Oordenkings
(20230501-20230531)

𝟐𝟎𝟐𝟑-𝟎𝟓-𝟑𝟏 – 𝐃𝐢𝐞 𝐨𝐟𝐟𝐞𝐫𝐬 𝐰𝐚𝐭 𝐨𝐧𝐬 𝐛𝐫𝐢𝐧𝐠. (Kliek hier vir die klankgreep)

Omdat ons God kan ken deur Jesus Christus wat mens geword het, en met die grootste offer ooit ons weer versoen het met die Vader, kan ons ook nou met vrymoedigheid na die Vader gaan.  Dit is nie meer nodig vir allerhande offers en spesifieke dade en rituele nie.  Jesus het dit alles reeds saamgevat in die offer aan die kruis.  Daarom dat Jesus sê in Matteus 22:40 AFR20 in die opsomming van die wet: “𝑂𝑝 ℎ𝑖𝑒𝑟𝑑𝑖𝑒 𝑡𝑤𝑒𝑒 𝑔𝑒𝑏𝑜𝑜𝑖𝑒 𝑏𝑒𝑟𝑢𝑠 𝑑𝑖𝑒 ℎ𝑒𝑙𝑒 𝑊𝑒𝑡 𝑒𝑛 𝑑𝑖𝑒 𝑃𝑟𝑜𝑓𝑒𝑡𝑒.”

Liefde vir God en liefde vir die mens.  Dit is wat Jesus aan die kruis bewys het.  Sy gehoorsaamheid en liefde vir die Vader het Hom oorgehaal om God se liefde vir die mensdom aan ’n kruis, met een finale offer te gee.  Daarom is Hy dan nou ook ons Hoëpriester vir ewig!  Hoor wat sê Hebreërs 7:21b-27 (AFR20):

““²¹... 𝐷𝑖𝑒 𝐻𝑒𝑟𝑒 ℎ𝑒𝑡 '𝑛 𝑒𝑒𝑑 𝑎𝑓𝑔𝑒𝑙𝑒̂, 𝑒𝑛 𝑑𝑖𝑡 𝑠𝑎𝑙 𝐻𝑜𝑚 𝑛𝑖𝑒 𝑏𝑒𝑟𝑜𝑢 𝑛𝑖𝑒: 𝐽𝑦 𝑖𝑠 𝑝𝑟𝑖𝑒𝑠𝑡𝑒𝑟 𝑣𝑖𝑟 𝑒𝑤𝑖𝑔.”

²²𝐷𝑎𝑎𝑟𝑣𝑜𝑙𝑔𝑒𝑛𝑠 ℎ𝑒𝑡 𝐽𝑒𝑠𝑢𝑠 𝑜𝑜𝑘 𝑏𝑜𝑟𝑔 𝑣𝑎𝑛 '𝑛 𝑏𝑒𝑡𝑒𝑟 𝑣𝑒𝑟𝑏𝑜𝑛𝑑 𝑔𝑒𝑤𝑜𝑟𝑑. ²³𝐵𝑜𝑜𝑛𝑜𝑝 𝑤𝑎𝑠 𝑑𝑎𝑎𝑟 𝑏𝑎𝑖𝑒 𝑎𝑛𝑑𝑒𝑟 𝑚𝑒𝑛𝑠𝑒 𝑤𝑎𝑡 𝑝𝑟𝑖𝑒𝑠𝑡𝑒𝑟𝑠 𝑔𝑒𝑤𝑜𝑟𝑑 ℎ𝑒𝑡, 𝑜𝑚𝑑𝑎𝑡 𝑑𝑖𝑒 𝑝𝑟𝑖𝑒𝑠𝑡𝑒𝑟𝑠 𝑑𝑒𝑢𝑟 𝑑𝑖𝑒 𝑑𝑜𝑜𝑑 𝑣𝑒𝑟ℎ𝑖𝑛𝑑𝑒𝑟 𝑖𝑠 𝑜𝑚 𝑎𝑎𝑛 𝑡𝑒 𝑏𝑙𝑦; ²⁴𝑚𝑎𝑎𝑟 𝑜𝑚𝑑𝑎𝑡 𝐻𝑦 𝑡𝑜𝑡 𝑖𝑛 𝑒𝑤𝑖𝑔ℎ𝑒𝑖𝑑 𝑏𝑙𝑦, 𝑏𝑒𝑠𝑖𝑡 𝐻𝑦 '𝑛 𝑝𝑟𝑖𝑒𝑠𝑡𝑒𝑟𝑠𝑘𝑎𝑝 𝑤𝑎𝑡 𝑛𝑖𝑒 𝑡𝑜𝑡 '𝑛 𝑒𝑖𝑛𝑑𝑒 𝑘𝑜𝑚 𝑛𝑖𝑒. ²⁵𝐷𝑖𝑡 𝑖𝑠 𝑤𝑎𝑎𝑟𝑜𝑚 𝐻𝑦 𝑜𝑜𝑘 𝑣𝑜𝑙𝑘𝑜𝑚𝑒 𝑖𝑛 𝑠𝑡𝑎𝑎𝑡 𝑖𝑠 𝑜𝑚 ℎ𝑢𝑙𝑙𝑒 𝑤𝑎𝑡 𝑑𝑒𝑢𝑟 𝐻𝑜𝑚 𝑛𝑎 𝐺𝑜𝑑 𝑡𝑜𝑒 𝑘𝑜𝑚, 𝑡𝑒 𝑣𝑒𝑟𝑙𝑜𝑠 – 𝑜𝑚𝑑𝑎𝑡 𝐻𝑦 𝑎𝑙𝑡𝑦𝑑 𝑙𝑒𝑒𝑓, 𝑜𝑚 𝑡𝑒𝑟 𝑤𝑖𝑙𝑙𝑒 𝑣𝑎𝑛 ℎ𝑢𝑙𝑙𝑒 𝑖𝑛 𝑡𝑒 𝑡𝑟𝑒𝑒.

²⁶𝑆𝑜 '𝑛 ℎ𝑜𝑒̈𝑝𝑟𝑖𝑒𝑠𝑡𝑒𝑟 𝑤𝑎𝑠 𝑜𝑜𝑘 𝑣𝑖𝑟 𝑜𝑛𝑠 𝑔𝑒𝑝𝑎𝑠: 𝑒𝑒𝑛 𝑤𝑎𝑡 ℎ𝑒𝑖𝑙𝑖𝑔, 𝑜𝑛𝑠𝑘𝑢𝑙𝑑𝑖𝑔, 𝑜𝑛𝑏𝑒𝑣𝑙𝑒𝑘, 𝑎𝑓𝑔𝑒𝑠𝑜𝑛𝑑𝑒𝑟 𝑣𝑎𝑛 𝑑𝑖𝑒 𝑠𝑜𝑛𝑑𝑎𝑎𝑟𝑠, 𝑒𝑛 ℎ𝑜𝑒̈𝑟 𝑎𝑠 𝑑𝑖𝑒 ℎ𝑒𝑚𝑒𝑙𝑒 𝑣𝑒𝑟ℎ𝑒𝑓 𝑖𝑠, ²⁷𝑤𝑎𝑡, 𝑎𝑛𝑑𝑒𝑟𝑠 𝑎𝑠 𝑑𝑖𝑒 ℎ𝑜𝑒̈𝑝𝑟𝑖𝑒𝑠𝑡𝑒𝑟𝑠, 𝑛𝑖𝑒 𝑒𝑙𝑘𝑒 𝑑𝑎𝑔 𝑛𝑜𝑑𝑖𝑔 ℎ𝑒𝑡 𝑜𝑚 𝑒𝑒𝑟𝑠 𝑡𝑒𝑟 𝑤𝑖𝑙𝑙𝑒 𝑣𝑎𝑛 ℎ𝑢𝑙𝑙𝑒 𝑒𝑖𝑒 𝑠𝑜𝑛𝑑𝑒𝑠 𝑜𝑓𝑓𝑒𝑟𝑠 𝑡𝑒 𝑏𝑟𝑖𝑛𝑔, 𝑒𝑛 𝑑𝑎𝑎𝑟𝑛𝑎 𝑣𝑖𝑟 𝑑𝑖𝑒 𝑣𝑜𝑙𝑘 𝑛𝑖𝑒. 𝑊𝑎𝑛𝑡 𝑑𝑖𝑡 ℎ𝑒𝑡 𝐻𝑦 𝑒𝑒𝑛𝑠 𝑒𝑛 𝑣𝑖𝑟 𝑎𝑙𝑡𝑦𝑑 𝑔𝑒𝑑𝑜𝑒𝑛 𝑡𝑜𝑒 𝐻𝑦 𝐻𝑜𝑚𝑠𝑒𝑙𝑓 𝑎𝑠 '𝑛 𝑜𝑓𝑓𝑒𝑟 𝑔𝑒𝑏𝑟𝑖𝑛𝑔 ℎ𝑒𝑡.”

Jesus is heeltemal anders as ander priesters.  Lees weer die gedeelte hierbo en kyk self hoekom...  Ja, Hy leef vir altyd, is reeds by die Vader, is heilig, onskuldig, onbevlek (vers 26).  Al offer wat ons kan bring in dankbaarheid, is ons lewens (Romeine 12).

Deur Jesus se lewe op aarde, kon ons God leer ken.  Met Jesus wat vir ewig ons Priester is by die Vader, tree Hy in vir ons soos geen ander kan nie, en met Sy Gees wat in ons woon kan ons God se hart elke dag nog beter ken.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Besef ek regtig wat dit beteken dat Jesus die finale offer vir my gebring het?  Omdat Hy reeds by die Vader is, vir my plek regmaak en intree as my Hoëpriester, leef ek só uit dankbaarheid, gehoorsaam aan Hom?

𝕲𝖊𝖇𝖊𝖉  :

Here Jesus, dankie dat U ons ewige Hoëpriester is.  Dankie dat U heilig, onskuldig, onbevlek, afgesonder van die sondaars, en hoër as die hemele verhef is.  Heilige Gees, lei my elke dag om U hart, o God, al beter te leer ken.  Help my om in dankbaarheid, gehoorsaam aan U Woord te leef.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟑𝟎 – 𝐊𝐲𝐤 𝐡𝐨𝐞 𝐨𝐮𝐥𝐢𝐤 𝐢𝐬 𝐞𝐤 ! (Kliek hier vir die klankgreep)

 “ ¹𝐷𝑖𝑒 𝐻𝑒𝑟𝑒 ℎ𝑒𝑡 '𝑛 𝑎𝑓𝑠𝑘𝑢 𝑣𝑎𝑛 '𝑛 𝑠𝑘𝑎𝑎𝑙 𝑤𝑎𝑡 𝑛𝑖𝑒 𝑟𝑒𝑔 𝑤𝑒𝑒𝑔 𝑛𝑖𝑒; 𝑛𝑒𝑡 𝑑𝑖𝑒 𝑟𝑒𝑔𝑡𝑒 𝑔𝑒𝑤𝑖𝑔 𝑑𝑟𝑎 𝑠𝑦 𝑔𝑜𝑒𝑑𝑘𝑒𝑢𝑟𝑖𝑛𝑔 𝑤𝑒𝑔. ²𝑆𝑒𝑙𝑓𝑣𝑒𝑟ℎ𝑒𝑓𝑓𝑖𝑛𝑔 𝑏𝑟𝑖𝑛𝑔 𝑣𝑒𝑟𝑛𝑒𝑑𝑒𝑟𝑖𝑛𝑔; 𝑤𝑖𝑒 𝑛𝑒𝑑𝑒𝑟𝑖𝑔 𝑖𝑠, ℎ𝑒𝑡 𝑤𝑦𝑠ℎ𝑒𝑖𝑑. ³𝐷𝑖𝑒 𝑜𝑝𝑟𝑒𝑔𝑡ℎ𝑒𝑖𝑑 𝑣𝑎𝑛 𝑒𝑒𝑟𝑙𝑖𝑘𝑒 𝑚𝑒𝑛𝑠𝑒 𝑏𝑒𝑝𝑎𝑎𝑙 ℎ𝑢𝑙𝑙𝑒 𝑘𝑜𝑒𝑟𝑠; 𝑑𝑖𝑒 𝑣𝑎𝑙𝑠ℎ𝑒𝑖𝑑 𝑣𝑎𝑛 𝑜𝑛𝑏𝑒𝑡𝑟𝑜𝑢𝑏𝑎𝑟𝑒𝑠 𝑏𝑟𝑖𝑛𝑔 ℎ𝑢𝑙𝑙𝑒 𝑜𝑛𝑑𝑒𝑟𝑔𝑎𝑛𝑔.” – Spreuke 11:1-3 (AFR83)

Trots, verwaandheid of selfverheffing is ’n moeilike ding om in ’n gesin of enige plek te beheer.  Ek meen, jy wil graag hê dat jou kind trots moet wees op die uitstekende punte wat hy of sy behaal, maar jy wil nie hê dat hulle met hul intelligensie begin spog in die klaskamer nie.  Die balans tussen gesonde selfvertroue en arrogansie is regtig moeilik.

Een van die beste maniere om jou kinders en jouself en ander hierdie balans te leer, is om onsself altyd te herinner aan hoe al ons talente en vermoëns van God af kom.  Lofprysinge kan maklik na ’n tiener se kop toe gaan.  Ons moet hulle en onsself laat onthou dat ons ons voete deeglik in daardie kennis moet plant om in hierdie gebied volwasse te word.

’n Ander manier vir ons om mekaar aan te spoor, is om in mekaar te glo, maar ons moet nie “óór-glo” of “óór-vertrou” nie.  Julle weet mos, baie ouers het die geneigdheid om vir hul kinders te laat glo dat hulle in alles ongelooflik goed kan presteer, as hulle net hard genoeg probeer.  Gewoonlik is hierdie tipe óór-vertroue onrealisties, en al wat dit doen, is om mense op te stel vir ’n harde “afkom aarde toe” wanneer hulle in die regte wêreld kom.

Dit is goed vir enigiemand om selfversekerd te wees in wie hulle is, en dit is goed om hierdie vertroue by jou kinders en geliefdes in te boesem.  Maar jy moet nooit vergeet dat jy, behalwe vir Christus in jou, niks kan doen nie.  Saam met Hom kan jy alles doen wat Hy wil hê jy moet doen, maar dan moet jy Hom die eer gee.

Onthou: Trots bou ongesonde arrogansie, terwyl vertroue ’n gesonde selfbeeld opbou.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Waar sien ek trots in my gesinslewe?  Hoe het ek al gesien hoe trots ander mense negatief beïnvloed?  Het ek en my kinders of geliefdes ’n gesonde selfvertroue?  Hoekom of hoekom nie?

𝕲𝖊𝖇𝖊𝖉  :

Here Jesus, ek weet ek kan niks doen sonder U nie.  Dankie vir al die gawes, talente en vermoëns wat U so genadiglik aan my skenk.  Help my om altyd te onthou dat dit van U af kom.  Help my om deur U Heilige Gees wat my lei, wonderlike dinge te doen tot U eer.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟐𝟕 – 𝐈𝐧 𝐝𝐢𝐞 𝐭𝐮𝐬𝐬𝐞𝐧𝐭𝐲𝐝. (Kliek hier vir die klankgreep)

Môre is dit Pinksterfees.  Ons het in die laaste 49 dae na Paasfees gewag hiervoor.  Dalk met bietjie frustrasie, dalk nie.  Wat ons wag anders as die dissipels s’n gemaak het, is dat ons reeds die “geskenk”, die belofte van die Vader ontvang het: “...𝑏𝑙𝑦 𝑤𝑎𝑔 𝑜𝑝 𝑑𝑖𝑒 𝑉𝑎𝑑𝑒𝑟 𝑠𝑒 𝑏𝑒𝑙𝑜𝑓𝑡𝑒 𝑤𝑎𝑡 𝑗𝑢𝑙𝑙𝑒 𝑣𝑎𝑛 𝑀𝑦 𝑔𝑒ℎ𝑜𝑜𝑟 ℎ𝑒𝑡.” (Handelinge 1:4b AFR20)

Jesus het gesterf, die dood oorwin, en voordat hy hemel toe is, het Hy vir die dissipels gesê om ’n onbepaalde tyd in Jerusalem te wag totdat ’n onbekende gebeurtenis sou plaasvind.  Hierdie ouens het alles neergelê om Jesus te volg.  En dan, ná Sy opstanding, toe hulle baie opgewonde was, het Jesus vir hulle gesê om te wag.  Stel jou voor hoe dit sal voel as jy beveel word om te wag wanneer, al wat jy regtig wil doen, is om wonderlike nuus aan die wêreld te gaan vertel.

Ek kan nogal baie aanklank vind hiermee...  Die van julle wat my ken, sal weet ek was nie altyd in die bediening nie.  Ek het eers vir 2 dekades IT werk gedoen in die korporatiewe wêreld.  En toe ek besluit dat ek gaan gehoorsaam en ek sal gaan, toe moet ek eers nog 6 jaar studeer.  Toe ek die wêreld wil verander, toe moet ek wag en eers myself verander. 

Waarom laat God ons dan so opgewonde raak om te doen wat Hy vra, en dan laat Hy ons wag, nadat ons die roeping gehoorsaam het?  Miskien is dit omdat ons iets meer as passie nodig het.  Miskien gebeur daar iets tussenin wat op geen ander tydstip gebeur nie.

Die Heilige Gees kon onmiddellik gekom het.  Pinkster kon gebeur het die oomblik toe die apostels in die bovertrek bymekaargekom het.  En tog het daar iets in die gewag gebeur.  Nee, nie by God nie.  God is nie stadig nie.  Dink maar ook aan Dawid of Josef; dit lyk vir my nogal asof daar iets gebeur binne die mense wat wag.

Ons wag, maar God... doen iets.  Miskien hoor ons Hom duideliker terwyl ons wag.  Ons soek hom vuriger in die vertragings.  Ons reageer makliker in die tussentyd.

Volgende keer, as jy daardie ongemaklike gevoel het, dalk  moet wag, of jou planne word op hulle kop gedraai, spandeer die tyd om met God praat.  Vra Hom om jou geduld te leer en jou te gebruik.  Luister dan na Sy stem en volg Sy leiding.

𝘎𝘦𝘭𝘪𝘦𝘧𝘥𝘦 𝘬𝘪𝘯𝘥 𝘷𝘢𝘯 𝘎𝘰𝘥, 𝘮𝘢𝘨 𝘫𝘺 𝘩𝘪𝘦𝘳𝘥𝘪𝘦 𝘗𝘪𝘯𝘬𝘴𝘵𝘦𝘳𝘧𝘦𝘦𝘴 𝘥𝘪𝘦 𝘎𝘦𝘦𝘴 𝘷𝘢𝘯 𝘎𝘰𝘥 𝘦𝘳𝘷𝘢𝘢𝘳 𝘪𝘯 𝘫𝘰𝘶, 𝘰𝘮 𝘫𝘰𝘶 𝘦𝘯 𝘰𝘳𝘢𝘭𝘰𝘰𝘳.  𝘔𝘢𝘨 𝘫𝘺 𝘚𝘺 𝘭𝘪𝘦𝘧𝘥𝘦 𝘥𝘦𝘦𝘭 𝘮𝘦𝘵 𝘥𝘪𝘦 𝘸𝘦̂𝘳𝘦𝘭𝘥 𝘦𝘯 ’𝘯 𝘷𝘦𝘳𝘴𝘬𝘪𝘭 𝘮𝘢𝘢𝘬 𝘸𝘢𝘵 𝘯𝘪𝘦𝘮𝘢𝘯𝘥 𝘨𝘦𝘥𝘪𝘯𝘬 𝘮𝘰𝘰𝘯𝘵𝘭𝘪𝘬 𝘪𝘴 𝘯𝘪𝘦.  𝘝𝘳𝘦𝘥𝘦 𝘷𝘪𝘳 𝘫𝘰𝘶!

···ᶜᴶˢ··· ©

𝟐𝟎𝟐𝟑-𝟎𝟓-𝟐𝟓 – 𝐒𝐮𝐩𝐞𝐫-𝐂𝐡𝐫𝐢𝐬𝐭𝐞𝐧𝐞 ! (Kliek hier vir die klankgreep)

Daar is blykbaar Super-Christene tussen ons.  Hulle lyk soos gewone mense, maar hulle het “superpowers.”  Baie van ons is dalk van hierdie Super-Christene...  Julle weet mos, dis daai kere wat jy sommer net so vir iemand op straat kyk en “woeps” – daar verander daardie persoon in ’n Christen.  Ons het mos skielik “super powers” as ons Christene word.

Dis mos maklik.  Die oomblik wat ons besluit om volgers van Jesus te word, is alles skielik makliker.  Wanneer Jesus ons dan opdrag gee om dissipels te gaan maak, dan is dit net so maklik...  Nee, glad nie!  Dis vrek moeilik. 

Ek dink elkeen van ons mis elke dag ten minste 9 uit 10 geleenthede om mense na Christus te lei.  Ja, 9 uit 10!  Hoekom?  Want ons is so min ingestel om dit te doen, dat ons die geleenthede nie eers raaksien nie.  Ons luister nie genoeg na daardie stil stem van die Heilige Gees in ons nie.

Die moeilikheid met die kerk en die wêreld deesdae, is dat mense te veel wil lyk soos Christene en te min wil doen wat Jesus ons beveel het.  Jesus beveel ons om te gaan na al die nasies en dissipels te maak van die mense, maar ons glo so in ons binneste dat dit nogsteeds eerder iemand anders se werk is.  Die opbou seisoen vat te lank en ons sien nie kans daarvoor nie.  Ons glo in die gebeure van daardie Pinksterdag omtrent 2000 jaar gelede...  ons weet dat die Heilige Gees werklik is, maar sjoe, dis darem baie werk wat wag...

Toe Jesus Sy dissipels geleer het, het Hy dikwels vir hulle geleer hoe hulle eendag alles sal regkry.  Die antwoord is eenvoudig.  Daar is nie Super-Christene nie, maar om ’n gewone Christen te wees, moet jy in Jesus bly en Hy in jou.  Jesus self het gesê: “𝐸𝑘 𝑖𝑠 𝑑𝑖𝑒 𝑤𝑖𝑛𝑔𝑒𝑟𝑑𝑠𝑡𝑜𝑘, 𝑗𝑢𝑙𝑙𝑒 𝑑𝑖𝑒 𝑙𝑜𝑡𝑒. 𝑊𝑖𝑒 𝑖𝑛 𝑀𝑦 𝑏𝑙𝑦 𝑒𝑛 𝐸𝑘 𝑖𝑛 ℎ𝑜𝑚, 𝑑𝑟𝑎 𝑏𝑎𝑖𝑒 𝑣𝑟𝑢𝑔𝑡𝑒, 𝒘𝒂𝒏𝒕 𝒔𝒐𝒏𝒅𝒆𝒓 𝑴𝒚 𝒌𝒂𝒏 𝒋𝒖𝒍𝒍𝒆 𝒏𝒊𝒌𝒔 𝒅𝒐𝒆𝒏 𝒏𝒊𝒆.” (Joh. 15:5 AFR83)

Om ’n Springbok rugbytrui te dra, maak my nie ’n Springbok rugbyspeler nie.  Dit verg baie oefening en toewyding en ontwikkeling.  Ons kan nie net ’n kruis om ons nek dra, ’n mooi Bybelversie tattoo hê, of ’n “I love Jesus” T-hemp of kepsie dra nie.  Sonder Jesus kan ons nie wees wie Hy wil hê ons moet weet nie.  Ons is nie Super-Christene nie.  En dis OK. 

Dis nog net 3 dae, dan vier ons Pinkster.  Die dag toe die kerk bemagtig is deur God sélf se Gees.  Wees wie jy moet wees in Christus.  Dra baie vrugte.  Goeie vrugte. 

𝕃𝕖𝕥 𝕠𝕡 𝕧𝕒𝕟𝕕𝕒𝕘 :

Terwyl jy vandag besig is met jou normale dagtake, luister na die stil stem van die Heilige Gees.  Moenie dit bevraagteken of probeer weg rasionaliseer nie.  Luister.  Glo.  Gehoorsaam.  Onthou Jesus gaan vooruit.

Seën en vrede vir jou vandag!

···ᶜᴶˢ··· ©

𝟐𝟎𝟐𝟑-𝟎𝟓-𝟐𝟑 – 𝐄𝐤 𝐡𝐞𝐭 𝐚𝐥𝐥𝐞𝐬 𝐛𝐞𝐩𝐥𝐚𝐧...  𝐓𝐨𝐞 𝐠𝐞𝐛𝐞𝐮𝐫 𝐝𝐢𝐞 𝐥𝐞𝐰𝐞 ! (Kliek hier vir die klankgreep)

“⁴𝑇𝑒𝑟𝑤𝑦𝑙 𝐻𝑦 𝑚𝑒𝑡 ℎ𝑢𝑙𝑙𝑒 𝑠𝑎𝑎𝑚𝑔𝑒𝑒̈𝑒𝑡 ℎ𝑒𝑡, ℎ𝑒𝑡 𝐻𝑦 ℎ𝑢𝑙𝑙𝑒 𝑏𝑒𝑣𝑒𝑒𝑙: “𝑀𝑜𝑒𝑛𝑖𝑒 𝑢𝑖𝑡 𝐽𝑒𝑟𝑢𝑠𝑎𝑙𝑒𝑚 𝑤𝑒𝑔𝑔𝑎𝑎𝑛 𝑛𝑖𝑒, 𝑚𝑎𝑎𝑟 𝑏𝑙𝑦 𝑤𝑎𝑔 𝑜𝑝 𝑑𝑖𝑒 𝑉𝑎𝑑𝑒𝑟 𝑠𝑒 𝑏𝑒𝑙𝑜𝑓𝑡𝑒 𝑤𝑎𝑡 𝑗𝑢𝑙𝑙𝑒 𝑣𝑎𝑛 𝑀𝑦 𝑔𝑒ℎ𝑜𝑜𝑟 ℎ𝑒𝑡. ⁵𝑊𝑎𝑛𝑡 𝐽𝑜ℎ𝑎𝑛𝑛𝑒𝑠 ℎ𝑒𝑡 𝑤𝑒𝑙 𝑚𝑒𝑡 𝑤𝑎𝑡𝑒𝑟 𝑔𝑒𝑑𝑜𝑜𝑝, 𝑚𝑎𝑎𝑟 𝑜𝑜𝑟 𝑛𝑖𝑒 𝑏𝑎𝑖𝑒 𝑑𝑎𝑒 𝑛𝑖𝑒 𝑠𝑎𝑙 𝑗𝑢𝑙𝑙𝑒 𝑚𝑒𝑡 𝑑𝑖𝑒 𝐻𝑒𝑖𝑙𝑖𝑔𝑒 𝐺𝑒𝑒𝑠 𝑔𝑒𝑑𝑜𝑜𝑝 𝑤𝑜𝑟𝑑.” ⁶𝑇𝑜𝑒 ℎ𝑢𝑙𝑙𝑒 𝑏𝑦𝑚𝑒𝑘𝑎𝑎𝑟 𝑤𝑎𝑠, ℎ𝑒𝑡 ℎ𝑢𝑙𝑙𝑒 𝐻𝑜𝑚 𝑔𝑒𝑣𝑟𝑎: “𝐻𝑒𝑟𝑒, 𝑔𝑎𝑎𝑛 𝑈 𝑖𝑛 ℎ𝑖𝑒𝑟𝑑𝑖𝑒 𝑡𝑦𝑑 𝑑𝑖𝑒 𝑘𝑜𝑛𝑖𝑛𝑘𝑟𝑦𝑘 𝑣𝑖𝑟 𝐼𝑠𝑟𝑎𝑒𝑙 𝑤𝑒𝑒𝑟 𝑜𝑝𝑟𝑖𝑔?” ⁷𝑀𝑎𝑎𝑟 𝐻𝑦 ℎ𝑒𝑡 ℎ𝑢𝑙𝑙𝑒 𝑔𝑒𝑎𝑛𝑡𝑤𝑜𝑜𝑟𝑑: “𝐷𝑖𝑡 𝑖𝑠 𝑛𝑖𝑒 𝑣𝑖𝑟 𝑗𝑢𝑙𝑙𝑒 𝑜𝑚 𝑑𝑖𝑒 𝑡𝑦𝑒 𝑒𝑛 𝑠𝑝𝑒𝑠𝑖𝑓𝑖𝑒𝑘𝑒 𝑔𝑒𝑙𝑒𝑒𝑛𝑡ℎ𝑒𝑑𝑒 𝑡𝑒 𝑘𝑒𝑛 𝑤𝑎𝑡 𝑑𝑖𝑒 𝑉𝑎𝑑𝑒𝑟 𝑖𝑛 𝑠𝑦 𝑒𝑖𝑒 𝑚𝑎𝑔 𝑏𝑒𝑝𝑎𝑎𝑙 ℎ𝑒𝑡 𝑛𝑖𝑒. ⁸𝑀𝑎𝑎𝑟 𝑗𝑢𝑙𝑙𝑒 𝑠𝑎𝑙 𝑘𝑟𝑎𝑔 𝑜𝑛𝑡𝑣𝑎𝑛𝑔 𝑤𝑎𝑛𝑛𝑒𝑒𝑟 𝑑𝑖𝑒 𝐻𝑒𝑖𝑙𝑖𝑔𝑒 𝐺𝑒𝑒𝑠 𝑜𝑜𝑟 𝑗𝑢𝑙𝑙𝑒 𝑘𝑜𝑚, 𝑒𝑛 𝑗𝑢𝑙𝑙𝑒 𝑚𝑜𝑒𝑡 𝑚𝑦 𝑔𝑒𝑡𝑢𝑖𝑒𝑠 𝑤𝑒𝑒𝑠 𝑖𝑛 𝐽𝑒𝑟𝑢𝑠𝑎𝑙𝑒𝑚, 𝑖𝑛 𝑑𝑖𝑒 ℎ𝑒𝑙𝑒 𝐽𝑢𝑑𝑒𝑎 𝑒𝑛 𝑆𝑎𝑚𝑎𝑟𝑖𝑎, 𝑒𝑛 𝑡𝑜𝑡 𝑎𝑎𝑛 𝑑𝑖𝑒 𝑒𝑖𝑛𝑑𝑒 𝑣𝑎𝑛 𝑑𝑖𝑒 𝑎𝑎𝑟𝑑𝑒.”” – Handelinge 1:4-8 (AFR20)

Die dissipels kon nie wag om vir almal te vertel dat Jesus lewe nie.  Dan gee Jesus vir hulle – vir eers – ’n ander opdrag... wag.

Die Bybel wys ons op soveel plekke dat om te wag, ’n duidelike doel het.  Ons maak dikwels planne om iets te doen of iewers te wees of om in ’n sekere stadium van ons lewens “iets” te bereik.  Dan gebeur die lewe...  Jy verloor jou werk.  ’n Geliefde word siek en sterf dalk.  Jou gesondheid belemmer jou kanse op vooruitgang.  Mense is gemeen.  Die wêreld draai teen jou.

Ag, daar kan soveel dinge gebeur wat vir ons lyk of dit ’n straf is.  Of God ook teen ons gedraai het.  Ons bid en bid en wil graag ook weer geluk ervaar.  Maar wanneer ons gaan stil word en besef dat ons definisie van geluk dalk verkeerd geformuleer is, kom ons weer agter dat God wel al ons gebede verhoor.  Die antwoord is: soms ja, nou dadelik; soms is dit nee; en soms is dit..... wag.

God roep ons om te gaan en vir Hom te werk in die wêreld.  Soms roep Hy ons en sê: “Gaan, maar wag.”  Soos die dissipels, wil ons die hoop en krag van die evangelie deel.  Maar soms moet ons wag.  Jesus roep ons om te wag.  En wat het gebeur toe die dissipels gewag het?  Hulle was geestelik voorberei en hulle het die Heilige Gees ontvang.

Krag kom in wag.  As ons wag op die Here, ontvang ons krag.  Dan begin ons leer wat op Sy hart is, wat Sy wil is en dan begin ons om meer soos Hy te word.  Om te wag, is nie tydmors nie.  Eers wanneer ons genoeg gewag het... geduld geleer het... is ons reg om te gaan.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Watter gewoontes het ek wat nogsteeds my frustrasie met wag aanhelp?  Gee ek te gou op?  Wat is my definisie van geluk?

𝕲𝖊𝖇𝖊𝖉  :

Liewe Heer, gee my die dringendheid om ander mense te vertel van U, maar die geduld om te wag vir U perfekte tyd.  Gee my ook die geduld om te wag dat U my behoorlik voorberei vir wat U vir my beplan het.  Laat ek U vrede ervaar – al weet ek nie wat presies U vir my beplan nie.  U weet, Here.  Dit is genoeg vir my.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟐𝟐 – 𝐊𝐥𝐢𝐞𝐤-𝐤𝐥𝐢𝐞𝐤.  𝐊𝐥𝐚𝐚𝐫.  (Kliek hier vir die klankgreep)

Vandag se wêreld beweeg teen ’n astronomiese vinnige pas.  As jy honger is, kliek jy gou twee keer op jou slimfoon en die kos word by jou afgelewer.  Soek jy ’n nuwe TV of ander toestel, presies dieselfde... Kliek-kliek, klaar.  Om te wag is frustrerend en “onnodig” vandag.  Tog is van Jesus se laaste woorde aan Sy dissipels, om te wag (gister se teksgedeelte).  En omdat hulle gewag het, het duisende mense tot geloof gekom toe hulle die Heilige Gees ontvang het.  Die dissipels was vasberade om te wag.

Soms gaan ons deur die lewe en dit voel of ons ’n muur getref het.  Dit voel of ons stagneer.  Ons wil graag vordering maak.  Alles en almal om ons maak dan goeie vordering.  Hoekom nie ek nie?  On begin voel soos Dawid in baie van sy psalms.  Dit voel of dit sleg gaan met goeie Christene, terwyl die slegte wêreld floreer.  Hoekom doen ons dan nog alles?  Hoekom is ons dan Christene?

Ons moet onthou: Christenskap is nie ruilhandel met Jesus nie.  Ons hou nie by Sy Woord om seëninge in ruil te verdien nie.  Ons is gehoorsaam uit dankbaarheid vir wat Hy reeds vir ons gedoen het.  Dawid sê in Psalm 37:1-2 (AFR200: “𝑀𝑜𝑒𝑡 𝑗𝑜𝑢 𝑛𝑖𝑒 𝑜𝑛𝑡𝑠𝑡𝑒𝑙 𝑜𝑜𝑟 𝑑𝑖𝑒 𝑘𝑤𝑎𝑎𝑑𝑑𝑜𝑒𝑛𝑒𝑟𝑠 𝑛𝑖𝑒; 𝑚𝑜𝑒𝑛𝑖𝑒 𝑎𝑓𝑔𝑢𝑛𝑠𝑡𝑖𝑔 𝑤𝑒𝑒𝑠 𝑜𝑝 ℎ𝑢𝑙𝑙𝑒 𝑤𝑎𝑡 𝑘𝑤𝑎𝑎𝑑𝑤𝑖𝑙𝑙𝑖𝑔 𝑜𝑝𝑡𝑟𝑒𝑒 𝑛𝑖𝑒, ²𝑤𝑎𝑛𝑡 𝑠𝑜𝑜𝑠 𝑔𝑟𝑎𝑠 𝑣𝑒𝑟𝑑𝑜𝑟 ℎ𝑢𝑙𝑙𝑒 𝑣𝑖𝑛𝑛𝑖𝑔, 𝑒𝑛 𝑠𝑜𝑜𝑠 𝑔𝑟𝑜𝑒𝑛 𝑝𝑙𝑎𝑛𝑡𝑒 𝑣𝑒𝑟𝑤𝑒𝑙𝑘 ℎ𝑢𝑙𝑙𝑒.” 

Die lewe voel soms onregverdig.  En weet jy wat?  Dit is!  Maar God is regverdig.  Hy sien jou getrouheid raak.  Hy sien jou deursettingsvermoë en jou toegewydheid.  Hy weet jy wag.  Maar waarvoor wag jy?  Om te getuig vir Hom?  Of om geseën te word?  Of om “iets” te ontvang?

Onthou: God gee soos God goeddink en soos nodig.  God is altyd besig deur die Heilige Gees in die wêreld.  Ons plig is om aan te sluit daarby.  Om diensbaar te wees.  Om Jesus toe te laat om deur ons Sy Koninkryk te laat kom.  Maak nie saak waarvoor jy op God wag nie, weet dat Sy tydsberekening altyd perfek is.  Kom ons sluit aan by die dissipels en wees vasberade om op die belofte van die Vader te wag:  die werking van die Heilige Gees in ons.  As ons glo en nie moed opgee nie, sal ons ’n oes sien.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

As ek mooi kyk na my verlede, sien ek die menige gevalle van God se getrouheid aan my of aan ander raak?  Besef ek dat die vrede waarna ek dalk soek, waarvoor ek wag, net by Jesus gevind kan word?  Maak ek genoeg tyd om in God se teenwoordigheid te wag?

𝕲𝖊𝖇𝖊𝖉  :

Here Jesus, vandag kom vra ek al weer vir geduld...  Ja, Here, dit is hoe ongeduldig ek is.  Gee my asseblief die geloof wat nodig is om te wag op U.  Om te aanvaar dat U wel ook in my huidige omstandighede is en dat U in beheer is.  Gee asseblief dat ek my tyd beter sal beplan om meer in U vrede te rus.  Help my om in U teenwoordigheid te wag en bemagtig my deur U Heilige Gees.  Help my om te sien hoe U my, my omstandighede, en my verhaal kan gebruik om U Naam groot te maak.  Amen

···ᶜᴶˢ··· © 

𝟐𝟎𝟐𝟑-𝟎𝟓-𝟐𝟎 – 𝐖𝐚𝐠 𝐬𝐨 𝐛𝐢𝐞𝐭𝐣𝐢𝐞 . . . (Kliek hier vir die klankgreep)

“¹𝐷𝑖𝑒 𝑒𝑒𝑟𝑠𝑡𝑒 𝑏𝑒𝑟𝑖𝑔, 𝑇𝑒𝑜𝑓𝑖𝑙𝑢𝑠, ℎ𝑒𝑡 𝑒𝑘 𝑔𝑒𝑠𝑘𝑟𝑦𝑓 𝑜𝑜𝑟 𝑎𝑙𝑙𝑒𝑠 𝑤𝑎𝑡 𝐽𝑒𝑠𝑢𝑠 𝑏𝑒𝑔𝑖𝑛 𝑑𝑜𝑒𝑛 𝑒𝑛 𝑤𝑎𝑎𝑟𝑜𝑜𝑟 𝐻𝑦 𝑜𝑛𝑑𝑒𝑟𝑟𝑖𝑔 𝑔𝑒𝑔𝑒𝑒 ℎ𝑒𝑡, ²𝑡𝑜𝑡 𝑑𝑖𝑒 𝑑𝑎𝑔 𝑑𝑎𝑡 𝐻𝑦 𝑜𝑝𝑔𝑒𝑛𝑒𝑒𝑚 𝑖𝑠, 𝑛𝑎𝑑𝑎𝑡 𝐻𝑦 𝑑𝑒𝑢𝑟 𝑑𝑖𝑒 𝐻𝑒𝑖𝑙𝑖𝑔𝑒 𝐺𝑒𝑒𝑠 𝑜𝑝𝑑𝑟𝑎𝑔𝑡𝑒 𝑔𝑒𝑔𝑒𝑒 ℎ𝑒𝑡 𝑎𝑎𝑛 𝑑𝑖𝑒 •𝑎𝑝𝑜𝑠𝑡𝑒𝑙𝑠 𝑤𝑎𝑡 𝐻𝑦 𝑢𝑖𝑡𝑔𝑒𝑘𝑖𝑒𝑠 ℎ𝑒𝑡. ³𝐴𝑎𝑛 ℎ𝑢𝑙𝑙𝑒 ℎ𝑒𝑡 𝐻𝑦, 𝑛𝑎́ 𝑠𝑦 𝑙𝑦𝑑𝑖𝑛𝑔, 𝑑𝑒𝑢𝑟 𝑡𝑎𝑙𝑙𝑒 𝑡𝑒𝑘𝑒𝑛𝑠 𝑔𝑒𝑡𝑜𝑜𝑛 𝑑𝑎𝑡 𝐻𝑦 𝑙𝑒𝑒𝑓, 𝑡𝑜𝑒 𝐻𝑦 𝑜𝑜𝑟 '𝑛 𝑡𝑦𝑑𝑝𝑒𝑟𝑘 𝑣𝑎𝑛 𝑣𝑒𝑒𝑟𝑡𝑖𝑔 𝑑𝑎𝑒 𝑎𝑎𝑛 ℎ𝑢𝑙𝑙𝑒 𝑣𝑒𝑟𝑠𝑘𝑦𝑛 𝑒𝑛 𝑚𝑒𝑡 ℎ𝑢𝑙𝑙𝑒 𝑜𝑜𝑟 𝑑𝑖𝑒 𝑠𝑎𝑘𝑒 𝑣𝑎𝑛 𝑑𝑖𝑒 •𝑘𝑜𝑛𝑖𝑛𝑘𝑟𝑦𝑘 𝑣𝑎𝑛 𝐺𝑜𝑑 𝑔𝑒𝑝𝑟𝑎𝑎𝑡 ℎ𝑒𝑡. ⁴𝑇𝑒𝑟𝑤𝑦𝑙 𝐻𝑦 𝑚𝑒𝑡 ℎ𝑢𝑙𝑙𝑒 𝑠𝑎𝑎𝑚𝑔𝑒𝑒̈𝑒𝑡 ℎ𝑒𝑡, ℎ𝑒𝑡 𝐻𝑦 ℎ𝑢𝑙𝑙𝑒 𝑏𝑒𝑣𝑒𝑒𝑙: “𝑀𝑜𝑒𝑛𝑖𝑒 𝑢𝑖𝑡 𝐽𝑒𝑟𝑢𝑠𝑎𝑙𝑒𝑚 𝑤𝑒𝑔𝑔𝑎𝑎𝑛 𝑛𝑖𝑒, 𝑚𝑎𝑎𝑟 𝑏𝑙𝑦 𝑤𝑎𝑔 𝑜𝑝 𝑑𝑖𝑒 𝑉𝑎𝑑𝑒𝑟 𝑠𝑒 𝑏𝑒𝑙𝑜𝑓𝑡𝑒 𝑤𝑎𝑡 𝑗𝑢𝑙𝑙𝑒 𝑣𝑎𝑛 𝑀𝑦 𝑔𝑒ℎ𝑜𝑜𝑟 ℎ𝑒𝑡.” – Handelinge 1:1-4 AFR20

Om te wag is nie maklik nie.  Ons is nou maar eenmaal ongeduldige mense.  ’n Groot deel van Jesus se lewe, moes Hy wag.  Hy het 30 jaar gewag om Sy bediening te begin.  En toe dit begin, begin dit met 40 dae se vas in die woestyn en versoeking van die duiwel self.  Daarna het Hy begin om die Koninkryk van God en verlossing van die mensdom te verkondig.  Van die lewe se beste seëninge kom dikwels vanuit die mees uitdagende take.

𝙊𝙢 𝙩𝙚 𝙬𝙖𝙜 𝙞𝙨 𝙣𝙞𝙚 𝙥𝙖𝙨𝙨𝙞𝙚𝙛 𝙣𝙞𝙚.  Om te wag vereis dat ons onsself strategies plaas in ’n posisie om wysheid, leiding en bemagtiging van God te ontvang.  Voordat Jesus opgevaar het hemel toe, sê  Hy dat Sy volgelinge moet wag vir die geskenk wat God belowe het.  Terwyl hulle in die bovertrek gewag het, het hulle gebid.  Hierdie aksie het hulle geestelik geposisioneer om die gawe van die Heilige Gees te ontvang.  Wag is nie ledigheid nie; dis ’n passievolle strewe na God.

𝙊𝙢 𝙩𝙚 𝙬𝙖𝙜 𝙝𝙚𝙩 ’𝙣 𝙙𝙤𝙚𝙡.  Jy is nou presies waar God jou wil hê.  Jy voel dalk onvervuld, tastend, soekend, selfs doelloos.  Selfs vrees kan jou begin beetpak en jou hoop begin wegvreet.  Besef dat God besig is om jou voor te berei – met waarmee jy besig is en wat jy doen – vir wat kom.  Wat dit is weet ons dikwels nie, maar Hy weet en Hy wil dat jy wees wie jy moet wees wanneer jy reg is om te dien.

Ons is baie kere nie gereed vir God se volgende tree op ons reis nie.  Tog het elke deel van God se plan ’n spesifieke doel, selfs die tyd om te wag.  Wanneer jy wag, onthou dat God se tydsberekening perfek is.  So, wag so bietjie...  Wag op God en kry jouself gereed vir wat kom!

𝕆𝕞 𝕥𝕖 𝕕𝕠𝕖𝕟 𝕧𝕒𝕟𝕕𝕒𝕘 (𝕠𝕗 𝕓𝕚𝕟𝕟𝕖𝕜𝕠𝕣𝕥 𝕠𝕗 𝕨𝕒𝕟𝕟𝕖𝕖𝕣 𝕟𝕠𝕕𝕚𝕘):

Praat met ’n geestelike mentor of predikant oor jou frustrasie met wag.  Laat God toe om jou te wys, dalk deur gesprek met ’n ander persoon, om die prentjie duideliker te maak.

𝕲𝖊𝖇𝖊𝖉  :

Here, ons is so ongeduldig partykeer.  Soms het ons ook nie genoeg dringendheid nie.  Ek dink ons moet eerder ongeduldig wees, omdat ons moet besef hoeveel werk daar nog is om te doen vir U.  Help my om wel geduldig te wag.  Om te wag terwyl U my voorberei en toerus met U Gees vir die spesifieke doel waarvoor U my gekies het.  Laat ek my wagtyd soekend, saam met U spandeer.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟏𝟗 – 𝐆𝐫𝐨𝐭𝐞𝐫 𝐥𝐢𝐞𝐟𝐝𝐞 𝐚𝐬 𝐝𝐢𝐭 . . . (Kliek hier vir die klankgreep)

Om die dood in die oë te staar is sleg.  Jesus het gebid vir Sy dissipels (ons ingesluit) dat ons in die wêreld moet bly (Johannes 17).  Paulus sê ook dat hy veel eerder by Christus wil wees, maar ter wille van die verkondiging van die evangelie, bly hy en doen wat hy moet (Filippense 1, kyk ook gerus 2 Korintiërs 5).  Ons wil graag eerder by Jesus wees vir alle ewigheid, maar ons wil ook graag nog hier lewe – dis immers ’n gawe van God.  Dis ’n moeilike tweestryd hierdie.

Selfs Jesus het geworstel daarmee as ons kyk na Sy gebed in die tuin van Getsémané (Matteus 26).  Tog aanvaar Jesus die Vader se plan vir ons verlossing en is Hy gehoorsaam.  As volgers van Jesus, word ons geroep om dieselfde te doen.  Wanneer Jesus ook die dissipels leer, sê Hy vir hulle: “¹³𝐺𝑟𝑜𝑡𝑒𝑟 𝑙𝑖𝑒𝑓𝑑𝑒 𝑎𝑠 𝑑𝑖𝑡 ℎ𝑒𝑡 𝑛𝑖𝑒𝑚𝑎𝑛𝑑 𝑛𝑖𝑒, 𝑑𝑎𝑡 𝑖𝑒𝑚𝑎𝑛𝑑 𝑠𝑦 𝑙𝑒𝑤𝑒 𝑎𝑓𝑙𝑒̂ 𝑣𝑖𝑟 𝑠𝑦 𝑣𝑟𝑖𝑒𝑛𝑑𝑒.” (Johannes 15:13 AFR20)  Daardie gesprek begin en eindig Jesus met “𝐽𝑢𝑙𝑙𝑒 𝑚𝑜𝑒𝑡 𝑚𝑒𝑘𝑎𝑎𝑟 𝑙𝑖𝑒𝑓ℎ𝑒̂.” En verduidelik Hy vêrder: “...𝑠𝑜𝑜𝑠 𝑒𝑘 𝑗𝑢𝑙𝑙𝑒 𝑙𝑖𝑒𝑓 ℎ𝑒𝑡.” (Johannes 15:9-17)

Nou, ons het nou al bepaal dat hierdie neerlê van jou lewe nie altyd so letterlik verstaan moet word nie.  Ons weet ons moet ons lewe elke dag neerlê, sterf aan ons ou sondige natuur, ons kruise opneem en Jesus volg.  As ons weer na Petrus se voorbeeld kyk (Johannes 21), is dit bemoedigend om te sien dat Petrus – wetend dat dit ’n pynlike dood op die ou end gaan beteken – nogsteeds kies om vir Jesus te volg.  Ons weet Petrus was iemand wat gereeld gehuiwer het.  Tog gaan hy.

As Jesus se missionale werktuie in die wêreld, gaan vertel ons nie vir mense van Hom omdat ons 𝘸𝘪́𝘭 ly, opoffer en selfs sterf nie.  Ons gaan om ons toewyding aan ons beste Vriend te eer.  Ons lê ook ons lewens neer vir Hom.  Ons gaan voort, maak nie saak wat dit kos nie.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Is ek regtig bereid om Jesus oral te volg selfs al beteken dit fisiese lyding en selfs dood?  Indien nie, waaraan hou ek nogsteeds vas wat ek eintlik maar kan laat gaan?  Is Jesus my beste vriend?  Maak ek Johannes 15:13 waar in my lewe?

𝕲𝖊𝖇𝖊𝖉  :

Dank Jesus vir bereidwilligheid in jou lewe.  As daar nog goedjies is wat haakplekke veroorsaak, vra Hom om jou te help om jou los te maak daarvan.

𝘔𝘢𝘨 𝘫𝘺 𝘥𝘪𝘦 𝘨𝘦𝘯𝘢𝘥𝘦 𝘦𝘯 𝘷𝘳𝘦𝘥𝘦 𝘷𝘢𝘯 𝘎𝘰𝘥 𝘥𝘪𝘦 𝘝𝘢𝘥𝘦𝘳 𝘦𝘯 𝘰𝘯𝘴 𝘏𝘦𝘳𝘦 𝘑𝘦𝘴𝘶𝘴 𝘊𝘩𝘳𝘪𝘴𝘵𝘶𝘴, 𝘥𝘦𝘶𝘳 𝘥𝘪𝘦 𝘸𝘦𝘳𝘬 𝘷𝘢𝘯 𝘥𝘪𝘦 𝘏𝘦𝘪𝘭𝘪𝘨𝘦 𝘎𝘦𝘦𝘴 𝘪𝘯 𝘫𝘰𝘶 𝘭𝘦𝘸𝘦 𝘦𝘳𝘷𝘢𝘢𝘳.

···ᶜᴶˢ··· ©

𝟐𝟎𝟐𝟑-𝟎𝟓-𝟏𝟖 – 𝐅𝐨𝐤𝐮𝐬 ! (Kliek hier vir die klankgreep)

Vandag is Hemelvaart.  Jesus het opgevaar hemel toe en Hy het belowe dat Hy terugkom.  As gestuurdes, sou ons soos verdwaalde skape gewees het as dit nie was vir daardie belofte nie.  Ons hou aan om Sy verteenwoordigers te wees, juis omdat ons die dringendheid van Matteus 24:14 in ons binneste aanvoel: “¹⁴𝐻𝑖𝑒𝑟𝑑𝑖𝑒 𝑒𝑣𝑎𝑛𝑔𝑒𝑙𝑖𝑒 𝑣𝑎𝑛 𝑑𝑖𝑒 𝑘𝑜𝑛𝑖𝑛𝑘𝑟𝑦𝑘 𝑠𝑎𝑙 𝑜𝑜𝑟 𝑑𝑖𝑒 ℎ𝑒𝑙𝑒 𝑤𝑒̂𝑟𝑒𝑙𝑑 𝑣𝑒𝑟𝑘𝑜𝑛𝑑𝑖𝑔 𝑤𝑜𝑟𝑑 𝑎𝑠 𝑔𝑒𝑡𝑢𝑖𝑒𝑛𝑖𝑠 𝑣𝑖𝑟 𝑎𝑙 𝑑𝑖𝑒 𝑛𝑎𝑠𝑖𝑒𝑠. 𝐸𝑛 𝑑𝑎𝑛 𝑠𝑎𝑙 𝑑𝑖𝑒 𝑒𝑖𝑛𝑑𝑒 𝑘𝑜𝑚.”

Nie een van ons weet wanneer daardie dag gaan wees nie.  Tog weet ons ons moet gereed wees.  Ons kan nie nog tyd mors om onder mekaar te stry oor wie die belangrikste is of wie wat moet doen nie.  Ons moet eenvoudig net doen wat gedoen moet word.  Ons moet getuig.  Ons moet aansluit by die werk van die Heilige Gees.  Ons het een fokus: Jesus.  Ons moet ons eie lewens neerlê, ons kruise opneem en Hom volg.  Ons moet sorg dat hierdie evangelie van die Koninkryk oraloor verkondig word.  Ons moet gaan.  Dringend.

Ons kan nie nog tyd mors om onsself met ander te vergelyk en ons fokus op ons opdrag belemmer nie.  Ons vra mos maklik die vrae: “Hoekom moet ander beter daaraan toe wees?  Hoekom seën God hulle op só manier?  Hoekom nie ek nie?  Hoekom moet ek ’n duurder prys betaal?”...  Jesus se antwoord is in elk geval nogsteeds dieselfde vandag: “...𝑤𝑎𝑡 ℎ𝑒𝑡 𝑑𝑖𝑡 𝑚𝑒𝑡 𝑗𝑜𝑢 𝑡𝑒 𝑑𝑜𝑒𝑛?  𝑉𝑜𝑙𝑔 𝑗𝑦 𝑚𝑦!” (Johannes 21:22) Ons aandag moenie wees op ander nie, maar net op Jesus, Sy sending en ons spesifieke opdrag.

Hoe wonderlik gaan daardie dag darem wees!  Daardie dag wanneer Hy weer terugkom.  Is ek gereed?

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Sukkel ek dalk met gevoelens van onregverdigheid, nie genoeg erkenning nie, of dalk frustrasie?  Skryf dit neer of noem dit sommer hardop...  Verbeel dan Jesus se antwoord... “...𝑤𝑎𝑡 ℎ𝑒𝑡 𝑑𝑖𝑡 𝑚𝑒𝑡 𝑗𝑜𝑢 𝑡𝑒 𝑑𝑜𝑒𝑛?  𝑉𝑜𝑙𝑔 𝑗𝑦 𝑚𝑦!”

𝕲𝖊𝖇𝖊𝖉  :

Here Jesus, dankie dat U opgevaar het hemel toe om vir ons plek gereed te maak.  Dankie dat U ons nie alleen gelaat het nie.  Dankie dat U Heilige Gees ons lei in hierdie belangrike opdrag.  Here, jammer dat ons so gou fokus verloor, so gou jaloers raak op ander of so maklik net op ons eie gevoelens fokus.  Vernuwe asseblief ons fokus.  Mag dit net op U gerig wees en op wat waarlik belangrik is.  Tot U eer.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟏𝟕 – 𝐈𝐬 𝐆𝐨𝐝 𝐧𝐨𝐠𝐬𝐭𝐞𝐞𝐝𝐬 𝐣𝐚𝐦𝐦𝐞𝐫 𝐇𝐲 𝐡𝐞𝐭 𝐨𝐧𝐬 𝐠𝐞𝐦𝐚𝐚𝐤 ? (Kliek hier vir die klankgreep)

“⁵𝑇𝑜𝑒 𝑑𝑖𝑒 𝐻𝑒𝑟𝑒 𝑠𝑖𝑒𝑛 𝑑𝑎𝑡 𝑑𝑖𝑒 𝑏𝑜𝑜𝑠ℎ𝑒𝑖𝑑 𝑣𝑎𝑛 𝑑𝑖𝑒 𝑚𝑒𝑛𝑠 𝑜𝑝 𝑑𝑖𝑒 𝑎𝑎𝑟𝑑𝑒 𝑔𝑟𝑜𝑜𝑡 𝑖𝑠, 𝑒𝑛 𝑑𝑎𝑡 𝑎𝑙𝑙𝑒𝑠 𝑤𝑎𝑡 ℎ𝑦 𝑖𝑛 𝑠𝑦 ℎ𝑎𝑟𝑡 𝑏𝑒𝑑𝑖𝑛𝑘, 𝑎𝑙𝑡𝑦𝑑 𝑛𝑒𝑡 𝑠𝑙𝑒𝑔 𝑖𝑠, ⁶𝑤𝑎𝑠 𝑑𝑖𝑒 𝐻𝑒𝑟𝑒 𝑗𝑎𝑚𝑚𝑒𝑟 𝑑𝑎𝑡 𝐻𝑦 𝑑𝑖𝑒 𝑚𝑒𝑛𝑠 𝑜𝑝 𝑑𝑖𝑒 𝑎𝑎𝑟𝑑𝑒 𝑔𝑒𝑚𝑎𝑎𝑘 ℎ𝑒𝑡. 𝐷𝑖𝑡 ℎ𝑒𝑡 𝐻𝑜𝑚 𝑡𝑜𝑡 𝑖𝑛 𝑠𝑦 ℎ𝑎𝑟𝑡 𝑔𝑒𝑔𝑟𝑖𝑒𝑓.” – Genesis 6:5-6 (AFR20)

Van die begin af, het God die mens geskape om vrye wil te hê.  As dit nie so was nie, en Hy het almal gedwing, geforseer of só gemaak dat hulle net Hom kan dien, was dit nie liefdevol nie.  Dan was God ’n tiran.  Maar God skep alle mense met die keuse om Hom lief te hê of nie.  In Sy beeld, skep Hy ons om in verhouding met Hom en in verhoudings met mekaar te wees.  Ons het vryheid.  Vryheid van keuse en ook vryheid om te kies vir God of om van Hom af weg te draai.  Ongelukkig, is dít wat die mens van die begin af al begin kies het.

God is God en Hy kon sekerlik voorsien wat die mens sou doen, tog het Hy ons geskep met die vermoë om te doen soos ons kies.  God se oordeel bly tog nogsteeds regverdig.  Hy láát niemand sondig nie.  Hy is die regter van die hele aarde, en Sy geregtigheid sal geskied en is dieselfde vir almal.  Hy dwing niemand om Hom lief te hê nie, want – soos genoem – sou dit nie liefde wees nie.  Nogtans kan niks sy heerlikheid en genade dwarsboom of omkoop nie.

Gelukkig vir die mens, is God se liefde vir ons soveel meer as ons liefde vir Hom en het Hy gedurig getoon dat hy oorvloedig is in liefde en trou.  Gaan lees gerus Eksodus 34:6-7 waar God sélf dit beaam.  God het ons nie in ons sonde gelos om te vergaan nie.  Sy hartseer oor mense se sonde het daartoe gelei dat Hy ’n manier van verlossing voorsien: Jesus Christus.  Deur Jesus se dood en opstanding is die weg na die ewige lewe oopgestel vir almal wat op hom vertrou vir hul redding (Joh. 14:6).

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Wat is my keuse?  Is ek vir God, of teen Hom?

𝕲𝖊𝖇𝖊𝖉  :

Here Jesus, U het alles opgeoffer vir my, gebroke mens.  Jammer, dat U jammer was dat U my gemaak het.  Ek sondig baie.  Vergewe my asseblief.  Help my om vír U te kies elke dag.  Help my om elke dag te kies om U lief te hê.  Grote God, dankie dat U self ’n manier gemaak het vir my om met U versoen te word.  Ek verdien dit nie.  My liefde is onvolmaak.  Dankie dat U liefde vir my volmaak en oneindig is.  Ek loof en prys U grote Naam.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟏𝟔 – 𝐖𝐚𝐚𝐫 𝐢𝐬 𝐣𝐲 𝐧𝐨𝐮 ? (Kliek hier vir die klankgreep)

“¹ '𝑛 𝑂𝑢𝑒𝑟 𝑚𝑎𝑛 𝑚𝑜𝑒𝑡 𝑗𝑦 𝑛𝑖𝑒 𝑠𝑘𝑒𝑟𝑝 𝑏𝑒𝑟𝑖𝑠𝑝𝑒 𝑛𝑖𝑒, 𝑚𝑎𝑎𝑟 𝑣𝑒𝑟𝑚𝑎𝑎𝑛 ℎ𝑜𝑚 𝑠𝑜𝑜𝑠 '𝑛 𝑣𝑎𝑑𝑒𝑟, 𝑒𝑛 𝑣𝑒𝑟𝑚𝑎𝑎𝑛 𝑗𝑜𝑛𝑔𝑒𝑟 𝑚𝑎𝑛𝑠 𝑠𝑜𝑜𝑠 𝑏𝑟𝑜𝑒𝑟𝑠, ²𝑜𝑢𝑒𝑟 𝑣𝑟𝑜𝑢𝑒 𝑠𝑜𝑜𝑠 𝑚𝑜𝑒𝑑𝑒𝑟𝑠, 𝑗𝑜𝑛𝑔𝑒𝑟 𝑣𝑟𝑜𝑢𝑒 𝑠𝑜𝑜𝑠 𝑠𝑢𝑠𝑡𝑒𝑟𝑠 – 𝑒𝑛 𝑑𝑖𝑡 𝑎𝑙𝑙𝑒𝑒𝑛 𝑚𝑒𝑡 𝑠𝑢𝑖𝑤𝑒𝑟 𝑏𝑒𝑑𝑜𝑒𝑙𝑖𝑛𝑔𝑠.

³𝐵𝑒𝑡𝑜𝑜𝑛 𝑒𝑒𝑟 𝑎𝑎𝑛 𝑤𝑒𝑑𝑢𝑤𝑒𝑒𝑠 𝑤𝑎𝑡 𝑤𝑒𝑟𝑘𝑙𝑖𝑘 𝑤𝑒𝑑𝑢𝑤𝑒𝑒𝑠 𝑖𝑠. ⁴𝑀𝑎𝑎𝑟 𝑎𝑠 '𝑛 𝑤𝑒𝑑𝑢𝑤𝑒𝑒 𝑘𝑖𝑛𝑑𝑒𝑟𝑠 𝑜𝑓 𝑘𝑙𝑒𝑖𝑛𝑘𝑖𝑛𝑑𝑒𝑟𝑠 ℎ𝑒𝑡, 𝑙𝑎𝑎𝑡 ℎ𝑢𝑙𝑙𝑒 𝑙𝑒𝑒𝑟 𝑜𝑚 𝑖𝑛 𝑑𝑖𝑒 𝑒𝑒𝑟𝑠𝑡𝑒 𝑝𝑙𝑒𝑘 ℎ𝑢𝑙𝑙𝑒 𝑔𝑜𝑑𝑠𝑑𝑖𝑒𝑛𝑠𝑡𝑖𝑔𝑒 𝑝𝑙𝑖𝑔𝑡𝑒 𝑡𝑒𝑒𝑛𝑜𝑜𝑟 ℎ𝑢𝑙𝑙𝑒 𝑒𝑖𝑒 𝑓𝑎𝑚𝑖𝑙𝑖𝑒 𝑛𝑎 𝑡𝑒 𝑘𝑜𝑚, 𝑒𝑛 ℎ𝑢𝑙𝑙𝑒 𝑜𝑢𝑒𝑟𝑠 𝑒𝑛 𝑔𝑟𝑜𝑜𝑡𝑜𝑢𝑒𝑟𝑠 𝑡𝑒 𝑣𝑒𝑟𝑔𝑜𝑒𝑑; 𝑤𝑎𝑛𝑡 𝑑𝑖𝑡 𝑖𝑠 𝑎𝑎𝑛𝑛𝑒𝑒𝑚𝑙𝑖𝑘 𝑖𝑛 𝑑𝑖𝑒 𝑜𝑒̈ 𝑣𝑎𝑛 𝐺𝑜𝑑. ⁵𝑀𝑎𝑎𝑟 𝑠𝑦 𝑤𝑎𝑡 𝑤𝑒𝑟𝑘𝑙𝑖𝑘 '𝑛 𝑤𝑒𝑑𝑢𝑤𝑒𝑒 𝑖𝑠, 𝑒𝑛 𝑎𝑙𝑙𝑒𝑒𝑛 𝑎𝑔𝑡𝑒𝑟𝑔𝑒𝑙𝑎𝑎𝑡 𝑖𝑠, 𝑣𝑒𝑠𝑡𝑖𝑔 ℎ𝑎𝑎𝑟 ℎ𝑜𝑜𝑝 𝑠𝑡𝑒𝑒𝑑𝑠 𝑜𝑝 𝐺𝑜𝑑, 𝑒𝑛 𝑠𝑦 𝑏𝑙𝑦 𝑏𝑒𝑑𝑎𝑔𝑠 𝑒𝑛 𝑠𝑛𝑎𝑔𝑠 𝑠𝑚𝑒𝑒𝑘 𝑒𝑛 𝑏𝑖𝑑; ⁶𝑚𝑎𝑎𝑟 𝑑𝑖𝑒 𝑤𝑒𝑑𝑢𝑤𝑒𝑒 𝑤𝑎𝑡 𝑢𝑖𝑡𝑠𝑝𝑎𝑡𝑡𝑖𝑔 𝑙𝑒𝑒𝑓, 𝑖𝑠 𝑙𝑒𝑤𝑒𝑛𝑑 𝑑𝑜𝑜𝑑. ⁷𝐵𝑒𝑣𝑒𝑒𝑙 ℎ𝑢𝑙𝑙𝑒 ℎ𝑖𝑒𝑟𝑑𝑖𝑒 𝑑𝑖𝑛𝑔𝑒, 𝑠𝑜𝑑𝑎𝑡 ℎ𝑢𝑙𝑙𝑒 𝑜𝑛𝑏𝑒𝑟𝑖𝑠𝑝𝑒𝑙𝑖𝑘 𝑘𝑎𝑛 𝑤𝑒𝑒𝑠. ⁸𝑀𝑎𝑎𝑟 𝑎𝑠 𝑖𝑒𝑚𝑎𝑛𝑑 𝑛𝑖𝑒 𝑛𝑎 𝑠𝑦 𝑒𝑖𝑒 𝑚𝑒𝑛𝑠𝑒 𝑜𝑚𝑠𝑖𝑒𝑛 𝑛𝑖𝑒, 𝑒𝑛 𝑣𝑒𝑟𝑎𝑙 𝑛𝑖𝑒 𝑛𝑎 𝑠𝑦 ℎ𝑢𝑖𝑠𝑔𝑒𝑛𝑜𝑡𝑒 𝑛𝑖𝑒, ℎ𝑒𝑡 ℎ𝑦 𝑑𝑖𝑒 𝑔𝑒𝑙𝑜𝑜𝑓 𝑣𝑒𝑟𝑙𝑜𝑒̈𝑛, 𝑒𝑛 𝑖𝑠 ℎ𝑦 𝑠𝑙𝑒𝑔𝑡𝑒𝑟 𝑎𝑠 '𝑛 𝑜𝑛𝑔𝑒𝑙𝑜𝑤𝑖𝑔𝑒” – 1 Timoteus 5:1-8 (AFR20)

Die ou manier van kaart lees was nogal moeilik as jy dit nie geken het nie.  Jy moes presies weet waar jy is, voordat jy jou roete kan beplan na waarheen jy wil gaan.  Deesdae is daar GPS.  Die GPS bepaal self, met behulp van satelliete, waar presies jy is en gee selfs vir jou die beste roete na waarheen jy op pad is.  Maar wat as die GPS af is?  Wat as die satelliete nie werk nie?  Hoe gaan jy weet hoe jy by jou bestemming moet uitkom, as jy nie weet waar jy is nie?

Die teks wat ons gelees het in 1 Timoteus 5, beskryf vir ons so paar goeie aanwysings van ons verhoudings, net so duidelik soos ’n GPS ons reisplanne sou.  ‘Wees respekvol teenoor ouer mense ... behandel jonger mans as broers, ouer vroue as moeders en jonger vroue as susters, met absolute suiwerheid. Gee behoorlike erkenning aan die weduwees wat regtig nood het. . . Elkeen wat nie vir hul familielede sorg nie, en veral ook nie vir sy eie huis nie, het die geloof verloën en is slegter as ’n ongelowige’ (5:1-3,8).

Maar al hierdie instruksies gaan jou niks help, tensy jy eerlik is met jouself oor waar jy nou is nie.  As ons mooi kyk na hierdie lysie en vir onsself kan sê op elkeen daarvan, ‘Ja, ek doen dit’, mooi so.  Maar as ons al hierdie dinge sê en dit nie doen nie, is ons so verlore soos iemand sonder ’n GPS of selfs ’n ou papier kaart.

Verhoudings in die lewe is baie harde werk.  Mense maak staat op ons.  Hulle hou ons dop om te sien hoe ons praat, hoe ons onder druk reageer, hoe ons ander en hulle eer.  Ons kan nooit ’n vakansie vat van hierdie verantwoordelikhede nie.  Ons moet altyd besig wees om daaraan te werk.  Maar as ons nie met nugtere oë gekyk het na waar ons in ons verhoudings is nie – as ons eerder anderkant toe kyk, inplaas daarvan om ons geneigdheid tot selfsug, disrespek en luiheid eerlik te hanteer – sal hierdie verhoudings nooit beter word nie.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Sien ek om na my eie mense?  Is my verhoudings reg?  Hanteer ek mense soos die Bybel my leer?  Weet ek waar ek is in my verhoudings en in my lewe?

𝕲𝖊𝖇𝖊𝖉  :

Hemelse Vader, miskien moet ons elke nou en dan – dalk meer gereeld – nederig bely: ek is dikwels ongeduldig met ouer mans en sien soms neer op jongmense.  Ek is onbewus van mense in nood en ook nie sensitief oor my gesin se gevoelens nie.  Maar U teenwoordigheid help my om my verlorenheid te erken, U genade vergewe my van hierdie mislukkings, en U wysheid gee my rigting.  Dankie daarvoor.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟏𝟑 – 𝐈𝐬 𝐝𝐢𝐧𝐠𝐞 𝐛𝐮𝐢𝐭𝐞 𝐛𝐞𝐡𝐞𝐞𝐫 ? (Kliek hier vir die klankgreep)

In ons alledaagse lewe – in ons huise, ons werke, ons verhoudings met ander mense – raak dinge soms buite beheer.  Ons weet dat God se plan beter is en dat Hy uiteindelik alle dinge, goed en sleg, ten goede sal laat meewerk tot ons heil (vgl. Rom. 8:28-30), maar tog raak dit soms moeilik.  Ons verstaan nie hoekom dinge gebeur nie.  Ons weet nie hoekom ons deur sekere beproewings moet gaan nie.  Ons wil so graag net bietjie voel of ons in beheer is.  Ons wil ook net ’n bietjie rustigheid en vrede in ons lewens hê...

Weet jy wat?  Jy is nie in beheer nie!  Ja, al probeer jy hoe hard om beheer te neem van situasies en, alhoewel jy dalk in ’n situasie beheer kan uitoefen, is jy nogsteeds nie in beheer nie.  Enigiets kan enige tyd gebeur en die enigste Een wat in beheer is, is God.  Selfs in die kleinste uitdagings en ook in die beste tye, moet ons altyd onthou dat God in beheer is en dat ons in alles- en vir alles van Hom afhanklik is.  Selfs die feit dat ons deur beproewings gaan, is ’n gawe.  Dit is ’n gawe, want ons lewe en, omdat ons lewe, is God in ons lewens en is Hy besig om ons sterker te maak in ons geloof deur volharding, sê Jakobus in Jak. 1:2-4.

Maar, beteken dit dan dat ons nooit sal rus en vrede kry vir ons siele nie en dat ons maar ewe gedwee moet voortploeter deur die mallemeule rit van die lewe?  Nee.  As ons só daarna kyk, kan ons gou soos die Prediker begin sê dat alles tot niks kom nie en dat alles net ’n gejaag na wind is.  Gelukkig het die Prediker in sy hart geweet dat Jesus sou kom en dat al hierdie gejaag na wind amper irrelevant sal word.  Selfs in die Prediker se tyd het God ’n manier gehad om mense rustig te kry en toe Jesus gekom het, toe kom gee Hy ons iets wat ons verstande te bowe gaan.

“²⁷𝑉𝑟𝑒𝑑𝑒 𝑙𝑎𝑎𝑡 𝐸𝑘 𝑗𝑢𝑙𝑙𝑒 𝑛𝑎 – 𝑚𝑦 𝑣𝑟𝑒𝑑𝑒 𝑔𝑒𝑒 𝐸𝑘 𝑗𝑢𝑙𝑙𝑒. 𝐸𝑘 𝑔𝑒𝑒 𝑑𝑖𝑡 𝑛𝑖𝑒 𝑣𝑖𝑟 𝑗𝑢𝑙𝑙𝑒 𝑠𝑜𝑜𝑠 𝑑𝑖𝑒 𝑤𝑒̂𝑟𝑒𝑙𝑑 𝑑𝑖𝑡 𝑔𝑒𝑒 𝑛𝑖𝑒. 𝐿𝑎𝑎𝑡 𝑗𝑢𝑙𝑙𝑒 ℎ𝑎𝑟𝑡𝑒 𝑛𝑖𝑒 𝑜𝑛𝑡𝑠𝑡𝑒𝑙𝑑 𝑒𝑛 𝑏𝑎𝑛𝑔 𝑤𝑒𝑒𝑠 𝑛𝑖𝑒. ²⁸𝐽𝑢𝑙𝑙𝑒 ℎ𝑒𝑡 𝑔𝑒ℎ𝑜𝑜𝑟 𝑑𝑎𝑡 𝐸𝑘 𝑣𝑖𝑟 𝑗𝑢𝑙𝑙𝑒 𝑔𝑒𝑠𝑒̂ ℎ𝑒𝑡: 𝐸𝑘 𝑔𝑎𝑎𝑛 𝑤𝑒𝑔, 𝑚𝑎𝑎𝑟 𝐸𝑘 𝑘𝑜𝑚 𝑤𝑒𝑒𝑟 𝑛𝑎 𝑗𝑢𝑙𝑙𝑒 𝑡𝑜𝑒. 𝐴𝑠 𝑗𝑢𝑙𝑙𝑒 𝑀𝑦 𝑙𝑖𝑒𝑓𝑔𝑒ℎ𝑎𝑑 ℎ𝑒𝑡, 𝑠𝑜𝑢 𝑗𝑢𝑙𝑙𝑒 𝑏𝑙𝑦 𝑔𝑒𝑤𝑒𝑒𝑠 ℎ𝑒𝑡 𝑑𝑎𝑡 𝐸𝑘 𝑛𝑎 𝑑𝑖𝑒 𝑉𝑎𝑑𝑒𝑟 𝑔𝑎𝑎𝑛, 𝑜𝑚𝑑𝑎𝑡 𝑑𝑖𝑒 𝑉𝑎𝑑𝑒𝑟 𝑔𝑟𝑜𝑡𝑒𝑟 𝑎𝑠 𝐸𝑘 𝑖𝑠. ²⁹𝐸𝑛 𝑛𝑜𝑢 ℎ𝑒𝑡 𝐸𝑘 𝑑𝑖𝑡 𝑣𝑖𝑟 𝑗𝑢𝑙𝑙𝑒 𝑔𝑒𝑠𝑒̂ 𝑣𝑜𝑜𝑟𝑑𝑎𝑡 𝑑𝑖𝑡 𝑔𝑒𝑏𝑒𝑢𝑟, 𝑠𝑜𝑑𝑎𝑡 𝑗𝑢𝑙𝑙𝑒, 𝑤𝑎𝑛𝑛𝑒𝑒𝑟 𝑑𝑖𝑡 𝑔𝑒𝑏𝑒𝑢𝑟, 𝑘𝑎𝑛 𝑔𝑙𝑜.” – Johannes 14:27-29 (AFR20)

Ons het Jesus se vrede.  Ons kan dit nie sien nie en ons kan nie daaraan vat nie, maar ons het dit in ons.  Ons kan dit nie verklaar nie en ons weet nie presies hoe dit werk nie, maar dit gee ons kalmte in die storms van die lewe.  Dit is nie wêreldse vrede nie.  Dit is nie sommer net die afwesigheid van sigbare konflik nie.  Nee, dit is die afwesigheid van innerlike konflik.  Dit is daardie uiterste gevoel van kalmte en rustigheid wat oor jou spoel.  Die storms van die lewe kom verwoed op jou af en die stormwaters druis, maar net voor dit by jou kom, breek nie golwe en spoel dit rustig en strelend oor jou.  Hoe, weet ek nie.  Hoekom, dit weet ek.

Die feit – ja feit – dat Jesus na die Vader is en dat Hy vir ons gaan plek regmaak het en dat Hy sal terugkeer om ons te kom haal oortref enigiets wat ons in hierdie lewe sal teëkom.  God is in beheer.  Ek herhaal: 𝑮𝑶𝑫. 𝑰𝑺. 𝑰𝑵. 𝑩𝑬𝑯𝑬𝑬𝑹. 

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Ek moenie myself uit stres oor dinge nie – dit sal verbygaan en daarna sal God nogsteeds in beheer wees.  Ek moet minder uit my eie wil doen en meer op God vertrou om deur Sy Gees beheer te neem oor my lewe.

𝕲𝖊𝖇𝖊𝖉  :

Almagtige God, U is in beheer.  Soms tree ons dwaas op en twyfel ons en dan voel dit soos Jakobus sê in Jak. 1:6 dat ons soos ’n golf in die see is wat deur die wind rondgeruk en voortgesleep word.  Versterk my geloof, Here, en gee my wysheid.  Laat my op U vertrou.  Dankie, Here Jesus, vir U vrede.  Laat U vrede oor- en deur my vloei.  Amen

···ᶜᴶˢ··· ©

𝟐𝟎23-05-12 – 𝐆𝐨𝐝 𝐝𝐨𝐞𝐧 𝐰𝐚𝐭 𝐇𝐲 𝐰𝐢𝐥. (Kliek hier vir die klankgreep)

Wanneer dit kom by gebed, is daar gewoonlik ’n paar redes hoekom mense bid of nie bid nie.  Mense bid om in gereelde kontak met God te wees, om Sy hart te hoor, om hulle harte oop te maak vir Hom, om Hom te loof en prys, te dank, en ook te smeek en pleit by Hom.

Party mense sê weer dat hulle wel in God glo, maar omdat God weet wat in hulle harte aangaan en God in elk geval mos God is en doen net wat Hy wil – soos Hy goeddink, help dit nie om te bid nie.  Kyk, gebed sonder God is sommer net praat met jouself.  En geloof sonder God, is nie geloof nie.  God is die voorwerp, onderwerp en alles van ons geloof.  As ons nie bid nie, dan glo ons nie.  As ons nie glo dat ons ’n liefdevolle, barmhartige God volg, wat bereid is om wel van plan te verander in ons guns nie, hoekom glo ons dan?

Sjoe, moeilike vrae en moeilike, harde feite...  tog moet ons wel ook verstaan en besef dat God God is.  En ja, God doen wat God wil doen.  Hy is almagtig.  Hy regeer.  Spreuke 21:30 (AFR20)leer ons ook dat geen van ons menslike idees en planne hou stand teen God nie:

“30𝐺𝑒𝑒𝑛 𝑤𝑦𝑠ℎ𝑒𝑖𝑑, 𝑔𝑒𝑒𝑛 𝑣𝑒𝑟𝑠𝑡𝑎𝑛𝑑𝑖𝑔ℎ𝑒𝑖𝑑, 𝑗𝑎, 𝑔𝑒𝑒𝑛 𝑟𝑎𝑎𝑑 ℎ𝑜𝑢 𝑠𝑡𝑎𝑛𝑑 𝑡𝑒𝑒𝑛 𝑑𝑖𝑒 𝐻𝑒𝑟𝑒 𝑛𝑖𝑒.”

Selfs as ons dink ons is reg en God is verkeerd.  Selfs al verstaan ons nie Sy redes nie.  Dit help nie ons wil ons eie idees voorhou nie.  God is goed en God is reg.  Daarom is selfs die idee dat dit nie help om te bid nie, omdat God God is en doen wat Hy wil, ’n slegte idee...

Wat hierdie nóg moeiliker maak, is om te verstaan hoekom slegte dinge dan gebeur met goeie mense.  Ons wíl vra hoekom.  Weet jy, selfs deur al Job se lyding en al die lewenslesse wat God hom geleer het, het God nooit vir hom gesê hoekom hy swaarkry nie.  Dit is genoeg om te sê dat God ons nie hoef te antwoord of iets te verduidelik nie.

Dié van ons wat kinders het, sal weet.  Ons kon nooit verstaan hoekom ons ouers vir ons gesê het dat ons moet ‘maak soos hulle sê en klaar!’ nie.  As jy jou eie kinders het, verstaan jy, want jy weet wat beter is.  As dit kom by God, moet ons ook ons kinders en mekaar leer om Sy wil te aanvaar.  Soms sal ons moet erken dat ons dit nie kan verklaar nie.  Deur alles, moet ons wel weet dat Sy wil, sal geskied.  Daarom móét ons tot Hom bid met die ‘wat as’ en ‘hoekom’ vrae van die lewe – dat Hy ons kan help verstaan of vrede vind in Sy wil.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Watter voorbeelde van onderwerping aan God sien my kinders en ander geliefdes in my lewe?  Watter planne het ek gemaak, wat ek nou sien nie noodwendig God se plan is nie?  Hoe kan ek leer om God se plan in die toekoms makliker te aanvaar?

𝕲𝖊𝖇𝖊𝖉  :

Almagtige, goeie God.  U is God.  Nie ek nie.  U plan is goed en hoe U dinge doen, is uiteindelik beter.  Help my om U waarheid en vrede in my lewe te aanvaar.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟏𝟏 – 𝐁𝐢𝐝 𝐯𝐢𝐫 𝐤𝐫𝐚𝐠 𝐢𝐧 𝐣𝐨𝐮 𝐰𝐞𝐫𝐤. (Kliek hier vir die klankgreep)

Gebed kan alles wat ons doen in ons werk en die manier waarop ons dit sien aansienlik beïnvloed.  Tog, in ons daaglikse gebede sluit ons dikwels die behoeftes wat ons in die werk wat ons doen teëkom, uit (dalk is jou werk om ’n moeder te wees, of ’n tuisteskepper, of wat ook al).  Om een of ander rede – vir meeste mense – kom ons werk en werkplekke nie eers in ons gedagtes op as ons bid nie.  Dalk is dit die rede hoekom baie van ons dikwels nie gelukkig is in ons werke nie en ervaar ons dalk nie die volheid van wat God vir ons wil hê daar waar ons werk nie.  Party mense spot mos ook dat hulle by die werk eerder moet bid vir geduld as vir krag, want anders gaan hulle dalk iemand aanrand.

Maar, weer op ’n ernstige noot: Wanneer ons begin bid vir ons werk, besef ons dat God aktief is in 𝙖𝙡𝙡𝙚𝙨 wat ons doen, nie net ons ‘persoonlike’ of ‘geestelike’ lewens nie.  Dít is nogal transformerend.  Dit verander hoe ons dinge ervaar.  Dit verander ons groei.  Tog verander gebed nie God se hart ten opsigte van ons werk soveel as wat dit ons s’n verander nie.  En wanneer ons ons werk begin sien soos God dit sien, ervaar ons die krag van gebed en van God se genade.

Een van die gereelde gebede in die Bybel – veral in die briewe van Paulus – is gebede wat vra dat God Sy mense sal krag gee; dat Hy ons sal bemagtig om baie te doen.  Ongelukkig kom almal van ons een of ander tyd in die versoeking om mag vir die verkeerde redes na te streef of te misbruik.  Tog is die regte soort krag of mag nog steeds ’n goeie ding.

Paulus wou hê dat mense Christus in ons lewens duideliker moes sien, en hy het geweet dat God se krag dit sou bewerkstellig.  So vra Jakobus dan ook dat ons bid vir mekaar:

“¹⁶𝐵𝑒𝑙𝑦 𝑑𝑎𝑛 𝑗𝑢𝑙𝑙𝑒 𝑠𝑜𝑛𝑑𝑒𝑠 𝑡𝑒𝑒𝑛𝑜𝑜𝑟 𝑚𝑒𝑘𝑎𝑎𝑟, 𝑒𝑛 𝑏𝑖𝑑 𝑣𝑖𝑟 𝑚𝑒𝑘𝑎𝑎𝑟, 𝑠𝑜𝑑𝑎𝑡 𝑗𝑢𝑙𝑙𝑒 𝑔𝑒𝑠𝑜𝑛𝑑 𝑘𝑎𝑛 𝑤𝑜𝑟𝑑. 𝐷𝑖𝑒 𝑔𝑒𝑏𝑒𝑑 𝑣𝑎𝑛 '𝑛 •𝑟𝑒𝑔𝑣𝑒𝑟𝑑𝑖𝑔𝑒 𝑖𝑠 𝑏𝑎𝑖𝑒 𝑘𝑟𝑎𝑔𝑡𝑖𝑔 𝑖𝑛 𝑠𝑦 𝑢𝑖𝑡𝑤𝑒𝑟𝑘𝑖𝑛𝑔.” – Jakobus 5:16 AFR20

Die evangelie is die krag wat mense verander (sien Rom. 1:16), en wanneer mense Christus duideliker sien, word hulle bemagtig om te lewe en op te tree soos God dit bedoel het.

God se transformatiewe en skeppende krag is in ons, en kan ons werk en die manier waarop ons ons lewens leef ongelooflik beïnvloed.  Wanneer ons begin bid vir ons werk, besef ons dat God aktief is in alles wat ons doen, nie net ons ‘persoonlike’ of ‘geestelike’ lewens nie.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Besef ek dat my werk ’n baie groot deel van my lewe is?  Is ek dankbaar vir die werk wat God aan my toevertrou het?  Verstaan ek dat God juis ook daar dinge vir my en in my en deur my kan verander?  Bid ek gereeld hieroor?

𝕲𝖊𝖇𝖊𝖉  :

Here, dankie vir my werk.  Al is dit dalk nie altyd maanskyn en rose nie, is dit die werk wat U op hierdie oomblik van my lewe aan my toevertrou het.  U ken my situasie en U weet hoeveel meer ek, in die werk wat ek doen, vir U kan doen.  Help my om deur U krag – die krag van die evangelie – dinge te verander waar nodig, sodat U verheerlik kan word.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟎𝟗 – 𝐎𝐨𝐤 𝐦𝐚𝐚𝐫 𝐧𝐞𝐭 𝐦𝐞𝐧𝐬𝐞 . . . (Kliek hier vir die klankgreep)

Partymaal is dit darem baie moeilik om ander mense lief te hê – selfs ander Christene...  Veral ander Christene!  Dít gesê, dink ek dit is sekerlik ook dikwels moeilik vir ander mense om my lief te hê.

Dink bietjie aan iemand wat jy dink is moeilik om voor lief te wees.  Dalk ’n kollega, familielid, ’n politikus, ’n vyand...  Wat sal dit vat vir jou om daardie persoon lief te hê?

Ons almal weet hoe seer dit ons maak as iemand wat sê hulle is lief vir ons, iets doen wat ons vertroue in hulle verbreek.  As dit een keer gebeur, is dit nog redelik maklik om hulle te vergewe en om aan te beweeg.  Maar as dit oor en oor gebeur, dan het jy nogal goeie rede om daardie persoon se liefde in twyfel te trek.

As gelowiges, is ons veronderstel om ander lief te hê soos ons onsself het (Matt. 22:39; Mark. 12:31; Luk. 10:27).  Tog behandel ons só dikwels ander mense baie liefdeloos.  En ja, ons almal doen dit.  Ons is maar almal skuldig daaraan.  Maar dit hoef nie so te wees nie.  Daar is eintlik geen rede dat ons so is nie.

Ons gewildste verskoning is natuurlik dat ons ‘ook maar net mense is’.  Maar ons maak nie staat op menslike liefde nie!  Dit is nie die Rots waarop ons bou nie.  Hoor wat skryf Johannes in 1 Johannes 4:7-8 (AFR20):

“⁷𝐺𝑒𝑙𝑖𝑒𝑓𝑑𝑒𝑠, 𝑙𝑎𝑎𝑡 𝑜𝑛𝑠 𝑚𝑒𝑘𝑎𝑎𝑟 𝑙𝑖𝑒𝑓ℎ𝑒̂, 𝑤𝑎𝑛𝑡 𝑑𝑖𝑒 𝑙𝑖𝑒𝑓𝑑𝑒 𝑖𝑠 𝑢𝑖𝑡 𝐺𝑜𝑑, 𝑒𝑛 𝑒𝑙𝑘𝑒𝑒𝑛 𝑤𝑎𝑡 𝑙𝑖𝑒𝑓ℎ𝑒𝑡, 𝑖𝑠 𝑢𝑖𝑡 𝐺𝑜𝑑 𝑔𝑒𝑏𝑜𝑟𝑒 𝑒𝑛 𝑘𝑒𝑛 𝐺𝑜𝑑. ⁸𝑊𝑖𝑒 𝑛𝑖𝑒 𝑙𝑖𝑒𝑓ℎ𝑒𝑡 𝑛𝑖𝑒, ℎ𝑒𝑡 𝐺𝑜𝑑 𝑛𝑖𝑒 𝑙𝑒𝑒𝑟 𝑘𝑒𝑛 𝑛𝑖𝑒, 𝑤𝑎𝑛𝑡 𝐺𝑜𝑑 𝑖𝑠 𝑙𝑖𝑒𝑓𝑑𝑒.”

God is liefde.  Alles wat goed en liefdevol is en wat liefde wys, kom van Hom.  Hy is die bron van liefde.  As God se kinders, het ons heeltyd toegang tot Sy liefde.  Wanneer ons sukkel om ander lief te hê, hoef ons God net te vra vir Sy liefde.  Dit is tog wat God wil hê: dat Sy liefde die wêreld in verkondig en geleef word.  As ons nie God se liefde vir ander mense wys nie, gee ons hulle ’n rede om te twyfel of God se liefde werklik in ons is of nie – selfs om te twyfel of God se liefde werklik bestaan.  En wanneer twyfel eers inkruip, begin vertroue by die agterdeur uitloop.

Laat ons God elke dag beter leer ken.  Laat ons Sy liefde vir mekaar hê.  Mag ons dit deel met ander.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Jy weet wat dit gaan vat om daardie ander persoon lief te hê; om jouself lief te hê...  Kry dit by God.

𝕲𝖊𝖇𝖊𝖉  :

Almagtige, liefdevolle God, dankie dat U ons liefhet.  Dankie dat U U liefde aan ons beskikbaar stel.  Skenk aan ons U liefde vir ander, wanneer ons dit nie uit ons eie kan doen nie.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟎𝟖 – 𝐀𝐬 𝐦𝐞𝐧𝐬𝐞 𝐧𝐢𝐞 𝐯𝐚𝐧 𝐣𝐨𝐮 𝐡𝐨𝐮 𝐧𝐢𝐞 . . . (Kliek hier vir die klankgreep)

Die laaste paar dae het ek net weer besef dat mense maar mense bly en dat hulle opinies oor ander mense en oor my eintlik saak maak.  Ek sê gedurig vir myself dat ek nie in ’n gewildheidskompetisie is nie en, alhoewel dit waar is, is wat ek doen, hoe ek dit doen en wat ek sê belangrik. 

Soms sê of doen ons iets wat ander mense omkrap of ons doen nie iets nie en dit krap hulle ook om.  Wanneer ander mense omgekrap is, dan het hulle elkeen hul eie manier om dit te wys.  Sommige sal reguit vir jou sê dat wat jy gesê of gedoen het hulle ongelukkig gemaak het, terwyl ander eerder dit vir hulself hou.  Ander weer, sal eerder met iemand anders daaroor praat en probeer om iemand aan hulle kant te kry en sodoende word jy skielik in slegte lig geplaas by meer as een mens.  Dit is nie lekker nie en is, om eerlik te wees, heeltemal onregverdig.  Maar, mense bly maar mense...

In enige van hierdie scenario’s het ons ’n keuse, soos met enige konflik situasie: ons kan veg of ons kan vlug.  Wanneer ons vlug, bewaar ons dikwels die vrede tussen ons en die ander party, maar is dit dalk ons reputasie wat daaronder lei.  Wanneer ons veg, kan dit dalk die verhouding met die ander party skade doen en selfs vernietig.  So, wat maak ons?  Ons veg met liefde.  Hoe doen ons dit?  Spreuke 4:23 (AFR83) sê: “²³𝑊𝑒𝑒𝑠 𝑣𝑒𝑟𝑎𝑙 𝑣𝑒𝑟𝑠𝑖𝑔𝑡𝑖𝑔 𝑚𝑒𝑡 𝑤𝑎𝑡 𝑖𝑛 𝑗𝑜𝑢 ℎ𝑎𝑟𝑡 𝑜𝑚𝑔𝑎𝑎𝑛, 𝑤𝑎𝑛𝑡 𝑑𝑖𝑡 𝑏𝑒𝑝𝑎𝑎𝑙 𝑗𝑜𝑢 ℎ𝑒𝑙𝑒 𝑙𝑒𝑤𝑒.”

Wanneer ons probeer om konfliksituasies op te los, moet ons vir eers vergeet van die ander party en ook onsself.  Ons moet fokus op die oorsaak van die konflik en ook die gevolge daarvan.  En om die situasie beter te verstaan, moet ons die situasie van alle kante kan bekyk.  Dit beteken dat jy jouself in die ander persoon se skoene moet plaas en probeer verstaan hoe hulle die saak sien en verstaan.  As jy die een is wat dalk verkeerd opgetree het, moet jy probeer verstaan hoekom dit die ander persoon ongelukkig maak en hoe jy sou voel as jy daardie persoon was.  As daar teenoor jou verkeerd opgetree is, probeer om die ander persoon te laat verstaan hoe en hoekom jy voel soos jy voel.  Maar moenie net veg nie.  Veg met liefde.  Kies jou woorde reg.  Laat vrede in jou hart omgaan en laat dit die situasie en jou lewe bepaal.

Ja, ek en jy is nie hier op aarde om ’n gewildheidskompetisie te wen nie en soms gaan mense onredelik wees en om een of ander rede nie van ons hou nie, maar ons moet onthou hoekom ons hier is vir Wie ons lewe.  Paulus skryf in 2 Korintiërs 10:17-18 (AFR20):

“¹⁷𝑊𝑖𝑒 ℎ𝑜𝑚 𝑜𝑝 𝑖𝑒𝑡𝑠 𝑤𝑖𝑙 𝑏𝑒𝑟𝑜𝑒𝑚, 𝑚𝑜𝑒𝑡 ℎ𝑜𝑚 𝑏𝑒𝑟𝑜𝑒𝑚 𝑜𝑝 𝑑𝑖𝑒 𝐻𝑒𝑟𝑒. ¹⁸𝑊𝑎𝑛𝑡 𝑑𝑖𝑡 𝑖𝑠 𝑛𝑖𝑒 𝑑𝑖𝑒 𝑒𝑒𝑛 𝑤𝑎𝑡 ℎ𝑜𝑚𝑠𝑒𝑙𝑓 𝑎𝑎𝑛𝑏𝑒𝑣𝑒𝑒𝑙, 𝑤𝑎𝑡 𝑑𝑖𝑒 𝑡𝑜𝑒𝑡𝑠 𝑑𝑒𝑢𝑟𝑠𝑡𝑎𝑎𝑛 ℎ𝑒𝑡 𝑛𝑖𝑒, 𝑚𝑎𝑎𝑟 𝑑𝑖𝑒 𝑒𝑒𝑛 𝑤𝑎𝑡 𝑑𝑒𝑢𝑟 𝑑𝑖𝑒 𝐻𝑒𝑟𝑒 𝑎𝑎𝑛𝑏𝑒𝑣𝑒𝑒𝑙 𝑤𝑜𝑟𝑑.”

Moenie dat jy sélf, jou eie begeertes en eie aansien jou dryfkrag wees nie.  Moenie dat selfdunk en die eie-ek jou beheer nie.  Jou opinie maak soms saak en is soms baie belangrik, maar wat vuur dit aan?  Wat is dit wat in jou hart omgaan?  Roem op God en laat sy vrede heers in jou hart. 

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Van  watter persone hou ek nie?  Hoekom nie?  Hoe laat ek God se Gees my lei in hierdie besluite?  Laat ek God se vrede heers in my hart?

𝕲𝖊𝖇𝖊𝖉  :

Here, ek kan nie enige moeilike situasie oplos op my eie nie.  U Woord en U Gees moet my lei.  Laat u vrede in my hart regeer en help my om nie te liggeraak te wees oor mense se opinies en praatjies nie.  Help my om te onthou dat ek in U, Here Jesus Christus, die toets sal deurstaan en dat alle lof en eer aan U behoort.  Stort u vrede oor my lewe.  Amen

Here God almagtig!  U is groter as wat ek ooit sal verstaan.  U is die belangrikste in my lewe.  Herinner my gereeld daaraan, want ek laat myself so gou vergeet.  Mag ek in U teenwoordigheid wees?  Dankie dat U ’n almagtige God is wat alles kan uitwis deur dit net te dink, maar tog ook ’n ewig liefdevolle en genadige God wat my Vader is en my toevou in U liefde.  Ek loof en prys U.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟎𝟒 – 𝐖𝐞𝐞𝐬 𝐯𝐞𝐫𝐬𝐢𝐠𝐭𝐢𝐠.  𝐖𝐞𝐞𝐬 𝐁𝐀𝐈𝐄 𝐯𝐞𝐫𝐬𝐢𝐠𝐭𝐢𝐠 ! (Kliek hier vir die klankgreep)

Wat is die mees vreesaanjaende herinnering wat jy het?  Vir sommige mense is dit iets waaraan hulle nie eers herinner wil word nie, en as ek dalk vandag jou daaraan herinner, is ek jammer.  Maar tog, almal van ons het iewers in ons lewens iets heeltemal skrikwekkend beleef.  Vir party mense is dit dalk eenvoudig net ’n groot skrik gewees, vir ander was dit dalk ’n geval van lewe en dood.  Meeste van ons was al in ’n situasie waar ons baie versigtig moes optree, waar enige skielike beweging of verkeerde handeling baie slegte gevolge vir ons kon hê.

Regdeur die Bybel en ook in meeste van hierdie dagstukkies, word ons aangeraai om God se teenwoordigheid te soek, maar veral in die Ou Testament word ons gewaarsku om sommer net heel gemaklik in God se teenwoordigheid in te gaan.  Sommerso asof Hy een van ons is...  Asof ons vergeet van Sy ontsagwekkende wonderlikheid...  Sy almag en krag...  Sy beheerde toorn in die lig van ons sondigheid...

Wanneer Jesaja die tempel binnegaan en bewus word van die teenwoordigheid van ’n heilige God, is dit redelik ongelooflik.  Onthou, tot op hierdie punt in die verhaal – dis nou Jesaja 1-5 – herinner Jesaja mense aan húlle sondigheid.  Jesaja doen wat hy opdrag voor gekry het.  Hy is moeg vir die mense se sonde.  Hy is moeg vir alles wat so sleg is in die wêreld.  Hy is sommer net moeg...  Klink bekend, nè?  Hoor weer wat gebeur toe Jesaja in God se teenwoordigheid kom:

“¹𝐼𝑛 𝑑𝑖𝑒 𝑠𝑡𝑒𝑟𝑓𝑗𝑎𝑎𝑟 𝑣𝑎𝑛 𝑘𝑜𝑛𝑖𝑛𝑔 𝑈𝑠𝑠𝑖𝑎 ℎ𝑒𝑡 𝑒𝑘 𝑚𝑦 𝐻𝑒𝑒𝑟 𝑠𝑖𝑒𝑛 𝑠𝑖𝑡 𝑜𝑝 '𝑛 ℎ𝑜𝑒̈ 𝑒𝑛 𝑣𝑒𝑟ℎ𝑒𝑤𝑒 𝑡𝑟𝑜𝑜𝑛. 𝐷𝑖𝑒 𝑠𝑜𝑚𝑒 𝑣𝑎𝑛 𝑠𝑦 𝑘𝑙𝑒𝑒𝑑 ℎ𝑒𝑡 𝑑𝑖𝑒 •𝑡𝑒𝑚𝑝𝑒𝑙 𝑔𝑒𝑣𝑢𝑙. ²𝑆𝑒𝑟𝑎𝑓𝑠 ℎ𝑒𝑡 𝑏𝑜 𝐻𝑜𝑚 𝑔𝑒𝑟𝑒𝑒𝑑𝑔𝑒𝑠𝑡𝑎𝑎𝑛. 𝐸𝑙𝑘𝑒𝑒𝑛 ℎ𝑒𝑡 𝑠𝑒𝑠 𝑣𝑙𝑒𝑟𝑘𝑒 𝑔𝑒ℎ𝑎𝑑: 𝑀𝑒𝑡 𝑡𝑤𝑒𝑒 𝑣𝑙𝑒𝑟𝑘𝑒 ℎ𝑒𝑡 𝑒𝑙𝑘𝑒𝑒𝑛 𝑠𝑦 𝑔𝑒𝑠𝑖𝑔 𝑏𝑒𝑑𝑒𝑘, 𝑚𝑒𝑡 𝑡𝑤𝑒𝑒 ℎ𝑒𝑡 ℎ𝑦 𝑠𝑦 𝑣𝑜𝑒𝑡𝑒 𝑏𝑒𝑑𝑒𝑘 𝑒𝑛 𝑚𝑒𝑡 𝑡𝑤𝑒𝑒 𝑘𝑜𝑛 ℎ𝑦 𝑣𝑙𝑖𝑒𝑔. ³𝐻𝑢𝑙𝑙𝑒 ℎ𝑒𝑡 𝑛𝑎 𝑚𝑒𝑘𝑎𝑎𝑟 𝑔𝑒𝑟𝑜𝑒𝑝 𝑒𝑛 𝑔𝑒𝑠𝑒̂: “𝐻𝑒𝑖𝑙𝑖𝑔, ℎ𝑒𝑖𝑙𝑖𝑔, ℎ𝑒𝑖𝑙𝑖𝑔 𝑖𝑠 𝑑𝑖𝑒 𝐻𝑒𝑟𝑒, 𝐻𝑒𝑒𝑟𝑠𝑒𝑟 𝑜𝑜𝑟 𝑎𝑙𝑙𝑒 𝑚𝑎𝑔𝑡𝑒! 𝐷𝑖𝑒 ℎ𝑒𝑙𝑒 𝑎𝑎𝑟𝑑𝑒 𝑖𝑠 𝑣𝑜𝑙 𝑣𝑎𝑛 𝑠𝑦 ℎ𝑒𝑒𝑟𝑙𝑖𝑘ℎ𝑒𝑖𝑑.” ⁴𝐷𝑖𝑒 𝑑𝑒𝑢𝑟𝑝𝑒𝑛𝑛𝑒 𝑖𝑛 𝑑𝑖𝑒 𝑑𝑟𝑢𝑚𝑝𝑒𝑙 ℎ𝑒𝑡 𝑔𝑒𝑏𝑒𝑤𝑒 𝑣𝑎𝑛 𝑑𝑖𝑒 𝑔𝑒𝑙𝑢𝑖𝑑 𝑣𝑎𝑛 𝑑𝑖𝑒 𝑒𝑒𝑛 𝑤𝑎𝑡 𝑟𝑜𝑒𝑝. 𝐷𝑖𝑒 𝑡𝑒𝑚𝑝𝑒𝑙 ℎ𝑒𝑡 𝑣𝑜𝑙 𝑟𝑜𝑜𝑘 𝑔𝑒𝑤𝑜𝑟𝑑. ⁵𝐸𝑘 ℎ𝑒𝑡 𝑔𝑒𝑠𝑒̂: “𝑊𝑒𝑒 𝑚𝑦, 𝑤𝑎𝑛𝑡 𝑒𝑘 𝑖𝑠 𝑣𝑒𝑟𝑙𝑜𝑟𝑒! 𝑊𝑎𝑛𝑡 𝑒𝑘 𝑖𝑠 '𝑛 𝑚𝑒𝑛𝑠 𝑚𝑒𝑡 𝑜𝑛𝑟𝑒𝑖𝑛 𝑙𝑖𝑝𝑝𝑒, 𝑒𝑛 𝑏𝑦 '𝑛 𝑣𝑜𝑙𝑘 𝑚𝑒𝑡 𝑜𝑛𝑟𝑒𝑖𝑛 𝑙𝑖𝑝𝑝𝑒 𝑤𝑜𝑜𝑛 𝑒𝑘. 𝐽𝑎, 𝑚𝑦 𝑜𝑒̈ ℎ𝑒𝑡 𝑑𝑖𝑒 𝐾𝑜𝑛𝑖𝑛𝑔, 𝑑𝑖𝑒 𝐻𝑒𝑟𝑒, 𝐻𝑒𝑒𝑟𝑠𝑒𝑟 𝑜𝑜𝑟 𝑎𝑙𝑙𝑒 𝑚𝑎𝑔𝑡𝑒, 𝑔𝑒𝑠𝑖𝑒𝑛.” ⁶𝐸𝑒𝑛 𝑣𝑎𝑛 𝑑𝑖𝑒 𝑠𝑒𝑟𝑎𝑓𝑠 ℎ𝑒𝑡 𝑛𝑎 𝑚𝑦 𝑡𝑜𝑒 𝑔𝑒𝑣𝑙𝑖𝑒𝑔 𝑚𝑒𝑡 '𝑛 𝑔𝑙𝑜𝑒𝑖𝑒𝑛𝑑𝑒 𝑘𝑜𝑜𝑙 𝑏𝑦 ℎ𝑜𝑚 𝑤𝑎𝑡 ℎ𝑦 𝑚𝑒𝑡 '𝑛 𝑡𝑎𝑛𝑔 𝑣𝑎𝑛 𝑑𝑖𝑒 𝑎𝑙𝑡𝑎𝑎𝑟 𝑎𝑓 𝑔𝑒𝑛𝑒𝑒𝑚 ℎ𝑒𝑡. ⁷𝐻𝑦 ℎ𝑒𝑡 𝑚𝑦 𝑚𝑜𝑛𝑑 𝑎𝑎𝑛𝑔𝑒𝑟𝑎𝑎𝑘 𝑒𝑛 𝑔𝑒𝑠𝑒̂: “𝐾𝑦𝑘, 𝑑𝑖𝑡 ℎ𝑒𝑡 𝑗𝑜𝑢 𝑙𝑖𝑝𝑝𝑒 𝑎𝑎𝑛𝑔𝑒𝑟𝑎𝑎𝑘, 𝑗𝑜𝑢 𝑠𝑜𝑛𝑑𝑒𝑠𝑘𝑢𝑙𝑑 ℎ𝑒𝑡 𝑔𝑒𝑤𝑦𝑘, 𝑑𝑎𝑎𝑟 𝑖𝑠 𝑣𝑖𝑟 𝑗𝑜𝑢 𝑠𝑜𝑛𝑑𝑒 𝑣𝑒𝑟𝑠𝑜𝑒𝑛𝑖𝑛𝑔 𝑔𝑒𝑑𝑜𝑒𝑛.” ⁸𝑇𝑜𝑒 ℎ𝑜𝑜𝑟 𝑒𝑘 𝑑𝑖𝑒 𝑠𝑡𝑒𝑚 𝑣𝑎𝑛 𝑚𝑦 𝐻𝑒𝑒𝑟 𝑤𝑎𝑡 𝑠𝑒̂: “𝑊𝑖𝑒 𝑠𝑎𝑙 𝐸𝑘 𝑠𝑡𝑢𝑢𝑟 𝑒𝑛 𝑤𝑖𝑒 𝑠𝑎𝑙 𝑣𝑖𝑟 𝑜𝑛𝑠 𝑔𝑎𝑎𝑛?” 𝐸𝑘 𝑠𝑒̂ 𝑡𝑜𝑒: “𝐻𝑖𝑒𝑟 𝑖𝑠 𝑒𝑘, 𝑠𝑡𝑢𝑢𝑟 𝑚𝑦!”” – Jesaja 6:1-8 (AFR20)

Skielik word Jesaja herinner aan sy eie sonde.  Hierdie pragtige beeld van God in die troonkamer is in die Skrif om ons te help om nooit te vergeet dat ons God ’n verhewe God is nie.  As ons in Sy teenwoordigheid kom, moet ons harte klop teen 300km/h.  Dit moet ons voete lig laat trap, ons hande moet bewe.  Ons staan voor suiwer dinamiet.  Voor God kan ons nie wegkom met skynheiligheid nie...  Ja, ons moet vrees.  Ons moet ontsag hê.  Ons moet nederiger as nederig wees.

Maar: met hierdie beeld geanker in ons gedagtes, is dit nie ongelooflik dat dieselfde God ons liefhet en Homself in tere liefde ons Vader noem nie?  Laat die kontras van hierdie twee ongelooflike waarhede hulself diep in ons harte begrawe.

𝕲𝖊𝖇𝖊𝖉  :

Here God almagtig!  U is groter as wat ek ooit sal verstaan.  U is die belangrikste in my lewe.  Herinner my gereeld daaraan, want ek laat myself so gou vergeet.  Mag ek in U teenwoordigheid wees?  Dankie dat U ’n almagtige God is wat alles kan uitwis deur dit net te dink, maar tog ook ’n ewig liefdevolle en genadige God wat my Vader is en my toevou in U liefde.  Ek loof en prys U.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟎𝟑 – 𝐖𝐚𝐭 𝐢𝐬 𝐰𝐚𝐫𝐞 𝐰𝐲𝐬𝐡𝐞𝐢𝐝 ?  (Kliek hier vir die klankgreep)

Wat is ware wysheid?  Is dit slim besluite?  Hoë intelligensie?  Ons dink dikwels aan wysheid as ’n tipe intelligensie, maar probeer om hierdie definisie na die boek Spreuke te bring en jy kom gou agter dat nie alle dinge ware wysheid is nie.  As ons kyk na die groot aantal onderwerpe wat onder die opskrif “wysheid” gedek word, is dit maklik om wanhopig  te raak in jou soeke vir gelyke grond, want die opskrif handel oor wye onderwerpe soos vakmanskap, wetenskaplike kennis, etiket, filosofie, sielkunde, politiek, sosiologie en regsleer, om maar net ’n paar te noem.  Vêrder, dring die teks by meer as een geleentheid daarop aan dat die “vrees (of ontsag) vir die Here” die begin of grondslag van wysheid is (Spreuke 1:7; 9:10; 15:33). “¹⁰𝐷𝑖𝑒 𝑏𝑒𝑔𝑖𝑛 𝑣𝑎𝑛 𝑤𝑦𝑠ℎ𝑒𝑖𝑑 𝑖𝑠 𝑜𝑛𝑡𝑠𝑎𝑔 𝑣𝑖𝑟 𝑑𝑖𝑒 𝐻𝑒𝑟𝑒, 𝑒𝑛 𝑘𝑒𝑛𝑛𝑖𝑠 𝑣𝑎𝑛 𝑑𝑖𝑒 𝐻𝑒𝑖𝑙𝑖𝑔𝑒 𝑖𝑠 𝑖𝑛𝑠𝑖𝑔.” (Spr. 9:10 AFR20)  So, sê dit dan vir ons dat nie een van daardie dissiplines suksesvol aangepak kan wees sonder ’n vrees vir die Here nie?

As ons kyk na die manier waarop mense in die antieke wêreld gedink het, is dit moontlik dat ons die Bybelse manier om dit alles te verstaan, die beste kan vasvang deur te dink in terme van ’n integrasie van wêreldbeskouing.  In die antieke wêreld, insluitend Israel, was orde ’n belangrike waarde.  Die skepping het orde in die kosmos gebring; die reg het orde in die samelewing gebring; etiket het orde in menseverhoudings gebring; politiek het orde in bestuur en gesag gebring.  Antieke wysheid kan dan verstaan word as die strewe na begrip en behoud van orde in die wêreld.  Wysheid is teenwoordig wanneer orde waargeneem, nagestreef en bewaar word.  Die mense wou hê dat hul wêreldbeskouing soos ’n legkaart inpas – volledig geïntegreer, met elke stuk in die regte verhouding tot die ander.

Hulle het die vrees van die Here gesien as die hoeksteen van hierdie integrasieproses.  Om “die Here te vrees” beteken om Sy persoon en rol ernstig op te neem.  Orde in die kosmos kon slegs verstaan word deur erkenning van die Een wat orde gebring het.  Orde kon slegs in die samelewing en in die lewe behoue bly deur God se vereistes en verwagtinge te verstaan.  Op hierdie manier kan wysheid gesien word as die basiese kennis of vaardigheid wat met spesifieke dissiplines verband hou.

’n Dwaas (of enige van die ander sinonieme wat gebruik word om so ’n persoon te beskryf) was iemand wat deur hul gedrag of denke wanorde op enige van die terreine ingebring het.  Verder sou ’n dwaas iemand wees wat nie die Here vrees nie en daarom probeer het om samehang te vind in iets of iemand anders – gewoonlik hulself.

Ongelukkig floreer vandag se wêreld op chaos – of hulle dink hulle floreer.  Dit is ’n tipe van ’n georganiseerde chaos, maar dit is steeds chaos.  In ons land is daar nie meer wet en orde nie, en dit syfer deur in ons huise en die volgende geslag.  Mense is dwaas, want hul soek nie meer die ware Wysheid nie.  Hulle vrees nie meer die Here nie.  Daar is geen ontsag nie. 

Moenie ’n dwaas wees nie.  Vrees die Here.  Skep orde in jou lewe.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Hoe laat ek die gees van die tyd my meesleur?  Is God die belangrikste in my lewe?  Het ek die nodig ontsag vir Hom?

𝕲𝖊𝖇𝖊𝖉  :

Here, die wêreld is deurmekaar en mense het vergeet Wie U is.  Mense het vergeet dat ons in U orde moet bly en dat dit ons werk is om U orde te handhaaf in die skepping en in ons lewens.  Help my om dit in my lewe te doen.  U is Wysheid.  Laat my meer van U kry.  Amen

···ᶜᴶˢ··· ©

𝟐𝟎𝟐𝟑-𝟎𝟓-𝟎𝟐 – 𝐍𝐨𝐨𝐢𝐭 𝐚𝐥𝐥𝐞𝐞𝐧 𝐧𝐢𝐞. (Kliek hier vir die klankgreep)

“⁷𝑊𝑎𝑎𝑟ℎ𝑒𝑒𝑛 𝑘𝑎𝑛 𝑒𝑘 𝑔𝑎𝑎𝑛,

𝑤𝑒𝑔 𝑣𝑎𝑛 𝑢 𝐺𝑒𝑒𝑠;

𝑤𝑎𝑎𝑟ℎ𝑒𝑒𝑛 𝑘𝑎𝑛 𝑒𝑘 𝑣𝑙𝑢𝑔,

𝑤𝑒𝑔 𝑣𝑎𝑛 𝑢 𝑡𝑒𝑒𝑛𝑤𝑜𝑜𝑟𝑑𝑖𝑔ℎ𝑒𝑖𝑑?

⁸𝐾𝑙𝑖𝑚 𝑒𝑘 𝑜𝑝 𝑛𝑎 𝑑𝑖𝑒 ℎ𝑒𝑚𝑒𝑙 – 𝑈 𝑖𝑠 𝑑𝑎𝑎𝑟;

𝑔𝑎𝑎𝑛 𝑙𝑒̂ 𝑒𝑘 𝑖𝑛 𝑑𝑖𝑒 •𝑑𝑜𝑑𝑒𝑟𝑦𝑘 – 𝑜𝑜𝑘 𝑑𝑎𝑎𝑟 𝑖𝑠 𝑈!

⁹𝑁𝑒𝑒𝑚 𝑒𝑘 𝑑𝑖𝑒 𝑣𝑙𝑒𝑟𝑘𝑒 𝑣𝑎𝑛 𝑑𝑖𝑒 𝑑𝑎𝑒𝑟𝑎𝑎𝑑,

𝑔𝑎𝑎𝑛 𝑤𝑜𝑜𝑛 𝑒𝑘 𝑏𝑦 𝑑𝑖𝑒 𝑒𝑖𝑛𝑑𝑒 𝑣𝑎𝑛 𝑑𝑖𝑒 𝑠𝑒𝑒;

¹⁰𝑜𝑜𝑘 𝑑𝑎𝑎𝑟 𝑠𝑎𝑙 𝑢 ℎ𝑎𝑛𝑑 𝑚𝑦 𝑙𝑒𝑖,

𝑢 𝑟𝑒𝑔𝑡𝑒𝑟ℎ𝑎𝑛𝑑 𝑚𝑦 𝑣𝑎𝑠ℎ𝑜𝑢.

¹¹𝐸𝑛 𝑎𝑙 𝑠𝑒̂ 𝑒𝑘,

“𝐴𝑠 𝑑𝑢𝑖𝑠𝑡𝑒𝑟𝑛𝑖𝑠 𝑚𝑦 𝑚𝑎𝑎𝑟 𝑛𝑒𝑡 𝑤𝑖𝑙 𝑣𝑒𝑟𝑏𝑒𝑟𝑔 𝑒𝑛 𝑑𝑖𝑒 𝑙𝑖𝑔 𝑜𝑚 𝑚𝑦 𝑛𝑎𝑔 𝑤𝑜𝑟𝑑”,

¹²𝑖𝑠 𝑠𝑒𝑙𝑓𝑠 𝑑𝑢𝑖𝑠𝑡𝑒𝑟𝑛𝑖𝑠 𝑛𝑖𝑒 𝑣𝑖𝑟 𝑈 𝑑𝑜𝑛𝑘𝑒𝑟 𝑛𝑖𝑒,

𝑚𝑎𝑎𝑟 𝑠𝑘𝑦𝑛 𝑛𝑎𝑔 𝑠𝑜 𝑙𝑖𝑔 𝑠𝑜𝑜𝑠 𝑑𝑖𝑒 𝑑𝑎𝑔,

𝑖𝑠 𝑑𝑖𝑒 𝑑𝑢𝑖𝑠𝑡𝑒𝑟𝑛𝑖𝑠 𝑠𝑜𝑜𝑠 𝑑𝑖𝑒 𝑙𝑖𝑔. “

– Psalm 139:7-12 (AFR20)

Alomteenwoordigheid – Een van God se ontelbare eienskappe.  Ja, ons Here is op dieselfde tyd oral.  Hy IS die soewereine God van die heelal.

Ons God is altyd teenwoordig!  Daar is geen plek waar Hy nie is nie.

“Jy is nooit ooit alleen nie!”  Hoor jy wat die Here vandag vir jou deur hierdie Psalm kom sê?  Hy bedoel wat Hy sê as Hy vandag weer in Sy ewige Woord verklaar dat jy NOOIT alleen is nie, want Hy is ALTYD by jou, oral waar jy gaan.

Dit maak nie saak hoe chaoties die wêreld kan word of selfs lyk nie; dit maak nie saak wat ons in die lewe deurgaan nie, watter moontlike lyding en worsteling ons dalk moet verduur nie, ons het vandag en elke dag ’n VERSEKERING dat God by ons is!

Waar ook al die lewensreis jou neem, of dit nou in die diepte van die lewens-valleie is, of in die bergtoppe van sukses, soggens, middag of saans, op die stormsee van die lewe, in oorwinning of nederlaag, in goeie of slegte tye, in hartseer of blydskap, in siekte of in goeie gesondheid, in gevaar of swaard, in hoop of in wanhoop, in die duisternis van die middernagtelike uur of in die lig van die dag, het ons ’n Helper, 'n ewige Here, God self, wat intree vir ons en ons nooit alleen laat nie.  Sy naam is Jesus!

Dit maak nie saak wat die vyand of die wêreld jou wil laat glo nie, God se verklaring regdeur Sy Woord, sê  vir jou dat jy NOOIT alleen is nie en dat Hy ALTYD by jou is.

In Jesaja 55:11 sê God ook Sy Woord sal nie vrugteloos na Hom toe terugkeer nie, maar dit sal doen wat Hy wil hê en dit sal die doel bereik waarvoor Hy dit gestuur het.  In Johannes 1 hoor ons ook dat Jesus self die Woord is.  Deur Jesus en die lewende Woord van God – die Bybel – weet ons dus dat God se Woord waar is en kan ons met ’n geruste hart elke dag begin, dit aanpak en dit afsluit met die wete dat God ALTYD daar is.

God se beloftes is ewig aan diegene wat Hom op sy Woord sou neem en glo dat dit waar en eg is.  Dat dit waarlik die Woord van God is.

“Jy is nooit alleen nie!” ’n Belofte vanuit die hemel tot op die aarde uitgegiet aan almal wat deur geloof sou glo dat ons God die Groot “EK IS” is, dat Hy liefde is, en dat Sy wil die beste is.

Die boodskap van God se Woord, is dié van ’n oneindig liefdevolle God – die enigste God – wat nooit ophou belangstel is Sy skepsels nie, wat nooit ophou betrokke wees nie, wat ons nooit alleen los nie.  Neem hierdie belofte van teenwoordigheid aan, laat dit deel word van wie jy is en deel dit met ander vandag.

𝕲𝖊𝖇𝖊𝖉  :

Almagtige, alomteenwoordige God, waarheen kan ons gaan om van U teenwoordigheid weg te kom?  Nêrens!  Want as ons hier of daar aankom, is U reeds daar!  Dit is vir ons goed Here, want ons wil nooit sonder U wees nie.  Dankie Here.  Amen

Vir watter ramp vrees ek?  Is my persoonlikheid geneig om bekommerd te wees oor rampe en slegte gebeure?    Hoe kan ek my vrees ’n bietjie verminder in terme van bekommernisse?

···ᶜᴶˢ··· ©

𝟐𝟎𝟐𝟑-𝟎𝟓-𝟎𝟏 – 𝐌𝐨𝐞𝐧𝐢𝐞 𝐛𝐚𝐧𝐠 𝐰𝐞𝐞𝐬 𝐧𝐢𝐞. (Kliek hier vir die klankgreep)

Wanneer ons klein is, raak ons maklik bang vir allerhande dinge.  Gelukkig word ons weer vinnig gerusgestel deur ons ouers en ons weet dat as hulle daar is om ons te beskerm, is alles weer goed.  Maar wanneer ons ouer word, is ons nie meer bang vir enigiets nie...  Nee, natuurlik is ons nogsteeds bang vir baie dinge, maar ons sê dit nie en ons wys dit nie.  Wat erger is, as ons kinders het, en hulle is bang, dan is ons ook bang.  Ons maak allerhande vreemde scenarios in ons gedagtes op, ons verbeel ons allerhande soort onheil en ongeluk en gaan haal dikwels sommer 4 bobbejane agter ’n bult wat nie eers bestaan nie.  Ons lê soms wakker met daardie “wat as” vrae.  Wat as hulle in ’n ongeluk is?  Wat as hulle nie goed doen nie?  Wat as dit en wat as dat?

Dit is tog normaal dat ons die “wat as” vrae vra oor ons geliefdes.  Dit is die mense wat God ons gegee het om naby aan ons te wees en dit is die mense waarvoor ons baie lief is.  Maar, alhoewel daar ter eniger tyd enigiets kan gebeur, moet ons nie dat hierdie vrees ons oorweldig nie.  Ons moet dinge in die regte perspektief benader en dit daar hou.

Die realiteit is dat sommige gebeurtenisse in jou en jou kinders en jou geliefdes se lewens sal plaasvind waarvan jy nie hou nie of wat jy nie wil hanteer nie – miskien selfs ’n tragedie.  Slegte voorvalle is deel van die menslike ervaring.  Maar ’n mens en veral ’n ouer wat hierdie werklikheid aanvaar en van die Here afhanklik is, sal beter voorbereid wees in geval van ’n werklike ongeluk of tragedie.  Kyk, niemand wíl voorberei op ’n ramp nie, maar dit is verstandig om dit wel te doen.

Salomo skryf in Spreuke ’n hele paar goeie wyshede wat ons leer hoe om moeilike situasies te hanteer, maar hy gee ook heelwat goeie raad oor hoe om voorbereid te wees.  In Spreuke 3:25-26 (AFR20) vind ons sulke raad.  Hy sê:

“²⁵𝐽𝑦 ℎ𝑜𝑒𝑓 𝑛𝑖𝑒 𝑏𝑎𝑛𝑔 𝑡𝑒 𝑤𝑒𝑒𝑠 𝑣𝑖𝑟 '𝑛 𝑜𝑛𝑣𝑒𝑟𝑤𝑎𝑔𝑡𝑒 𝑣𝑒𝑟𝑠𝑘𝑟𝑖𝑘𝑘𝑖𝑛𝑔,

𝑜𝑓 𝑣𝑖𝑟 𝑑𝑖𝑒 𝑡𝑒𝑒𝑛𝑠𝑝𝑜𝑒𝑑 𝑣𝑎𝑛 𝑔𝑜𝑑𝑑𝑒𝑙𝑜𝑠𝑒𝑠 𝑤𝑎𝑛𝑛𝑒𝑒𝑟 𝑑𝑖𝑡 𝑘𝑜𝑚 𝑛𝑖𝑒.

²⁶𝑊𝑎𝑛𝑡 𝑑𝑖𝑒 𝐻𝑒𝑟𝑒 𝑠𝑎𝑙 𝑎𝑎𝑛 𝑗𝑜𝑢 𝑠𝑦 𝑤𝑒𝑒𝑠,

𝑒𝑛 𝐻𝑦 𝑠𝑎𝑙 𝑘𝑒𝑒𝑟 𝑑𝑎𝑡 𝑗𝑜𝑢 𝑣𝑜𝑒𝑡 𝑖𝑛 '𝑛 𝑠𝑡𝑟𝑖𝑘 𝑡𝑟𝑎𝑝.“ – Spreuke 3:25-26 (AFR20)

As ons mooi terugdink oor ons lewens, dink daaraan en kyk mooi hoe ons soewereine God die sogenaamde “rampe” wat jy beleef het deurgewerk het en hoe dit jou verhouding met Hom in werklikheid verdiep het.  Dieselfde proses sal by jou kinders en jou geliefdes gebeur as hulle die Here vertrou terwyl hulle beproewinge ondervind.

𝑮𝒆𝒆𝒏 𝒈𝒆𝒃𝒆𝒖𝒓𝒕𝒆𝒏𝒊𝒔𝒔𝒆 𝒗𝒆𝒓𝒓𝒂𝒔 𝑮𝒐𝒅 𝒏𝒊𝒆.  𝑽𝒆𝒓𝒕𝒓𝒐𝒖 𝒐𝒑 𝑯𝒐𝒎 𝒐𝒎 𝒅𝒊𝒕 𝒕𝒆 𝒃𝒆𝒔𝒕𝒖𝒖𝒓 𝒆𝒏 𝒕𝒆 𝒃𝒆𝒉𝒆𝒆𝒓.

𝕆𝕞 𝕠𝕠𝕣 𝕥𝕖 𝕕𝕚𝕟𝕜 𝕧𝕒𝕟𝕕𝕒𝕘 :

Vir watter ramp vrees ek?  Is my persoonlikheid geneig om bekommerd te wees oor rampe en slegte gebeure?    Hoe kan ek my vrees ’n bietjie verminder in terme van bekommernisse?

𝕲𝖊𝖇𝖊𝖉  :

Here, U sê vir ons in U woord soveel kere dat ons nie bang hoef te wees nie – ons hoef nié te vrees nie – en tog laat ons ons menslikheid, die duiwel en omstandighede so dikwels toe om ons gemoed swaar van kommer en vrees te maak.  Dankie Here, dat U altyd aan my sy is en dat U sal keer dat my voet in ’n strik trap.  Dankie dat U dit ook doen vir my geliefdes.  Ek weet dat ongeluk en slegte gebeure nie onvermydelik is nie, maar ek vertrou op U dat, as dit wel kom, U ook daar aan my sy sal wees en dat U my daardeur sal dra – soos U nog altyd het.  Skenk aan my U vrede deur my vertroue in U.  Amen

···ᶜᴶˢ··· ©