𝟐𝟎𝟐𝟔-𝟏𝟏-𝟏𝟑 – 𝐃𝐢𝐞 𝐄𝐫𝐟𝐞𝐧𝐢𝐬 𝐯𝐚𝐧 𝐆𝐞𝐥𝐨𝐨𝐟. (𝐾𝑙𝑖𝑒𝑘 ℎ𝑖𝑒𝑟 𝑣𝑖𝑟 '𝑛 ℎ𝑜𝑒̈𝑟 𝑘𝑤𝑎𝑙𝑖𝑡𝑒𝑖𝑡 𝑘𝑙𝑎𝑛𝑘𝑔𝑟𝑒𝑒𝑝)
𝗠𝗮𝗮𝗻𝗱 𝗧𝗲𝗺𝗮: 𝗗𝗶𝗲 𝗙𝗶𝗻𝗮𝗹𝗲 𝗢𝗲𝘀
’n Geloof wat nie gedeel word nie, sterf uiteindelik uit. Psalm 78 plaas ’n swaar en pragtige verantwoordelikheid op die skouers van die ouer geslag: ons mag nie die dade van die Here, sy magtige dade en sy wonders vir ons kinders verberg nie. Ons is geroep om dit te vertel aan die volgende geslag, sodat hulle op hulle beurt hulle hoop op God kan vestig en sy gebooie kan bewaar. Die oorlewing van die geloof in ’n gesin hang af van doelbewuste oorlewering. Om reg te staan vir die finale oes beteken dat ons nie net vir onsself leef nie, maar aktief ’n erfenis van geloof nalaat aan die wat na ons kom.
📖 𝗦𝗸𝗿𝗶𝗳𝗹𝗲𝘀𝗶𝗻𝗴: 𝗣𝘀𝗮𝗹𝗺 𝟳𝟴:𝟭-𝟳 (𝗔𝗙𝗥𝟮𝟬)
“'𝑛 𝑀𝑎𝑠𝑘𝑖𝑒𝑙. 𝑉𝑎𝑛 𝐴𝑠𝑎𝑓.
𝑀𝑦 𝑣𝑜𝑙𝑘, 𝑙𝑢𝑖𝑠𝑡𝑒𝑟 𝑛𝑎 𝑚𝑦 𝑜𝑛𝑑𝑒𝑟𝑟𝑖𝑔;
𝑠𝑝𝑖𝑡𝑠 𝑗𝑢𝑙𝑙𝑒 𝑜𝑟𝑒 𝑣𝑖𝑟 𝑑𝑖𝑒 𝑤𝑜𝑜𝑟𝑑𝑒 𝑢𝑖𝑡 𝑚𝑦 𝑚𝑜𝑛𝑑.
𝐸𝑘 𝑔𝑎𝑎𝑛 𝑚𝑦 𝑚𝑜𝑛𝑑 𝑜𝑜𝑝𝑚𝑎𝑎𝑘 𝑣𝑖𝑟 '𝑛 𝑠𝑝𝑟𝑒𝑢𝑘,
𝑒𝑘 𝑔𝑎𝑎𝑛 𝑟𝑎𝑎𝑖𝑠𝑒𝑙𝑠 𝑢𝑖𝑡 𝑑𝑖𝑒 𝑣𝑒𝑟𝑙𝑒𝑑𝑒 𝑛𝑎 𝑣𝑜𝑟𝑒 ℎ𝑎𝑎𝑙.
𝑊𝑎𝑡 𝑜𝑛𝑠 𝑔𝑒ℎ𝑜𝑜𝑟 ℎ𝑒𝑡 𝑒𝑛 𝑤𝑒𝑒𝑡, 𝑤𝑎𝑡 𝑜𝑛𝑠 𝑣𝑜𝑜𝑟𝑜𝑢𝑒𝑟𝑠 𝑎𝑎𝑛 𝑜𝑛𝑠 𝑣𝑒𝑟𝑡𝑒𝑙 ℎ𝑒𝑡, 𝑚𝑎𝑔 𝑜𝑛𝑠 𝑛𝑖𝑒 𝑣𝑖𝑟 𝑜𝑛𝑠 𝑘𝑖𝑛𝑑𝑒𝑟𝑠 𝑤𝑒𝑔𝑠𝑡𝑒𝑒𝑘 𝑛𝑖𝑒.
𝐴𝑎𝑛 𝑑𝑖𝑒 𝑣𝑜𝑙𝑔𝑒𝑛𝑑𝑒 𝑔𝑒𝑠𝑙𝑎𝑔 𝑠𝑎𝑙 𝑜𝑛𝑠 𝑑𝑖𝑒 𝑟𝑜𝑒𝑚𝑟𝑦𝑘𝑒 𝑑𝑎𝑑𝑒 𝑣𝑎𝑛 𝑑𝑖𝑒 𝐻𝑒𝑟𝑒 𝑣𝑒𝑟𝑡𝑒𝑙: 𝑣𝑎𝑛 𝑠𝑦 𝑚𝑎𝑔 𝑒𝑛 𝑑𝑖𝑒 𝑤𝑜𝑛𝑑𝑒𝑟𝑠 𝑤𝑎𝑡 𝐻𝑦 𝑔𝑒𝑑𝑜𝑒𝑛 ℎ𝑒𝑡.
𝐻𝑦 ℎ𝑒𝑡 '𝑛 𝑏𝑒𝑝𝑎𝑙𝑖𝑛𝑔 𝑛𝑒𝑒𝑟𝑔𝑒𝑙𝑒̂ 𝑖𝑛 𝐽𝑎𝑘𝑜𝑏, '𝑛 𝑤𝑒𝑡 𝑣𝑎𝑠𝑔𝑒𝑠𝑡𝑒𝑙 𝑖𝑛 𝐼𝑠𝑟𝑎𝑒𝑙: 𝑊𝑎𝑡 𝐻𝑦 𝑜𝑛𝑠 𝑣𝑜𝑜𝑟𝑜𝑢𝑒𝑟𝑠 𝑏𝑒𝑣𝑒𝑒𝑙 ℎ𝑒𝑡, 𝑚𝑜𝑒𝑡 𝑎𝑎𝑛 ℎ𝑢𝑙𝑙𝑒 𝑘𝑖𝑛𝑑𝑒𝑟𝑠 𝑏𝑒𝑘𝑒𝑛𝑑 𝑔𝑒𝑚𝑎𝑎𝑘 𝑤𝑜𝑟𝑑, 𝑠𝑜𝑑𝑎𝑡 𝑑𝑖𝑒 𝑣𝑜𝑙𝑔𝑒𝑛𝑑𝑒 𝑔𝑒𝑠𝑙𝑎𝑔 𝑑𝑖𝑡 𝑠𝑎𝑙 𝑤𝑒𝑒𝑡, 𝑑𝑖𝑒 𝑘𝑖𝑛𝑑𝑒𝑟𝑠 𝑤𝑎𝑡 𝑛𝑜𝑔 𝑔𝑒𝑏𝑜𝑟𝑒 𝑚𝑜𝑒𝑡 𝑤𝑜𝑟𝑑, 𝑠𝑎𝑙 𝑜𝑝𝑠𝑡𝑎𝑎𝑛 𝑒𝑛 𝑑𝑖𝑡 𝑎𝑎𝑛 ℎ𝑢𝑙𝑙𝑒 𝑘𝑖𝑛𝑑𝑒𝑟𝑠 𝑣𝑒𝑟𝑡𝑒𝑙, 𝑒𝑛 𝑠𝑜𝑑𝑎𝑡 ℎ𝑢́𝑙𝑙𝑒 𝑤𝑒𝑒𝑟 ℎ𝑢𝑙𝑙𝑒 𝑣𝑒𝑟𝑡𝑟𝑜𝑢𝑒 𝑖𝑛 𝐺𝑜𝑑 𝑘𝑎𝑛 𝑠𝑡𝑒𝑙, 𝐺𝑜𝑑 𝑠𝑒 𝑑𝑎𝑑𝑒 𝑛𝑖𝑒 𝑣𝑒𝑟𝑔𝑒𝑒𝑡 𝑛𝑖𝑒 𝑒𝑛 𝑘𝑎𝑛 ℎ𝑜𝑢 𝑏𝑦 𝑠𝑦 𝑏𝑒𝑣𝑒𝑙𝑒.”
𝗗𝗶𝗲 𝗟𝗲𝘄𝗲𝗻𝗱𝗲 𝗘𝗿𝗳𝗲𝗻𝗶𝘀 𝗶𝗻 𝗷𝗼𝘂 𝗛𝘂𝗶𝘀𝗵𝗼𝘂𝗱𝗶𝗻𝗴
Dit is maklik om te dink dat die opvoeding in die geloof net aan leraars of Sondagskoolonderwysers oorgelaat moet word. Maar God het die gesin en die gemeenskap ontwerp as die primêre plek waar sy waarheid geleef en oorgedra word. Wanneer jongmense self die skoonheid van ’n lewe saam met God ontdek, het hulle ’n verantwoordelikheid teenoor ’n jonger boetie, sussie, of ’n maat om daardie lig te laat skyn. Dit hoef nie met groot preke te wees nie, maar deur die opregte manier waarop ons praat, vergewe, liefhet en getuig van wat God in ons lewe doen.
𝗕𝗲𝗹𝗲̂ 𝗶𝗻 𝗷𝗼𝘂 𝗙𝗮𝗺𝗶𝗹𝗶𝗲 𝘀𝗲 𝗥𝗲𝗱𝗱𝗶𝗻𝗴
Diegene van ons wat al bietjie ouer is, weet dat ons baie van wat ons weet van die Bybel en geloof op skool geleer het. Dit was ’n wonderlike tyd toe Godsdiensonderrig nog ’n vak op skool was. En omdat ouers daardie tyd al beide moes begin werk, weens stygende lewenskoste, was dit gerusstellend om te weet dat die skole ook ons kinders hiermee help. Ongelukkig het baie dinge verander in hierdie opsig en ouers moet besef dat dit nou hul verantwoordelikheid is—dit was eintlik nog altyd hul verantwoordelikheid gewees!
Maar baie ouers weet nie hoe of waar om te begin nie... Begin soos Asaf: Vertel hulle net. Wanneer ons nadink oor watter spesifieke geloofsbeginsel ons aan ’n jonger kind of ’n familielid wil oordra, gaan dit dikwels oor die kern van waarheid en vertroue: dat God altyd getrou bly, ongeag wat om ons gebeur. Om byvoorbeeld vir ’n jonger boetie of sussie te leer dat ons met al ons vrese en vrae altyd na God kan gaan in gebed, of om aan hulle te wys dat gehoorsaamheid aan God se Woord ’n veilige anker is, is van die kosbaarste dinge wat ons kan doen. Dit help hulle om vroeg reeds ’n persoonlike band met die Here te bou en gereed te staan vir sy koms.
“𝑊𝑎𝑡 𝑜𝑛𝑠 𝑔𝑒ℎ𝑜𝑜𝑟 ℎ𝑒𝑡 𝑒𝑛 𝑤𝑒𝑒𝑡, 𝑤𝑎𝑡 𝑜𝑛𝑠 𝑣𝑜𝑜𝑟𝑜𝑢𝑒𝑟𝑠 𝑎𝑎𝑛 𝑜𝑛𝑠 𝑣𝑒𝑟𝑡𝑒𝑙 ℎ𝑒𝑡, 𝑚𝑎𝑔 𝑜𝑛𝑠 𝑛𝑖𝑒 𝑣𝑖𝑟 𝑜𝑛𝑠 𝑘𝑖𝑛𝑑𝑒𝑟𝑠 𝑤𝑒𝑔𝑠𝑡𝑒𝑒𝑘 𝑛𝑖𝑒.”
🙏 𝗚𝗲𝗯𝗲𝗱:
Almagtige God, dankie vir die groot genade dat U u verlossingsdade ook aan my bekend gemaak het. Vergewe my wanneer ek selfsugtig is met my geloof en versuim om dit met ander te deel. Skenk my die wysheid en die vrymoedigheid om die skoonheid van U liefde en U Woord oor te dra aan die jonger geslag in my huis en my gemeente, sodat hulle ook hul hoop op U kan stel. Amen
𝗢𝗻𝘁𝗵𝗼𝘂 𝘃𝗮𝗻𝗱𝗮𝗴:
𝘋𝘪𝘦 𝘷𝘦𝘳𝘩𝘢𝘭𝘦 𝘷𝘢𝘯 𝘎𝘰𝘥 𝘴𝘦 𝘵𝘳𝘰𝘶 𝘦𝘯 𝘷𝘦𝘳𝘭𝘰𝘴𝘴𝘪𝘯𝘨 𝘪𝘴 𝘨𝘦𝘮𝘢𝘢𝘬 𝘰𝘮 𝘨𝘦𝘥𝘦𝘦𝘭 𝘵𝘦 𝘸𝘰𝘳𝘥, 𝘯𝘪𝘦 𝘰𝘮 𝘴𝘵𝘪𝘭 𝘵𝘦 𝘩𝘰𝘶 𝘯𝘪𝘦.
𝗟𝗮𝗮𝘁 𝗷𝗼𝘂 𝗹𝗲𝘄𝗲 𝘃𝗮𝗻𝗱𝗮𝗴 ’𝗻 𝗼𝗼𝗽 𝗯𝗼𝗲𝗸 𝘄𝗲𝗲𝘀 𝘄𝗮𝘁 𝗱𝗶𝗲 𝗷𝗼𝗻𝗴𝗲𝗿 𝗴𝗲𝘀𝗹𝗮𝗴 𝗵𝗲𝗹𝗽 𝗼𝗺 𝗵𝘂𝗹𝗹𝗲 𝗵𝗼𝗼𝗽 𝗲𝗻 𝘁𝗼𝗲𝗸𝗼𝗺𝘀 𝗶𝗻 𝗚𝗼𝗱 𝘁𝗲 𝘃𝗶𝗻𝗱.
© 𝒟𝓈. 𝒞𝒽𝓇𝒾𝓈𝓉ℴ 𝒮𝒸𝒽ℴℯ𝓂𝒶𝓃