖𝑔 ℎ𝑒𝑡. ³¹𝐵𝑒𝑦𝑤𝑒𝑟 𝑗𝑢𝑙𝑙𝑒 𝑣𝑖𝑟 𝑠𝑦 𝑘𝑜𝑛𝑖𝑛𝑘𝑟𝑦𝑘, 𝑑𝑎𝑛 𝑠𝑎𝑙 𝐻𝑦 𝑗𝑢𝑙𝑙𝑒 𝑜𝑜𝑘 ℎ𝑖𝑒𝑟𝑑𝑖𝑒 𝑑𝑖𝑛𝑔𝑒 𝑔𝑒𝑒. ³²“𝑀𝑜𝑒𝑛𝑖𝑒 𝑏𝑎𝑛𝑔 𝑤𝑒𝑒𝑠 𝑛𝑖𝑒, 𝑘𝑙𝑒𝑖𝑛 𝑘𝑢𝑑𝑑𝑒𝑡𝑗𝑖𝑒, 𝑤𝑎𝑛𝑡 𝑑𝑖𝑡 𝑤𝑎𝑠 𝑑𝑖𝑒 𝑤𝑖𝑙 𝑣𝑎𝑛 𝑗𝑢𝑙𝑙𝑒 𝑉𝑎𝑑𝑒𝑟 𝑜𝑚 𝑑𝑖𝑒 𝑘𝑜𝑛𝑖𝑛𝑘𝑟𝑦𝑘 𝑎𝑎𝑛 𝑗𝑢𝑙𝑙𝑒 𝑡𝑒 𝑔𝑒𝑒.”

Ek lees net gister ’n aanhaling van Corrie ten Boom wat gepraat het oor bekommernisse van die lewe. Sy het gesê: “𝘈𝘴 𝘫𝘺 𝘫𝘰𝘶 𝘣𝘦𝘬𝘰𝘮𝘮𝘦𝘳, 𝘥𝘳𝘢 𝘫𝘺 𝘮𝘰̂𝘳𝘦 𝘴𝘦 𝘷𝘳𝘢𝘨 𝘮𝘦𝘵 𝘷𝘢𝘯𝘥𝘢𝘨 𝘴𝘦 𝘬𝘳𝘢𝘨 – 𝘫𝘺 𝘥𝘳𝘢 𝘵𝘸𝘦𝘦 𝘥𝘢𝘦 𝘰𝘱 𝘦𝘦𝘯 𝘴𝘭𝘢𝘨. 𝘋𝘪𝘵 𝘪𝘴 𝘢𝘴𝘰𝘧 𝘫𝘺 𝘪𝘯 𝘥𝘪𝘦 𝘥𝘢𝘨 𝘷𝘢𝘯 𝘮𝘰̂𝘳𝘦 𝘪𝘯𝘣𝘦𝘸𝘦𝘦𝘨 𝘷𝘰𝘰𝘳 𝘴𝘺 𝘵𝘺𝘥. 𝘒𝘰𝘮𝘮𝘦𝘳 𝘯𝘦𝘦𝘮 𝘯𝘪𝘦 𝘮𝘰̂𝘳𝘦 𝘴𝘦 𝘩𝘢𝘳𝘵𝘴𝘦𝘦𝘳 𝘰𝘧 𝘢𝘯𝘨𝘴 𝘸𝘦𝘨 𝘯𝘪𝘦; 𝘥𝘪𝘵 𝘯𝘦𝘦𝘮 𝘷𝘢𝘯𝘥𝘢𝘨 𝘴𝘦 𝘬𝘳𝘢𝘨 𝘸𝘦𝘨.”

Dit is darem nou vir jou raakvat woorde, of hoe? Jesus vra juis ook in Lukas 12:25 (AFR20): “²⁵𝑊𝑖𝑒 𝑣𝑎𝑛 𝑗𝑢𝑙𝑙𝑒 𝑘𝑎𝑛, 𝑑𝑒𝑢𝑟 ℎ𝑜𝑚 𝑡𝑒 𝑏𝑒𝑘𝑜𝑚𝑚𝑒𝑟, 𝑒𝑒𝑛 𝑒𝑙 𝑏𝑦 𝑠𝑦 𝑙𝑒𝑤𝑒 𝑣𝑜𝑒𝑔?” Kyk, bekommernis is ongelukkig ’n menslike ding. Dit is nou maar eenmaal een van die dinge wat elkeen van ons een of ander tyd deurgaan. Ons raak bekommerd oor werk, gesondheid, iemand anders, ons kinders, ons ouers, die ekonomie, die misdaad in ons land, wat ons moet eet, wat ons moet aantrek, die toekoms, die verlede... as ons regtig probeer, kan ons bekommer raak oor enigiets – selfs oor bekommernis.

Jesus het geweet dat die mens, as gevolg van ons menslikheid, geneig is tot kleingelowigheid en twyfel. God herinner ons aanhoudend in Sy Woord dat Hy altyd met ons is. Hy herinner ons aanhoudend dat Hy God is – dat Hy groter is as enige uitdaging. God is vir ewig. Uitdagings is tydgebonde – dit sal verbygaan. Meeste dinge waaroor ons soms bekommerd is, is tydelik en eintlik nietig. God se Koninkryk is vir ewig en Jesus sê self dat die Vader dit aan ons gee.

Ons moet leer om, soos Romeine 12 ons leer, ons gedagtes te laat vernuwe deur God se Heilige Gees. Ons moet anders begin dink oor ons waardestelsel. Ons moet ons begin beywer vir God se Koninkryk, want ons besit dit alreeds. Dit is ’n Koninkryk wat vir ewig sal bestaan en een waarvan die waarde nie gemeet kan word nie. Dit is lewe – ewige lewe. Wat is dan nou meer werd as dit? Geen skatte op hierdie aarde kan opweeg daarteen nie. Al die geld in die wêreld is niks. Rykdom, soos ons dit verstaan, is arm.

Moet jou dus nie bekommer oor enigiets in hierdie wêreld nie – dit is klein en God is groter as alles. Wat bring die dag van môre? Ek weet nie en dit maak nie saak nie. Fokus op vandag. Fokus op God se Koninkryk. Dis joune. Dis waar jou skat lê. Dis waar jou waarde bepaal word. Jʏ ɪs sᴋᴀᴛʀʏᴋ!

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘:

Besef ek dat die Vader dit goedgedink het om Sy Koninkryk aan my te gee? Wat maak ek en my mede-gelowiges daarmee? Deel ons dit met ander?

𝕲𝖊𝖇𝖊𝖉:

Liewe God en hemelse Vader, ek bekommer my nog so maklik oor dinge. Ek weet dat U God is en dat U groter is as enigiets wat my krag steel. Help my en herinner my gedurig, deur U Gees wat in my woon, dat ek skatryk is. Ek is ’n Koningskind. Help my om nie sonde toe te laat in U Koninkryk nie, want dit veroorsaak kommer in my lewe en ook in die lewens van ander. Ek weet dat U vir my sorg en ek vertrou op U. Skenk genadiglik alles wat ek nodig het om U beter te dien. Amen

···ᶜᴶˢ··· ©

𝟮𝟬𝟮𝟮-𝟬𝟱-𝟬𝟲 – 🆆🅰🆃 🆆🅰🅻🅶 🅹🅾🆄 ? (Kliek hier vir die klankgreep)

Daar is deesdae baie dinge in die wêreld wat ’n mens sommer siek maak in jou binneste. Op TV is daar soveel geweld – sommer in gewone programme. Dit is asof die mens deur die media gekondisioneer word om gewoond te raak daaraan. Behalwe vir die geweld, is daar ook baie ander dinge wat al meer geleidelik half in ons keelgate gestop word as aanvaarbaar – dinge wat net so paar jaar gelede nog heeltemal taboe was. Dit is soos die brief aan die Romeine waarin Paulus herhaaldelik vir die mense probeer waarsku dat hulle nie aan die wêreld gelyk moet word nie.

As jy vandag met mense praat oor allerhande onderwerpe wat nog nooit in die kerk of in die wêreld toegelaat was nie, maar vandag aanvaarbaar geword het as “normaal”, kan jy amper nie glo hoe baie mense reeds van mening verander het daaroor nie. Dinge wat hulle voorheen gewalg het, is nou nie meer so sleg nie – solank dit hulle net nie direk raak nie. Seksuele perversiteit en afwykings, geweld en moord, bedrog, diefstal, laksheid, middelmatigheid, ag noem dit maar – mense is apaties daaroor... Solank dit hulle mos nie direk raak nie, is dit maar aanvaarbaar...

Maar wat sê God se Woord daaroor? God se Woord is van begin tot einde duidelik oor God se siening oor sonde. God haat die sonde. Dit word nooit goedgepraat nie. In Esegiël 20 praat God met die volk deur Esegiël en herinner hulle dan ook weer daaraan:

“³⁹ “ ‘ “𝐸𝑛 𝑗𝑢𝑙𝑙𝑒, ℎ𝑢𝑖𝑠 𝑣𝑎𝑛 𝐼𝑠𝑟𝑎𝑒𝑙,” 𝑠𝑜 𝑠𝑒̂ 𝑚𝑦 𝐻𝑒𝑒𝑟, 𝑑𝑖𝑒 𝐻𝑒𝑟𝑒, “𝑔𝑎𝑎𝑛 𝑑𝑖𝑒𝑛 𝑒𝑙𝑘𝑒𝑒𝑛 𝑣𝑎𝑛 𝑗𝑢𝑙𝑙𝑒 𝑠𝑦 𝑎𝑓𝑔𝑜𝑑𝑠𝑏𝑒𝑒𝑙𝑑𝑒! 𝑀𝑎𝑎𝑟 𝑑𝑎𝑎𝑟𝑛𝑎, 𝑎𝑠 𝑗𝑢𝑙𝑙𝑒 𝑛𝑖𝑒 𝑛𝑎 𝑀𝑦 𝑙𝑢𝑖𝑠𝑡𝑒𝑟 𝑛𝑖𝑒 ...! 𝑀𝑦 ℎ𝑒𝑖𝑙𝑖𝑔𝑒 𝑁𝑎𝑎𝑚 𝑠𝑎𝑙 𝑗𝑢𝑙𝑙𝑒 𝑛𝑖𝑒 𝑤𝑒𝑒𝑟 𝑜𝑛𝑡ℎ𝑒𝑖𝑙𝑖𝑔 𝑚𝑒𝑡 𝑗𝑢𝑙𝑙𝑒 𝑜𝑓𝑓𝑒𝑟𝑔𝑎𝑤𝑒𝑠 𝑒𝑛 𝑗𝑢𝑙𝑙𝑒 𝑎𝑓𝑔𝑜𝑑𝑠𝑏𝑒𝑒𝑙𝑑𝑒 𝑛𝑖𝑒! ⁴⁰𝑊𝑎𝑛𝑡 𝑜𝑝 𝑚𝑦 ℎ𝑒𝑖𝑙𝑖𝑔𝑒 𝑏𝑒𝑟𝑔, 𝑑𝑖𝑒 ℎ𝑜𝑒̈ 𝑏𝑒𝑟𝑔 𝑣𝑎𝑛 𝐼𝑠𝑟𝑎𝑒𝑙,” 𝑖𝑠 𝑑𝑖𝑒 𝑢𝑖𝑡𝑠𝑝𝑟𝑎𝑎𝑘 𝑣𝑎𝑛 𝑚𝑦 𝐻𝑒𝑒𝑟, 𝑑𝑖𝑒 𝐻𝑒𝑟𝑒, “𝑑𝑎𝑎𝑟 𝑠𝑎𝑙 𝑑𝑖𝑒 ℎ𝑒𝑙𝑒 ℎ𝑢𝑖𝑠 𝑣𝑎𝑛 𝐼𝑠𝑟𝑎𝑒𝑙 𝑀𝑦 𝑑𝑖𝑒𝑛, 𝑎𝑙𝑚𝑎𝑙 𝑖𝑛 𝑑𝑖𝑒 𝑙𝑎𝑛𝑑. 𝐷𝑎𝑎𝑟 𝑠𝑎𝑙 𝐸𝑘 ℎ𝑢𝑙𝑙𝑒 𝑎𝑎𝑛𝑣𝑎𝑎𝑟, 𝑒𝑛 𝑑𝑎𝑎𝑟 𝑠𝑎𝑙 𝐸𝑘 𝑗𝑢𝑙𝑙𝑒 •𝑤𝑦𝑑𝑖𝑛𝑔𝑠𝑔𝑒𝑠𝑘𝑒𝑛𝑘𝑒, 𝑑𝑖𝑒 𝑘𝑒𝑢𝑟 𝑣𝑎𝑛 𝑗𝑢𝑙𝑙𝑒 𝑔𝑎𝑤𝑒𝑠, 𝑠𝑎𝑎𝑚 𝑚𝑒𝑡 𝑎𝑙 𝑗𝑢𝑙𝑙𝑒 •ℎ𝑒𝑖𝑙𝑖𝑔𝑒 𝑔𝑎𝑤𝑒𝑠, 𝑒𝑖𝑠. ⁴¹𝐴𝑠 '𝑛 𝑔𝑒𝑢𝑟𝑖𝑔𝑒 𝑜𝑓𝑓𝑒𝑟 𝑠𝑎𝑙 𝐸𝑘 𝑗𝑢𝑙𝑙𝑒 𝑎𝑎𝑛𝑣𝑎𝑎𝑟 𝑤𝑎𝑛𝑛𝑒𝑒𝑟 𝐸𝑘 𝑗𝑢𝑙𝑙𝑒 𝑣𝑎𝑛 𝑑𝑖𝑒 𝑣𝑜𝑙𝑘𝑒 𝑎𝑓 𝑢𝑖𝑡𝑙𝑒𝑖, 𝑗𝑢𝑙𝑙𝑒 𝑏𝑦𝑒𝑒𝑛𝑏𝑟𝑖𝑛𝑔 𝑢𝑖𝑡 𝑑𝑖𝑒 𝑙𝑎𝑛𝑑𝑒 𝑤𝑎𝑎𝑟ℎ𝑒𝑒𝑛 𝑗𝑢𝑙𝑙𝑒 𝑣𝑒𝑟𝑠𝑝𝑟𝑒𝑖 𝑖𝑠. 𝐸𝑘 𝑠𝑎𝑙 𝑀𝑦 𝑑𝑒𝑢𝑟 𝑗𝑢𝑙𝑙𝑒 𝑎𝑠 𝑑𝑖𝑒 𝐻𝑒𝑖𝑙𝑖𝑔𝑒 𝑏𝑒𝑡𝑜𝑜𝑛 𝑣𝑜𝑜𝑟 𝑑𝑖𝑒 𝑜𝑒̈ 𝑣𝑎𝑛 𝑑𝑖𝑒 𝑛𝑎𝑠𝑖𝑒𝑠. ⁴²𝐽𝑢𝑙𝑙𝑒 𝑠𝑎𝑙 𝑏𝑒𝑠𝑒𝑓 𝑑𝑎𝑡 𝐸𝑘 𝑑𝑖𝑒 𝐻𝑒𝑟𝑒 𝑖𝑠 𝑤𝑎𝑛𝑛𝑒𝑒𝑟 𝐸𝑘 𝑗𝑢𝑙𝑙𝑒 𝑛𝑎 𝑑𝑖𝑒 𝑔𝑟𝑜𝑛𝑑 𝑣𝑎𝑛 𝐼𝑠𝑟𝑎𝑒𝑙 𝑏𝑟𝑖𝑛𝑔, 𝑛𝑎 𝑑𝑖𝑒 𝑙𝑎𝑛𝑑 𝑤𝑎𝑎𝑟𝑜𝑜𝑟 𝐸𝑘 𝑚𝑦 ℎ𝑎𝑛𝑑 𝑜𝑝𝑔𝑒ℎ𝑒𝑓 ℎ𝑒𝑡 𝑜𝑚 𝑑𝑖𝑡 𝑣𝑖𝑟 𝑗𝑢𝑙𝑙𝑒 𝑣𝑜𝑜𝑟𝑜𝑢𝑒𝑟𝑠 𝑡𝑒 𝑔𝑒𝑒. ⁴³𝐽𝑢𝑙𝑙𝑒 𝑠𝑎𝑙 𝑑𝑎𝑎𝑟 𝑡𝑒𝑟𝑢𝑔𝑑𝑖𝑛𝑘 𝑎𝑎𝑛 𝑗𝑢𝑙𝑙𝑒 𝑜𝑝𝑡𝑟𝑒𝑑𝑒, 𝑎𝑎𝑛 𝑎𝑙 𝑗𝑢𝑙𝑙𝑒 𝑑𝑎𝑑𝑒 𝑤𝑎𝑎𝑟𝑚𝑒𝑒 𝑗𝑢𝑙𝑙𝑒 𝑗𝑢𝑙𝑙𝑒𝑠𝑒𝑙𝑓 𝑣𝑒𝑟𝑜𝑛𝑡𝑟𝑒𝑖𝑛𝑖𝑔 ℎ𝑒𝑡. 𝐽𝑢𝑙𝑙𝑒 𝑠𝑎𝑙 𝑤𝑎𝑙𝑔 𝑣𝑎𝑛 𝑗𝑢𝑙𝑙𝑒𝑠𝑒𝑙𝑓, 𝑣𝑎𝑛 𝑎𝑙 𝑑𝑖𝑒 𝑏𝑜𝑜𝑠ℎ𝑒𝑑𝑒 𝑤𝑎𝑡 𝑗𝑢𝑙𝑙𝑒 𝑎𝑎𝑛𝑔𝑒𝑟𝑖𝑔 ℎ𝑒𝑡. ⁴⁴𝐽𝑢𝑙𝑙𝑒 𝑠𝑎𝑙 𝑏𝑒𝑠𝑒𝑓 𝑑𝑎𝑡 𝐸𝑘 𝑑𝑖𝑒 𝐻𝑒𝑟𝑒 𝑖𝑠 𝑤𝑎𝑛𝑛𝑒𝑒𝑟 𝐸𝑘 𝑚𝑒𝑡 𝑗𝑢𝑙𝑙𝑒 ℎ𝑎𝑛𝑑𝑒𝑙 𝑡𝑒𝑟 𝑤𝑖𝑙𝑙𝑒 𝑣𝑎𝑛 𝑚𝑦 𝑁𝑎𝑎𝑚, 𝑒𝑛 𝑛𝑖𝑒 𝑜𝑜𝑟𝑒𝑒𝑛𝑘𝑜𝑚𝑠𝑡𝑖𝑔 𝑗𝑢𝑙𝑙𝑒 𝑏𝑜𝑠𝑒 𝑜𝑝𝑡𝑟𝑒𝑑𝑒, 𝑗𝑢𝑙𝑙𝑒 𝑤𝑎𝑛𝑔𝑒𝑑𝑟𝑎𝑔 𝑛𝑖𝑒, ℎ𝑢𝑖𝑠 𝑣𝑎𝑛 𝐼𝑠𝑟𝑎𝑒𝑙.” 𝐷𝑖𝑡 𝑖𝑠 𝑑𝑖𝑒 𝑢𝑖𝑡𝑠𝑝𝑟𝑎𝑎𝑘 𝑣𝑎𝑛 𝑚𝑦 𝐻𝑒𝑒𝑟, 𝑑𝑖𝑒 𝐻𝑒𝑟𝑒.’ ”” – Esegiël 20:39-44 (AFR20)