پاکستان کی تعمیرنو 

انسان کو کامیابی کے لیے جو بڑے اسباب اللہ نے دیے ہیں ان میں پہلی چیز نیت ہے

اللہ کے پیارے نبی صل اللہ علیہ وآلہ وسلم 

نے فرمایا کی مومن کی نیت اس کے عمل سے بڑی ہوئی ہے آپ ﷺنے ارشاد فرمایا کہ تمام اعمال کا دارومدار نیت پر ہے اور ہر عمل کا نتیجہ ہر انسان کو اس کی نیت کے مطابق ہی ملے گا 

دوسری دعا ہے

دعا کو نبی اکرم ﷺ نے مومن کا ہتھیار قراردیاہےفرمایا   صرف دعا ہی قضا کو ٹالتی ہے اور صرف نیکی ہی عمر میں اضافہ کرتی ہے

تیسری اور آخری چیز کوشش ہے

خودی کو کر بلند اتنا کہ ہر تقدیر سے پہلے خدا بندے سے خود پوچھے بتا تیری رضا کیا ہے

وَاَنْ لَّیْسَ لِلْاِنْسَانِ اِلَّا مَا سَعٰی

انسان کے لیے وہی کچھ ہے جس کی وہ کوشش کرتا ہے

 تقدیر کے پابند نباتات و جمادات 

مومن فقط احکامِ الہٰی  کاہے پابند

نگاہِ مرد مومن سے بدل جاتی ہیں تقدیریں

جو ہو ذوق یقیں پیدا تو کٹ جاتیں ہیں زنجیریں

عمل سے زندگی بنتی ہے جنت بھی جہنم بھی 

یہ خاکی اپنی فطرت میں نہ نوری ہے نہ ناری 

افراد کے ہاتھوں میں ہے اقوام کی تقدیر

 ہر فرد ہے ملت کے مقدر کا ستارا

کیا کوئی شخص ایسا بھی ہو گا جو صرف اپنے بارے میں سوچے اور اپنے گھر کے بارے میں نہ سوچے

 اس شخص کو بڑا بےوقوف سمجھا جاے گا

کیا پاکستان کی عوام صرف اپنے بارے میں سوچتی ہے یا  پھر اپنے گھر پاکستان کے بارے میں بھی سوچتی ہے

افراد کے ہاتھوں میں ہے اقوام کی تقدیر

 ہر فرد ہے ملت کے مقدر کا ستارا

اقوام کی ترقی کا دارومدار انسان کی اندرونی کیفیت سے ہوتا ہے اگر انسان اندر سے جیت جاتا ہے تو بیرونی محاز پر بھی جیت جاتا ہے اور اگر وہ اندر سے ہار جاے تو وہ باہر کی دنیا میں بھی ہار جاتا ہے

کیا پاکستان کی عوام اندر سے ہار چکی ہے

افراد کے اتھوں میں ہے اقوام کی تقدیر

 ہر فرد ہے ملت کے مقدر کا ستارہ

انسانیت کے آغاز سے ہی ایک قتل ہو گیا لیکن اللہ کا عذاب نہیں آیا پھر اقوام اللہ کے ہاتھوں پوری کی پوری تباہ ہو گیں

اب نبی صلی اللہ علیہ وسلم کی برکت سے ایک ایسا عذاب تو نہیں آیے گا جس سے پوری امت تباہ ہو جاے لیکن مختصر عذاب کا کوڑا ضرور پژ سکتا ہے اس سلسلے فلسطین کشمیر اور بوسنیا کی مثال دی جاسکتی ہے

 کیا آج پاکستانی قوم بھی کسی مختصر عذاب کی منتظر ہے

انسانی معاشرے میں میاں بیوی گاڑی کے دو پہیے کی طرح ہوتے ہیں

 اگر یہ دونوں گاڑی کو اپنی طرف کھینچیں گے تو گاڑی کسی منزل پر نہیں پہنچ سکے گی اگر یہ دونوں مل کر اس گاڑی کو دھکا لگایا گے تویہ گاڑی ایک دن منزل مقصود پر پہنچ جاے گی 

پاکستان کی آدھی سے زیادہ آبادی خواتین پر مشتمل ہے جو کہ ایک بہت بڑی افرادی قوت ہے اگر یہی خواتین یہ فیصلہ کر لیں کہ ہم دن رات محنت کر کے اس ملک کو آگے لے کر جائیں گیں تو بھی اس ملک کو ترقی کرنے سے کوئی نہیں روک سکتا

کیا ہماری خواتین یہ ذمہ داری لینے کے لیے تیار ہیں

انسان کی ترقی میں مخل سب سے پہلا اس کا اپنا کردار ہوتا ہے 

اگر کردار اچھا ہو تو اللہ اس کو دنیا اور آخرت میں عزت دیتے ہیں اگر کردار برا ہو تو دنیا اور آخرت میں رسوائی۔ 

اب پاکستانی قوم نے یہ فیصلہ کرنا ہے کہ وہ کیا چاہتی ہے