Птушка-радасць
З 14 сакавіка - Гуканне вясны
А вы ведаеце, што раней у пачатку сакавіка жанчыны праводзілі абрад Гуканне вясны?
Замужнія бабы апраналі свае прыгожыя ўборы і выходзілі ў поле з заклічкамі.
Птушкі прыносілі на крылах вясну. Калі птушка садзілася на жанчыну, лічылася, што ўвесь год у яе будзе ўдалым і шчаслівым. Таму і абрадавая лялька ўся абсыпаная птушкамі, іх павінна быць няцотная колькасць, і адна абавязкова павінна сядзець на галаве. Ды і галаўны ўбор у лялькі таксама падобны на птушку, з галавой, крыламі і хвастом.
Вусная народная творчасць
Ой, выйдзем, дзевачкі,
На новае лета.
Зімавалі — не спевалі,
Весну ждалі...
Ой, чырочко-пташэчко,
Не залета далечэчко,
Не занось мойго венчыка.
Бо мой венчык-патрэбчык.
Братка жаніці,
Сястру замуж аддаці.
Сястру замуж аддаці,
Вяселле спраўляці.