پاکستان ایک ایسا ملک جو وجود میں آتے ہے اغوا ہو گیا 

کیا پاکستان وجود میں آتے ہی اغوا ہو گیا تھا 

جی ہاں جس دن مملکت پاکستان وجود میں آئی اسی دن اسے ایک مخصوص طبقے نے اغوا کر لیا تھا یہ طبقہ انگریزوں کا وفا دار طبقہ تھا  

اس طبقے نے اپنے ملک کا سودا اغیار سے چند ٹکوں کے عوض کر دیا اور آج بھی ان کی اولادیں انہیں ٹکوں پر پل رہی ہیں ان کے بچے اغیار کے تعلیمی اداروں میں تعلیم اور تربیت حاصل کرتے ہیں جہاں ان کو سکھایا جاتا ہے کہ کیسے وہ 20کروڑ عوام کو بیوقوف بنایں گے اور کیسے اس خطے میں اغیار کے مفادات کی نگرانی کریں گے  

اب سوال یہ ہے کہ ان سے چھٹکارا کیسے ممکن ہے تو اس کا بڑا آسان حل ہے  

جس شخص نے بھی پاکستان سے باہر جائیداد بنائی ہے اور جس کے بچے ملک سے باہر پڑھ رہے ہیں اس کے الیکشن لڑنےپر پابندی لگا دی جاے جب تک وہ اپنا سارا مال جائیداد اور اولاد پاکستان میں نہیں لاتا 

کیا پاکستان ہمارا پیارا وطن ہے 

پاکستان ہمارا پیارا وطن 

اگر پاکستان ہمارا پیارا وطن ہے تو پھر ہمیں اپنا پیارا وطن نوکری کی تلاش میں چھوڑنا کیوں پڑ رہا ہے 

 اگر پاکستان ہمارا پیارا وطن ہے تو ہم مذہب مسلک صوبائیت اور برادری کے نام پر ایک دوسرے کو برداشت کرنے کے لیے کیوں تیار نہیں 

اگر پاکستان ہمارا پیارا وطن ہے تو اس میں صرف غریب آدمی ہی کیوں روٹی کی چوری پر پکڑا جاتا ہے اور وہ آدمی جو روزانہ اس ملک کا سودا پیسوں کے عوض اغیار سے کر دیتا ہے وہ کیوں پکڑا نہیں جاتا 

اگر پاکستان ہمارا پیارا وطن ہے تو کیوں ہمیں انصاف کے لیے تھانے کچھیری اور عدالتوں کے چکر کاٹنے پڑتے ہیں  

اگر پاکستان ہمارا پیارا وطن ہے تو کیوں ہمیں ایک کمرے کی چھت ڈالنے کے لیے لاکھوں روپے کا سودی قرضہ لینا پڑتا ہے جس ہم بھی جانتے ہیں اور دینے والی بھی جانتا ہے کہ ہم اس کو کبھی اتار نہیں سکیں گیں پھر وہ ہمیں کیوں قرضہ دیتا ہے کیوں کہ وہ جانتا ہے کہ اس طریقے سے وہ ہمارے 7 نسلیں غلام بنا لے گا اور جان مال عزت کا بلا شرکت غیرے مالک بن کر من مانی کر سکے گا 

پاکستان میری زمین میری مٹی 

مکہ چھوڑتے وقت آپ صل اللہ علیہ وسلم کے الفاظ 

ہمارے نبی استاد پیرومرشد حضرت محمد صلی اللہ علیہ وسلم جب مکہ سے تشریف لے جارہے تھے تو آپ کے الفاظ تھے کہ اے مکہ مجھے تجھ سے محبت ہے میں تجھے کبھی نہ چھوڑتا اگر میرے شہر کے لوگ مجھے نہ نکالتے 

کیا وطنیت ایک تازہ بت ہے 

کیا اپنے وطن سے محبت Nationalism غیر اسلامی کام ہے 

کیا جب ہم سب سے پہلے پاکستان کہتے ہیں تو اس سے ہم کافر یا مرتد ہو جاتے ہیں 

کیا پاکستان اسلام کا ایک قلعہ نہیں ہے اور اس کی حفاظت ہماری اولین اسلامی زمہ داری نہیں ہے   

پاکستان ان ملکوں میں سے ہے جو اپنا کھانا خود پیدا کرتے ہیں لیکن پاکستان کے عوام کو یہ کھانا میسر نہیں 

پاکستان ان ملکوں میں سے ہے جو اپنی توانائی پیدا کرتے ہیں لیکن یہ توانائی پاکستان کے عوام کو میسر نہیں 

پاکستان ان ملکوں میں سے جو ساری دنیا کے روزگار کی ضروریات پورا کر رہا ہے لیکن پاکستان کے اپنے اندر روزگار نہیں 

پاکستان ان ملکوں میں سے ہے جن کی پیسے ساری دنیا کے بینکوں میں بھرے پڑے ہیں لیکن پاکستان کے اپنے عوام کی جیبیں خالی ہیں 

ہر مہینے کی پہلی تاریخ کو جب میں تمام بل ادا کر دیتا ہوں تو پھر خالی جیب لیے بیٹھ جاتا ہوں اور سوچتا ہوں پہلی تاریخ دوبارہ کب 

آئے گی 

پاکستان کا بنیادی اثاثہ اور سرمایہ کیا ہے  

پاکستان کا بنیادی اثاثہ اور سرمایہ  

پاکستان کا بنیادی اثاثہ اور سرمایہ پاکستان کے عوام اور بالخصوص نوجوان ہیں 

آپ نوٹ کریں کہ کوئی بھی گھر چلتا ہی اس گھر کے جوان افراد کی وجہ سے ہے ابو امی کی دوائیاں بچوں کی فیس بہن کی شادی کے اخراجات غرض تمام کا تمام گھر گھر کے جوان افراد کی طرف سے چلتا ہے  

اگر گھر کے جوان افراد کے پاس روزگار ہی نہ ہو تو نہ والدین کا علاج ہو سکے گا نہ  بچوں کی مناسب تعلیم ہو سکے گی اور نہ بہن کی شادی 

اب اس ایک گھر کے ماڈل کو ہم پاکستان تصور کر لیتے ہیں 

جہاں نئی نسل اور جوان نسل کے لیے روزگار کے صفر مواقع ہیں وہ ساری عمر محنت کر کے بھی ایک روپیہ جمع نہیں کر سکتے وہ اپنی ہر ضرورت کے لیے حکومت کی امداد کے منتظر رہتے ہیں جو حکومت ان کو مختلف پروگراموں کے تحت دے دیتی ہے لیکن روزگار نہیں دیتی کہ کہیں یہ اپنے گھر چلانے کے قابل نہ ہو جایں کیونکہ حکومت کو پتہ ہے کہ جب یہ اپنے پاؤں پر کھڑے ہو جائیں گے تو ان کو اپنی تقدیر سے کھیلنے اور ظالمانہ من مانیاں نہیں کرنے دیں گے  

پاکستان کیا کبھی اپنے پاؤں پر کھڑا ہو سکے گا 

جب بچہ ایک سال کا ہوتا ہے کہ اس کے والدین کوشش کرتے ہیں کہ یہ اپنے پاؤں پر کھڑا ہو جاے  

لیکن پاکستان پیدا ہوتے ہی یتیم ہو گیا اور اس کا بابائے قوم اسے دنیا کی ٹھوکروں کے سہارے چھوڑ گیا پیچھے کمزور مادر ملت اکیلی رہ گئیں جو اس نومولود کو گود میں اٹھائے اٹھائے پھرتی رہیں آخر کار درندوں کے ہاتھ جان گنوانے کے بعد پھر ایک بار اس کو بے سہارا کر گیں 

 اس کے بعد ظالموں نے اس کا آدھا دھڑ مشرقی پاکستان کاٹ ڈالا اور بازار میں بھیک مانگنے پر بٹھا دیا اب یہ آدھے دھڑ وآلہ بچہ کسی مسیحا کے انتظار میں بیٹھا ہے جو معجزاتی طور پر پھر سے اسے بھلا چنگا کر دے اور یہ بھی دوسرے اپنے ہم عمر بچوں کی طرح کھیلے کودے اپنے پاؤں پر بھاگے اسکول میں جاے 

 کیا ایسا ہو گا